اخر الاخبار

الخميس، 10 سبتمبر 2020

دبابيس من الصحف السودانية

 📌 دبابيس من صحف الخميس 10 سبتمبر 2020م

ه



ه

⚠   *أربعة في واحد*

👈   حملت الاسافير صورة لأربع ورقات نقدية كلها من فئة 100جنيه وكلها تحمل رقم متسلسل واحد في ظاهرة غريبة قد تؤكد وجود جهات مختلفة لطباعة النقود .....

الدبابيس حصلت من مصادرها على تأكيد بصحة الصورة وحقيقة الحادثه وأنه قد تم تصوير هذه العملة بمكتب رجل الأعمال (ع.ا) بعد أن احضرها مدير الحسابات الي مكتبه وتم تصويرها ونشرها في قروب عائلي ولكنها تسربت الى وسائل التواصل الاجتماعي وقد اتصل بهم مدير مكتب وزير الداخلية وطلب تسليمهم هذه الأوراق النقدية ليتم البحث والتحري حول مصدرها....

ه

ه

⚠   *أعجبني*:

👈   أصدر والي الخرطوم الاستاذ أيمن خالد نمر القرار رقم (١٠٣) لسنة ٢٠٢٠م بتكوين لجنة مراجعة ملفات واوضاع الموظفين وتختص اللحنة بالمهام التالية :

(١)مراجعة ملفات الموظفين بالولاية من الدرجة الوظيفية الخامسة وحتى القطاع الاول وفحصها تفصيليا

(٢) رفع تقرير مستوفي عن أي تجاوزات في التعيين او الترقي وأي مزايا أو منح غير مستحقة أو تم الحصول عليها بمخالفة أحكام القانون واللوائح

 (٣)تقديم التوصيات بازالة آثار وممارسات تمكين النظام البائد في الوزارات والمجالس العليا والمحليات

(٤) إضافة لما ورد في البند(١)تقوم اللجنة بمراجعة ملفات الدرجات القيادية وترفع تقريرا مفصلا بخصوصها

(٥)للجنة الحق في الاطلاع على الوثائق والمستندات الضرورية لاداء مهامها كما لها الحق في الاستعانة بمن تراه مناسبا

(٦) ترفع اللجنة تقريرها النهائي خلال فترة اقصاها ثلاثون يوما من تأريخ تكوين اللجنة........

📌   ندعو المنتجين المسرحيين والسينمائيين التواصل مع هذه اللجنة للاستفادة من كمية الافلام التي يتوقع اكتشافها....

ه

ه

⚠   *مبادرة “وصلني2”*

👈   عزيزي المواطن قائد المركبة.. تم أمس الأربعاء تدشين مبادرة (وصِّلني) بساحة الحرية.... بحضور عدد كبير من المشتركين والداعمين... 

وتم خلال التدشين توزيع ولصق “إستيكرات” وربط “شريط أحمر” لتمييز وسائل النقل المشاركة حتى يتسنى للطلاب معرفتها في الطرق العامة .

وساهم عدد كبير من المواطنيين بسياراتهم الخاصة وتقديم مساهمات مالية مقدرة ، للمساهمة في راحة الطالبات والطلاب أثناء فترة الإمتحانات.

الفرصة متاحة لك للدعم او للمشاركة.......

للدعم المادي يرجى التحويل على رقم الحساب: بنك الخرطوم 1198132

للإلتزام والإنضمام اضغط على أي رابط للمجموعات أدناه 

#وصلني عشان ألحق  الأمتحان# 

#وصلني ... النجاح ح يكون شعاري#

المجموعة  1

https://chat.whatsapp.com/HNFTJ2Yb6XKJXrXQpQORyS

المجموعة  2

https://chat.whatsapp.com/C5s0VJBlX125auCKPHI4Wu

المجموعة  3

https://chat.whatsapp.com/BYg12vPUWcpH193OTba76Y 

هاتف المبادرة : 00249912344267

البريد الالكتروني  : Wasslni2sudan@gmail.com.........

ه

ه

📰   الوطن:

👈  مياه الصرف الصحي تجتاح العزوزاب وتحذيرات من كارثة وشيكة 

📌   هسع الزول لما يقرأ تحذيرات من كارثة وشيكة دي المطلوب منه شنو؟ يضحك والا يبكي والا يمرق يخلي البلد والا يعمل شنو بالضبط؟ 

ه

📰   الوطن:

👈   مصر :الجسر الجوي للسودان سيتواصل حتى انجلاء أزمة الفيضانات 

📌   نمشمش لكم في الفيضان زعتروا لنا في السد 

ه

📰   الوطن:

👈   والي سنار : الوضع كارثي وفوق امكانيات الولاية ومطالبنا أمام حمدوك

📌   عمري ما شوفت زول ورط نفسه في ورطة زي ورطة حمدوك دي  

ه

📰   السوداني الدولية:

👈   الحكومة تعجز عن دفع مديونيات المطاحن

📌   فرحانين قوي يعني؟ 

ه

📰   السوداني الدولية:

👈   الصحافيون يبدأون خطوات تكوين نقابة مستقلة وفقا للقانون 

📌   اتحاد الرزيقي خبرو شنو؟ 

ه

📰   السوداني الدولية:

👈   لجنة الفيضانات تعلن انخفاض مناسيب النيل في بعض الأحباس 

📌   حالتو دي الفيضان عنده لجنة؟ 

ه

📰   السوداني الدولية:

👈   ارتفاع اسعار الخضروات بالعاصمة الخرطوم 

📌   كل كارثة وليها تجارها والزراعة غرقانه هسع  

ه

📰   آخر لحظة: 

👈   رفع الحصانة عن (3) من ضباط المخابرات

📌   سمح اها نشوف المحاكمة كيف 

ه

📰   آخر لحظة: 

👈   وفاة (100) ودمار (55) ألف منزل بسبب الفيضانات

📌   لا حول ولا قوة الا بالله ، ميتة وخراب ديار كان اخير لنا الكورونه 

ه

📰   آخر لحظة: 

👈   اللجنة الاقتصادية بـ(التغيير) تشكو تهميش الحكومة

📌   هههههه شر البلية ما يضحك 

ه

📰   آخر لحظة: 

👈   ضوابط جديدة للاستيراد وانفلات أسعار العملات

📌   يا اخواننا دا ما انفلات دا اسهال.... (ايكولاي) عدييييل تتذكروا اليكولاي؟ 

ه

📰   آخر لحظة: 

👈   مواصلات الخرطوم: ترحيل طلاب الشهادة مجاناً

📌   شكرا 

ه

📰   التيار:

👈   موسى هلال. لـ(التيار):مطلبي ُمحاكمة علنية!!

📌   صعبتها 

ه

📰   التيار:

👈   سفير السودان في واشنطن: الصراع مع اسرائيل «غير مثمر»

📌   هو هسع في زول قاعد يصارع فيها ؟ 

ه

📰   التيار:

👈   حمدوك: الإهمال خلال سنوات نظام المخلوع فاقم تبعات الكارثة الطبية

📌   ثم ماذا ؟ 

ه

📰   التيار:

👈   حكومة حمدوك.. وكيل الطاقة والتعدين يقاطع الإعلام

📌   يمكن ما عندو شي يقولو 

ه

📰   التيار:

👈   وزيرة الصحة المصرية تتفقد المتضررين بود رملي

📌   عقبال وزير صحتنا يتفقد ناس حلايب وشيلاتين 

ه

📰   التيار:

👈   غرفة المواد الغذائية تحذر من افلاس المصانع

📌   والله نفلس كلنا أحسن من يكون ناس كدا وناس كدا  

ه

📰   التيار:

👈   الشرطة تلقي القبض على (75) من معتادي الإجرام بأمبدة

📌   مبروك 

ه

📰   التيار:

👈   ساتي: ينبغي إن يكون رفعنا من قائمة الإرهاب حافز لنا للتطبيع وليس شرطاً

📌   كلام معقول 

ه

📰   السياسي:

👈   مطالبة بإنشاء غرفة طوارئ للحد من ارتفاع الدولار

📌   والله في المطر دي مزيرة ما نقدر ننشئها 

ه

📰   السياسي:

👈   وزيرة الصحة المصرية: الجسر الجوي سيتواصل حتى انجلاء محنة الفيضانات في السودان

📌   بي كم؟ 

ه

📰   السياسي:

👈    نفوق 1600 رأس من صادر الماشية بمحاجر البحر الأحمر

📌   الله يعوض عليهم ، هسع كان باعوها ايام الضحية بي نص تمنها موش كان اخير لهم؟ 

ه

📰   الصيحة:

👈   إبراهيم جابر : قطار الثورة لم يغادر الخرطوم

📌   الثورة سابت القطر في الخرطوم ورجعت بي قطر عطبرة 

ه

📰   الصيحة:

👈   تأثر مراكز امتحانات في الخرطوم بالفيضان والسيول

📌   عشان تاني تقولا الحل في البل 

ه

📰   الصيحة:

👈   هيئة الآثار: الفيضانات تهدِّد مواقع التراث العالمي بالبلاد

📌   البلايا لا تأتي فرادى 

ه

📰   الصيحة:

👈   استمرار الفوضى والدولار يسجِّل أرقاماً قياسية

📌   اقطع دراعي لو ما كان وراهو جهة اجنبية 

ه

📰   النيل الدولية:

👈   حمدوك: السودان لبّى كل الشروط لشطب اسمه من "قائمة الإرهاب"

📌   هل من مزيد ؟ 

ه

📰   النيل الدولية:

👈   استمرار حملات البرق الخاطف لبسط هيبة الدولة وانفاذ القانون

📌   سير سير 

ه

📰   النيل الدولية:

👈   التربية بالخرطوم: اكتمال الاستعدادات لانطلاق امتحانات الشهادة الثانوية

📌   يقول لك مراكز الامتحانات تأثرت بالخريف كيف تبقى اكتملت الاستعدادات؟ 

ه

📰   النيل الدولية:

👈   السودان يكمل إجراءات استلام (400) مليون دولار من البنك الدولي

📌   خلوهن في البنك الدولي لحدي ما تشوفوا سبب الاسهال دا شنو

ه

📰   أخبار اليوم: 

👈   البرهان يلتقي وزير المالية وهبة تلتزم بوقوف الوزارة مع القوات المسلحة.

📌   وقوف شنو البرهان عاوز تفويييييض 

ه

📰   السوداني: 

👈   الشيوعي يكشف عن لقاء مرتقب مع عبدالواحد نور 

📌   أممممك لقيتوهو وين ؟ 

ه

📰   السوداني: 

👈   منشور يمنع تعدد الأصناف في الحاوية الواحدة عند الاستيراد 

📌   افرض عاوز استورد عفش للبيت أجيب الكراسي والسراير في حاوية والعدة في حاية تانيه ؟ 

ه

📰   السوداني: 

👈   الدولار يواصل مسلسل الصعود أمام الجنيه 

📌   بايخة

ه

📰   السوداني: 

👈   حمدوك: واثقون من إمكانية التوصل لحل حول ملف سد النهضة، ونسعى لنكون قوة للسلام. 

📌   وسنعبر نسيتها؟ 

ه

📰   السوداني: 

👈   حمدوك: الحكومة لم تُوافق على تغيير وفدها المفاوض في جوبا. 

📌   كيف يعني؟ 

ه

📰   وكالة "سونا":

👈   حمدوك: الحكومة تعمل فى ظروف داخلية وخارجية بالغة التعقيد

📌   حاسين بيك والله 

ه

📰   وكالة "سونا":

👈   قرار بإلغاء المدارس النموذجية بولاية نهر النيل

📌   كعععع آمنة نارك برا 

ه

📰   وكالة "سونا":

👈   مجمع الفقه الإسلامي يقود مبادرة التعايش السلمي بكسلا

📌   أيواااا كدا دااابكم مشيتوا في الطريق الصحيح ، طريق اصلاح ذات البين 

ه

📰   وكالة "سونا":

👈   مبادرة لسفارة السودان بواشنطن لجمع تبرعات للمتضررين بالفيضانات

📌   نوووو دولار...  ايجبيبشين موني  

ه

ه

📌ابووضاح 📌


التعليقات

هناك تعليق واحد:

  1. يا اخوانا لو الحلو قعد معاهم، موسى هلال دا مستقبله شنو؟

    ردحذف

Adbox