اخر الاخبار

الخميس، 3 سبتمبر 2020

دبابيس من الصحف السودانية

 📌 دبابيس من صحف الخميس 03 سبتمبر 2020م

ه



ه

⚠   *أخبار ألمانيا*

👈    ألمانيا تضم جزر الكناري إلى قائمتها لمنطقة الخطر.....

📌   جبناها (وش) عشان ما يجي زول يقول قاعدين نضطهد الأقليات......

ه

ه

⚠   *سؤال مهم*

👈    تحدثنا مرات ومرات عن كثرة الزواحف في التلفزيون القومي ولم تجد كلماتنا أذن صاغية وهاهم من تحدثنا عنهم يقومون بعملية تخريبية من داخل التلفزيون حيث قاموا مساء يوم 30/8/2020 بسحب ست لوحات استقبال وتوزيع وبث الصورة والصوت من غرفة التحكم الرئيسية للتلفزيون ولذلك لتعطيل نقل احداث التوقيع على اتفاقية السلام بجوبا عاملين بمبدأ من أمن العقوبة أساء الأدب ، فهل من عقوبة تراها العين ؟؟؟؟؟؟..... 

ه

ه

⚠   *الصحفية سهير عبد الرحيم تُطلق مبادرة “وصلني2”*

👈   انطلقت مبادرة “وصلني2” لطلاب الشهادة السودانية والتي أطلقتها  الصحفية سهير عبد الرحيم بعد نجاح مبادرة “وصلني1” في ظل ازمة المواصلات العامة وشحها ، حيث أجتمع أمس في ساحة الشهداء بالخرطوم ، نفر كريم من أبناء الوطن لبحث طرق و كيفية تنفيذ مبادرة (وصلني 2) لتوصيل طلاب وطالبات الشهادة السودانية الى مدارسهم لأداء الامتحانات.

وتحمل المبادرة شعار “وصلني وبنصل” وحددت المبادرة :- هاتف : 00249912344267

البريد الالكتروني  : Wasslni2sudan@gmail.com.........

📌   وستقوم الدبابيس بنشر أخبار المبادرة وتطوراتها وكيفية الانضمام اليها أولا بأول ان شاءالله فتابعونا...... 

ه

ه

⚠   *أمممممك قبضو*

👈   الدعم السريع بالقضارف يلقي القبض على سيارة إسعاف تحمل أسلحة و عملات أجنبية و بعض الموبايلات و ملحقاتها كانت في طريقها لولاية كسلا.....

📌   حقو طوالي تعرضوا على سواق الاسعاف دا يبقى شاهد ملك ويدل على من هم وراءه.......

ه

ه

📰   الوطن:

👈   في زيارة مفاجئة.. حمدوك يجتمع مع الحلو في أديس أبابا

📌   جبنة مباركة أقصد اجتماع مبارك 

ه

📰   الوطن:

👈   واشنطن :سلام جوبا خطوة لإعادة الأمل

📌   الله يكمل المشوار 

ه

📰   الوطن:

👈   اغلاق المتحف القومي لأجل غير مسمى

📌   انتو بالمناسبة دي شجرة الصندل أخبارها شنو

ه

📰   الوطن:

👈   والي كسلا المكلف: المخزون الاستراتيجي بالولاية يكفي لمدة 10 أيام فقط

📌   والله البشارة عندك 

ه

📰   السوداني الدولية:

👈   بدء محاكمة والي البحر الأحمر الأسبق علي أحمد حامد وآخرين

📌   المحاكمة في اليخت بتاعو والا حاجة تانية ؟ 

ه

📰   السوداني الدولية:

👈   والي الخرطوم يبارك الاتفاق ويتعهد بأن تصبح الخرطوم عاصمةً للسلام 

📌   ونلغي حكاية الخرطوم عاصمة اللاءات الثلاثة دي 

ه

📰   آخر لحظة: 

👈   (الأمة) لـ (الثورية ): ( مابنزيد ولا زول في التشريعي والوزراء)

📌   والله من الضحك غلبني أعلق

ه

📰   آخر لحظة: 

👈   الغرق يهدد الخرطوم وانهيار كبري بـ(الروصيرص)

📌   يا لطيف 

ه

📰   آخر لحظة: 

👈   بومبيو يرحب بالسلام وحركة عبد الواحد تصفه بالفاشل 

📌   الفاشل منو؟ بومبيو والا السلام؟ 

ه

📰   النيل الدولية:

👈   ترشيح البرهان لجائزة نوبل للسلام

📌   قصدكم جائزة بابا نويل 

ه

📰   النيل الدولية:

👈   اللقاح الفموي وراء تفشي شلل الأطفال في السودان

📌   طيب الحمد لله اتعرف السسبب 

ه

📰   النيل الدولية:

👈   مُفرح: استرداد (44) عقاراً وقفياً بواسطة لجنة إزالة التمكين

📌   ديل كان عند أم 44 والا شنو ؟ 

ه

📰   النيل الدولية:

👈   شرطة الخرطوم تواصل حملة البرق الخاطف لإزالة الظواهر السالبة

📌   بالتوفيق 

ه

📰   النيل الدولية:

👈   اللجنة التمهيدية لنقابة الصحافيين: نسعى لالغاء السجل السابق للصحفيين

📌   أممممك كدا في ناس بي تمشي النفايات 

ه

📰   أخبار اليوم: 

👈   الصحة تقر بتأثير الوضع الاقتصادي وعدم استقرار سعر صرف الدولار على الادوية. 

📌   شكراً ، نورتوا المحكمة ، شرفتوا وآنستوا 

ه

📰   أخبار اليوم: 

👈   ولاية الخرطوم توجه نداءاً لمواطنيها باتخاذ الحيطة والحذر لارتفاع منسوب النيل. 

📌   دا شغل الري ، ما تتدخلوا في اختصاصات غيركم 

ه

📰   السوداني: 

👈   “الأقباط” يؤيدون اتفاقية السلام 

📌   الْمَجْدُ للهِ فِي الأَعَالِي، وَعَلَى الأَرْضِ السَّلاَمُ، وَبِالنَّاسِ الْمَسَرَّةُ

ه

📰   السوداني: 

👈   رئيس مجلس الوزراء القطري يتصل هاتفياً بحمدوك 

📌   يكون عاوز يقول له اقنعنا لكم الجماعة أها لقيتنا كيف ؟ 

ه

📰   السوداني: 

👈   الحكومة الانتقالية تلتزم بتخصيص “348” مليون دولار لصندوق تنمية الشرق. 

📌   باركوها وختوا المليونين ديل وخلوها (350) 

ه

📰   السوداني: 

👈   ابراهيم الشيخ: إرجاء تسمية الوزراء الجدد للتشاور مع الحركات 

📌   بأمانة نحن ما شايفين أي حوجة لي وزراء 

ه

📰   السوداني: 

👈   الحرية التغيير تطالب الحكومة بوقف تنفيذ الموازنة 

📌   وكان أبت ؟ 

ه

📰   السوداني: 

👈   انهيار كبري بـ«الروصيرص» جنوب شرق السودان جراء الفيضانات 

📌   الله يستر على سد مروي 

ه

📰   السوداني: 

👈   استئناف رحلات قطار الخرطوم المحلي الى الجيلى واستمرار رحلات الكدرو والشجرة 

📌    ان شاءالله يستمر 

ه

📰    وكالة "سونا":

👈   دقلو يعود للخرطوم اليوم 

📌   حمدا لله على سلامته 

ه

📰    وكالة "سونا":

👈   اللجان المشتركة بين أطراف التفاوض تشرع في اعداد جداول التنفيذ

📌   على مهلكم 

ه

📰    وكالة "سونا":

👈   الحكومة تطلق برنامج سلعتي الاسبوع المقبل

📌   هو لسع ما طلقته ؟ 

ه

📰    وكالة "سونا":

👈   مساعدات إماراتية للمتضررين من السيول والامطار بالسودان

📌   مشكورين 

ه

📰    وكالة "سونا":

👈   وزير الري: جاهزون لزراعة 750 الف فدان قمح في الشتوي

📌   بالمناسبة دي القمح الفات تم جمعه كله والا ماصتو المطر ؟ 

ه

📰    وكالة "سونا":

👈   وزير الداخلية يترأس اجتماع لجنة تأمين الشهادة السودانية

📌   يعني تسريب نَهِي؟

ه

📰    وكالة "سونا":

👈   لجان المقاومة بمحلية ام بدة ترهن رفع اعتصامها بتحقيق المطالب

📌   ارموا قدام 

ه

📰    وكالة "سونا":

👈   والي النيل الازرق يقف على اسباب إنهيار جسر خور برنق

📌   كان مبني في عهد الانقاذ ولا تسأل 

ه

📰    وكالة "سونا":

👈   وزارة العمل ومنظومة الصناعات الدفاعية توقعان اليوم بروتكول تعاون

📌   ياربي تعاون والا تفويض؟ كدي اتأكدوا 

ه

📰    وكالة "سونا":

👈   الامم المتحدة تهنئ الشعب السوداني على "الإنجاز التاريخي"

📌   بالعربي (شكرا) وبالانجليزي (ثانكيو) وبالالماني (دانك) 

ه

📰    وكالة "سونا":

👈   الاتحادي الاصل يرحب بالتوقيع على ترتيبات السلام

📌   عشان كدا الأمة مزمزغ 

ه

📰    وكالة "سونا":

👈   العدل والمساواة: الشعب السوداني هو الضامن لتنفيذ اتفاقية جوبا

📌   الشعب ذاتو الضامنو منو ؟ 

ه

📰    وكالة "سونا":

👈   وزير الصحة الاتحادي يقف على الوضع الدوائي بالصندوق القومي للامدادات

📌   اوعك يقع بك الصندوق دا هو براهو مهلهل 

ه

📰    وكالة "سونا":

👈   التامين الصحي يجدد التعاقدات لعدد "91" مركز طبي خاص

📌   على البندول ودواء القحة والا شي تاني؟ 

ه

📰    وكالة "سونا":

👈   محلية ابوحمد تطمئن علي الاستعدادات لامتحانات الشهادة السودانية 

📌   ولد دا

ه

📰    وكالة "سونا":

👈   تمليك مشروعات خدمية وانتاجية للفقراء بشمال كردفان

📌   أوعدنا يارب 

ه

ه

📌ابووضاح 📌


ليست هناك تعليقات:

إرسال تعليق

Adbox