اخر الاخبار

الأحد، 20 سبتمبر 2020

دبابيس من الصحف السودانية

 📌 دبابيس من صحف الأحد 20 سبتمبر 2020م

ه



ه

⚠   *مبادرة “وصلني”*:

👈   لم يتبقى من الزمن الا ايام قلائل.....

عزيزي مالك العربة كن واحد من المشاركين في هذا العمل الخيري الذي اثبت نجاحه......

انضم الى مبادرة وصلني لتوصيل طلبة الشهادة مجانا.......

هاتف المبادرة : 00249912344267

البريد الالكتروني     Wasslni2sudan@gmail.com.........

ه

ه

⚠   *مجرد سؤال*:

👈   المسألة الفنية بتاعة تغيير العملة ما لقيتوا ليها فنان يفننها لي هسع؟ 

ه

ه

⚠   * 📌الدبابيس 📌 تتكفل باخراج السودان من فتيل اسرائيل*:

👈   أفادت انباء انتشرت على الوسائط بأن إسرائيل تستعد لارسال مساعدات ضخمة للسودان مساهمة منها في درء كوارث الأمطار وذلك بالتعاون مع جمعية الصداقة السودانية الإسرائيلية.....

📌   طبعا دا فتيل ضيق وفيه جاز كمان.... لأنه الحكومة لو قبلت المساعدات يعتبر تطبيع ولو رفضتها أمريكا بي تزعل ونحن عاجنين حنتنا ومنتظرين رفع العقوبات...... 

لذلك ولرفع الحرج عن الحكومة واخراجها من هذا الفتيل تعلن 📌 الدبابيس 📌 عن ترحيبها بالمعونات الاسرائلية وتتعهد باستلامها وتوزيعها على المستحقين داخل السودان وبما أن 📌 الدبابيس 📌 جهة اعلامية مستقلة والحكومة لا دخل لها في عمل الإعلام وخصوصا المستقل منه....  لقيتوني كيف؟ 

ه

ه

📰   الوطن:

👈   عضو بالسيادي :تمكين الانقاذ في قطاع الطيران تجاوز (٩٠٪)

📌   قول 200% .... نحن جبناكم لي شنو؟ 

ه

📰   الوطن:

👈   الوساطة :تنفيذ  اتفاق السلام يحتاج "18" مليون دولار 

📌   قال جبتك يا عبدالمعين تعيني لقيت يا عبدالمعين عاوز 18 مليون 

ه

📰   الوطن:

👈   بومبيو يرجح رفع السودان من قائمة الإرهاب والاتفاق معه قبل أكتوبر

📌  ( قبل) دي يعني في هذه العشرة ايام الباقية ؟ مابصدقكم 

ه

📰   الوطن:

👈   قرار للبرهان ينتزع مدينة البشير الطبية لصالح الجيش

📌   أمعطططط..... الزعيم يلهط على طوووول  

ه

📰   السوداني الدولية:

👈    البرهان لواشنطن لبحث رفع اسم السودان من قائمة الإرهاب 

📌   هلا هووووك راسطة والدنيا باسطة 

ه

📰   السوداني الدولية:

👈    (100) طن مساعدات قطرية تصل الخرطوم ضمن حملة (سالمة_ يا سودان) 

📌   كلموا اليابان تجي تتفرج 

ه

📰   السوداني الدولية:

👈    وفد (الثورية) يعلن عن لقاءات مع رسميين وسياسيين بالخرطوم 

📌   راحت ايام التجدع في اديس 

ه

📰   آخر لحظة: 

👈   البلاد تفقد (80) مليون دولار بسبب قرار للبشير

📌   دعواتكم 

ه

📰   آخر لحظة: 

👈   (المهنيين) يُدين محاكمة مجموعة فنية 

📌   ما ندينكم بي شينة 

ه

📰   آخر لحظة: 

👈   انسياب صادر اللحوم ومرض يصيب 80% من (السمسم)

📌   متعوداااا دايمنننن 

ه

📰   آخر لحظة: 

👈   بلاغات جديدة ضد والي أسبق ومدير شرطة 

📌   عادي تنوم زيها وزي البلاغات النايمة 

ه

📰   النيل الدولية:

👈   توضيح من رئيسة القضاء حول تنفيذ اعدام قتلة احمد الخير

📌   ما قصرت 

ه

📰   النيل الدولية:

👈   فرح: عائدات صادر الثروة الحيوانية فاقت 34 مليون دولار خلال 3 أشهر

📌   دا غير ال34 باخرة الرجعت؟

ه

📰   النيل الدولية:

👈   وصول أول طائرة مساعدات أميركية لمتضرري الفيضانات بالسودان

📌   بدينا ان شاءالله ملينا 

ه

📰   النيل الدولية:

👈   الحكم بسجن أعضاء مركز (فيد) للفنون يثير جدلاً واسعاً في السودان

📌   دا فضيحة وليس حكم 

ه

📰   النيل الدولية:

👈   الوفدالحكومي ولجنة الوساطة يبحثان الترتيبات للتوقيع على إتفاق السلام

📌   على مهلكم 

ه

📰   تاسيتي الاخبارية: 

👈   تاور: قطاع الطيران بحاجة إلى غريبة حقيقية 

📌   يخربني كان فهمت حاجة.....ياخي كان تتعهد لهم وخلاص بدل تتوهنا معاك 

ه

📰   تاسيتي الاخبارية: 

👈   إحباط محاولة تهريب  غاز مدعوم بولاية الجزيرة 

📌   والمهربين خليتوهم فاتوا ساكت والا عشيتوهم 

ه

📰   تاسيتي الاخبارية: 

👈   اسهالات بالمناطق المتأثرة بالفيضانات

📌   ايكولاي؟ 

ه

📰   أخبار اليوم: 

👈   خبراء خسائر كبيرة تنجم عن قطع خدمة الإنترنت بالبلاد. 

📌   خسرانه خسرانه 

ه

📰   أخبار اليوم: 

👈   السودان :غرفة النقل الجوي تعلن عن 96 مليار دولار خسائر شركات الطيران جراء حظر “الكورونا”. 

📌  أها  دا الله ودي حكمته ، نحن نعمل شنو 

ه

📰   السوداني: 

👈   لقاءٌ بين البرهان ووفد مُقدِّمة الثورية 

📌   مقدمة بن برهان 

ه

📰   السوداني: 

👈   إنتاج (10) ميقاواط كهرباء من داخل سكر النيل الأبيض 

📌   دي بتكون كهرباء حلوة الزول العندو سكري ما يولع النور  

ه

📰   السوداني: 

👈   الموت يغيّب نجمة ركن الأطفال الدرامية السودانية «السنينة» 

📌   لها الرحمة والمغفرة وربنا يتقبلها في الصالحين 

ه

📰   السوداني: 

👈   أسراب هائلة من الجراد تجتاح السودان 

📌   يجي يحصل البلاوي دي خلينا نتفك منها كلها مرة واحدة 

ه

📰   وكالة "سونا":

👈   التعايشي يشارك في افتتاح الموتمر التحضيري الاقتصادي للشباب

📌   هم الشباب لاقين شغل لحدي ما يكون عندهم اقتصاد 

ه

📰   وكالة "سونا":

👈   جابر: ازدهار صناعة الطيران سيسهم في نهضة السودان

📌   نهضة شنو هسع السودان في القوت الضروري دا 

ه

📰   وكالة "سونا":

👈   وزيرة المالية تشارك في الإجتماع الوزاري للدول الأقل نمواً

📌   نحن ما من الدول الأقل نموا نحن نمونا واقف

ه

📰   وكالة "سونا":

👈   وزير الخارجية يشيد بدور المانيا ووقفتها مع السودان

📌   والتحية للفوهرر علي الحاج

ه

📰   وكالة "سونا":

👈   اللجنة التمهيدية لنقابة الصحفيين تعقد اجتماعا مع قدامى النقابيين

📌   انتو بالمناسبة دي وين الرزيقي؟ 

ه

📰   وكالة "سونا":

👈   السفير محمد عبد الرحمن يقدم أوراق إعتماده لدى غانا

📌   هههه تتذكروا سفير غانا زمان كان اسمه منو؟ 

ه

📰   وكالة "سونا":

👈   نورالدين ساتي يقدم اوراق اعتماده لترامب سفيرا بواشنطن

📌   سفير مقيم وليس سفير صاجات زي سفراء الجماعة زمان  

ه

📰   وكالة "سونا":

👈   ورقة: الصناعات الصغيرة تشكل ٩٣% من الصناعات التحويلية في السودان 

📌   والله السودان دا غير تحويل رصيد ماشوفنا فيه اي تحويلية 

ه

📰   وكالة "سونا":

👈   وفد من التعليم العالي يستهل زيارة لجامعة الجزيرة

📌   يكون عاوز يتأكد من سحب ماجستير المخلوع 

ه

📰   وكالة "سونا":

👈   مدير جامعة أم درمان الإسلامية يطمئن على إستئناف الدراسة 

📌   ربنا يطمنو 

ه

📰   وكالة "سونا":

👈   صندوق المعاشات يؤكد أهمية التفتيش الميداني في العملية التأمينية

📌   والله ما اقول لكم الا كل خير 

ه

📰   وكالة "سونا":

👈   والي الخرطوم :قرار بترحيل المواطنين المتأثرين بالفيضانات لمناطق آمنة

📌   آمنة والي نهر النيل؟ 

ه

ه

📌ابووضاح 📌

ليست هناك تعليقات:

إرسال تعليق

Adbox