اخر الاخبار

الاثنين، 28 سبتمبر 2020

دبابيس من الصحف السودانية

 📌 دبابيس من صحف الاثنين 28 سبتمبر 2020م

ه



ه

⚠   *مجرد سؤال*:

👈   اتحاد الكرة يتوج المريخ بلقب دوري 2018 بالخميس......

📌   هسع بتاع 2018 دا يعتبر (كاس 🏆) والا (كوز ☕)؟..... 

ه

ه

⚠   *منطق لالوبنا ولا تمر الناس*:

👈   منظر أول:

الخرطوم 7 أغسطس 2017 ، قال وزير الخارجية السوداني ابراهيم غندور، في تصريح صحفي، أن الخرطوم استعانت بمكتب محاماة أميركي تمكن من خفض الغرامة الى ملياري دولار وكانت محكمة الاستئناف الأميركية لدائرة العاصمة واشنطن قد أيدت قرارا قضائيا يحمل حكومة السودان مسؤولية التفجيرات التى وقعت بسفاراتي الولايات المتحدة فى كينيا وتنزانيا، كما قررت تغريمها 7.3 مليار دولار تدفع لأسر ضحايا التفجيرات.

🗣  حينها هلل الزواحف وكبروا لهذا النصر الكبير ووصفوا غندور بمخلص الأمة...... 

منظر ثاني:

👈   أوضح وزير الإعلام السوداني في الحكومة الانتقالية، أن الخرطوم توصلت لاتفاق تسوية مع أسر ضحايا السفارتين الأمريكيتين فى كينيا وتنزانيا ، على أن يتم دفع مبلع 330 مليون دولار لأسر ضحايا التفجيرات..... 

🗣  حينها... الزواحف يصرخون ضد الاتفاق ويعتبرونه كبيرة من الكبائر ويصفون حكومة حمدوك بالعمالة..... 

📌  تعرفوا تقولوا : حمدوكنا حمدك غندوركم يقدر غندوركم يغندر حمدوكنا زي ما حمدوكنا حمدك غندوركم........  

ه

ه

⚠   *كوادر وزارة الخارجية  الوسيطة (خبرات) دفعة 2017 يستغيثون*:

👈   كوادر الدبلوماسيين الوسيطة الذين اجتازوا معاينات وزارة الخارجية 2017 /2018 منذ العهد البائد ولازالت و زارة الخارجية تماطل في تعيينهم بالتنسيق مع مفوضية الاختيار للخدمة المدنية التي استلمت مستحقاتها المالية  ولم تعلن الكشف النهائي رغم انه جاهز في اشارة الى عدم وجود ارادة او رغبة من وزارة الخارجية في تعيين هذه الدفعة والايحاء لمفوضية الاختيار بتعطيل اجراءات التعيين رغم قانونيتها يستغيثون بالسيد وزير الخارجية المكلف السيد عمر قمر الدين للنظر في أمر تعيينهم ورفع الظلم عنهم.........

📌   يا اخواننا ال بي يشوف عمر قمر الدين يكلمه بالموضوع دا والا كلموا له ميادة قمر الدين ؟.....

ه

ه

📰   الوطن:

👈   الصادق المهدي : التطبيع استسلام وسنقود حملة شعبية ضده .

📌   أها يادووووب التطبيع بقى حلو وال بي يعز النبي يغني معاي (الله فوق زوزو يا حلاة زوزو) 

ه

📰   الوطن:

👈  النائب العام: لابد من إصلاح القوانين وإنشاء مفوضية مكافحة الفساد .

📌   أها نجيب لكم مكنيكية قوانين من برا والا عندكم

ه

📰   الوطن:

👈  مسؤول أمريكي: رفض الخرطوم للتطبيع سيحرمها من دعم واشنطن .

📌   والله الخرطوم اتعودت على الحرمان لكن بعد الموضوع وصل اللمام أبشرك

ه

📰   الوطن:

👈  تفكيك شبكات مخدرات بين الخرطوم ودارفور وكردفان .

📌   يا اخواننا الشبكات دي مابتنفع في الكهرباء والموية بدل ما ترموها ساكت؟ 

ه

📰   التيار:

👈  صاحب الفديو الشهير للتيار: مطالبتي بإقالة مدني لكي لا يحرج حمدوك .

📌   يا حُنين انت يا حُنين 

ه

📰   التيار:

👈  إستثناء الفصول النهائية بالأساس والثانوي من تأجيل المدارس .

📌   فكرة موش بطالة 

ه

📰   التيار:

👈  لافتات إحتجاجية في جلسات المؤتمر الإقتصادي منددة برفع الدعم 

📌   ما مكانها 

ه

📰   التيار:

👈  أوامر بالقبض علي (6) من قيادات إتحاد كرة القدم السوداني .

📌   أممممك..... دا فريق سداسيات والا شنو ؟ 

ه

📰   آخر لحظة:

👈  (التغيير): توفير الخبز والوقود في وقت يسير لن يحدث .

📌   طيب قاعدين ليه ما تقوموا تروحوا 

ه

📰   آخر لحظة:

👈  النيابة : نواجه صعوبات في الحصول على معلومات الفساد .

📌   اعملوا قروب واتساب 

ه

📰   آخر لحظة:

👈  غرفة المستوردين: زيادة الأجور خازوق .

📌   دخلكم شنو ؟ نحن مرتاحين عليهو 

ه

📰   آخر لحظة:

👈  ديوان الضرائب: اتفاق مع دول خليجية أضر بشركات وطنية .

📌   فتش عن اولاد هدية 

ه

📰   النيل الدولية:

👈  جماعة الحوثي: إتفاق تبادل الأسرى في اليمن يشمل 4 سودانيين .

📌   ربنا يفك أسرهم 

ه

📰   النيل الدولية:

👈  مقاطعة المتحدثين تُهدد استمرار جلسات المؤتمر الإقتصادي القومي .

📌   ماشاءالله على الخبرات

ه

📰   النيل الدولية:

👈  البجا: الحكومة (صهينت) ونتخوف من الطلاق الكاثوليكي .

📌   الحكومة مقبلة غرب 

ه

📰   النيل الدولية:

👈  إتحاد أصحاب العمل: الضائقة المعيشية غير مبررة وغير منطقية .

📌   يعني قلة أدب؟ 

ه

📰   السوداني الدولية:

👈  المخلوع لـ(السوداني الدولية): نحنا خلاص رفعنا إيدنا من البلد .

📌   أيدك رفعوها ليك غصبا وقوة واقتدار وظلت نخرة ، ما رفعتها براك ولا بمزاجك

ه

📰   السوداني الدولية:

👈  أصحاب العمل.. يجب ان يظل الهم الإقتصادي والمعيشي اولوية للحكومة .

📌   أول جبناها تربعنا في الكوشتينة؟ 

ه

📰   تاسيتي الأخبارية:

👈  المالية تطالب بعقوبات رادعة للجهات التى لا تخضع للمراجعة .

📌   نؤيد وبشدة 

ه

📰   تاسيتي الأخبارية:

👈  النائب العام يشدد على أهمية انشاء مفوضية الفساد .

📌   والله اذا كانت الجهات العدلية ياها ذاتها مافي داعي تسوونا في مفوضية ورواتب وعربات

ه

📰   تاسيتي الأخبارية:

👈  إعتصام محلية القولد يدخل يومه الخامس .

📌   والله ما سمعنا به ، أنقلوهو نيرتتي والا أي حتة تانيه في دارفور  

ه

📰   أخبار اليوم:

👈  في موكب مهيب تقدمه الأمين العام المكلف : الشعبي يودع القيادي يوسف لبس .

📌   له الرحمة والمغفرة وربنا يتقبله في الصالحين 

ه

📰   أخبار اليوم:

👈  تم ادانتهما بقتل مهرب: رئاسة الجمارك تسير موكب للمطالبه بالإفراج عن اثنين من منسوبيها .

📌   اصلا ما مفروض ادانتهم وأي مهرب مفروض يقتل حتى ولو بالاشتباه 

ه

📰   السوداني:

👈  جسر جوي من القاهرة مكون من 17 طائرة لنقل خطوط إنتاج الخبز .

📌   خير اللهم اجعله خير 

ه

📰   السوداني:

👈  مدني : رئيس الحكومة لا يرى سبباً لإقالتي .

📌   سيبك من رئيس الحكومة انت رايك شنو؟ 

ه

📰   السوداني:

👈  مناع يكشف لـ(السوداني) تفاصيل نجاته من محاولة اغتيال .

📌   المهم حمدا لله على السلامة 

ه

📰   السوداني:

👈  لجنة نبيل أديب تستجوب عدداً من ضباط الجيش والدعم السريع حول مجزرة فضّ الإعتصام .

📌   أهااااا دا الكلام ال أمه بت عم أبوهو 

ه

📰   السوداني:

👈  إعفاء وتعيين أمين عام حكومة ولاية كسلا .

📌   ياااا تاج السر!!!

ه

ه

📌ابووضاح 📌

ليست هناك تعليقات:

إرسال تعليق

Adbox