اخر الاخبار

الاثنين، 24 أغسطس 2020

دبابيس الصحف السودانية

 📌 دبابيس من صحف الاثنين 24 أغسطس 2020م

ه

ه

⚠   *سؤال كدا*:

👈   السيد القائد العام للقوات المسلحة، رئيس مجلس السيادة الانتقالي، الفريق أول ركن عبدالفتاح البرهان قال في خطابة بالأمس: (هناك جهات تسعي لسفك دماء الشباب) الكلام دا يعني شنو....؟؟؟ عدم المؤاخذة انا افتكرته تهديد......

ه

ه

⚠   *أخبار كورونا*:

👈   لا وفيات بكورونا لليوم الثاني على التوالي......ياربي لك الحمد......

ه

ه

⚠   * وجدي صالح  : شخص واحد يمتلك 700 قطعة*:

👈   الخرطوم: الحاكم نيوز.......أكد عضو لجنة ازالة التمكين ومحاربة الفساد الاستاذ وجدي صالح ان الذين يقولون عنا انا لجنة ان تخدير ، سنقودهم هم الي المقابر لدفنهم ، مؤكدا انهم لا يتوقعون ان الفساد بهذا الحجم مشيرا الي وجود حساب باسم الواجهات التنظيمية معتبرا ذلك استفزاز للشعب السوداني. واكد ان هناك من هم في قبضة النيابة وقال ان هناك الاف من الابراج والعمارات التي بنوها من غسيل الاموال مؤكدا ان شخصا واحدا يمتلك اكثر من 700 قطعة ارض . وقال انه تم تحويل شركة تتبع للقوات المسلحة تم تحويلها لشخص وزوجته مقابل 17 مليون جنيه فيما كانت بخزينتها حوالي 84 مليون جنيه واعلن عن حل وإسترداد اسهم شركة كوباك للبني التحتية......

📌   هسع ابو 700 دا فيهو كم علي كرتي؟ 

ه

ه

⚠   *البرهان: جهات تعمل لتدمير الاقتصاد وإحداث قطيعة بين القوات المسلحة والشعب*:

👈   نوه البرهان في مخاطبته قادة القوات المسلحه برتبة العميد فما فوق بالقيادة العامة الى ان هناك جهات تعمل علي الاستحواذ علي خيرات وممتلكات شركات واستثمارات القوات المسلحة والتي هي ليست للمزايدة او التكسب السياسي........

📌   والدليل قالوا له....قلت لي شركات واستثمارات القوات المسلحة؟ دي القوات المسلحة والا اسامة داؤود.....  

ه

ه 

📰   الوطن:

👈   البرهان جهات تستهدف القوات المسلحة وتسعي لخلق جفوة بينها والشعب

📌   جهات زي شنو يعني؟ وضحْ أفصحْ أَبِنْ 

ه

📰   الوطن:

👈   وزير الخارجية الأمريكي يزور السودان خلال أيام 

📌   عرفنا 

ه

📰   الوطن:

👈   البرهان :هؤلاء  يعلقون اخفاقاتهم الاقتصادية على شركات الجيش 

📌   عليك نوووور ، يلا فكوا الاشتباك دا عشان تاني ما يلقوا حجة 

ه

📰   الوطن:

👈   الحلو يوافق على العودة للتفاوض 

📌   أفلح ان صدق 

ه

📰   النيل الدولية:

👈   إزالة التمكين تطيح بمجلس أمناء جامعة افريقيا العالمية

📌   بالسلامة 

ه

📰   النيل الدولية:

👈   استمرار تراجع الجنيه السوداني أمام سلة العملات الأجنبية على نحو غير مسبوق

📌   مكره أخاك لا بطل 

ه

📰   النيل الدولية:

👈   لجنة إزالة التمكين تنهي خدمة قضاة وعاملين وتسترد عقارات

📌   طولنا من الحلاقة... 

ه

📰   السوداني الدولية:

👈   ازدياد معدلات مناولة الحاويات بالميناء الجنوبي ببورتسودان 

📌   اللهم زيد وبارك 

ه

📰   السوداني الدولية:

👈   والي شرق دارفور يشيد بقوى الحرية والتغيير ودور الأجهزة الأمنية فى استتباب الأمن 

📌   ان شاءالله بالزيادة 

ه

📰   السوداني الدولية:

👈   المكتب التنفيذي للأساتذة السودانيين بالجامعات السعودية يرشح عبدالنبي عبدالله رئيسا للجنة 

📌   زيقيلم 

ه

📰   السوداني الدولية:

👈   بعد (5) أشهر من إعلان تكوينها د. ابراهيم البدوي: لاوجود للجنة تحقيق حول شركة الفاخر

📌   طيب انت كنت حارس شنو؟ 

ه

📰   آخر لحظة: 

👈   قطر: نتوقع اتفاق سلام قريب في السودان

📌   قلبكم أبيض 

ه

📰   آخر لحظة: 

👈   (الامة) جناح مبارك : اتفاق الحكومة وعقار معيب

📌   عيبو شنو ؟ حامل قبل الزواج والا شنو؟ 

ه

📰   آخر لحظة: 

👈   نذر كارثة بيئية بالجنينة بسبب الجلود

📌   الجلود ديل أحرقوهن طالما ما قادرين تبيعوهن 

ه

📰   آخر لحظة: 

👈   المعاشيون يحتجون

📌   نحن ذاتنا نحتج معاهم لكن لي منو؟ 

ه

📰   اليوم التالي:

👈   الدولار يصل (200) جنيهاً في السوق الموازية

📌   نفس خطوات الانقاذ الاولى ما في شي جديد 

ه

📰   اليوم التالي:

👈   مناوي يحمل الأحزاب مسؤولية إضعاف حمدوك واختطاف الثورة

📌   صدقت 

ه

📰   اليوم التالي:

👈   حمدوك: تحقيق السلام بات في المتناول

📌   والله نحن السلام دا لو بات معانا فوق السري ما أظن نصدقه

ه

📰   اليوم التالي:

👈   الحزب الشيوعي: منسوبونا في السلطة الانتقالية أتوا عبر أجسامهم المهنية

📌   يعني ما بالعضل ؟ 

ه

📰   تاسيتي الاخبارية:

👈   لجنة إزالة التمكين تسترد صرافات وبنوك وتنهي خدمة موظفين 

📌   بنوك عدييييل ؟ 

ه

📰   تاسيتي الاخبارية:

👈   الأمين العام للأمم المتحدة يعين شابة سودانية رئيساً لفريقه الإستشاري 

📌   يلا جيبوها منهم عينوها يومين واقيلوها 

ه 

📰   السوداني: 

👈   الخارجية الأمريكية :زيارة بومبيو تبحث تعميق العلاقة بين السودان وأسرائيل 

📌   أمممممك.... جاك الهناي يا تارك البتاع 

ه

📰   السوداني: 

👈   استدعاء الطيب مصطفى وعثمان ميرغني ومحمد وداعة بشأن أحداث فض الاعتصام 

📌   كويس لأنهم أكتر ناس أطلقوا كلام في الموضوع دا 

ه

📰   السوداني: 

👈   الأمة القومي : البلاد في مفترق طرق 

📌   معناتو البلاد في الطريق الصحيح 

ه

📰   السوداني: 

👈   لجنة إزالة التمكين: إعفاء 412 من العاملين بقطاع الكهرباء 

📌   ان شاءالله يكون الزول ال بي يقطع الكهرباء معاهم

ه

📰   السوداني: 

👈    إعفاء أعضاء مفوضية حقوق الانسان، وإنهاء عقد أمناء جامعة افريقيا 

📌   يعني قعدنا أمفكو بلا مفوضية والا كيف؟ 

ه

📰   أخبار اليوم: 

👈   إفادات مثيرة للبرهان امام قادة القوات المسلحة. 

📌   الراستا كلام حمدوك سخن له راسو 

ه

📰   أخبار اليوم: 

* العطا : شركات المؤسسة العسكرية تخضع للمراجعة والضرائب والجمارك وجاهزون للمساءلة في جريمة فض الاعتصام لو كنا مخطئين. 

📌   شفيق يا راااااجل

ه

📰   أخبار اليوم: 

👈   الشعبية تتهم المكون العسكري في الحكومة بإعاقة ملف السلام.

📌   بصراحة لا انتو ولا المكون العسكري ناس سلام  

ه

📰   وكالة "سونا":

👈   دقلو يستقبل وفد نساء مسار دارفور بمفاوضات السلام بجوبا

📌   والله افتكرتهن نسوان عبدالله مسار 

ه

📰   وكالة "سونا":

👈   العطا:جاهزية لجنة التمكين لتسليم الأصول التي استردتها للمالية

📌   ابدأوا من هسع 

ه

📰   وكالة "سونا":

👈   لجنة. ازالة التمكين تصدر قرارً بحل مجلس ادارة بنك النيل 

📌   بنك الشمال كيف ياااا

ه

📰   وكالة "سونا":

👈   د.حمدوك يطلع على مجمل الأوضاع بولاية النيل الابيض

📌    أها لقاها ستعبر ؟ 

ه

📰   وكالة "سونا":

👈   مانيس يتسلم وثيقتي مشروع التعداد السكاني والزراعي

📌   متونس انت 

ه

📰   وكالة "سونا":

👈   وزير الخارجية المكلف يستقبل سفير جمهورية الصين الشعبية لدى الخرطوم

📌   أوع يكون مرسلنو يسأل من الديون؟ 

ه

📰   وكالة "سونا":

👈   اللواء شرطة حقوقي مريم عبدالمحمود تتسلم مهام إدارة اكاديمية الشرطة العليا.

📌   كععع...... دا الكلام 

ه

📰   وكالة "سونا":

👈   الحزب الاتحادي الموحد يعلن دعمه لرئيس الوزراء وتصحيح المسار

📌   يلا خلاص ارجعوا نوموا 

ه

📰   وكالة "سونا":

👈   وفد الحكومة والجبهة يكملان التفاوض حول القضايا السياسية مسار دارفور

📌   بالتوفيق 

ه

📰   وكالة "سونا":

👈   تنسيقية البنوك الحكومية تدعو لاصلاح المصارف وتعلن الاضراب يومين

📌   المصارف دي محتاجة ميكانيكي شاطر يفرتكها ويغسلها من الداخل حتى يبدأ يصلحها 

ه

📰   وكالة "سونا":

👈   شعبة مصدري الذهب تطالب بتطبيق القانون لوقف المضاربات

📌   القانون ساعدوهو بي جكة 

ه

📰   وكالة "سونا":

👈   ورشة تدعو للتشدد في قوانين تجريم خطاب الكراهية

📌   نؤيد بشدة 

ه

ه

📌ابووضاح 📌

ليست هناك تعليقات:

إرسال تعليق

Adbox