اخر الاخبار

الثلاثاء، 22 سبتمبر 2020

دبابيس من الصحف

 📌 دبابيس من صحف الثلاثاء 22 سبتمبر 2020م

ه



ه

⚠   *مبادرة “وصلني”*:

👈   لم يتبقى من الزمن الا ايام قلائل.....

عزيزي مالك العربة كن واحد من المشاركين في هذا العمل الخيري الذي اثبت نجاحه......

انضم الى مبادرة وصلني لتوصيل طلبة الشهادة مجانا.......

هاتف المبادرة : 00249912344267

البريد الالكتروني     Wasslni2sudan@gmail.com.........

ه

ه

⚠   *مجرد سؤال*:

📌   هل التطبيع مع العدو الذي يحتل الأرض احتلال استيطاني كاسرائيل التي تحتل فلسطين ومصر التي تحتل حلايب وشيلاتين واثيوبيا التي تحتل الفشقة كله زي بعضو والا فيه خيار وفقوس.....   

نطبع مع ناس وناس لا؟

ه

ه

⚠   *مجرد رأي*:

📌   أعزائي الكفاءات الماسكين الحكومة ، كان الحاجات الكبيرة ناس غاز وخبز وكهرباء وجاز وبنزين ودواء ودولار وأسعار غلبتكم حقو تفرغوا طاقتكم في الحاجات الصغيرة زي البعوض والناموس والذباب.....   

ما ينطبقن على الناس اتنين قحت وكحت........

ه

ه

⚠   *أميفارما سلامة*:

👈   الخرطوم: باج نيوز...... قال المسؤول المالي بمصنع أميفارما للأدوية الهادي محمد إبراهيم، إن الحريق الذي شب بالمصنع ظهر أمس “الأحد” كان محدوداً ولم يُؤثر على خطوط الإنتاج.

وأكد الهادي بحسب وكالة السودان للأنباء اليوم “الاثنين”، أن الإمداد الدوائي مستمر، وأشار إلى أن الحريق في الغالب بسبب التماس كهربائي في سقف أحد مخازن المنتج التام، وتمت محاصرته بمطافئ الدفاع المدني والدعم السريع.

وأضاف أنه لا توجد خسائر في الأرواح، كما أن خطوط الإنتاج ومخازن المواد الخام ومواد التعبئة والتغليف ومخازن المنتج التام الرئيسية بعيدة تماماً عن موضع الحريق.......... 

📌   الحمدلله على السلامة.... قدر ولطف......

ه

ه

📰   الوطن:

👈   تطورات جديدة في محاكمة كوشيب أمام الجنائية الدولية 

📌   أوع يكون جاب سيرة أسد افريقيا 

ه

📰   الوطن:

👈   الثروة الحيوانية تكشف عن تصدير "12" باخرة مواشي

📌   في انتظار الراجع منها 

ه

📰   الوطن:

👈   أكثر من الف ضابط شرطة  يتقدمون بطعن ضد قرار إحالتهم للتقاعد

📌   كان كيزان طعنهم يبلوهو ويشربوا مويتو كان ما كيزان ينظر في امرهم

ه

📰   الوطن:

👈   مجلس الأمن والدفاع يؤكد على دعم للمتضررين من الفيضانات والسيول

📌   بالنظر ؟ 

ه

📰   الوطن:

👈   ضبط مخدرات بقيمة 15 مليار في ربك

📌   نعمة من الله..... صدروها هولندا وجيبوا لنا بيها دقيق 

ه

📰   السوداني الدولية:

👈    السلطات في رومبيك تتفق مع التجار على خفض أسعار السلع الإستهلاكية 

📌   لقوهم وين التجار الطيبين ديل؟ 

ه

📰   السوداني الدولية:

👈    والي سنار يؤكد أهمية الشفافية في الأداء المالي بالولاية 

📌   انتهى زمن التجنيب 

ه

📰   السوداني الدولية:

👈    نبيل أديب يوضح حقيقة عزمه الاستقالة من رئاسة لجنة تحقيق فض الاعتصام 

📌   نهديك أغنية (غلبني كتر علي) 

ه

📰   التيار:

👈   (التيار) تكشف عن أبرز مرشحي الحرية والتغيير للخارجية والصحة .

📌   كفاوي جديدة أقصد كفاءات جديدة ؟ 

ه

📰   التيار:

👈   (السيادي) يتسلم بطاقات هوية أجنبية ضبطت خلال أحداث بورتسودان .

📌   يعمل بيها شنو ، مفروض تسلموها الاجهزة المختصة 

ه

📰   التيار:

👈   وزير الإعلام للتيار: الوفد الوزاري لأبوظبي غير مفوض للتطبيع .

📌   قول والله 

ه

📰   التيار:

👈   أولي جلسات بلاغ إغلاق الإنترنت ضد شركات الإتصال .

📌   هي البلاغات بتاعة زمن الاعتصام حصل فيها شنو لما تكون في بلاغات جديدة

ه

📰   فجاج:

👈   (400) ألف طفل مهددون بنقص الغذاء والأمراض بالسودان .

📌   بشارة الرخمة عندكم 

ه

📰   فجاج:

👈   الصوفي: إعتراف لجنة التمكين يقدح في مصداقيتها .

📌   المصداقية دي دخانها يلوي تلاتين سنة بي حليفة طلاقها حرقانه ما شوفتوها قدحت الا الليلة 

ه

📰   فجاج:

👈   عرمان: جئنا لدعم الشعب السوداني ولسنا ضد أحد .

📌   طيب ورونا شغلكم.... ماشوفناكم واقفين في حتة فيها طين والا سيل 

ه

📰   فجاج:

👈   أبو الغيط ومناوي يبحثان سبيل تنفيذ إتفاق جوبا .

📌   بداية النهاية لمناوي 

ه

📰   فجاج:

👈   الدندر يغمر مساحات زراعية واسعة بسنار  .

📌   عشان تاني ما يشتكوا من العطش 

ه

📰   فجاج:

👈   إحباط محاولة تهريب وقود بنهر النيل .

📌   آمنة نارك برا 

ه

📰   آخر لحظة: 

👈   أنباء عن التحاق قوش بوفد البرهان في الإمارات

📌   رواه اسحاق بن فضل الله 

ه

📰   آخر لحظة: 

👈   اعتصام في الشمالية بسبب تعيين قيادي بالنظام السابق

📌   كان فيه شق الدكتورة بي تحلق له طولوا بالكم 

ه

📰   آخر لحظة: 

👈   حركة الحلو: الشعب متدين  ونريد علمانية الدولة

📌   بمناسبة (متدين) دي يا ربي العلمانية بي تحل الديون 

ه

📰   آخر لحظة: 

👈   حمدوك: اتفاق السلام يُحصن الفترة الانتقالية

📌   الا يكون تحصين من الحصبة وشلل الأطفال لأنها حاليا عندها قتقوته (للناطقين بغيرها سعال ديكي) 

ه

📰   آخر لحظة: 

👈   ارتفاع منسوب النيل والسيول تقتل (5) في النهود

📌   الله يرحمهم ويغفر لهم ويسلم النهود من كل شر... (صفو النية) 

ه

📰   آخر لحظة: 

👈   إطلاق سراح السوباط

📌   القرش عند سيدو والناس تريدو  

ه

📰   النيل الدولية:

👈   الحرية والتغيير تُناقش التطبيع مع إسرائيل اليوم

📌   نحن في موضوع اسرائيل دا بالذات مفوضين البرهان تب 

ه

📰   النيل الدولية:

👈   مجلس الأمن والدفاع السوداني يعقد جلسة طارئة امس

📌   انتو بالمناسبة دي مجلس الأمن حقنا دا حق الفيتو فيه عند منو؟ 

ه

📰   النيل الدولية:

👈   الجنيه يرتفع قليلا أمام العملات الأجنبية في ختام تداولات الاثنين

📌   يكون عاوز ياخد نفس ويغطس تاني 

ه

📰   النيل الدولية:

👈   بينهم امرأة.. ضبط شبكة إجرامية تنشط في تزييف العملة بالخرطوم

📌   المرأة يمكن قايلاها شبْكة بسكون الباء 

ه

📰   النيل الدولية:

👈   الإحصاء : لا توجد قاعدة بيانات للاستثمار الأجنبي

📌   نحن من زمن دخلت عندنا القاعده واسامه بن لادن أي قاعده تانية طلعت من البلد حتى قواعد الأخلاق

ه

📰   تاسيتي الاخبارية: 

👈   برطم يطالب الحكومة بالإسراع في التطبيع الكامل مع إسرائيل 

📌   ناوي تبني لك بيت على شكل الكنيست والا شنو 

ه

📰   تاسيتي الاخبارية: 

👈   دخول شركات أمريكية للاستثمار في السودان 

📌   ديل دخلوا سارقين واي فاي والا موصلين خط رسمي؟  

ه

📰   أخبار اليوم: 

👈   مجلس السيادة الانتقالي  يحتسب السياسي المخضرم أحمد إبراهيم دريج. 

📌   له الرحمة والمغفرة وربنا يتقبله في الصالحين 

ه

📰   أخبار اليوم: 

👈   حمدوك يدعو لجان المقاومة بمواصلة حماية وحراسة الثورة.

📌   ما مقصرين لكن انتو مهملين 

ه

📰   السوداني: 

👈   مصادر سودانية: الخرطوم اقتربت من الاتفاق على رفع اسم البلاد من قائمة الدول الراعية… 

📌   باقي ليها قدر شنو يعني ؟ 

ه

📰   وكالة "سونا":

👈   الخارجية تشكر كل الداعمين للسودان في محنة الفيضانات

📌   أخير من قعاد ساكت... العطالة قتلتكم 

ه

📰   وكالة "سونا":

👈   تمديد اتفاق القلد بين النوبة والبني عامر بكسلا للمرة الرابعة

📌   خلاص قفلوا الشرع بعد دا الا بي محلل 

ه

📰   وكالة "سونا":

👈   دقلو يبحث مع وفد مقدمة الجبهة الثورية مسيرة السلام

📌   تقول لي يبحث مع ابو الغيط

ه

📰   وكالة "سونا":

👈   حمدوك: سنُسكت كل أصوات البنادق ببلادنا

📌   الله يقدركم 

ه

📰   وكالة "سونا":

👈   وزير الداخلية يلتقي معتمد اللاجئين ويبحثان برامج العودة الطوعية

📌   عودة لاجئيننا نحن للسودان والا عودة العندنا لبلادهم ؟ 

ه

📰   وكالة "سونا":

👈   إسماعيل التاج: السلام والديمقراطية يؤسسان لشراكة يستفيد منها الجميع

📌   والله يا اسماعين أخوي (الجميع) دا ليهو 30 سنة يقد عينه في استفاده 

ه

📰   وكالة "سونا":

👈   الميرغني ينعي السياسي السوداني أحمد إبراهيم دريج

📌   أوووو سيدي عاش من سمع صوتك 

ه

📰   وكالة "سونا":

👈   السودان يشارك في المؤتمر الاقليمي لمنظمة الفاو

📌   فاو وِششش

ه

📰   وكالة "سونا":

👈   رابطة العالم الإسلامي تدشن برنامج الإغاثة العاجلة لمتضرري الفيضانات

📌   في آخر المراح تجي الفترانة 

ه

📰   وكالة "سونا":

👈   ورشة تحديات تطوير وانطلاق الحركة التعاونية السودانية بالأربعاء

📌   في ياتو قَرّاش ؟

ه

📰   وكالة "سونا":

👈   انطلاق ورشة تعزيز قدرات السلام

📌   فعلا السلام محتاج ورشة لأنه فيه مسامير وصواميل كتيرة ومخرخر زيت ولديترو مقدود 

ه

📰   وكالة "سونا":

👈   جهود لتوصيل الكهرباء لأسواق التعدين بمحلية أبوحمد

📌   كان سألتو من شملة بت كنيش تراها الكهرباء دي ، ماها قادرة تغطي الخرطوم وعاوزة تغطي الخلاء 

ه

ه

📌ابووضاح 📌

ليست هناك تعليقات:

إرسال تعليق

Adbox