اخر الاخبار

الجمعة، 7 أغسطس 2020

دبابيس الصحف السودانية

 📌 دبابيس من صحف الجمعة 07 اغسطس 2020م

ه 

ه

⚠️ *لو....(1)*......:

👈 لو أن الحكومة بدلا عن توزيع الاضاحي بالاقساط قامت بتوزيع وحدات بايوغاز بالاقساط لحلت مشكلة الغاز وحلت تلاته ارباع مشكلة تراكم النفايات....

ه

ه

⚠️ *لو....(2)*......:

👈 لو أن الحكومة والشعب تعاونوا في باقي المجالات كتعاونهم على تكديس الاوساخ بشوارع الخرطوم لاصبح السودان دولة عظمى..... 

ه

ه

⚠️ *لو....(3)*......:

👈 لو غضب الجيش لكرامته منذ تسعينات القرن الماضي كغضبته لكرامة الكباشي لما بقيت الانقاذ 30 سنة جاثمة على صدر الأمة

ه

ه

⚠️ *لو....(4)*......:

👈 لو ما خربها وقعد على تلها لا بيكن ولا بيون... تعرفوهو والا اقول لكم عليهو؟ 

ه

ه

📰 الوطنْ:

👈 د. حمدوك يتلقى اتصالاً هاتفياً من وزير الخارجية الأمريكي .

📌 الو منو اهلا سلام يا طيب عمرنا و سوسنو 

ه

📰 الوطنْ:

👈 القبض على التجاني السيسي الرئيس السابق لسلطة دارفور الاقليمية .

📌 ال بيباري الجداد يدخلو في فتيل 

ه

📰 الوطنْ:

👈 خبير إقتصادي يستهجن حديث وزير الطاقة بشأن رفع أسعار الكهرباء .

📌 هي البلد دي لسع فيها خبراء اقتصاد وعندهم لسان كمان؟ 

ه

📰 الوطنْ:

👈 انتقادات لبطء الحكومة في إغاثة متضرري السيول والامطار .

📌 الحكومة في ناس جارينها من ضنبها 

ه

📰 الوطنْ:

👈 الدفاع المدنى: وفاة (10) مواطنين وإنهيار (3380) منزلا جراء السيول والأمطار بالولايات .

📌 هو الدفاع المدني قايلين شغلهم يعدوا الخسائر بس؟ 

ه

📰 الوطنْ:

👈 إعتصام محلية أبوجبيهة يدخل يومه العاشر دون إستجابة للمطالب .

📌 خلوا ناس (نيرتتي) يشففوكم 

ه

📰 الصيحة :

👈 سفير السودان ببيروت يروي للصيحة تفاصيل الإنفجار .

📌 دي فاتت الملحق الاعلامي بتاعنا كان عمل لنا فلم سماهو خفافيش بيروت

ه

📰 الصيحة :

👈 الكويت تبيد شحنة لحوم والسعودية ترجع (58) ألف رأس ماشية .

📌 مبروك 

ه

📰 الصيحة :

👈 فيضان النيل الأزرق يهدد الخرطوم والسلطات تحذر .

📌 تحذر منو ؟ تحذر النيل والا تحذر الناس 

ه

📰 الصيحة :

👈 السيول تحاصر (1000) مواطن بنهر النيل .

📌 رقم مميز

ه

📰 الصيحة :

👈 موقع أمريكي: تقاعس واشنطن يقوض الثورة السودانية .

📌 يعني امريكا تهمها الثورة السودانية في شنو؟ 

ه

📰 الإنتباهة :

👈 تطورات جديدة في قضية المهندسين التقنيين والفنيين بشركات الكهرباء .

📌 هو وينها الكهرباء لحدي ما يكون عندها مهندسين وكمان عندهم قضية؟ 

ه

📰 الإنتباهة :

👈 توجيهات مشددة من وزير المالية للجمارك .

📌 اصغر غفير في الجمارك يقول لك طظ في التوجيهات دي

ه

📰 الإنتباهة :

👈 الدولار يواصل الصعود وتجار يكشفون الأسباب .

📌 غيروا النغمة الانقاذية دي وقولوا الجنية يواصل الانخفاض

ه

📰 الإنتباهة :

👈 إرتفاع أعداد المصابين السودانيين في إنفجار ببيروت .

📌 ايوا كدا ، كنتوا عاوزين تطلعونا من المولد بلا مصابين 

ه

📰 الإنتباهة :

👈 قفزة هائلة في أسعار إيجار السيارات .

📌 هو في ناس بتأجر سيارات الزمن دا؟ 

ه

📰 الإنتباهة :

👈 كباشي: لم أصرح لوسائل الإعلام بشأن حادثة الحتانة .

📌 ولا قلت (حدس ما حدس) ؟

ه

📰 الإنتباهة :

👈 وفاة معتمد سابق في حادث مروري .

📌 له الرحمة والمغفرة 

ه

📰 آخر لحظة :

👈 التربية تسمح للمدارس بمراجعة المقررات للصف الثالث وفق ضوابط .

📌 بالمناسبة دي الجماعة سكتوا من (القراي) مالهم؟ 

ه

📰 آخر لحظة :

👈 وقفة إحتجاجية للعاملين ببنك الدم الأحد .

📌 اوع يكون ما عندهم دم ؟ 

ه

📰 آخر لحظة :

👈 المركز يتجاهل إعتصام أبوجبيهة في يومه العاشر .

📌 مصيرهم يشيلوا السلاح

ه

📰 التيار :

👈 الجبهة الثورية تعكف علي مناقشة قضايا إستراتيجية تخص السلام .

📌 بختهم.... شغل

ه

📰 التيار :

👈 والي جنوب دارفور يعد بحل نهائي لكهرباء نيالا .

📌 بتبااااالغ

ه

📰 التيار :

👈 تركاوي: وزارة الزراعة تشرع في زراعة محصول الأرز الهوائي بالولايات .

📌 الله يديها ليهو هواء 

ه

📰 التيار :

👈 مفرح يلتقي رؤساء الطوائف المسيحية بالسودان .

📌 (إنجيل لوقا 2: 14) «الْمَجْدُ للهِ فِي الأَعَالِي، وَعَلَى الأَرْضِ السَّلاَمُ، وَبِالنَّاسِ الْمَسَرَّةُ».

ه

📰 النيل الدولية :

👈 منصب رئيس بعثة الأمم المتحدة يثير جدلا في السودان .

📌 نموت نحن في الجدل 

ه

📰 النيل الدولية :

👈 (70) إصابة و (6) وفيات بـكورونا . 

📌 كورونا مسكينة بقى مافي زول شغال بيها

ه

📰 النيل الدولية :

👈 توقعات بهطول امطار بمعدلات متفاوتة بولايات السودان . 

📌 يعني صلعة وجاييها (قوب)

ه

📰 السوداني الدولية :

👈 نقص حصة الدقيق يؤدي إلى عودة صفوف الخبز بالخرطوم .

📌 عادي

ه

📰 السوداني الدولية :

👈 الثورية: توقيع إتفاق السلام خلال (14) يوماً .

📌 واليوم الواحد مقداره ألف سنة مما تعدون

ه

📰 تاسيتي الاخبارية :

👈 تعثر المفاوضات بين السيادي والمكونات الرافضة لتعين والي كسلا .

📌 انتو ليه ما تخلوهم يعملوا انتخابات للوالي؟ 

ه

📰 أخبار اليوم :

👈 (أخبار اليوم) ترصد مظاهر تردي صحة البيئة بسبب مخلفات الأضاحي والأمطار .

📌 تردي شنو قولوا وفاة البيئة ، موت البيئة ، ذهاب البيئة في ستين داهية

ه

📰 أخبار اليوم :

👈 فتح مطارات السودان جزئياً حتى 31 أكتوبر القادم .

📌 غايتو أكتر ناس متضررين هم جماعة سرقة الشنط من السير 

ه

📰 السوداني :

👈 النائب العام يلتقي وفد المقدمة للبعثة الأممية .

📌 اكرب وسطك عاد

ه

📰 السوداني :

👈 مدير عام قوات الشرطة يُوجِّه بتطوير الخدمة للمُواطنين .

📌 كدا حا يرفعوا علينا الهناي والذي منه 

ه

📰 السوداني :

👈 والي نهر النيل توجه بوقف تصاديق الوقود ومراجعة وكلاء الدقيق والغاز .

📌 عفيت منها ، لكن بي يلحقوها خاشقجي

ه

📰 السوداني :

👈 انسحاب قوات التأمين من أماكنها دون تنسيقٍ غير مقبول .

📌 دا اسمه يافيها يا افسيها 

ه

📰 السوداني :

👈 مطالب بتعيين موزعين مؤهلين لدقيق الخبز .

📌 ونقترح جلب موزعين اجانب من الفلبين أو الهند

ه

ه 

📌ابووضاح 📌


ليست هناك تعليقات:

إرسال تعليق

Adbox