اخر الاخبار

الأحد، 9 أغسطس 2020

دبابيس الصحف السودانية

 📌 دبابيس من صحف الأحد 09 أغسطس 2020م

ه

ه

⚠   *مجرد سؤال*:

👈   مرت ثلاثة أيام على استعانة دكتورة آمنه والى

نهر النيل بالدعم السريع لسد الفجوة الأمنية التي خلفها انسحاب العسكر ، ولي هسع ما سمعنا زول قال (بِغِمْ) مالكم ؟ خرستوا؟...

📌   ولاد أم زقدة...... 

ه

ه 

⚠   *أخبار كورونا*: 

👈   (114) اصابة جديدة بكورونا و (10) وفيات لثلاثة ايام متتالية..... 

ه

ه

⚠   *ضبط (1000) اسطوانة غاز بمحلات تتبع لأحد رموز المؤتمر الوطني*:

👈   الخرطوم (كوش نيوز)… تمكنت مباحث تموين محلية ام بدة بالتنسيق مع لجان المقاومة من ضبط (1000) اسطوانة غاز طبخ مخزنة في احدى المحلات غير المرخصة وغير المطابقة للمواصفات بسوق ابوزيد بصورة مهددة للسلامة. وقال آدم جفون عضو لجان مقاومة سوق ابوزيد بحسب (سونا) أن المحلات تتبع لأحد رموز المؤتمر الوطني البارزين بالسوق يقومون بشراء انبوبة غاز الطبخ سعة الـ١٥كليو المدعومة من قبل الدولة بمبلغ 200 جنية ويتم إعادة تعبئتها في انبوبين وبيعها للمواطنين بسعر الواحدة بمبلغ 1000جنية والـ4 كليو بمبلغ 400 جنية والـ2 كليو بمبلغ 350 جنية. وقال ممثل لجان مقاومة سوق ابوزيد الأستاذ محمد اسماعيل أن المحلات المضبوطة تعمل منذ العام 1995م ، واضاف أنهم ضبطو أكثر من ألف اسطوانة معدة للبيع عبر السوق الأسود، واشار الى انه تم  فتح  بلاغات بقسم سوق ليبيا مشيرا الى عدم مطابقة المحلات للمواصفات ولاشتراطات الامن والسلامة مما يعرض حياة المواطنين للخطر.....

📌   والله أشعر بأن الفساد نفسه يتأذى من أفعال هؤلاء القوم ومن وصفنا لها بالفساد؟ ......  

ه

ه

⚠   *الخرطوم توزع الدقيق عبر شركة حكومية*:

👈    شرعت وزارة الصناعة والتجارة ولاية الخرطوم فى تطبيق قرار توزيع الدقيق عبر شركة الخرطوم

للأمن الغذائى بعد الغاء نظام الوكلاء.

وتم توزيع اجمالى 5300 جوال بنقص 1,540 جوال عن الحصة الاجمالية لمحلية الخرطوم والبالغة 6840 جوال ويرجع النقص في الحصة لتوقف التوزيع في مطحنين سيتم توزيعها مع حصة الاحد.

وقد تم تسليم الدقيق لاصحاب المخابز بسعر 610 جنيه شامل التنزيل........

📌   كدا الوكلاء حا يشتغلوا حفر أكعب من حفر العسكر لوالي نهر النيل......  

ه

ه

📰   الوطن:

👈  الجيش يستنكر اعتداءات حركة الحلو على المواطنين 

📌   الجيش بتاع غزوة الكباشي والا جيش تاني؟

ه

📰   الوطن:

👈    الحكومة تتحفظ على تحذير الخارجية الأمريكية لرعاياها من السفر للسودان 

📌   انا شايف التحذير دا رسالة ضوء أخضر لبعض العملاء لخلق نوع من الفوضي التي تعيق أي تقدم نحو الأمام 

ه

📰   الوطن:

👈    الخرطوم تحدد أسعار جديدة للخبز

📌   الخرطوم الا ما غنت الخبز جنني وغير حالي حير فكري وشغل بالي 

ه

📰   الوطن:

👈    ضبط أسلحة مهربة بولاية القضارف

📌   أخير من البنقو 

ه

📰   النيل الدولية:

👈    مجلس السيادة يلغي صفقة السيارات

📌   كدا اتخلصوا من (الحمل) لكن الفضيحة ما اتدارت 

ه

📰   النيل الدولية:

👈    الإفراج عن محمود الحسنات الداعية الفلسطيني في السودان

📌   لو عندو جواز سوداني استلموهو منه وخلوهو يتوكل على بلده 

ه

📰   النيل الدولية:

👈    الري: منسوب المياه يتجاوز فيضان 88 بعطبرة

📌   على كدا نجهز براميلنا وكاروهاتنا لي موية الشراب 

ه

📰   النيل الدولية:

👈    قرار جديد بشأن التعامل الأمني مع الأجانب في السودان

📌   أي اجانب فيهم ؟ الأجانب نوعين اجانب بجواز سوداني واجانب من غير جواز سوداني

ه

📰   السوداني الدولية:

👈     صالات المناسبات تقرر عودة نشاطها دون اذن من السلطات 

📌   دا شهر ما عندنا فيه نفقة

ه

📰   السوداني الدولية:

👈     إنهاء خدمة العاملين بقناة وإذاعة طيبة وشركة الأندلس 

📌   جاب ليهم الهواء الكوز بتاع (الله لا كسبكم) داك 

ه

📰   آخر لحظة: 

👈    استئناف الدراسة بجامعة السودان للعلوم والتكنولوجيا الكترونيا

📌   الله يستر ما تقوم شبكة ناس الهندسة تطش تروح ناس المختبرات مثلا 

ه

📰   آخر لحظة: 

👈    (التغيير) بكسلا : نتمسك بعمار واليا وسنقاتل لأجله

📌   قلنا لكم أفضل حل هو تعيين اسحاق الحلنقي واليا 

ه

📰   آخر لحظة: 

👈    توجيهات صارمة باحكام الرقابة بمطار الخرطوم

📌   مافي طريقة الا تجيبو ناس من الخارج 

ه

📰   تاسيتي الاخبارية:

👈    أصحاب المخابز يهددون بالتوقف عن العمل 

📌   والله رغيفكم دا اخير عدمه 

ه

📰   تاسيتي الاخبارية:

👈    سودانير: شحنة لحوم الكويت وصلت سالمة 

📌   سالمة الصباح ؟ 

ه

📰   تاسيتي الاخبارية:

👈    القاش ينتفض ويعزل سكان اروما 

📌   قام علي جنو

ه

📰   السوداني: 

👈    برئاسة “حميدتي”.. اللجنة الاقتصادية تشكل لجنة للتحقيق في تداعيات إعادة صادر الماشية ومضاربات الذهب 

📌   كععع.... نتوقع نتيجة التحقيق بعد الدرت 

ه

📰   السوداني: 

👈    مدير عام قوات الشرطة يسجل زيارة مفاجئة لمطار الخرطوم الدولي 

📌   لو راجل خليهو يخت له شنطة في السير عشان تلحق تلفون والي النيل الأبيض

ه

📰   السوداني: 

👈    توفير2 مليون جرعة لقاحية لتطعيم 600 ألف رأس من الماشية بشمال كردفان 

📌   البارح كان 900ألف اليوم 600 ألف يعني كمان يومين نلقى تطعيم راس واحد 

ه

📰   السوداني: 

👈    الأمم المتحدة تتعهد بتقديم الدعم اللازم لإجراء التعداد السكاني السادس 

📌   الامم المتحدة ديل بتاعين كلام ساكت 

ه

📰   وكالة "سونا":

👈    الخارجية تتحفظ على تحذير نظيرتها الامريكية لرعاياها بشأن السفر للسودان

📌   لا كلف الله نفسا الا وسعها  

ه

📰   وكالة "سونا":

👈    شرطة ولاية الخرطوم تنفذ حملة لإزالة الظواهر السالبة حول المسجد الكبير

📌   ياريت بالمرة تصينوا الحمامات 

ه

📰   وكالة "سونا":

👈    وزارة الشباب والرياضة تؤكد سريان تعليق النشاط الرياضي

📌   رياضي شنو الناس في القوت الضروري

ه

📰   وكالة "سونا":

👈    القوة البرية والدفاع الجوي يقصان شريط إفتتاح احتفالات الجيش اليوم 

📌   ما تنسوا تعزموا الهندي عزالدين والخال الرئاسي

ه

📰   وكالة "سونا":

👈    اردول يدعو للجلوس العاجل لاطفاءاحداث خور الورل والوالي يدعم الاتجاه

📌   انت ركز لنا على الدهب المفاوضات والمماحكات دي ناسها كتار 

ه

📰   وكالة "سونا":

👈    أتمتة نظام دائرة مراقبة الأجانب والعمل بالبصمة والرقم الأجنبي

📌   كلام ساكت والا جاهزين له؟

ه

📰   وكالة "سونا":

👈    لدى لقائهم الوالي: مزارعي الجزيرة والمناقل يدعون لمحاربة الفساد

📌   ما قال لهم ساعين لكم في دابو ؟ 

ه

📰   وكالة "سونا":

👈    تحضير 3 مليون و112 الف فدان للموسم الزراعي بالنيل الأزرق

📌   حصلوا الموية الرقدت هبطرش دي 

ه

📰   وكالة "سونا":

👈    مبادرة لإدخال شركات التأمين كضامن للمشاريع

📌   ههههاااااي ، شي لله يا تأمين ، تأمين شنو شركات التأمين دي عش الكيزان الدافئ ، والله يشيلو قروش المزارعين ويفكوهم عكس الهواء مع اول مطب

ه

📰   وكالة "سونا":

👈    شمال كردفان تكشف عن نقص الوقود للموسم الزراعي بالولاية

📌   ضروري ، ماهو يا تنقص الموية يا ينقص الوقود 

ه

📰   وكالة "سونا":

👈    توقيع وثيقة لوقف العدائيات بين الفلاته والتعايشة بجنوب دارفور

📌   الكلام دا زمااان معقول لي هسع يتجرجروا 

ه

ه

📌ابووضاح 📌

ليست هناك تعليقات:

إرسال تعليق

Adbox