اخر الاخبار

السبت، 8 أغسطس 2020

دبابيس الصحف

 📌 دبابيس من صحف السبت 08 اغسطس 2020م

ه 

ه

⚠️ *سؤال تحتو كلام*......:

👈 شركة بيست انفيستمنت التي تم منحها عطاء فارهات السيادي الذي تم سحبه ، صاحبها منو؟ ومكانها وين؟ وعمرها وخبرتها قدر شنو؟.... 

📌 الكوزنة سلوك وليست عرق ولا عقيدة.....

ه

ه 

⚠️ *لو....*......:

👈 لو كنت مكان جمال عنقرة لعملت (عيزومة) كاربة للسر قدور ..... 

ه

ه 

⚠️ *من ترك عادته قلت سعادته*......:

👈 قالت القوات المسلحة السودانية إنّ قواتٍ تتبع للحركة الشعبية جناح الحلو اعتدّت على مرحال الرعاة العائدين من الجنوب إلى الشمال بجانب القوة التي تعمل في تأمينه والتابعة لها.

وأشارت خلال بيانٍ صادرٍ أمس ”الجمعة”، أطّلع عليه ”باج نيوز” إلى أنّ قوات الحركة الشعبية نصبت الكمائن وزرعت الألغام في طريق المرحال بمنطقة خور الورل بجنوب كردفان.

وأوضحت أنّ العملية أسفرت عن إزهاق عديد من أرواح المواطنين والقوات النظامية وتدمير معدات عسكرية ومدنية.

وأكّدت القوات المسلّحة السودانية أنّها ستقوم بواجبها اللازم وتأمين حركة المواطنين وضمان ممارسة حياتهم الطبيعية وحمايتهم مع الالتزام التام بوقف إطلاق النار.....

📌 يمكن يكون دا تمرين ، الجرجرة طالت والجماعة خايفين ينسوا الشغل......

ه

ه

⚠️ *قصة قصيرة*: 

👈 قرية (ودشنينه) ريفي المحيريبا.....

قالوا: الخريف عذبهم ولأن الحكومة ما فاضية ليهم او يمكن تكون ما سمعت بي حلتهم دي ذاتها ففكروا يعملوا كبري وترس يحمي قريتهم من الخريف....

بالمجهود الشعبي....

جمعوا كم مليار من مالهم الخاص وجاءتهم شركه لتنفيذ المشروع سلموها القريشات والشركة نزلت العمال والمعدات وبدأت في الردمية....

ورحب الاهالي بالشركة والعمال وبالكرم الشعبي المعهود شبكوهم ليك اكل واعاشة وكل يوم خمسه بيوت من القريه يعملوا الفطور والغداء والشاي والقهوة وهاك يا اكل وهاك يا شراب وهاك يا جرجرة وشغل كحيان ويوم نايم ويوم نعسان.... والخريف علي الابواب وكل مرة اها العمل تم؟ لا والله لسع ما تم....

لحدى ما (فجعتن) جاءهم الخريف والكبري لم يتم تشييده والردميه كانت عبارة عن كيمان تراب.....

جات المويه بتاعة كل سنة وشالت الردمية و(حدس ما حدس).....

ه

ه

📰 الوطنْ:

👈 وزير الثقافة والإعلام : اولوياتنا وضع السياسات الثقافية والبني التحتية للثقافة

📌 زيقيلم 

ه

📰 الوطنْ:

👈 التربية والتعليم بالخرطوم تسمح بحصص المراجعة لطلاب الشهادة السودانية

📌 ننتهز الفرصة لنحيي الاحياء ونترحم على من مات من المدرسين الذين كانوا يراجعون معنا دروسنا مجانا وباخلاص وغيرة اكتر من غيرة اهلنا وذلك قبل ان يحتل التتار وعبدة الدولار البلد...

ه

📰 الوطنْ:

👈 مناسيب المياه تتجاوز منسوب الفيضان في كل من الخرطوم وعطبرة

📌 كان كدي يعوضنا الله في موية الشراب

ه

📰 الوطنْ:

👈 الجبهة الثورية تعكف على مناقشة قضايا استراتيجية تخص السلام

📌 اعتكافها دا حدو متين ؟ 

ه

📰 الوطنْ:

👈 مفوضيّة العون الانسانيّ تجتمع بالمنظمات لدرء آثار السيول والفيضانات

📌 ان شاءالله يكون لقوا مكان ناشف يجتمعوا فيهو

ه

📰 الوطنْ:

👈 والى شمال كردفان يصدر قرارات بإعفاء وتعيين عدد من المسئولين

📌 بِلَّهم خلي موياتهم تضرب

ه

📰 اليوم التالي:

👈 بيان من المجلس السيادي بخصوص صفقة السيارات

📌 ما عاوزين بيان عاوزين تحقيق ، لازم تتحك لحدي ما تجيب الدم 

ه

📰 اليوم التالي:

👈 الحزب الشيوعي: قوى الحرية والتغيير لم تشارك في اعداد مشروع تنظيم الحكم اللامركزي

📌 مافاضين قاعدين يجابدوا في الوظائف ، شي ولاة وشي وزراء 

ه

📰 آخر لحظة: 

👈 مراجعة ضوابط استيراد واعفاءات بعض الواردات

📌 المخدرات اسمها مكتوب؟ 

ه

📰 آخر لحظة: 

👈 السيادي يوقف صفقة شراء سيارات أثارت ضجة

📌 ما ينفعش ، زمن الغطغطة والدسديس انتهى

ه

📰 آخر لحظة: 

👈 سرقة هاتف والي النيل الابيض خلال احتفالات استقباله

📌 أممممك.... دا ماشي يحرس شنو وكت غالبه يحرس تلفونو؟ 

ه

📰 آخر لحظة: 

👈 أعيان (الحتانة) يعتذرون لكباشي وعنقرة

📌 الحمدلله الذي لم يجعلنا من اعيان الحتانة 

ه

📰 آخر لحظة: 

👈 تعرض تاور ومستشار حمدوك وأخرين لحادث مروري. 

📌 عاوزين يقنعونا انهم محتاجين لعربات جديدة ، والله كان يركبوا الكركابة مافي ليهم عربات جديدة 

ه

📰 السوداني: 

👈 تاور يصل كسلا ويعقد اجتماعاً مغلقاً

📌 يمكن مغلق عشان فقد هدومو في الحادث

ه

📰 السوداني: 

👈 الشيوعي :تجاوز الحكومة لقوى التغيير في اتخاذ القرارات أمر لايمكن السكوت عليه 

📌 هي الحكومة شنو وقوى التغيير شنو؟ حيرتونا ذاتو 

ه

📰 السوداني: 

👈 حزب الأمة يرفض المشاركة في مجلس الوزراء

📌 هيهيهيهيييييي ، غشاني يا عمدة

ه

📰 النيل الدولية:

👈 بعد تبادل إطلاق نار.. ضبط 455 طبنجة معدّة للتهريب بالقضارف

📌 ممكن نعرف التهريب الى وين؟ 

ه

📰 النيل الدولية:

👈 الدفاع المدني بنهر النيل يدعو المواطنين للابتعاد عن مجاري الأنهار

📌 هو الدفاع المدني ما مخاصم الوالي مع القوات النظامية بتاعة الولاية

ه

📰 أخبار اليوم:

👈 والي الخرطوم يعلن عن حملة نظافة كبرى وشاملة بالولاية الأيام القادمة.

📌 افلح ان صدق

ه

📰 أخبار اليوم:

👈 جنوب كردفان.. تدشين عمل القوات المستركة لفرض هيبة الدولة.

📌 في خبز وغاز لي هيبة الدولة والا تفرضوها رجالة ساكت؟ 

ه

📰 وكالة "سونا":

👈 القوات المسلحة تستنكر اعتداءات الحركة الشعبية - جناح الحلو على المواطنين

📌 عادي ياهو شغلكم 

ه

📰 وكالة "سونا":

👈 وزارة الصحة: إجمالي اصابات فايروس كورونا 11894

📌 ماشين كويس 

ه

📰 وكالة "سونا":

👈 مدير الاحصاء يلتقى كبير مسئولي الشئون السياسية لإقليم أفريقيا بالأمم المتحدة

📌 ثم ماذا ؟ 

ه

📰 وكالة "سونا":

👈 شمال كردفان تستهدف تطعيم 900 الف راس من الماشية

📌 هسع المصدرين يسيبوا ال900 الف مطعم دي ويصدروا الغير مطعم 

ه

📰 وكالة "سونا":

👈 الزكاة تدشن برنامج توزيع الدعم النقدي للفقراء باللعيت

📌 ابن حلال يفهمنا طريقة التوزيع واختيار المناطق دا وهل عنده آلية محددة والا أخوي وأخوك 

ه

📰 وكالة "سونا":

👈 لجان مقاومة سوق أبوزيد تضبط 48 جركانة زيت طعام فاسدة

📌 والله حقو تخلوهم يشربوها 

ه

📰 وكالة "سونا":

👈 والي شرق دارفور يتفقد أوضاع المواطنين المتاثرين بالسيول والامطار بالضعين

📌 طيب ما دا شغلو الجديد شنو؟ 

ه

📰 وكالة "سونا":

👈 مكافحة التهريب بالقضارف تحبط محاولة تهريب وقود مدعوم لخارج البلاد

📌 خارج البلاد لي وين يعني؟ 

ه

📰 وكالة "سونا":

👈 والي الجزيرة يزور مشائخ الطرق الصوفيه وأنصار السنه بالمناقل

📌 سيب الدروشة دي وركز على المفيد

ه

ه 

📌ابووضاح 📌

ليست هناك تعليقات:

إرسال تعليق

Adbox