اخر الاخبار

الأحد، 13 سبتمبر 2020

دبابيس من الصحف السودانية

📌 دبابيس من صحف الأحد 13 سبتمبر 2020م
ه


ه
⚠ *ضربة صاح في المكان الخطأ*
👈 تجار العملة موجودين من زمن النميري وموجودين في كل الدول ولهم تأثيرهم الايجابي والسلبي على الاقتصاد هذه حقيقة لكن ما يحصل في السودان واضح أنه حرب أطرافها غير تجار العملة ، بل أطرافها مهربين ومخربين ومزورين محترفين ، لذلك الهجمة على تجار العملة ضربة في غير محلها وعبارة عن بندول وستعود بعده الحمى والسقم ما لم نستأصل العضو المريض....
📌 التأخير في تغيير العملة يوجب القضاء والكفارة.........
ه
ه
⚠ *أعجبني*:
👈 أعجبني حتى أدمعت عيني بعض الركشات تحمل لوحة (ترحيل طلاب الشهادة مجان) في مبادرة من اصحاب الركشات للمساعدة في توصيل الطلبة....
📌 انه تجسيد حقيقي لقول الشاعر:
ﻋﺰﻳﺰ ﺍﻧﺖ ﻳﺎ ﻭﻃﻨﻲ ﺑﺮﻏﻢ ﻗﺴﺎﻭﺓ ﺍﻟﻤﺤﻦ
ﺑﺮﻏﻢ ﺻﻌﻮﺑﺔ ﺍﻟﻤﺸﻮﺍﺭ ﻭﺭﻏﻢ ﺿﺮﺍﻭﺓ ﺍﻟﺘﻴﺎﺭ
ﺳﻨﻌﻤﻞ ﻧﺤﻦ ﻳﺎ ﻭﻃﻨﻲ ﻟﻨﻌﺒﺮ ﺣﺎﺟﺰ ﺍﻟﺰﻣﻦ
ه
ه
⚠ *مبادرة “وصلني”*
👈 عزيزي المواطن قائد المركبة.. 
اليوم يساهم عدد كبير من المواطنيين بسياراتهم الخاصة ومساهماتهم المالية المقدرة ، في راحة الطالبات والطلاب أثناء هذه الفترة العصيبة من الزمن والتي لا تتعدى التسعة أيام....
كن واحد منهم وشارك في مبادرة وصلني لتوصيل طلبة الشهادة مجانا.......
للدعم المادي يرجى التحويل على رقم الحساب: بنك الخرطوم 1198132
للإلتزام والإنضمام اضغط على أي رابط للمجموعات أدناه 
المجموعة 1
https://chat.whatsapp.com/HNFTJ2Yb6XKJXrXQpQORyS
المجموعة 2
https://chat.whatsapp.com/C5s0VJBlX125auCKPHI4Wu
المجموعة 3
https://chat.whatsapp.com/BYg12vPUWcpH193OTba76Y 
هاتف المبادرة : 00249912344267
البريد الالكتروني : Wasslni2sudan@gmail.com.........
ه
ه
📰 الوطن:
👈 اختفاء تجار العملة وتوقف البيع والشراء في السوق الموازي 
📌 أخشى أن يكون المتسببين في الأذى الحقيقيين الآن يضعون رجل على رجل ويضحكون فينا وفي تجار العملة 
ه
📰 الوطن:
👈 حميدتي :(البلد دي مامسجلة باسم زول) ويجب أن نعمل معاً
📌 يازول والله في ناس قايلين نفسهم ورثوها عديييل 
ه
📰 الوطن:
👈 الكشف عن فساد ملياري في هيئة نقابية
📌 دي الا تكون نقابة المؤتمر الوطني 
ه
📰 الوطن:
👈 الري تؤكد تواصل انخفاض مناسيب النيل
📌 يعني ما ناخد الحيطة والحذر؟ 
ه
📰 النيل الدولية:
👈 حركة مناوي تتبرأ من وفد المقدمة القادم للخرطوم وتتهم الوساطة بعدم الحياد
📌 هههههه والله كنت متوقعها 
ه
📰 النيل الدولية:
👈 حمدوك: المؤتمر القومي الدستوري واجب تأخر لمدة (65) عاماً
📌 كان جيت للجد نحن أخطأنا في الاستقلال كان نأخره 65 عاماً 
ه
📰 النيل الدولية:
👈 الجنيه السوداني يستعيد بعض تعافيه أمام العملات الأجنبية
📌 دي فجة موت الا اذا تم تغيير العملة 
ه
📰 النيل الدولية:
👈 والي الخرطوم يقرع جرس امتحانات الشهادة السودانية من محلية جبل أولياء اليوم
📌 بالتوفيق 
ه
📰 النيل الدولية:
👈 انخفاض في جرام الذهب عقب الإجراءات الاقتصادية الطارئة
📌 ان شاءالله يبقى مجان ذاتو 
ه
📰 النيل الدولية:
👈 حكومة الخرطوم تعلن نسب تخفيضات الرسوم الحكومية
📌 يعني عاملين تنزيلات ؟ 
ه
📰 السوداني الدولية:
👈 وزارة الزراعة تعلن تضرر (100) ألف فدان بالفيضانات 
📌 يسدوها بي جاي تتقد بي جاي
ه
📰 السوداني الدولية:
👈 اعتصام كنانة ينجح في تحقيق مطالبه 
📌 بركة والله 
ه
📰 السوداني الدولية:
👈 استياء واسع من فرض الطوارئ الاقتصادية 
📌 المستاء يشرب من قدام باب بيته ، أصلو البحر جاء للناس عند أهلهم 
ه
📰 السوداني الدولية:
👈 الفيفا يلزم المريخ بسداد 24 ألف دولار للبرازيلي ماركوس ويمهله 45 يوماً 
📌 يمرقن من جيب العدو اليومين ديل 
ه
📰 آخر لحظة: 
👈 القبض على السوباط وحميدتي يكشف عن تصفية حسابات
📌 عقبال القبض ال بي يزور في القروش في مصر ويرسل فيها للسودان 
ه
📰 آخر لحظة: 
👈 مثول مسؤول كبير بالمالية أمام نيابة الفساد 
📌 اسمه منو؟ 
ه
📰 آخر لحظة: 
👈 الطلاب يجلسون للامتحانات متحدين المقررات والفيضانات 
📌 ربنا يوفقهم 
ه
📰 آخر لحظة: 
👈 حمدوك: حريصون على عدم إضاعة فرصة التحول الديمقراطي
📌 والله بالمحركة بتاعتكم دي نحن خايفين يضيع الوطن كله 
ه
📰 آخر لحظة: 
👈 استمرار الخلاف حول رئيس البعثة الأممية إلى السودان.
📌 الخلاف في شنو شوفوا أي كافر جيبوهو ما حايكون اسوأ من حكامنا الفاتوا ولا من الموجودين 
ه
📰 تاسيتي الاخبارية: 
👈 حمدوك يعقد اجتماعا طارئا مع مركزية قوى الحرية و التغيير 
📌 حليلو هو 
ه
📰 تاسيتي الاخبارية: 
👈 السيول تقطع طريق عطبرة بورتسودان 
📌 أحسن ، خليها تعطل التهريب شوية 
ه
📰 أخبار اليوم: 
👈 حملة سالمة يا سودان القطرية فاقت 89 مليون ريال قطري والتبرعات تتواصل.
📌 زي دي زمان ناس المخلوع يرسلوا زول يشيلها بي شنطة يوديها ماليزيا 
ه
📰 أخبار اليوم: 
👈 حميدتي يدشن حملة إدارة الكوارث بالدعم السريع للمتضررين في 8 ولايات.
📌 ولا عزاء لجيش البرهان ولا لقحت 
ه
📰 أخبار اليوم: 
👈 زعيم البعث: قوى الحريه قررت الاجتماع بالحكومة حول الراهن السياسي والاقثصادي.
📌 ياسلام ؟ مالهم مستعجلين كدا 
ه
📰 أخبار اليوم: 
👈 رئيس هيئة الأركان يتفقد القرى التي غمرتها الفيضانات بولاية نهر النيل.
📌 من ضميرو كدا والا في زول قال له؟ 
ه
📰 السوداني: 
👈 حمدوك كتبنا ستة دساتير من قبل ولم تخلق استقراراً بالبلاد 
📌 الاستقرار يخلقه الانتاج وادارة الانتاج بلا دساتير بلا مفصلات بلا ترابيس فارغة 
ه
📰 السوداني: 
👈 انسلاخ قيادات عسكرية وسياسية بحركة مناوي وانضمامها لتجمُّع قِوى تحرير السودان 
📌 زهجوا منو ؟ 
ه
📰 السوداني: 
👈 رئيسة القضاء تكشف حجم الفساد داخل السلطة القضائية 
📌 طيب نحن جبناكي لي شنو؟ 
ه
📰 السوداني: 
👈 السلطة القضائية تصدر منشوراً جنائيا بشأن حماية الشهود والمجني عليهم والمبلغين 
📌 مبروك رغم انه جاء متأخر 
ه
📰 وكالة "سونا":
👈 لجنة المعلمين السودانيين "فلنتضامن جميعا لإنجاح امتحانات الشهادة"
📌 ونحن معاكم ان شاءالله 
ه
📰 وكالة "سونا":
👈 كباشي يتفقد عددا من القرى التي غمرتها المياه بجبل الأولياء
📌 أمممك زاغ من الحتانة 
ه
📰 وكالة "سونا":
👈 حمدوك يتلقى برقية تعزية من نظيره الكويتي
📌 عظم الله أجره 
ه
📰 وكالة "سونا":
👈 امريكا ترحب بسلام جوبا وتبدي استعدادها لدعم جهود التعافي من الفيضانات
📌 يلا ورونا حاجة
ه
📰 وكالة "سونا":
👈 كبلو: استمرار سيطرة الطفيلية علي الاقتصاد هو سبب ارتفاع الاسعار
📌 نان الطفيلية ديل ليهم تلاتين سنة ماشبعوا نعمل لهم شنو ؟ 
ه
📰 وكالة "سونا":
👈 وصول طائرة اماراتية لدعم المتضررين من السيول والامطار
📌 شكرا دار زايد 
ه
📰 وكالة "سونا":
👈 امنة مكي تقف على أوضاع المتأثرين بالفيضان بالشقالوه محلية شندى
📌 أممممك راحت للجماعة عند أهلهم 
ه
📰 وكالة "سونا":
👈 طائرة إغاثة كويتية لمتضررى الفيضانات تصل الخرطوم
📌 شكرا للكويت 
ه
📰 وكالة "سونا":
👈 إستئناف العمل بمجمع الذهب بالخرطوم
📌 شغل على موية بيضاء والا دغمسة زي زمان؟ 
ه
📰 وكالة "سونا":
👈 السكة الحديد تعلن استئناف حركة قطارات الرهد بابنوسة.
📌 وكيف نرفض رجوع القمراء لوطن القماري 
ه
ه
📌ابووضاح 📌

ليست هناك تعليقات:

إرسال تعليق

Adbox