اخر الاخبار

الخميس، 1 أكتوبر 2020

دبابيس من الصحف السودانية

 📌 دبابيس من صحف الخميس 01 اكتوبر 2020م

ه



ه

⚠ *مجرد سؤال*:

👈 هل عدم الاعتراف بالخطأ شرط من شروط اكتساب الجنسية السودانية ؟......

ه

ه

⚠ *لابد من التطبيع حتى لو نكاية فيهم*:

👈 كلما أشوف تصريحات الصادق المهدي ضد التطبيع وأقرأ عن خوف المصريين علينا وجزمهم بأن التطبيع ليس في مصلحة السودان (وأننا مساكييييين وراويش) واسرائيل راح تاكل حقنا ، كلما ازداد يقيناً بأن التطبيع لابد منه ، وكلما أرى جقلبة الكيزان ورفضهم للتطبيع اتأكد أن التطبيع خير لأن هذه (الأثافي الثلاثة) - مهدي مصري كوز - هي التي تريد أن ترى السودان تحتها كالرماد....

ه

ه

⚠ *الى وزير الخارجية*:

👈 هل أتاك نبأ ضابط الأمن في سفارتنا بهولندا الذي تحول بقدرة قادر من ضابط أمن معين بخطاب من صلاح قوش الى قنصل وربما بعد شوية يتحول الى سفير.....

📌 والا ياربي سفارتنا في هولندا لم تسقط بعد ، عشان هناي وكدا يعني........  

ه

ه 

⚠ *الشي بالشي يذكر*:

👈 عقد النظام البائد مؤتمرا أسماه (مؤتمر الإستراتيجِية الشامِلة)..... احدى مداخلات المؤتمر كانت من نصيب الدِكتور عُمر أحمد دفع الله الذي قال في مداخلته: (أطلُب أن تستعين الدَولة بِالجِن المُسلِم أسوة بِأمريكا التي تستخدِم الجِن الكافِر لِلمُساعدة في تنفيذ أهدافِهم التنمَوِية)

وكان رد المخلوع على هذه المداخلة أنه يوجه بِإجراء دِراسة جدَوى لِمَوضوع تسخير الجِن في دعم التنمِية في السودان......

📌 فهمتوني؟.....

ه

ه

📰 الوطن:

👈 إرتفاع مديونية المطاحن ووزارة التجارة تنسحب من ملف الدقيق

📌 حقو نعمل وزارة نسميها وزارة الدقيق وتكون عندها شرطة الدقيق وجهاز أمن الدقيق وشرطة نجدة الدقيق ورادار الدقيق

ه

📰 الوطن:

👈 تظاهرات بالخرطوم تندد بسياسات الحكومة الاقتصادية

📌 عادي ياخ... دي الديموقراطية 

ه

📰 الوطن:

👈 مبارك الفاضل :وزراء عطلوا الاتفاق مع أمريكا على التطبيع

📌 انت لو عاوز تعمل خير بس أمسك لنا ود عمك 

ه

📰 الوطن:

👈 ضبط اكثر من (3) الاف قندول بنقو في عربة (هايس)

📌 ليه (3) ألف قندول ليه ما 2995 ؟ 

ه

📰 المواكب:

👈 دعوات للتطبيع ومجمّع الفقه يفتي بحرمة العلاقة مع إسرائيل

📌 والله لو عندهم آية من الكتاب فليأتونا بها أما لو كلام من راسهم فرأسهم ما يلزمنا في شي 

ه

📰 المواكب:

👈 مسؤولون في النظام البائد يرفضون تسليم منازل حكومية

📌 ديل من ال كانوا فاكرين الحكومة أمهم والبلد ورثوها من ابوهم 

ه

📰 المواكب:

👈 خبير يحدّد أسباب انهيار الصناعة الوطنية

📌 وهل قام باقتراح الحلول والا هو خبير كشف عيوب وخلاص؟

ه

📰 المواكب:

👈 لجنة للتفتيش المالي لاتحاد الكرة

📌 جاك البوشي يا تارك الصلاة 

ه

📰 المواكب:

👈 قوى سياسية تدعو لعدم تفويت الفرصة للتطبيع مع إسرائيل

📌 أربطوا هناي 

ه

📰 التيار:

👈 تحقيقات فض الاعتصام تقود لضباط أمن كبار

📌 لأ كدا الموضوع راح في سكة اللي يودي ما يجيب  

ه

📰 التيار:

👈 إغلاق مستشفى النساء والتوليد بكوستي

📌 خلاص بطلوا يلدوا ؟ أحسن لهم والله 

ه

📰 التيار:

👈 السودان يطالب الولايات المتحدة بسداد 59 مليار دولار

📌 الولايات المتحدة مابتدفع بتقول لكم هاكم ألووها 

ه

📰 التيار:

👈 الكباشي يصل جوبا تمهيداً للتوقيع على اتفاق السلام

📌 حصله يا حميدتي ، الحتاني أقصد الكباشي مايمشي براهو 

ه

📰 التيار:

👈 قوي تجاهر بقبول التطبيع مع إسرائيل وتدعو لعدم تفويت الفرصة

📌 مالو ما تجاهر ، لاهو عيب ولا سرقة 

ه

📰 التيار:

👈 مخابز الخرطوم تشكو من عدم وصول حصة الدقيق كاملة

📌 والله لو وصلتها الكوتة كاملة وأدوهم معاها غاز وكهرباء وخميرة وموية حايقول الجو بارد الخميرة ما اشتغلت 

ه

📰 الانتباهة:

👈 تلاعب كبر 41 مليون جنيه من حساب الرئاسة

📌 دا كبر أوي 

ه

📰 الانتباهة:

👈 المؤبّد لمدان بتجنيد مقاتلين سودانيين لـ حفتر

📌 المؤبد دا ما كان حاضر محاكمة المخلوع وعصابته والا شنو؟ 

ه

📰 الانتباهة:

👈 وزيرة : نتحمّل الردم وفاءً لدماء الشهداء

📌 عملا بالمثل القائل: المسؤول تِنْدِل 

ه

📰 الانتباهة:

👈 مناوي: الجبهة الثورية ليست تربيزة أكل ومناصب

📌 طربيزة بنج بونج ؟ 

ه

📰 الانتباهة:

👈 مبارك الفاضل: الوزراء عطّلوا الاتّفاق مع أمريكا وطلبوا أموالاً طائلة

📌 طبعا انت وقريبك في الدفع دا ليكم بالساهلة بس...... ناس طيبين أوي 

ه

📰 السوداني الدولية:

👈 التحدي في تنفيذها.. ( 160) توصية خرج بها المؤتمر الاقتصادي

📌 يا ربي اقالة (مدني) واحده منهن والا ننتظر مؤتمر تاني ؟ 

ه

📰 السوداني الدولية:

👈 تجار الدولار يتحدون السلطة ويعودون للعمل في شوارع السوق العربي

📌 قلنا لكم ديل ماعندهم دواء غير التحول الى الدولار والا تغيير العملة لأنهم عندهم مطابع يطبعوا ويشتروا

ه

📰 السوداني الدولية:

👈 أزمة البنزين تتواصل والطاقة تتدخل بقوة

📌 الله يستر الطاقة ما تخرج من البنزين زي ما التجارة خرجت من الدقيق

ه

📰 السوداني الدولية:

👈 إكمال ملف اتهام عطا المنان وكبر يمثل أمام محكمة الأراضي

📌 ملف شنو ومحكمة ايه ، هو المحكوم الوحيد من العصابة دي باقي له تمانية شهور ويطلع من السجن 

ه

📰 آخر لحظة:

👈 تحقيق لـ(آخرلحظة) حول النيقرز: ازدياد الجرائم في أم بدة

📌 أنا خايف النيقرز ديل يعلنوا دولة في ام بدة دي

ه

📰 آخر لحظة:

👈 نيابة الفساد تطالب بتوقيع عقوبة رادعة على (كِبر)

📌 خلوا بالكم رادعة بي لغة العدالة الجديدة يعني (كي جي تو) بدل الاصلاحية؟ 

ه

📰 آخر لحظة:

👈 الصحة تحذر من مرض قاتل بنسبة (100%)

📌 دا الفلس والا غيرو ؟ 

ه

📰 آخر لحظة:

👈 وزير الطاقة: حل أزمة البنزين خلال يومين

📌 ناس الارصاد قال لك في مطر جاية من أرامكو ؟ 

ه

📰 النيل الدولية:

👈 محطة كهرباء سد مروي تسجل أعلى طاقة إنتاجية يومية منذ تشغيلها

📌 االله يستر ما تبقى فجة موت 

ه

📰 النيل الدولية:

👈 إعادة الالاف وتسوية معاش وتوفيق أوضاع مفصولين من الخدمة

📌 طيب مبروك وعقبال الباقين 

ه

📰 النيل الدولية:

👈 المالية توجه بنك السودان بسداد ديون المطاحن وسط تفاقم أزمة الخبز

📌 العين بصيرة واليد قصيرة  

ه

📰 تاسيتي الاخبارية:

👈 الطب العدلي: أكثر من (800) جثة بالمشارح منذ فض الاعتصام

📌 أعملوا فحص DNA لأهل المفقودين يمكن يكونوا منهم 

ه

📰 تاسيتي الاخبارية:

👈 المالية توافق على تمويل مشروع توفير الوجبة المدرسية لطلاب الأساس

📌 خشب الله اظنو البارح متعشي 

ه

📰 خبار اليوم:

👈 مدير مستشفى الشهداء بالدروشاب يحذر من تعرض حياة مرضى العمليات للخطر.

📌 ليه قاعدين يفوقوا من البنج في نص العملية؟ 

ه

📰 السوداني:

👈 لجنة المفصولين تعسفياً تحصر توصيات قضايا المفصولين لإعادتهم وتحسين معاشهم

📌 يعني بالعربي ساعين لكم فيها 

ه

📰 وكالة “سونا”:

👈 وزير خارجية اثيوبيا يدعو السودان للعمل لحلول مستدامة للفيضانات

📌 ياخي مشكلتنا الفيضان قاعد يفاجئنا مابنكون عارفنوا جايي 

ه

📰 وكالة “سونا”:

👈 (100) طن مواذ اغاثية عبر البحر من سلطنة عمان

📌 شكرا للسلطنة ، حقو نرسل منها ستة طن لليابان 

ه

📰 وكالة “سونا”:

👈 الطاقة والتعدين تزيل مصنع مخلفات تعدين بمنطقة “صواردة”

📌 مبروك وعقبال باقي المصانع 

ه

📰 وكالة “سونا”:

👈 رئيس هيئة الاركان يستقبل نظيره الأثيوبي

📌 في ركن الفشقة والا وين ؟ 

ه

📰 وكالة “سونا”:

👈 العدل والمساواة: سلام جوبا ملك للشعب السوداني

📌 هو سلام الجن دا وينو هسع؟ 

ه

📰 وكالة “سونا”:

👈 وصول طائرة مساعدات إنسانية من دولة أثيوبيا

📌 كان يقولوا لنا تعالوا شيلوها والله الشعب كله كان يمشي 

ه

📰 وكالة “سونا”:

👈 الصحة: تسجيل (27) حالة إصابة بفيروس كورونا المستجد

📌 دي جات من وين بعد راحت؟ 

ه

📰 وكالة “سونا”:

👈 قطر تنشئ مركز لغسيل الكلى بمستشفى بشائر

📌 والله القطريين ديل ما قاعدين يقصروا 

ه

📰 وكالة “سونا”:

👈 تعزيزات عسكرية تصل وسط دارفور

📌 خير اللهم اجعله خير 

ه

📰 وكالة “سونا”:

👈 وفد المالية الاتحادية بزور سوقي المحاصيل والمواشي بالأبيض

📌 عاوزين يشوفوا الغلة بي نفسهم

ه

ه

📌ابووضاح 📌

ليست هناك تعليقات:

إرسال تعليق

Adbox