اخر الاخبار

الخميس، 17 سبتمبر 2020

دبابيس من الصحف السودانية

 📌 دبابيس من صحف الخميس 17 سبتمبر 2020م

ه



ه

⚠   *مجرد سؤال*:

👈   كل ما أشوف مسؤول لابس بدلة سفاري بي يجيني احساس انه حرامي هل الاحساس دا عندكم والا أنا براي كدا؟ 

ه

ه

⚠   *تاني سياسة البصيرة أم حمد*:

👈   أعلن النائب العام السوداني تاج السر علي الحبر، اليوم الأربعاء ضبط ما وصفها بخلية إرهابية وكمية كبيرة من المتفجرات في العاصمة الخرطوم.

وأقر النائب العام خلال مؤتمر صحفي بمقر النيابة العامة في الخرطوم، بأن السلطات السودانية رصدت ظهور “خلايا إرهابية” في الخرطوم وأنها تعمل على تفكيكها.

📌   خلاص معناتها نحن دولة ارهابية ولا يجب رفع اسمنا من قائمة الارهاب ، مبسوط كدا؟.....

ه

ه

⚠   *من مبادرة “وصلني” الى هؤلاء (يخسي عليكم)*:

👈   (يخسي عليكم) عبارة قالتها النائبة البرلمانية البروفيسور سعاد الفاتح تعبر بها عن استيائها من النواب الذين صوتوا بالأغلبية للموافقه على قرض ربوي.......

هذه العبارة (يخسي عليكم) نيابة عن مبادرة (وصلني) الخاصة بتوصيل طلاب الشهادة مجانا الى مراكز الامتحانات نلقي بها في بريد :

1- المواطنين الذين يزاحمون الطلاب في وسائل المواصلات وخاصة التي تحمل شعار مبادرة وصلني... (يخسي عليكم)  

2- أفراد الشرطة الذين كانوا داخل سيارة دورية المرور التي تحمل الرقم  (مرور 32622) والتي كانت متواجدة في صينية المهندسين ، صباح أمس الأربعاء الساعة 7:45 ص والذين رفضوا توصيل طالب تبقى على بداية امتحانه 10 دقائق..... (يخسي عليكم) 

3- رجال المرور الذين يقومون بحملات في الفترة من 7 الى 8 صباحاً لعرقلة الحركة.... (يخسي عليكم)

ولكن يظل ناس (يخسي عليكم) أقلية والأكثرية من قوات الشرطة وعدد كبير من افراد القوات النظامية الأخرى داعمين للمبادرة بقوة واقتدار....... 

ولم يتبقى من الزمن الا ايام معدودات.....

عزيزي مالك العربة كن واحد من المشاركين في هذا العمل الخيري الذي اثبت نجاحه......

انضم الى مبادرة وصلني لتوصيل طلبة الشهادة مجانا.......

للدعم المادي يرجى التحويل على رقم الحساب: بنك الخرطوم 1198132

للإلتزام والإنضمام اضغط على أي رابط للمجموعات أدناه 

المجموعة  1

https://chat.whatsapp.com/HNFTJ2Yb6XKJXrXQpQORyS

المجموعة  2

https://chat.whatsapp.com/C5s0VJBlX125auCKPHI4Wu

المجموعة  3

https://chat.whatsapp.com/BYg12vPUWcpH193OTba76Y 

هاتف المبادرة : 00249912344267

البريد الالكتروني     Wasslni2sudan@gmail.com.........

ه

ه

📰   الوطن:

👈   النائب العام :عثرنا على مواد متفجرة يمكنها نسف الخرطوم

📌   فرحان أوي؟ 

ه

📰   الوطن:

👈   ضبط حالات غش في إمتحانات الشهادة السودانية وإعفاء مراقبين 

📌   قلنا لكم الكوزنة سلوك وليست انتماء ولا عقيدة

ه

📰   الوطن:

👈   المحكمة ترفض إطلاق سراح  كبر بالضمان المالي

📌   مالي والهواء ، ضمان مالي دا شنو كمان؟ 

ه

📰   الوطن:

👈   الزواج يغيب عدد من الطالبات عن امتحانات الشهادة 

📌   الامتحنن واتخرجن عملن شنو؟ أخير لهن في زواجهن دا 

ه

📰   الوطن:

👈   ضبط كمية من المواد الغذائية منتهية الصلاحية

📌   زي دي مفروض تعملوا لصاحبها حكاية الزول المهرب لوري النبق 

ه

📰   الوطن:

👈   تجمع أساتذة الجامعات يهدد بالتصعيد ضد وزارة المالية

📌   هو لسع ما صعد يعني ؟ 

ه

📰   السوداني الدولية:

👈    توزيع (32) ألف أسطوانة غاز الطبخ في اليوم 

📌   يعني الزول ينتظر دوره زي كم شهر كدا ؟ 

ه

📰   السوداني الدولية:

👈    عجلة الدوري الممتاز تدور مجدداً وسط إجراءات مشددة 

📌   سنة يا الليقا 

ه

📰   آخر لحظة: 

👈   الشرطة تتحسر على حل النظام العام 

📌   ونحن نتحسر على شرطة زمان 

ه

📰   آخر لحظة: 

👈   قطع (الانترنت) بسبب الامتحانات وثبوت حالات غش

📌   يعني كأنك يا ابوزيد ما غزيت 

ه

📰   آخر لحظة: 

 👈   معلومات حول تأمين البشير ورفض إطلاق سراح كبر 

📌   البشير سلموهو الجنائية فكونا من تأمينو وشهادة بحثو 

ه

📰   آخر لحظة: 

👈   المالية تتنصل عن مجانية التعليم والوجبة المدرسية

📌   والله البنية دي انا خايف تقفل المالية دي بي طبلة وتفوت 

ه

📰   النيل الدولية:

👈   دقلو يبحث مع الوساطة الجنوبية ترتيبات الإحتفال بالتوقيع النهائي السلام

📌   غايتو دقلو دا الزول الوحيد الفاهم الرصة 

ه

📰   النيل الدولية:

👈   السودان رفع الحظر الصحي بعد 6 أشهر من الإغلاق

📌   مغلقة من ربها ، مافارق معاها حظر ولا عدمه 

ه

📰   النيل الدولية:

👈   المعاشيون يطالبون بمعاش المثل واسترجاع المبالغ التي تم استقطاعها من المعاشيين دون وجه حق

📌   المبالغ المستقطعة زمن العهد البائد دي تقريبا راحت في هناي مرجان 

ه

📰   النيل الدولية:

👈   لجنة اعتصام أمبدة تقرر التصعيد وإغلاق جميع الوحدات الإدارية بالمحلية

📌   طالبوا بالانفصال والا تقرير المصير 

ه

📰   النيل الدولية:

👈   منظمة الشفافية السودانية تتحفظ على قطع خدمة الإنترنت جزئيا

📌   مكانها وين 

ه

📰   أخبار اليوم: 

👈   النائب العام: العثور علي مواد متفجرة تكفي لنسف العاصمة وتهديد دول الجوار. 

📌   الفهم قسمة 

ه

📰   أخبار اليوم: 

👈   البرهان يتسلم دعوة  لحضور الإحتفال بالتوقيع النهائي للسلام. 

📌   دعوة شنو البرهان منتظر التفويض 

ه

📰   السوداني: 

👈   الناطق الرسمي باسم الدعم السريع: ضبط (3594) عبوة متفجرة. 

📌   سنة يا FBI  

ه

📰   وكالة "سونا":

👈   كباشي يلتقي مدير مصلحة الأراضي ويبحث معالجة مشكلات القرى المتضررة

📌   في الحتانة والا وين ؟

ه

📰   وكالة "سونا":

👈   مدير منظمة الصحة العالمية يؤكد دعم السودان لمواجهة آثار الفيضانات

📌   رسلوا لنا الدعم مع دكتور أكرم 

ه

📰   وكالة "سونا":

👈   عميد شرطة علاءالدين : المتفجرات تشكل خطرا على امن البلاد

📌   شكراً .... نورتنا 

ه

📰   وكالة "سونا":

👈   النائب العام: اكتمال التحري في عدد من القضايا وتحويلها  للمحاكم

📌   زي محاكم اللولوة دي والا محاكم تانية ؟ 

ه

📰   وكالة "سونا":

👈   323 مليون جنيه من الزكاة الاتحادية لمتضرري السيول والأمطار البلاد

📌   زي دي زمان تطلع باسم متضرري السيول ويتلافوها ناس القصور

ه

📰   وكالة "سونا":

👈   وصول أكبر وأحدث محرقة للنفايات الطبية لولاية الخرطوم

📌   خطوة مباركة 

ه

📰   وكالة "سونا":

👈   انعقاد ورشة قطاع التجارة والصناعة والتعاون السبت القادم

📌   خليتو اللجان عصرتو على الورش؟  

ه

📰   وكالة "سونا":

👈   إنشاء بورصة لاسواق المحاصيل والحبوب بام درمان

📌   موش لما يكون في محاصيل اولاً

ه

📰   وكالة "سونا":

👈   الفيضانات تدمر الالف المزارع في غرب دارفور

📌   غرب دارفور الفيضانات جاتها من وين؟ 

ه

ه

📌ابووضاح 📌

ليست هناك تعليقات:

إرسال تعليق

Adbox