اخر الاخبار

الخميس، 27 أغسطس 2020

دبابيس من الصحف السودانية

 📌 دبابيس من صحف الخميس 27 أغسطس 2020م

ه

ه


⚠   *سؤال من غير زعل*:

👈   مجمع اليرموك - التصنيع الحربي- الذي بدأت أعمال الإنشاء فيه عام 1994م وتم افتتاحه في عام 1996، هل تم انشاءه من أموال تعويضات متضرري حرب الخليج التي دفعتها الامم المتحدة والتي تسلمتها حكومة الانقاذ على دفعات ، اول دفعة منها عام 1994 والا دا تشابه اسماء؟؟.....   

ه

ه 

⚠   *طلب خاص*:

👈   الفاهم الحزب الشيوعي عاوز شنو وناوي يوصل لي شنو والمتحدث الرسمي بتاعو اسمه منو يتفضل يشرح لينا عشان ما نظلمو وعشان راسنا ما يلف.....

ه

ه

⚠   *تهنئة واجبة*:

👈   نهنئ الزواحف ونبارك لهم قروبات الواتساب والفيسبوك الجديدة والتي تدعوا لجمع صفوفهمو وتوحيد كلمتهم والهادفة لدعم القوات المسلحة والخروج الى الشارع لاصدار التفويض الذي طلبه البرهان.....

📌   نتمنى لكم التوفيق وربنا يديكم قدر نيتكم..... أظن دا كلام مابيزعل الا اذا كانت نيتكم حاجة تانية لا سمح الله....  

ه

ه 

⚠   *لقاء حمدوك مع بومبيو*:

👈   أكد رئيس الوزراء د. عبد الله حمدوك أنه أجرى مباحثات مباشرة وشفافة مع وزير الخارجية الأمريكي مايك بومبيو ناقشا فيها حذف اسم السودان من قائمة الدول الراعية للإرهاب، العلاقات الثنائية ودعم الحكومة الأمريكية للحكومة المدنية.   ودعا حمدوك الإدارة الأمريكية بحسب صحيفة الصيحة، لضرورة الفصل بين عملية رفع اسم السودان من قائمة الدول الراعية للإرهاب ومسألة التطبيع مع إسرائيل........

📌   رغم عدم اعتراضي الشخصي على التطبيع لكن كلام حمدوك سحب البساط من تحت ارجل البرهان ومفروض يكون البرهان فهم انه السياسة الخارجية مسؤولية الحكومة المدنية وليس العسكر ..... 

ه

ه

📰   الوطن:

👈    حمدوك يصدر قرار بإعفاء وزيرة الصحة

📌   هو حمدوك دا رئيس وزراء والا مدير قروب واتساب؟ 

ه

📰   الوطن:

👈   الشرطة تطوق عمارة الذهب بالخرطوم 

📌   اللهم لا شماتة 

ه

📰   الوطن:

👈   الكونغرس الأمريكي يكشف قيمة التسوية مع السودان في قضايا الارهاب 

📌   مفروض تجمع من اموال الكيزان صالحهم على طالحهم ان كان فيهم صالح

ه

📰   الوطن:

👈   والي الخرطوم يقيل مسؤلين ويكون لجنة لمراجعة ملفات الموظفين

📌   أحسنت 

ه

📰   اليوم التالي: 

👈   والي الخرطوم يصدر قراراً بإعفاء مفوض تشجيع الاستثمار

📌   ما سمعناهو شجع حاجة ولا حتى هلال مريخ 

ه

📰   السوداني الدولية:

👈   من يحدد توقفها”جدل العملة ما بين شغالة وما شغالة” 

📌   العملة تتغير بس 

ه

📰   السوداني الدولية:

👈   الدولار يهبط بعد اتصال ناجح بين أميركا والصين 

📌   ان شاءالله يقع في الواطة 

ه

📰   السوداني الدولية:

👈   الحركة التعاونية: الموجهات التي وضعتها الصناعة تعيق عمل التعاونيات 

📌   يمكن معمولة على مقاس الجردليات وليس التعاونيات

ه

📰   آخر لحظة: 

👈   إعفاء مسؤولين كبار بالخرطوم وغليان في كسلا

📌   ركزوا على غليان كسلا دا 

ه

📰   آخر لحظة: 

👈   (355) مليون دولار مقابل إزالة السودان من (الإرهاب)

📌   يا بلاش والله 

ه

📰   آخر لحظة: 

👈   حمدوك يزور سد النهضة الشهر المقبل

📌   كععع.... باقي دا ناوي يعبر برااااهو

ه

📰   آخر لحظة: 

👈   النيل .. مستويات غير مسبوقة والري تحذر

📌   نفسي أعرف ناس الري ديل شغالين شنو غير التحذير 

ه

📰   آخر لحظة: 

👈   غرب كردفان: منع حركة العربات الحكومية بعد الدوام

📌   مبروك..... قدام 

ه

📰   تاسيتي الاخبارية: 

👈   النيل يتجاوز الحواجز الترابية في عدد من مناطق الخرطوم

📌   وصل المنشية ؟ 

ه

📰   تاسيتي الاخبارية: 

👈   المركز يُرسل تعزيزات شرطية لإحتواء الموقف بكسلا

📌   طالما في غلاغل المركز كله مفروض يمشي هناك 

ه

📰   تاسيتي الاخبارية: 

👈   استرداد عوائد ذهب قيمتها أكثر من (3) مليار و (205) مليون جنيه

📌   قول والله 

ه

📰   تاسيتي الاخبارية: 

👈   البجا: الحرية والتغيير تتحمل نتائج الأحداث الدامية بكسلا

📌   يعني ما الحركة الشعبية ؟ 

ه

📰   النيل الدولية:

👈   اتفاق الحكومة والحركات المسلحة حول دمج القوات

📌   الحركات برضو عندها شركات أها حا تدمجوا شركات الحركات مع شركات الجيش والا كلها حا تسلموها المالية ؟ 

ه

📰   النيل الدولية:

👈   ضغوط على الكونغرس لمعارضة إتفاق محتمل لشطب السودان من قائمة ”الإرهاب“

📌   تتعارض لهم شوكة في حلقهم 

ه

📰   النيل الدولية:

👈   مسيرة لوزارة العدل لتجريم التحرش

📌   أول التحرش مسموح ؟ والله ما اعرف الا منك يا ابوحميد (على قول عادل امام) 

ه

📰   النيل الدولية:

👈   وزارة الصحة بالخرطوم تطلق حملة الرش بالطائرات

📌   هي ما طلقوها لي هسع؟

ه

📰   النيل الدولية:

👈   الشيوعي: نرفض سياسة الحكومة الاقتصادية التي تسير  في نفس طريق سياسات دكتاتورية الانقاذ

📌   أوكي ، ماهو البديل ؟ عندكم بديل والا ترفضوا وخلاص

ه

📰   السوداني: 

👈   الخطيب: نقف مع قضايا قوى التحرر الوطني ونرفض التطبيع 

📌   نحن نقف مع قوى التحرر الوطني ونقف مع الفلسطينيين في المطالبة بحقهم وأرضهم ولا نرفض التطبيع وين المشكلة؟ حا يجينا تسمم يعني؟ حا نرجع الأكلناهو ؟ 

ه

📰   السوداني: 

👈   “حميدتي” يدعو حركات الكفاح المسلح التعجيل بتوقيع اتفاق السلام الشامل 

📌   لقد اسمعت اذ ناديت حيا ولكن لا حياة لمن تنادي 

ه

📰   أخبار اليوم: 

👈   والي كسلا: المجموعة التي ترفض تعييني لم تقدم أي حجج لرفض شغلي لموقع الوالي. 

📌   خايفين تحكها معاهم في موضوع البدون 

ه

📰   أخبار اليوم: 

👈   بعد محاصرة الشرطة لمجمع الذهب  :  شيخ الصاغة (لأخبار اليوم ) : الحملات هدفها العملة وما تم العثور عليه لا يذكر. 

📌   ما ضروري المهم النضافة والضبط 

ه

📰   أخبار اليوم: 

👈   الحكم بالاعدام شنقا في مواجهة ثمانية أجانب أدينوا بقتل شاب.

📌   ولاد ام زقدة 

ه

📰   وكالة "سونا":

👈   دقلو يؤكد تصميم أطراف التفاوض للوصول لإتفاق سلام شامل

📌   شغلهم دا ماهو شغل ناس حريصين على السلام 

ه

📰   وكالة "سونا":

👈   تاور يشهد ورشة الأثر البيئي للتنقيب عن النفط

📌   أها بعد الندوة اتعهد لهم بي شنو ؟ 

ه

📰   وكالة "سونا":

👈   لجنة النظر في قضايا المفصولين تعسفياً تصدر عددا من القرارات

📌   دي حاتكون اول لجنة غير لجنة التفكيك من شوال اللجان تصدر قرار 

ه

📰   وكالة "سونا":

👈   مجلس البيئة بالخرطوم يدعو للاستفادة من تقنيات الطاقات المتجددة

📌   ازااااي ؟ وضح 

ه

📰   وكالة "سونا":

👈   والي الخرطوم يصدر قراراً بتكون لجنة لحصر الأصول و الممتلكات

📌   سيصرخون 

ه

📰   وكالة "سونا":

👈   والي الخرطوم يصدر قرارا بتكوين لجنة لمراجعة ملفات وأوضاع الموظفين

📌   تاني سيصرخون 

ه

📰   وكالة "سونا":

👈   تنفيذي ابوحمد يدعو لتسهيل معاش الناس وتوفير السلع الاستراتيجية

📌   انت تنفيذي شنو القرى عندك غرقانة والمدارس اتماصت في البحر تقول لي معاش الناس

ه

📰   وكالة "سونا":

👈   ضبط (1122) جوال سكر و(150) جوال دقيق مدعوم بنهر النيل

📌   نارك زايده آلامنااااا ، جننتينا يا آمنه ، حرام تنسيها أيامنااااا 

ه

📰   وكالة "سونا":

👈   مشروع الجزيرة: انهيار 85% من شبكة الري بالمشروع

📌   بشارة الرخمة 

ه

📰   وكالة "سونا":

👈   لجنة لمراجعة تصاديق الأراضي الإستثمارية والزراعية والسكنية بالجزيرة

📌   أممممك دخلوا عش الدبابير 

ه

📰   وكالة "سونا":

👈   والي القضارف:اجراءات للتحكم في التسلل عبر الحدود الشرقية

📌   أكرب قوي 

ه

📰   وكالة "سونا":

👈   تنفيذي الدامر وبربر يتفقدا المناطق المتاثرة بفيضان النيل

📌   ان شاءالله التفقد يتبعه قرارات تخفف المعاناة 

ه

ه

📌ابووضاح 📌

ليست هناك تعليقات:

إرسال تعليق

Adbox