اخر الاخبار

الخميس، 23 يوليو 2020

دبابيس الصحف


📌 دبابيس من صحف الخميس 23 يوليو 2020م
ه

ه
⚠   *سؤال غير بريء*:
👈   السؤال موجه لسلطات تسجيلات الأراضي فرع بحري شمال....
هل صحيح بالأمس تقدم أحد المحامين طالبا وبتوكيل من (علي كرتي) بطلب لاستخراج عدد (6) شهادات بحث لغرض البيع وهل فعلا تم تلبية طلبه بحجة أن رئيس التسجيلات لم يصله قرار من سلطته القضائية بالحجز على هذه القطع؟ .....
ه
ه
⚠   *سؤال بريء*:
👈   بغض النظر عن صحة تعيين امرأة والي لنهر النيل من عدمه ، السؤال موجه للذين يصرخون قائلين: (ما أفلح قوم ولوا أمرهم امرأة) ممكن تورونا أفلحتوا في شنو قبل أن تتولى أمركم امرأة؟؟.....
اتلهوا لهاتكم تقع.....
ه
ه
⚠   *أخبار الكورونا*:
👈   135 إصابة جديدة بكورونا وتسجيل 13 حالة وفاة في 5 أيام متتالية والصحة تدق ناقوس الخطر.
ه
ه
⚠   *مولانا جو بايدن قدس سره الشريف*:
👈   "جو بايدن" مرشح" الحزب الديمقراطي لانتخابات الرئاسة الامريكية ظهر في تسجيل مصور وهو يدعو المسلمين الى المشاركة في الانتخابات الامريكية وذلك لازاحة الرئيس الأمريكي دونالد ترامب من السلطة ويذكرهم بالحديث النبوى الشريف: من رأى منكم منكراً فليغيره بيده ،فإن لم يستطع فبلسانه ،فإن لم يستطع فبقلبه) ……
📌    طيب يا مولانا عليك الله هو في منكر أكبر من العقوبات الأمريكية على السودان.....
ه
ه
⚠   *حمدوك يصف تعيين الولاة المدنيين بالبداية للتغيير في الولايات*:
👈   أكد دكتور عبد الله حمدوك رئيس مجلس الوزراء أن تعيين الولاة المدنيين يمثل البداية الفعلية للتغيير في الولايات.
وقال رئيس مجلس الوزراء في مؤتمر صحفي بمقر مجلس الوزراء مساء أمس الأربعاء ان عملية الاختيار خضعت لمشاورات عميقة وانه تم  الإعتماد على الترشيحات القادمة من التنسيقيات ولجان قوى الحرية والتغيير  مشيرا إلى أن اختيار الولاة تم على أسس شملت آراء المكونات السياسية للفترة الإنتقالية......
📌    أها خم وصر ناس كسلا والقضارف رافضين الوالي وناس شرق دارفور رافضين الوالي وناس شندي ماشين عليك تقول لي مشاورات عميقة.....
ه
ه
📰   الوطن:
👈   اعلان الولاة المدنيين رسمياً... بينهم إمرأتان لأول مرة
📌   انت بس قول ربنا يعدي لك الموضوع دا على خير... 
ه
📰   الوطن:
👈    تعديل موازنة (2020) والمالية تكشف عن زيادة العجز
📌   حقو تاني تظبطوا العجز وتخلوا الميزانية تبقى زيادة فيهو
ه
📰   الوطن:
👈    السماح للقطاع الخاص باستيراد الوقود
📌   ايوااا دا الكلام الصاح وفكونا من دنانة الوقود المدعوم دي...
ه
📰   الوطن:
👈    فتح معبر أرقين للعالقين بعد اشتباكات مع الشرطة المصرية
📌   أهلك قبل أن تهلك
ه
📰   الوطن:
👈    مناوي: نحترم الأديان ونرفض استغلالها سياسياً
📌   وانت ايامك الكنت في القصر ديك قايل نفسك في الفاتيكان ؟
ه
📰   الوطن:
👈    المالية تتراجع وتخفض منحة العيد للقطاع العام
📌   من الأول كان يمدوا رجليهم على قدر لحافهم
ه
📰   الوطن:
👈    استقالة مديرة مكتب وزير الصناعة
📌   والله نحن ذاتنا كان لقينا طريقة نستقيل نخلي له البلد ما عندنا مانع
ه
📰   الوطن:
👈    حماية المستهلك: قضية الدواء خط أحمر
📌   انتو اقعدوا شخطوا في الخطوط والمستهلك يسوي في الطوط
ه
📰   ناسنا:
👈    الموازنة المعدلة تؤكد علي استمرار دعم القمح والادوية وغاز الطبخ
📌   نان فيها شنو الموية ذاتها قاطعة الميزانية دي ماتكون معمولة للنفس الطالع ونازل دا؟
ه
📰   ناسنا:
👈    الصحة تحذر من زيادة الإصابات بكورونا في الخرطوم
📌   اعمل ايه ما الباقي باقي واصلو دنيا (قحت) محن (مع الاعتذار للأغنية)
ه
📰   ناسنا:
👈   نيابة مكافحة الفساد تستجوب النائب الأول السابق
📌   و(معاو) سيجارة
ه
📰   السوداني الدولية:
👈   المالية: منحة عيد الأضحى مرتب شهر أساسي
📌   ياحُبي الأساسي يا النسيتني ناسي مهما كُنتَ قاسي او لى عهدي ناسي ليك يذداد حماسي...
ه
📰   السوداني الدولية:
👈   (7) مليارات دولار تتبخر سنوياً من عائدات الصمغ العربي بالسودان
📌   مافي رزقنا (نحن ناس مؤمنين)
ه
📰   السوداني الدولية:
👈    وزيرة المالية تسعى لتحديث مطابع السودان للعُملة
📌   عاوزين مطابع تطبع جنيه جبص عشان يكون قوي
ه
📰   السوداني الدولية:
👈    بعد تراجع أسعار الأراضي القطاع العقاري: سياسة تمكين النظام البائد ساهم في رفع أسعار العقار
📌   وليه لا اذا كان الواحد فيهم سبحتو فيها (99) قطعة أرض بدل الخرز
ه
📰   آخر لحظة:
👈    السودان: إقتصاديون: قرار المالية بشأن منحة عيد الأضحى سبب إحباطاَ واسعاَ وسط العاملين
📌   ما عليكم العاملين متعودين على الاحباط وكسر الخاطر
ه
📰   آخر لحظة:
👈    التنمية الإجتماعية توزيع 17499 بطاقات المحفظة الإلكترونية للأسر الفقيرة
📌   بس؟ هسع قادين راسنا وانتو عشرين الف ما تامينها ؟
ه
📰   آخر لحظة:
👈    اجتماع بين محلية جبل أولياء وتنسيقية الحرية والتغيير لحل شح مياه جنوب الحزام
📌   ههههاي كلين
ه
📰   آخر لحظة:
👈    السودان: تعديل الموازنة واتخاذ إجراءات طوارئ لمواجهة العجز
📌   العجز دا طواري ما كفاية عليهو ساعدوها ب كواريق وقفاف ويا حبذا لو لقيتو صاحب (شيول) ردم معاكم والا (كراكة)...
ه
📰   السوداني:
👈    رئيس الوزراء: نحن والشعب ضحايا ملف الإرهاب ولا حل غير المضي للأمام
📌   اوعك تكون قاصد للامام الصادق ؟
ه
📰   السوداني:
👈    حمدوك: المستشارين في مكتبي 4 فقط
📌   قول الشيخ خضر (3) أها الرابع منو ؟
ه
📰   السوداني:
👈    حمدوك: أحاديث المزرعة مجرد اشاعات
📌   اشاعات والا اكس راي؟
ه
📰   السوداني:
👈    رئيس الوزراء: نشعر بمعاناة شعبنا في ارتفاع الأسعار
📌   يا ابو شعور رقيقة تسمح لي دقيقه ورينا الفي بالك قول قول الحقيقيه
ه
📰   السوداني:
👈    عقد أولى جلسات محاكمة الحاج عطا المنان
📌   اها دا عمرو كم سنة؟ نحن تاني نسأل عن العمر قبل المحاكمة
ه
📰   السوداني:
👈    ولاية الخرطوم توفر الأضاحي بالأقساط للعاملين بالولاية
📌   دا تجسيد لمعنى كلكم راعي
ه
📰   السوداني:
👈    تعين مدير عام لوزارة الزراعة وأمناء عامين للشباب والرياضة والاستراتيجية والمعلومات
📌   بي كم؟
ه
📰   السوداني:
👈    مجلس الوزراء يبعد سفراء بعد تسميتهم لانتمائهم (للوطني المحلول)
📌   عاملين زي الزول ال بي ياكل في الضلمة
ه
📰   النيل الدولية:
👈    مجلس الوزراء: عجز الموازنة اصبح كبيرا جداً مما استدعى التعديل التدريجي لاسعار الصرف والدولار الجمركي
📌   الدولار الجمركي دا وسع من التعديل
ه
📰   النيل الدولية:
👈    الطوارئ الاقتصادية: ضبط سلع مهربة وشبكات للنقد الأجنبي
📌   اتنين في واحد
ه
📰   النيل الدولية:
👈    الجبهه الثورية السودانية تدشن نشاطها بالداخل
📌   جينا جينا كية للمابينا
ه
📰   تاسيتي الاخبارية:
👈    نيابة الفساد تستجوب بكري حسن صالح
📌   بكري دا بتاع هواء ما أظنه بتاع فساد
ه
📰   تاسيتي الاخبارية:
👈    المالية: الإيرادات انحفضت بنسبة (40%) بسبب (كورونا)
📌   ﻳﺎ ﺃﺭﺑﻌﻴﻨﻲ ﻫﺎﻙ ﺑﻌﺾ ﺣﺎﻟﻲ ﺍﻟﺒﻲ ﺭﻭﻗﻲ ﺃﺳﻤﻌﻴﻨﻲ
ه
📰   تاسيتي الاخبارية:
👈    حكومة الخرطوم تعلن عن (20) ألف أضحية للعاملين
📌   العاملين عليها والا العاملين بما علموا ؟
ه
📰   أخبار اليوم:
👈    السعودية تعتذر للسودان عن إيقاف صادر الهدي والأضاحي.
📌   تعتذر ليش؟ اغلطوا انتو يا حلوين نجيكم نحن بالاعذار
ه
📰   أخبار اليوم:
👈    قائد ثاني الدعم السريع: هناك من يدس لنا المحافير ويضع في طريقنا المعوقات بهدف اشعال الفترة الانتقالية.
📌   تصدق كلامك صاح وكلنا عارفين لكن منو ال بي يقول البغلة في الابريق
ه
📰   أخبار اليوم:
👈    قنصل عام مصر للسودانيين: وحشتونا
📌   نجيكم تدقونا نفوت منكم تقولوا وحشتونا
ه
📰   وكالة "سونا":
👈    حميدتي يتسلم المبادرة الاجتماعية للم شمل القبائل السودانية
📌   والله القبائل السودانية دي سوبر قلو مايلمها
ه
📰   وكالة "سونا":
👈    وفد مجلس السيادة ومعتصمي فتابرنو: تشكيل قوة عسكرية مشتركة
📌   شوفوا لكم ليها اسم كدا يكون فيهو (ميد) ان شاء الله تسموها أم ايد
ه
📰   وكالة "سونا":
👈    الفكي يقف على مشاكل مشروع الحامداب الزراعي
📌   طواااالي يقف تقول بالغ سيخة
ه
📰   وكالة "سونا":
👈    الحرية والتغيير: بعض قضايا اعتصام أمري يمكن حلها عبر لجان التفكيك
📌   يعني نقول يا فكيك والا كيف ؟
ه
📰   وكالة "سونا":
👈    حمدوك: مستمرون في استكمال وتحقيق مطالب مسيرات 30 يونيو
📌   قول والله
ه
📰   وكالة "سونا":
👈    حمدوك يصف تعيين الولاة المدنيين بالبداية للتغيير في الولايات
📌   تغيير نحو (ال) شنو ؟
ه
📰   وكالة "سونا":
👈    حمدوك: طلبنا البعثة الأممية وأكبر مساهماتها ستكون في ملف السلام
📌   ايوااا بس ركز لنا على البعثة الأممية دي نحن ناس جوة قنعنا منهم
ه
📰   وكالة "سونا":
👈    حمدوك يؤكد مواصلة التفاوض حول ملء وتشغيل سد النهضة
📌   هو اتملأ وانتهى شوفوا التشغيل
ه
📰   وكالة "سونا":
👈    صغيرون تؤكد مجانية تلقي المحاضرات عبر الانترنت
📌   طيب تلقي الانترنت ذاتو كيف؟
ه
📰   وكالة "سونا":
👈    وزير الداخلية يؤكد الاهتمام بمعالجة المسائل الهجرية للجاليات السودانية
📌   والله قريتها المجهرية
ه
📰   وكالة "سونا":
👈    وكيل وزارة الاعلام يعلن عن دورات تدريبية للاعلاميين بالولايات
📌   كدي دربوا ناس الخرطوم ال بي يختوا في الخلفية خريطة السودان بدون حلايب ويختوا العلم مقلوب
ه
ه
📌ابووضاح، 📌

ليست هناك تعليقات:

إرسال تعليق

Adbox