اخر الاخبار

الثلاثاء، 18 أغسطس 2020

دبابيس الصحف

 📌 دبابيس من صحف الثلاثاء 18 أغسطس 2020م

ه

ه

⚠   *مجرد سؤال*:

👈    لو كل الناس ال بي تتكلم في السياسة سواء مع او ضد والناس ال بي تلعن في الوضع السيئ ديل ، لو كل واحد فيهم زرع له حبة بطاطس واحدة في جردل رملة وكل يومين صب عليها كوز موية تخيل بعد تلاتة شهور حا يكون عندنا بطاطس قدر شنو؟؟ ......

ه

ه

⚠   *أخبار كورونا*:

👈   (62) إصابة جديدة بكورونا و(5) حالات وفاة

ه

ه

⚠   *من واقعنا*:

👈    في جريدة الجريدة عدد أمس 17 أغسطس جاء في الصفحة (4) اعلان يغطي نصف الصفحة تعلن فيه احدى المنظمات العاملة في السودان عن وظيفة ، الطريف في الموضوع حسب الاعلان تقديم الطلبات ينتهي في أو قبل 25 يوليو الماضي.......

📌   على قول الخال الرئاسي قل لي بربك ماذا ننتظر من هكذا منظمات......  

ه

ه 

⚠   *قرار بتسليم المواشى للسعوديين بنظام ال (F.O.B)*:

👈   الخرطوم: تاسيتي نيوز.... أصدر دكتور عادل فرح إدريس وزير الثروة الحيوانية والسمكية المكلف قراراً بتسليم كافة المستوردين السعوديين المواشي السودانية علي ظهر الباخرة وهو طريقة استلام متعارف عليها تعرف بـ(F.O.B) ، وبين القرار أن المستورد هو صاحب الماشية والباخرة ويتحمل المسئولية .

وجاء القرار بعد تكرار رجوع بواخر الماشية من ميناء بالسعودية إلى ميناء بورتسودان بالبحر الأحمر.......

📌   عليك نوووووور ، وشيل دا عن دا يرتاح دا من دا 

ه

ه

📰   الوطن:

👈    اعتقال الفريق هاشم عثمان  الحسين

📌   سبحان من يغير ولا يتغير 

ه

📰   الوطن:

👈   الوساطة:الحكومة وحركة عقار اتفقتا على دمج القوات

📌   عقبال التحلية أقصد عقبال الحلو  

ه

📰   الوطن:

👈   إرجاع باخرة ماشية جديدة ومطالبة بحل لجنة تنظيم البواخر

📌   حل شنو ديل مفروض يدقوهم عديل 

ه

📰   الوطن:

👈   والي النيل الأزرق (للوطن): تعلية الرصيرص جاءت وبال على مواطني الولاية 

📌   نكسرو ؟ 

ه

📰   الوطن:

👈   لجان المقاومة تعلن التصعيد ضد حكومة حمدوك

📌   لغاية اول البارح تنتقد حمدوك يقولوا لك كوز هسع داخلين على مرحلة ما تنتقد حمدوك انت كوز 

ه

📰   الوطن:

👈   5 جنيهات للخبز التجاري بالخرطوم

📌   خمسة وخميسة في عين العدو 

ه

📰   السوداني الدولية:

👈   لجنة من قوى الحُرية والتغيير لحل مشكلة والي كسلا 

📌   طيب هي المشكلة مع منو اساساً 

ه

📰   السوداني الدولية:

👈    الدولار يرتفع لـ(170) جنيهاً في السوق الموازي 

📌   هو السوق دا موازي لي شنو بالضبط ؟ هو في غيرو ؟ 

ه

📰   السوداني الدولية:

👈    أديب ليس من حق حميدتي التعليق على لجان التحقيق 

📌   يازول الله ما ليك؟ المنقة كلها اليومين ديل عند حميدتي 

ه

📰   آخر لحظة: 

👈   الشرطة تفض مواكب "جرد  الحساب" و(المهنيين) يعلن التصعيد

📌   الشرطة كان تقولوا ليهم نحن زواحف كان فتحوا لكم الدرب 

ه

📰   آخر لحظة: 

👈   حمدوك يسحب صلاحياته من وزير ومطالبة بإقالة مدني 

📌   كيف يعني؟ خلاهو وزير بدون صلاحيات ؟ 

ه

📰   آخر لحظة: 

👈   توقف بيع الدقيق  التجاري  والدولار يواصل الارتفاع 

📌   ود ام زقدة ، الدقيق غلبو يجاري الدولار 

ه

📰   اليوم التالي: 

👈   تجمع المهنيين: رئاسة الوزراء استفزت الثوار وخياراتنا للتصعيد مفتوحة

📌   يا قول الشيعة الله ومحمد وعلي معاكم 

ه

📰   اليوم التالي: 

👈   وقفة احتجاجية من رجال الأعمال أمام وزارة التجارة تطالب بإقالة وزير الصناعة والتجارة مدني عباس مدني  

📌   اللهم لا بتاعة 

ه

📰   تاسيتي الاخبارية: 

👈   الوساطة: توقيع السلام بالأحرف الأولى قريباً

📌   انتو الأحرف الأولى دي لي شنو؟ التوقيع الكامل حار والا بي يبعر؟ 

ه

📰   تاسيتي الاخبارية: 

👈   الشرطة تطلق الغاز المسيل للدموع على موكب (جرد الحساب)

📌   الحمدلله وقفت على الشرطة وما جونا الناس ال لابسين لبس الدعم السريع وراكبين تاتشرات بدون ارقام وشايلين خراطيش وبساطين 

ه

📰   تاسيتي الاخبارية: 

👈   قرار بتسليم صادر الماشية للسعودية من الباخرة

📌   والله مفروص تسلموهم ليه في المرعى ذاتو 

ه

📰   السوداني: 

👈   حميدتي في جوبا وتوت يعلن التوقيع على وثيقة السلام 28 أغسطس الحالي 

📌   توت عنخ آمون؟ 

ه

📰   السوداني: 

👈   الري: استقرارفي مناسيب النيل 

📌   ان شاءالله ما يغير رأيه 

ه

📰   السوداني: 

👈   البرهان يمنح السلطات بجنوب كردفان تفويضاً لحل المشكلات بشكل أهلي 

📌   بسم الله اول دي عاوزة تفويض؟ 

ه

📰   السوداني: 

👈   «هدسون»: أسر ضحايا 11 سبتمبر تسعى لإيقاف رفع السودان من قائمة الإرهاب 

📌   لا تجبرونا نتلفظ  

ه

📰   السوداني: 

👈   الحزب الإتحادي «الموحد» يجمد عضويته في الحرية والتغيير 

📌   اول هو عضو فيها؟ 

ه

📰   النيل الدولية:

👈   الحلو: مفاوضات جوبا محاولة لتحقيق «سلام جزئي»

📌   جزئي قدر شنو يعني (عُشر) ، (ثمن) ، (سدس) ، (ربع) ورينا خلينا نعرف 

ه

📰   النيل الدولية:

👈   قيادي بالاتحادي الأصل يتهم لجنة التفكيك بممارسة مهام أمنية

📌   دا حسد ساكت ، يكون زعلان في ال 865 ألف جنيه بتاعة المخصصات دي 

ه

📰   النيل الدولية:

👈   تنقلات للرتب العليا في الجيش السوداني

📌   دا كلام جيش ساكت 

ه

📰   النيل الدولية:

👈   والي الخرطوم: الشرطة استخدمت «القوة المفرطة» ضد مسيرات «جرد الحساب».. 

📌   لأنهم ما زواحف 

ه

📰   النيل الدولية:

👈   جهاز المخابرات العامة: لم نشارك في أي اعتقالات للمتظاهرين

📌   اوع تقول لي تبتوا ؟ 

ه

📰   أخبار اليوم: 

👈   تجمع اسر الشهداء يصف الممارسات ضد المتظاهرين بالسقطة. 

📌   الله يسترنا في الجايات 

ه

📰   أخبار اليوم: 

👈   عضو مركزية الشيوعي: الأوضاع الأمنية بالسودان تحتاج لمراجعات.

📌   هو ال ما محتاج مراجعات شنو؟ السودان دا محتاج مراجعات من اسمه لي آخر شي ممكن 

ه

📰   وكالة "سونا":

👈   النائب الأول لرئيس مجلس السيادة يلتقي قيادات الجبهة الثورية بجوبا

📌   ان شاءالله يكون شايل معاهو هدف ما يمشي يقول لهم ما عندنا هدف 

ه

📰   وكالة "سونا":

👈   عرمان : السودان لن ينهار بعد الاتفاق

📌   نتمنى ذلك 

ه

📰   وكالة "سونا":

👈   وزير الدفاع: انضمام الجيش الشعبي شمال (الجبهة الثورية) سيجعل القوات المسلحة اكثر تماسكا

📌   ان شاءالله يحصل 

ه

📰   وكالة "سونا":

👈   بحث التعاون بين السودان وأثيوبيا في مجال الطاقة

📌   ايواااا خلونا في دي 

ه

📰   وكالة "سونا":

👈   تأكيد باستمرار المليونيات والضغط عبر الشارع

📌   نثق في الشارع 

ه

📰   وكالة "سونا":

👈   غرفة طوارئ الخريف بمحلية ابوحمد تواصل طوافها

📌   الا يكونو طافوها بي مركب والا طوف ، البلد كلها غرقانة  

ه

📰   وكالة "سونا":

👈   وزير الخارجية: تحديات عديدة تخص أوضاع اللاجئين والنازحين

📌   والله التحديات ماها فارزة نازح من مقيم من لاجئ

ه

📰   وكالة "سونا":

👈   سلوفاكيا تقدم منح فوق الجامعية للسودان

📌   مشكورين 

ه

📰   وكالة "سونا":

👈   آمنة المكي تصدر قرارا بإعادة تشكيل مجلس تنسيق التعدين

📌   أديهم بالحتة الفيها الحديدة 

ه

ه

📌ابووضاح 📌


ليست هناك تعليقات:

إرسال تعليق

Adbox