اخر الاخبار

الجمعة، 6 نوفمبر 2020

دبابيس من الصحف السودانية

 📌 دبابيس من صحف الجمعة 06 نوفمبر 2020م

ه



ه

⚠️   *سؤال ساكت*:

👈   انتو برنامج (سلعتي) حصل فيه شنو ........

📌   سلعتي ال مست غرورك وفرقتنا يا حبيبي ....

ه

ه

⚠️   *دعس على منطقة حساسة*:

👈    اول ما تسمع الزغاريت صوتها عالي أعرف انه في زول دعس على منطقة حساسة وتقريباً هذا ما فعله صلاح مناع مع شركة زين حيث صرخت زين وصرخت لصراخها اطراف أخرى......

📌    كامل التضامن مع صلاح مناع ...... 

ه

ه

⚠️   *استخراج الرقم الوطني*:

👈   تنوه الادارة العامة للسجل المدنى علي جميع المواطنين الذين لم يستخرجوا ارقامهم الوطنية عليهم الاسراع باستخراج الرقم الوطنى بمراكز السجل المدنى المنتشرة بولايات البلاد المختلفة إضافة الى مجمعات خدمات الجمهور بولاية الخرطوم.*

ه

ه

⚠️   *أدركوا اخوانكم الاحباش*:

👈  تدور الآن معارك عنيفة حول الحمرة الأثيوبية بين الجيش الفدرالي الاثيوبي والتقراي في إقليم تقراي بإثيوبيا سقط نتيجة عنها عشرات القتلى ومئات المصابين بين الطرفين، هذا وقد وصلت تعزيزات كبيرة للجيش السوداني الى الحدود مع إثيوبيا في محاولة لمنع تسلل المحاربين والمتفلتين داخل الأراضي السودانية.....

📌   طيب دا موقف الجيش عرفناه ونتمنى له النجاح يبقى السؤال أين دور الدبلوماسية السودانية والمجتمع المدني السوداني في حقن دماء اخواننا من الطرفين المتحاربين علماً بأن النار عند جارك قد تصل الى دارك..... 

ه

ه

📰    الوطن:

👈   مواطنون يحتجزون ضابط شرطة في كسلا .

📌   أوعكم يأكل له فول بي زبادي 

ه

📰    الوطن:

👈   حمدوك يهاتف ابي أحمد ويؤكد تضامن السودان مع إثيوبيا .

📌   أحسنت ونتمنى المزيد من التحرك 

ه

📰    الوطن:

👈   حزب الأمة يصدر بياناً يكشف فيه عن الحالة الصحية الصادق المهدي .

📌   طمنونا بالله

ه

📰    الوطن:

👈   قيادي بالجبهة الثورية: الحرية والتغيير عطلت تكوين البرلمان .

📌   يكون عندهم جرادل عاوزين يجيبوها 

ه

📰    التيار :

👈   وزير التربية بالتيار:  (40%) فقط من البنات يتلقين التعليم .

📌   ابو الزفت... هسع المدارس دي كلها 40% بس؟

ه

📰    التيار :

👈   شعبة المخابز تتهم شركات بإستيراد دقيق فاسد غير صالح للإستخدام الآدمي .

📌   الشركات دي ليها زمن شغالة كدا اظنهم ما فاكرين البلد فيها آدمي من الأساس

ه

📰    التيار :

👈   تزايد إصابات كورونا بالخرطوم وسط إنتشار بطئ في الولايات .

📌   يعني نقدر نقول ولاياتنا أفضل من الولايات المتحدة ؟

ه

📰    التيار :

👈   إثيوبيا.. إجماع علي حالة الطوارئ لمدة (6) أشهر .

📌   ستة شهور شنو الطواري دي اسألونا منها نحن يومها التفرض تاني مابتزح

ه

📰    اليوم التالي :

👈   إغلاق الحدود بين ولاية كسلا واثيوبيا .

📌   بمناسبة الحدود دي أزمة الوقود في ارتريا كيف؟ 

ه

📰    اليوم التالي :

👈   الرئيس الألماني يؤكد إهتمام بلاده بتطوير العلاقات مع السودان .

📌   ونحن بالاكتر والله حتى عندنا حزب سياسي رئيسه ألماني

ه

📰    اليوم التالي :

👈   أعلن إصابات وحالات إشتباه بـ (كورونا) .. مجلس العمداء يلوّح بتعليق الدراسة بجامعة الخرطوم .

📌   اذا في كورونا علقوا ميتينها ذاتو  

ه

📰    اليوم التالي :

👈   السفير عبدالرحيم الصديق: نثمن موقف قطر الداعم لرفع السودان من قائمة الإرهاب .

📌   ونحن نثمن دور اسرائيل ، ما حدش احسن من حد

ه

📰    اليوم التالي :

👈   خيري يبحث عروض شركتي سيمنس والسويدي إلكترك لمشروعات الطاقة والكهرباء بالسودان .

📌   الاتنين محتاجين لهم 

ه

📰    النيل الدولية :

👈   شعبة المخابز تدعو لإعادة النظر في تسعيرة الخبز .

📌   النظر ضعيف كدي جربوا السمع

ه

📰    النيل الدولية :

👈   مزارع بالقضارف يناشد البنك الزراعى إستلام الذرة مقابل أقساط المزارعين .

📌   ألحقوا العيش

ه

📰    تاسيتي الأخبارية :

👈   شعبة المخابز تُحذر من توقف الأفران حال استمرار السعر الحالي .

📌   هو انتو قايلين ال في الافران دا خبز ؟ 

ه

📰    تاسيتي الأخبارية :

👈   الشفافية: امتلاك أجانب لـ (90%) من قطاع الإتصالات يشكل خطورة على الاقتصاد .

📌   والله لو ما الثورة دي الاجانب كانوا امتلكوا اولادنا وحريمنا 

ه

📰    تاسيتي الأخبارية :

👈   تأرجح أسعار الدولار في الأسواق الموازية بالخرطوم .

📌   حلوة تأرجح دي ، القحة ولا صمة الخشم 

ه

📰    فجاج :

👈   السلطات تحذر من خريف فوق العادة بالبحر الأحمر .

📌   مفروض يفعلوا مشروع حصاد المياه 

ه

📰    فجاج :

👈   الإنتخابات الأمريكية 2020 الولايات المتحدة تشهد أعلي نسبة مشاركة للناخبين منذ أكثر من قرن .

📌   لينا بي فالهم 

ه

📰    فجاج :

👈   الحكومة تكمل إستعدادتها لإستقبال أطراف جوبا الموقعة للسلام .

📌   فرشتوا لهم البساط الاحمر ؟ 

ه

📰    فجاج :

👈   عربي: خروج اليوناميد لا يؤثر علي الأوضاع الأمنية بدارفور .

📌   ان شاءالله

ه

📰    فجاج :

👈   مطالبات بقيام قنوات إعلامية خاصة بالأطفال .

📌   هههههه قال يعني الموجودة دي للكبار 

ه

📰    فجاج :

👈   البرهان يطلع علي نتائج ورشة جوبا حول علاقة الدين والدولة .

📌   مدد يا شيخ برهان

ه

📰    أخبار اليوم :

👈   لجان المقاومة تنتفض ضد مكون الحرية والتغيير في الحكومة الإنتقالية .

📌   اممممك... الترس صحى 

ه

📰    أخبار اليوم :

👈   الصحة الإتحادية: (38) حالة إصابة جديدة بكورونا .

📌   الكورونا مسكينة الناس اتفرقوا عليها في الصفوف ما عرفت تمشي وين وتخلي وين 

ه

📰    أخبار اليوم :

👈   لجنة الصيادلة : نحتاج (55) مليون دولار شهريا لتوفير الدواء .

📌   الله يدينا ويديكم 

ه

📰    السوداني :

👈   الفيضانات أتلفت (80%) من مزارع الموز.. والي سنار يشيد بإسهامات (حاج معاوية البرير) في دعم المتضررين .

📌   تلجك نضيف 

ه

📰    السوداني :

👈   جبريل إبراهيم لـ(السوداني): عودتنا للخرطوم نهائية .

📌   مرحب 

ه

📰    السوداني :

👈   الخطيب : سنخرج على الحكومة إن لم تتخلَّ عن سياساتها .

📌   ما تنسوا تقفلوا الباب وراكم 

ه

📰    السوداني :

👈   كرتي يظهر بتسجيل صوتي ويدعو للخروج على الحكومة .

📌   كلم اسعد كرتي يجي يخرج معانا 

ه

ه

📌ابووضاح 📌 

ليست هناك تعليقات:

إرسال تعليق

Adbox