اخر الاخبار

الأحد، 27 سبتمبر 2020

دبابيس من الصحف السودانية

 📌 دبابيس من صحف الأحد 27 سبتمبر 2020م

ه



ه

⚠   *غلوطيه*:

📌   على قول حسين خوجلي قرد الغلوطية...... حملت الأخبار عنوان عريض يقول (67ألف) من قيادات الاتحاد الديموقراطي تنضم الى حركة العدل والمساواة في جنوب دارفور..... زننننننننن  

لي تلاته أيام ألوك وأمضغ في الخبر دا وما قادر أبلعه...... ضيع علي الويك اند

سيبك من جنوب دارفور ودعنا نعتبر ان الكلام يشمل دارفور كلها بالقبل الأربعة......

ولاحظ معي أن ال 67 ألف ديل (من) قيادات و(من) هنا تسمى من التبعيضية يعني ديل بعض من القيادات مما يعني أنه لا زال للاتحاد الديموقراطي باقي قيادات راسهم قوي ولم ينضموا بعد.....

طيب لو فرضنا انه باقي القيادات التي لم تنضم (بالميت كدا) 3 ألف قائد راسهم قوي ، ذلك يعني أن قيادات الاتحاد الديموقراطي في دارفور 70 ألف قيادي ولو كل قيادي يتبعه 100 عضو من عشيرته وأهل بيته ذلك يعني أن عضوية الاتحاد الديموقراطي 7 مليون عضو.....

قال لك خت الكديسة في الميزان وزنت نص كيلو قال لها أها دي اللحمة الكديسة وينها

طيب دي عضوية الاتحاد الديموقراطي في دارفور أها دارفور ذاتها وينها ؟ 

سبق أن جردنا عدد الحركات المسلحة في دارفور فكان (85) حركة مسلحة (وليس عضو) فيا ناس الاتحاد الديموقراطي وناس العدل المساواة ورونا ال (84) حركة الباقيين وين.....مكانها وين مكانها وين......

يا اخواننا الزول لما يكون عاوز يكبر كومو يكبر بالعقل.......

احترمونا شويه........  

ه

ه

⚠   *حميدتي والتطبيع*:

👈   قال نائب رئيس مجلس السيادة الانتقالي “محمد حمدان حميدتي” بشأن التطبيع مع إسرائيل ” أي شيء يخرج البلد إلى بر الامان نحن معاهو، ربنا قال “وَلَا تَكُن لِّلْخَائِنِينَ خَصِيمًا”، ارجع للقرآن. وأضاف “حميدتي” وفق صحيفة السوداني خلال مناسبة اجتماعية بمدينة أمدرمان في معرض رده على أحد الحضور رافضا للتطبيع “عشان ما تحملونا المسؤولية، أنا هنا بقولها ليكم مافي زول بقدر يقولها، شيوخكم كلهم قالوا طبعوا مع اسرائيل عشان تكونوا عارفين”. وقاطعه أحدهم بهتاف “لا لا للتطبيع”، ورد عليه حميدتي قائلاً: “اسمع الكلام يازول، اي شي يخرج البلد الى بر الامان نحن معاهو”.....

📌   نقطة سطر جديد.....أداكم النجييييضة.....

ه

ه

📰   الوطن:

👈   البرهان :نعمل على استعادة شعار "أبتسم أنت في القيادة"

📌   نضف الكيزان والله القيادة براها تبتسم 

ه

📰   الوطن:

👈   حمدوك : أولوياتنا السلام ومعالجة الأزمة الإقتصادية

📌   والله انا خايف اولويتنا تكون نفهم الناس كيف تفصل بين السياسة والاقتصاد 

ه

📰   الوطن:

👈   ارتفاع وفيات الحمى المجهولة في الولاية الشمالية

📌   الحمى دي ما قالوا ضنك مجهولة دي شنو كمان 

ه

📰   الوطن:

👈   القبض على شاب منتحل صفة ضابط بالقوات النظامية

📌   ضابط مرة واحدة ؟ زين شايف نفسه 

ه

📰   الوطن:

👈   عرمان :وصفة معالجة  الاقتصاد يجب أن تخرج من السودان

📌   كان من ناس البارح ديل أشك في ذلك 

ه

📰   السوداني الدولية:

👈   الإعلان عن مؤتمر عالمي للحريات الدينية والتعايش السلمي في السودان 

📌   يجيكم واحد استاذ جامعي أنا عارفه كويس يقول لكم شيل وزير الشئون الدينيه 

ه

📰   السوداني الدولية:

👈    صدقي كبلو: المؤتمر الاقتصادي سيسهم في حل الأزمة المالية 

📌   بالكلام ساكت ؟ 

ه

📰   آخر لحظة: 

👈   الأزمة الاقتصادية .. البرهان ينتقد بطء الحلول وحمدوك يتهم الفلول

📌   الاتنين غلطانين وشماعة الفلول دي حتى لو حاصلة بقت ما مقبولة 

ه

📰   آخر لحظة: 

👈   أساس الخرطوم: (99) في المركز الأول ورسوب (29) ألفاً

📌   مبروك للناجحين ونتمنى للراسبين حظ اوفر في المرة القادمة وهذه ليست النهاية

ه

📰   آخر لحظة: 

👈   الحكومة: التطبيع مع إسرائيل يحتاج لنقاش عميق 

📌   قصدكم نقاش (بفكرة عميقة) زي زواج الجماعة  

ه

📰   آخر لحظة: 

👈   بعد توقف لأشهر .. تشغيل مستشفى أم درمان

📌   على البركة 

ه

📰   آخر لحظة: 

👈   السرية تخيم على لقاء البرهان ونتنياهو المرتقب بيوغندا

📌   اليهود ديل ما عندهم سر قولوا الله يسترنا بس 

ه

📰   آخر لحظة: 

👈   عرمان يطالب بتصفية التمكين الاقتصادي

📌   العين بصيرة واليد قصيرة يا كمرد 

ه

📰   النيل الدولية:

👈   البرهان يدعو لوضع رؤية استراتيجية لمعالجة الأزمة الاقتصادية

📌   بي وين مع التماحك والتناحر السياسي الشغال دا 

ه

📰   النيل الدولية:

👈   حمدوك: النظام البائد أسهم فى تفاقم الأزمة الاقتصادية

📌   أول هو لو ما عمل كدا انت كنت جيت ؟ 

ه

📰   النيل الدولية:

👈   حصيلة جديدة لإصابات “كورونا” ولا وفيات

📌   حوالينا لا علينا 

ه

📰   النيل الدولية:

👈   مياه الخرطوم: الفولتية والطمي أسباب الأعطال بمحطات المياه وضعف انتاجيتها

📌   الطمي دا جديد يعني ؟ ما طول عمره بي يجي 

ه

📰   النيل الدولية:

👈   الأمم المتحدة تعلن بدء نشر (يونيتامس) في أكتوبر المقبل

📌   يا اكتوبر ما تجي تخفف على حمدوك الضغطة دي 

ه

📰   أخبار اليوم: 

👈   تفاصيل الجلسة الأولي المثيرة للمؤتمر الإقتصادي بحضور البرهان وحمدوك. 

📌   أمحق تفاصيل 

ه

📰   أخبار اليوم: 

👈   وصفوا الوضع الصحي بالهش:  خبراء يحذرون من موجة ثانية لكورونا بالبلاد. 

📌   نحن مابين هش ومهمش يحلنا الحل بلة 

ه

📰   أخبار اليوم: 

👈   خلال مداولات المؤتمر الاقتصادي القومي: مشاركون يطرحون مداخلاتهم في صفيح ساخن ويطالبون باقاله مدني عباس.

📌   ماشاء الله هيك مشاركون بدهم هيك طرح 

ه

📰   السوداني: 

👈   ”حمدوك”: الوزراء بشتغلوا 25 ساعة في اليوم وبقيفوا في الصفوف إلا نصورهم ليكم 

📌   حتى كان صورتهم النقه ياها النقة أرمي قدام بس 

ه

📰   السوداني: 

👈    “حميدتي” : الحكاية بايظه فشلنا كتير والشعب لم يفوض أحداً ليحكمه كلنا متسلطين

📌   والله انت الوحيد الناقش كل حاجة  

ه

📰   السوداني: 

👈   المملكة تأمل أن تُساهم مخرجات المؤتمر الاقتصادي في النهضة السودانية 

📌   قال يا مشتهي السمنة من بق النملة يحرم عليك الفطير 

ه

📰   وكالة "سونا":

👈   والى الخرطوم يعلن نتيجة الاساس ويهنئ الناجحين واسرهم

📌   مسكين ما عنده حاجة يعملها الدنيا كلها واقفة قال يشغل نفسه شوية 

ه

📰   وكالة "سونا":

👈   حمدوك يستعرض إنجازات الحكومة الانتقالية فى المجال الاقتصادي 

📌   خوش انجازات 

ه

📰   وكالة "سونا":

👈   حمدوك: أولوياتنا بناء السلام ومعالجة الازمة الاقتصادية ومحاربة الفساد

📌   والتلاتة غلبنكم 

ه

📰   وكالة "سونا":

👈   العدل والمساواة نسعي الي سودان موحد يسع الجميع

📌   بدليل ضمها ل 67ألف من قيادات الاتحادي

ه

📰   وكالة "سونا":

👈   مدير ادارة اقتصاديات النفط :فعاليات المؤتمر ثرة وشفافة

📌   لا هي موش شفافة هي رهيفة من نوع الرهيفة ال تنقد 

ه

📰   وكالة "سونا":

👈   ورش مجال الاتصالات توصي بأيلولة جهاز الاتصالات والبريد لمجلس الوزراء

📌   أوع يكون هو تبع العسكر ؟ 

ه

📰   وكالة "سونا":

👈   شحنة الاغاثة الفرنسية الاولى تصل مطار الخرطوم

📌   ميغسي فغانس ميغسي ماكغو

ه

📰   وكالة "سونا":

👈   قرار وزاري بتكوين مجلس إدارة لرياضة الهجن

📌   اوع يكون دي مخرجات رحلة ابوظبي 

ه

📰   وكالة "سونا":

👈   استخبارات الفرقة السادسة مشاة تضبط متهمين بحوزتهم (4995 )رأس بنقو 

📌   أقنعوني بس انه المهربين غلبهم يتموهن خمسة ألف راس..... اقنعوني 

ه

📰   وكالة "سونا":

👈   تدشين برنامج سلعتي بولاية شمال كردفان اليوم الأحد

📌   سلعتي ال مست غرورك وفرقتنا يا حبيبي 

ه

ه

📌ابووضاح 📌

ليست هناك تعليقات:

إرسال تعليق

Adbox