اخر الاخبار

الخميس، 24 سبتمبر 2020

دبابيس من الصحف السودانية

 📌 دبابيس من صحف الخميس 24 سبتمبر 2020م

ه



ه

⚠   *اعدام مغتصبي الأطفال*:

📌   سبق للدبابيس أن طالبت أكثر من مرة بتنفيذ عقوبة الاعدام في ميدان عام على مغتصبي الأطفال واليوم تعلن الدبابيس كامل تضامنها مع الوقفة الاحتجاجية المطالبة بذلك وتعلن كامل تأييدها لهم.....   

ه

ه

⚠   *لا يحدث الا في السودان*:

👈   مشهد أول:..... 

محكمة جنائية في الخرطوم بحري، تعاقب ضابطاً وعريف شرطة بالسجن عامين مع دفع الدية الكاملة لإدانتهما بتهمة قتل شخص متهم بالتهريب وذلك بعد أن أدانتهما بالمادة (130) القتل العمد....

👈   مشهد ثاني:....  

في نفس يوم المحاكمة اعلاه ، الشرطة السودانية تعلن عن استشهاد (5) من شرطة الجمارك، ضابط و(4) ضباط صف وجنود خلال مطاردتهم لمهربي أسلحة بالولاية الشمالية قرب مدينة الدبة....

📌   يعني تاني الشرطة الا تقول للمهرب انتظر شوية لحدي ما نسأل هل نقتلك والا تقتلنا والا نخليك تشيل حاجتك وتتوكل..... 

انا لو مكان الشرطة آخد منه (الساهلة) واديهو موية من عندي وأتم له التنك جاز من جاز الحكومة.... 

وهيك بلد بدها هيك شرطة.....

ه

ه

⚠   *حليل موسى يا حليل موسى*:

👈   د. ادم محمد ادم معتمد محلية كبكابية الأسبق أدلى بشهادته أمام المحكمة فيما يخص القضية المتهم فيها الشيخ موسى هلال والخاصة بحادث مقتل عدد من جنود شرطة الاحتياطي المركزي و سلب عرباتهم والتي وجهت فيها محكمة عسكرية الاتهام المباشر  لكل من الشيخ موسى هلال وهارون مديخير وحبيب موسى هلال......   

📌   أها الزول دا في ال شوفناهو دا شهادته طلعت في صالح الشيخ موسى هلال تتتتب ....زمااان قلنا للنقاذ وبعدها قلنا لكم انتو الزول دا طلعوهو وأكسبوا جانبه أحسن لكم.... 

ه

ه

📰   الوطن:

👈  السيادي :الوفد الحكومي بحث بالامارات العلاقات مع إسرائيل .

📌   ما عندنا موضوع غير العلاقات مع اسرائيل ، بقينا زي المغترب ال كايس له عروس اهله عاوزين يصينوا البيت ويتكلموا في الطوب والجير وهو يتكلم في العروس 

ه

📰   الوطن:

👈   الحكومة تشن حملة لضبط الأسواق وإلزام التجار بوضع الأسعار .

📌   حكومة البخت دي يقولوا ليها تور تقول احلبوا 

ه

📰   الوطن:

👈   نبيل أديب يستنكر الدعم الأمريكي لحصانات أعضاء السيادي .

📌   كدي ورينا رايك في ال ما عندهم حصانات 

ه

📰   الوطن:

👈   (9) حركات مسلحة توافق على التطبيع مع إسرائيل وتدعمه .

📌   يا قول ناس القمار والتسعة طويلة بي تقش 

ه

📰   التيار:

👈   وزيرة التعليم العالي للتيار: ضبطنا جامعات عشوائية .

📌   أومال انت قايل (الخوابير) الاستراتيجية بتاعة الانقاذ ديل خريجين اكسفورد 

ه

📰   التيار:

👈   تعثر المفاوضات بعد رفض واشنطن تقديم المساعدات المالية .

📌   خليها تتعثر نحن شعارنا انت سيب الأول بعدين أنا أسيب 

ه

📰   التيار:

👈   إعلان نتيجة شهادة الأساس بالخرطوم السبت المقبل .

📌   بالتوفيق 

ه

📰   السوداني الدولية:

👈   وزير التربية والتعليم: أعتذر لمن تضرروا من قطع الإنترنت وإمتحانات الشهادة أمن قومي .

📌   دا على أساس الاضينة دقو واعتذر له 

ه

📰   السوداني الدولية:

👈   مهددات أمنية وبيئية داخل الأسواق تتطلب وجود (البرق الخاطف) .

📌   ارموا قدام وان استدعى الحال جيبوا معاكم صاقعة كمان 

ه

📰   آخر لحظة:

👈   المالية: لا تعديل أو تراجع عن الأجور .

📌   أمممك..... خشب الله عبد الناشف عاوز يطريها شوية 

ه

📰   آخر لحظة:

👈   حمدوك يكشف معلومات جديدة حول التفاوض مع واشنطن .

📌   فصلت ؟ 

ه

📰   آخر لحظة:

 👈   رفع الحظر الجوي وأزمة في أشكيت بسبب كورونا .

📌   اشكيت الكورونا على الله 

ه

📰   آخر لحظة:

👈   (24) ألف ملف عالق أمام لجنة المفصولين تعسفياً .

📌   هسع المفصولين تعسفيا بقوا نوعين نوع عسفتو الانقاذ ونوع عسفوهو الناس العسفوا الانقاذ

ه

📰   آخر لحظة:

👈   الحلو يخاطب موكب للمهنيين بالخرطوم .

📌   الحلو يا تو فيهم ابو طاقية والا ابو من غير طاقية ؟ 

ه

📰   النيل الدولية:

👈   حمدوك: مبالغ تعويض ضحايا المُدمرة كول والسفارتين جاهزة .

📌   أي مجمجة منهم سووا لينا القريشات في دقيق خلونا نشبع بعدين الزارعها الله فوق حجر بي تقوم 

ه

📰   النيل الدولية:

👈   اجتماع مشترك يناقش الشكل النهائي لإتفاق (سلام السودان) .

📌   شكلها دي الاحرف الوسطى 

ه

📰   النيل الدولية:

👈   الإتفاق على (76) ألف جنيه  سعر تذكرة السفر للسعودية بالطائرة .

📌   ما كتيرة للعاوز يلحق شغلو وماها كتيرة للعاوزة تلحق زوجها 

ه

📰   النيل الدولية:

👈   إجازة مشروع قانون التعاون لسنة 2020م .

📌   عقبال اجازة قانون إصلاح المنظومة العدلية وقانون هيكلة الشركات العسكرية 

ه

📰   فجاج:

👈   إتفاق سوداني هولندي لإنشاء مصانع للصمغ العربي .

📌   كتروا لنا من زي دا  

ه

📰   فجاج:

👈   إيقاف شبكة تهريب مخدرات ببورتسودان .

📌   الخبر دا ثابت بس بي يتغير المكان  

ه

📰   فجاج:

👈   إلغاء إتفاقيات شركتي التوكل و Smt للتنقيب عن الذهب .

📌   غايتو (التوكل) دي من اسمها حكايتها واضحة أشرحوا لنا حكاية  Smt 

ه

📰   السوداني:

👈   إعلان حالة الطوارئ الصحية بمحلية مروي على خلفية حميات غامضة .

📌   فيكم الخير والله 

ه

📰   السوداني:

👈   (الصحة السودانية) تعلن عن الضوابط الصحية لدخول القادمين من الخارج .

📌   القادمين هينين كدي شوفوا الناس البتبيع شهادات كورونا في السوق العربي 

ه

📰   أخبار اليوم:

👈   الصحة تقرع ناقوس الخطر مجددا وتحذر من عودة جائحة كورونا بتسع ولايات .

📌   تكون راحت استحمت وغيرت وجات راجعة..... غايتو كان جات فاطرة الله يمرقنا بس  

ه

📰   أخبار اليوم:

👈   احتفال مهيب بالعيد الوطني للمملكة العربية السعودية ببيت السفير بكافوري .

📌   بالله طال عمره كان ساكن جار طال سجنه؟  

ه

📰   أخبار اليوم:

👈   رئيس لجنة التحقيق في فض الإعتصام ينفي أنباء عن تقديم استقالته .

📌   يكون قالوا له باركها باركها ؟ 

ه

📰   تاسيتي الأخبارية:

👈   موقع أمريكي: المفاوضات لم تصل لنتيجة حول التطبيع بين السودان وإسرائيل .

📌   زي ما السودان لم يصل الى نتيجة حول رفع العقوبات والدعم

ه

📰   تاسيتي الأخبارية:

👈   ورشة بالتعليم العالي: (3) ملايين طفل سوداني خارج مقاعد الدراسة .

📌   هم هسع الاطفال داخل التعليم لاقيين طريقة للتعليم ؟ 

ه

📰   وكالة "سونا":

👈   ضيو: السلام هو الاعلام ولابد من المعلومة الصحيحة

📌   غايتو نحن مع الواتساب دا شبعانين كذب واشاعات شي جداد وشي قراد بطننا طمت 

ه

📰   وكالة "سونا":

👈   مجلس الوزراء يجيز مشروع قانون تنظيم وتنمية الصناعة لسنة 2020م

📌   اجيزوا كهربة الصناعة اولا 

ه

📰   وكالة "سونا":

👈   اجازة مشروع قانون التعاون لسنة 2020م

📌   الا كان نتعاون على البر والتقوى لكن سلع وبضاعة الله اعلم 

ه

📰   وكالة "سونا":

👈   قرار بتشكيل لجنة تفكيك نظام الثلاثين من يونيو بولاية الخرطوم

📌   اول الخرطوم مافيها لجنة تفكيك؟ 

ه

📰   وكالة "سونا":

👈   الصحة بالخرطوم: تشكيل لجنة طوارئ لمجابهة أمراض الخريف

📌   في آخر المراح تجي الفترانة ، الخريف انتهى 

ه

ه

📌ابووضاح 📌

ليست هناك تعليقات:

إرسال تعليق

Adbox