اخر الاخبار

الأربعاء، 16 سبتمبر 2020

دبابيس من الصحف السودانية

 📌 دبابيس من صحف الاربعاء 16 سبتمبر 2020م

ه



ه

⚠   *سياسة البصيرة أم حمد*:

👈   قال لك: بتوجيه من الجهات العدلية سوف يتم قطع الإنترنت يومياً خلال جلسات إمتحان الشهادة السودانية من الساعة 8 صباحاً وحتي نهاية الجلسة الساعة 11 صباحاً.......

📌   طيب الناس التانيين ذنبهم شنو ؟ توقفوا مصالحهم ليه ؟ أفرض انا عندي محاضرة اونلاين الساعة تسعة.... عندي معاملة في الجوازات والا المرور عاوز ارسل لي تقرير طبي واقف لي في بوابة تحصيل الكتروني أقعد انتظرها للساعة 11؟ ....

يا ناس ما ترتقوا الى مستوى المسئولية والا تغوروا غير مأسوف عليكم......

ه

ه

⚠   *مبادرة “وصلني”*

👈   يتواصل نجاح مبادرة (وصلني) ويتواصل انضمام المزيد من الجهات الداعمة حكومية كانت أو خاصة ويلمس الناس نتائجها ويتذوق الطلبه ثمرتها بفضل الله وجهد شباب الوطن....... 

ولم يتبقى من الزمن الا ايام معدودات.....

عزيزي مالك العربة كن واحد من المشاركين في هذا العمل الخيري الذي اثبت نجاحه......

انضم الى مبادرة وصلني لتوصيل طلبة الشهادة مجانا.......

للدعم المادي يرجى التحويل على رقم الحساب: بنك الخرطوم 1198132

للإلتزام والإنضمام اضغط على أي رابط للمجموعات أدناه 

المجموعة  1

https://chat.whatsapp.com/HNFTJ2Yb6XKJXrXQpQORyS

المجموعة  2

https://chat.whatsapp.com/C5s0VJBlX125auCKPHI4Wu

المجموعة  3

https://chat.whatsapp.com/BYg12vPUWcpH193OTba76Y 

هاتف المبادرة : 00249912344267

البريد الالكتروني     Wasslni2sudan@gmail.com.........

ه

ه

⚠   *المخلوع يستقطع 20 مليار من ديوان الزكاة لأسر متعففة وهمية*:

👈   كشف مقدم ورقة الأمان الاجتماعي وتخفيف الفقر والانعاش التنموي في الورشة القطاعية لمحور العمل والتنمية الاجتماعية في اطار التحضيرات للمؤتمر الاقتصادي القومي والتي انعقدت أمس بوزارة التعليم العالي د. عز الدين الصافي عن استقطاع الرئيس المخلوع عمر البشير 20 مليار جنيه من ديوان الزكاة لأسر متعففة وهمية، بالاضافة الى 6 مليار لبرنامج الأسر الفقيرة، وفي الأثناء أعلنت وزيرة العمل والتنمية الاجتماعية لينا الشيخ عن تأثر٦٥٠ ألف نسمة بشكل مباشر بكوارث الفيضانات والسيول في السودان. وقال الصافي:” إن المخلوع كان يستغل أموال الزكاة لدعم برامج حزبه المحلول”، وشدد على ضرورة وضع استراتيجية حقيقية لمعالجة الفقر باستحداث برامج جديدة.......

📌   على قدر ما تتخيل ان هنالك شخص فاسد يجي المخلوع يخيب ظنك ويطلع أفسد منه كأنه مراهن على أن لا يكون هنالك من هو أفسد منه........ 

ه

ه

📰   الوطن:

👈   الحكومة :الحديث عن بيع ميناء بورتسودان كذب وجهل 

📌   الميناء وكت ما اتباعت زمن الهبر واللبع تاني مابتتباع 

ه

📰   الوطن:

👈   الأصم يطالب بإطلاق سراح معمر موسى ووقف التعسف

📌   نرفض التعسف لكن صاحبك دا ما ورانا كان بي يصور في مقر لجنة ازالة التمكين ويصور في عرباتهم ولوحاتها لي شنو؟ سوفونير يعني؟ 

ه

📰   الوطن:

👈   محكمة أمريكية تأذن لترامب  بإنهاء الإقامة المؤقتة للسودانيين

📌   العرجاء لي مراحها 

ه

📰   الوطن:

👈   شرطة المرور تجري فحص المخدرات والمنشطات  لسائقي الطرق السريعة 

📌   أممممك اتلطينا..... الطارة جنت والليبر طار جيب يد العفريتة 

ه

📰   الوطن:

👈   تفكيك التمكين تضبط كميات كبيرة من العملات الأجنبية والذهب

📌   بالهناء.... نحن اصلا ما قاعدين نشوف القروش المضبوطة دي ولابنعرفها راحت وين 

ه

📰   السوداني الدولية:

👈   تصريحات مهمة لوزير المالية المكلف بشأن مجانية التعليم

📌   البنية دي ايدها ناشفة وحارة ، مكوة بس 

ه

📰   السوداني الدولية:

👈    مؤتمر صحفي للنائب العام اليوم 

📌   هو وين الزول دا ؟ 

ه

📰   السوداني الدولية:

👈    إتفاق بين وزارة الطاقة والتعدين و شمال كردفان لإستغلال الرمال البيضاء 

📌   رفاقتكم باعوا الزرع والضرع وأجرو البشر في الحروب انتو عاوزين تقبلوا على الرملة؟ 

ه

📰   النيل الدولية:

👈   الخارجية تنفي تجميد حساب سفارة السودان بمدريد

📌   يعني هسع عاوزننا نصدقكم ونكذب برشلونة؟ جنيتو انتو ؟ 

ه

📰   النيل الدولية:

👈   دينق الور في الخرطوم لمناقشة ملف أبيي مع مسؤولي الحكومة السودانية

📌   المسؤول من هو؟ ومن الذي فوضه؟ 

ه

📰   النيل الدولية:

👈   واشنطن تفرض عقوبات جديدة على أشرف الكاردينال

📌   قريبي دي حكايتو مالها بدت تدخن ؟ 

ه

📰   النيل الدولية:

👈   الفيضانات والكتب والوجبات تؤجل الدراسة الى 22 نوفمبر

📌   والمحقة والجرجرة والحيل الميت سد نفس الناس من أي حاجة 

ه

📰   النيل الدولية:

👈   محكمة مدبرى انقلاب الانقاذ تحول الجلسات الى قاعة الصداقة

📌   في فلم اسمه نهاية رجل شغلوهو ليهم بالمناسبة دي  

ه

📰   النيل الدولية:

👈   اجتماع بين حمدوك وصغيرون يحسم قضية مُرتبات اساتذة الجامعات

📌   دا يكون اجتماع صغيرون ما سمعنا بيهو 

ه

📰   آخر لحظة: 

👈   مدني عباس : الشعب أصبح مستهلكاً

📌   وبي طريقتكم دي سيمسي هالكاً ولن يصبح عليه صباح آخر 

ه

📰   آخر لحظة: 

👈   تهديدات لرعايا دول بينها السودان بالطرد من أمريكا

📌   الموت مع الجماعة عرس 

ه

📰   آخر لحظة: 

👈   توقف (3) مطاحن والحكومة تتوعد مصدرين

📌   المثل يقول الأرض لمن يفلحها اذا في جهة ممكن تشغل المصانع دي ادوها ليها طوالي 

ه

📰   آخر لحظة: 

👈   الحكومة: لا اتجاة لخصخصة الموانئ

📌   عوينة ام صالح كان خصخصتوها بي تتقد 

ه

📰   آخر لحظة: 

👈   انحسار النيل وتحذيرات من امطار غزيرة

📌   الحسرة التقد نعاله قاعد زمنو كله ما هاج الا في السنة التعيسة دي 

ه

📰   أخبار اليوم: 

👈   بحضور ترامب: التوقيع علي اتفاق التطبيع الاماراتي البحريني الاسرائيلي بالبيت الابيض. 

📌   وعلى قول المثل الخليجي: خذ المدللة ، و لا تأخذ المعللة


ه

📰   أخبار اليوم: 

👈   اجتماع القطاع الاقتصادي يُشدد على إتخاذ إجراءات للحد من التهريب والمضاربة.

📌   د ما عاوز اجتماع دا اصبح من المعروف بالدين بالضرورة 

ه

📰   السوداني: 

👈   «جمارك مطار الخرطوم» تعلن عن سقف العملات الأجنبية و الذهب المسموح بصحبة المسافر 

📌   دا شعر ما عندنا ليه رقبة ، عمرنا ما سافرنا من مطار الخرطوم بي قروش

ه

📰   السوداني: 

👈   تعيين عبد الله سليمان معتمداً للاجئين 

📌   أوعكم يكون أخون عثمان سلمان مدير عام شركة الأقطان ومفوض الجهاز الاستثمارى للضمان الاجتماعى  

ه

📰   السوداني: 

👈   « القراي»: الوضع الاقتصادي الحالي سيكون ممهداً للاضطرابات حال تم فتح المدارس 

📌   حظكم كعب نعمل لكم شنو؟ 

ه

📰   السوداني: 

👈   ترتيبات لمواصلة جمع السلاح والعربات غير المقننة 

📌   لي هسع ما قننتوها ؟

ه

📰   وكالة "سونا":

👈   تأثر 650 ألف نسمة بالفيضانات والسيول بشكل مباشر بالبلاد 

📌   والله برضو جاملنا 

ه

📰   وكالة "سونا":

👈   البوشي تصدر قراراً وزارياً بحل جمعية المرشدات السودانية

📌   أقدلي وسكتي الخشامة 

ه

📰   وكالة "سونا":

👈   وزارة المالية تؤكد التزام الحكومة بمجانية التعليم

📌   قول كه

ه

📰   وكالة "سونا":

👈   القراي نسعي لوضع منهج جديد متقدم حديث تفاعلي عصري للمدارس

📌   والله فعلا تسعوا لمنهج عصري لأنه عصرتونا لامن قلنا واي 

ه

📰   وكالة "سونا":

👈   وزير التربية: رؤية وتجربة جديدة للتعليم بالسودان

📌   محتاجين مايكروسكوب عشان نشوفها 

ه

📰   وكالة "سونا":

👈   الإطلاق التجريبي لبرنامج الدعم الأسري ”ثمرات"

📌   انتو سموهو ليقمات يقمن صلبه 

ه

📰   وكالة "سونا":

👈   حكومة الخرطوم توجه بالبدء الفوري فى تخطيط القرى المتأثرة بالفيضانات

📌   خططوا بعدين الله كريم 

ه

📰   وكالة "سونا":

👈   الخارجية تشرع في إعداد استراتيجية لسياسة السودان الخارجية

📌   اول الزمن دا كلو ماشيه امفكو؟ 

ه

📰   وكالة "سونا":

👈   الخارجية تعرب عن شكرها للدول الشقيقة لوقفتها لدرء اثار الفيضانات

📌   أخير لكم من قعاد ساكت 

ه

📰   وكالة "سونا":

👈   مؤتمر صحفي لتجمع أساتذة الجامعات غدا بمقر تجمع المهنيين

📌   نشوف راي الكبار

ه

📰   وكالة "سونا":

👈   بيان من وزارة الثقافة والإعلام حول وضع قناة الشروق الفضائية

📌   حمام ميت 

ه

📰   وكالة "سونا":

👈   قطاع البصات السفرية يطالب الحكومة بالإسراع لإلغاء الضرائب غير المستحقة

📌   وتاكل من وين ؟ 

ه

📰   وكالة "سونا":

👈   توقيع عقد وكالة بين بنك التضامن الاسلامى ووسترن يونيون

📌   بس ابعدوا لنا من عقد مع بنك الشمال

ه

📰   وكالة "سونا":

👈   غياب 8873 طالبا وطالبة خلال يومين من إمتحان الشهادة بالجزيرة

📌   مساكين تلقاهم مقطوعين ومافي زول عارف مكانهم 

ه

ه

📌ابووضاح 📌

ليست هناك تعليقات:

إرسال تعليق

Adbox