اخر الاخبار

الثلاثاء، 10 نوفمبر 2020

دبابيس من الصحف السودانية

 📌 دبابيس من صحف الثلاثاء 10 نوفمبر 2020م

ه



ه 

⚠   *ختامها مسك عدييييل*:

👈   أنا عن نفسي غفرت لسنة 2020 ما قدمت من مآسي وبلاوي فقد كان ختامها مسك وذلك لأنه شهد سقوط الرئيس الأمريكي ترامب وسقوط مرتضى منصور وحاجات تانية حامياني...... 

ه

ه

⚠   *مجرد سؤال*:

👈   هل فعلا الرشيد سعيد يعقوب وكيل وزارة الاعلام شتت فرنسا والا وشاعات وشاعات....... 

ه

ه

⚠   *أخبار كورونا*:

👈   الصحة: تسجيل 566 إصابة جديدة بفيروس كورونا وحالة وفاة بالخرطوم...........

ه

ه

⚠   *بركة ساكن يفوز بجائزة الأدب العربي في فرنسا*:

👈   رواية "الجنقو مسامير الأرض" للروائي السوداني عبد العزيز بركة ساكن، في ترجمتها إلى اللغة الفرنسية والتي نقلها بروفيسور كزافيه لوفان، تتوج بالنسخة الثامنة من جائزة الأدب العربي في فرنسا....... 

📌   يستاهل رجل مبدع بحق....... 

ه

ه

⚠   *عرقلة مهام لجنة إزالة التمكين*:

👈   أوضح عضو مجلس السيادة الانتقالي، ياسر العطا، أنّ عناصر بالحكومة الانتقالية تسعى لعرقلة ووقف مهام لجنة إزالة التمكين ومحاربة الفساد واسترداد الأموال.

وقال العطا في تصريحاتٍ لصحيفة الديمقراطي الصادرة اليوم ”الثلاثاء” ، ليس هناك أيادٍ خفيّة فقط وإنّما جهات تعمل بصورة علنية لإجهاض عمل لجان إزالة التمكين منها بالدرجة الأولى بعض عناصر النظام السابق في كافة المؤسسات، وبالدرجة الثانية بعض قوى التحالف الحاكم، لاحتمال بروز بعض كوادرهم في أمور متعلّقة بالفساد”..........

📌   والله اني مصدقك في كل ما قلته ، وبعض قوى التحالف الحاكم أصلهم ما نطوا على اكتاف الثورة الا لهذا الهدف ، لكن مصيرهم يتبلوا كلهم طال الزمن او قصر...

ه 

ه

📰   الوطن:  

👈   مقتل شرطي بجنوب كردفان والقبض على المتهمين

📌   زمان كنا نخاف من الشرطة هسع بقينا نخاف عليهم 

ه

📰   الوطن:  

👈    ضبط أدوية فاسدة بالنيل الأبيض

📌   زي الأدوية الفاسدة مفروض يغصبوا صاحبها على تناولها لو شراب يشربها ولو حبوب يبلعها ، ان شاءالله لو تحاميل يحملوها ليهو.... 

ه

📰   الوطن:  

👈    سرقة “بلف” تقطع المياه عن أحياء بالخرطوم

📌   أها عليكم الله دا شعب دا 

ه

📰   الوطن:  

👈    الحكومة تعلن عن عطلة رسمية الأحد لاستقبال قيادات السلام

📌   الفريق الكباشي وافق والا يجي يقول لكم عطاء من لا يملك لمن لا يستحق  

ه

📰   الوطن:  

👈    مسؤول اسرائيلي يكشف عن تفاصيل الاتفاق مع السودان

📌   يازول اتفاق شنو؟ نحن اتفاقنا مع ترامب الرفع قبل الدفع وأديناهو عربون وكتل به ملف ، يعوضنا الله في قروشنا ويعوضكم الله في الاتفاق

ه 

📰   التيار:

👈    القضارف.. تبادل الإتهامات بين الوالي و(قحت) بحضور عضو السيادي .

📌   قحت بقت زي المجضم أي زول نافر منها 

ه 

📰   التيار:

👈    غرفة البصات تتوقع التوقف عن العمل خلال (72) ساعة .

📌   غايتو انتو وناس المخابز ، بشارة الرخمه زين بتعرفوا ليها 

ه 

📰   التيار:

👈    شبح الفشل يهدد موسم الحصاد بمشروع حلفا الجديدة الزراعي .

📌   يعني معقول الفشل يستثني حاجة؟ ما لازم يعم البلد 

ه 

📰   المواكب:

👈    الكباشي يقاضي أعضاء لجان مقاومة ومطالب برفع الحصانة عنه

📌   الدبور دا يا زنَّ على خراب عشه يا وراهو حاجة لأنه شغال يستعدى في كل الاتجاهات 

ه

📰   المواكب:

👈    الكشف عن لقاءات سرية بين مجموعة بالحرية والتغيير والبرهان وحميدتي

📌   سرية لي شنو اول هم وين وديل وين ؟ 

ه

📰   المواكب:

👈    استئناف حركة البواخر بميناء حلفا وترتيبات لإنشاء أخرى

📌   حا تجيب شنو يعني غير منتجات الصرف الصحي ؟ 

ه

📰   المواكب:

👈    الحكومة تتدخل لنزع فتيل الأزمة في إثيوبيا

📌   بالتوفيق 

ه

📰   الحداثة:

👈    الصحة تشترط احتفالات محددة لاستقبال قادة السلام بسبب كورونا

📌   بطل ما يموت 

ه

📰   الحداثة:

👈    الامن يعيد مجموعة من الكتب التي صودرت خلال العهد البائد

📌   والامن دا ما قدر يعرف لنا قريشاتنا راحت وين ؟

ه

📰   الديموقراطي:

👈   100 ألف سيارة دخلت البلاد عبر التهريب

📌   بلد زريبة تهريب داخل تهريب خارج 

ه

📰   الديموقراطي:

👈    عناصر من النظام البائد تهاجم بالأسلحة مقر لجنة إزالة التمكين بسنار

📌   أكيد اللجنة دعست لهم على منطقة حساسة 

ه

📰   الديموقراطي:

👈    ياسر العطا : جهات حكومية تعرقل عمل لجنة التفكيك

📌   مصدقنك والله وشاعرين بالموضوع دا 

ه

📰   الديموقراطي:

👈    لجان مقاومة الخرطوم تطلب 14 مقعداً في التشريعي

📌   شوية والله مفروض 40 مقعد 

ه

📰   الديموقراطي:

👈    نصب تذكاري يجسد ثورة ديسمبر

📌   عاوزين نصب يجسد النصب الحصل في التلاتين سنة الفاتت 

ه

📰   الانتباهة:

👈    القبض على تاجر عملة معروف بالخرطوم

📌   ليس المهم التاجر وانما المهم من هم الذين من خلفه

ه

📰   الانتباهة:

👈    الشيوعي خياراتنا مفتوحة بما فيها إسقاط السلطة

📌   بالتعاون مع منو؟ 

ه

📰   الانتباهة:

👈    الشمالية تعلن تسجيل صفر حميات

📌   اللهم ديمها عليهم نعمة واحفظها من الزوال 

ه

📰   الصيحة:

👈    (الصيحة) تحقق في عالم جرائم النهب بالخرطوم

📌   النهب ياتو فيهم المسلح والا المصلح 

ه

📰   الصيحة:

👈    صحيفة أمريكية: إدارة بايدن لن تتراجع عن الصفقة مع السودان

📌   نأمل ذلك 

ه

📰   الصيحة:

👈    لجنة تسيير المدارس الخاصة تتّهم القرّاي بـ ”تشويه” المناهج

📌   قولوا والله 

ه

📰   الصيحة:

👈    المخابز تطالب بتعديل التسعيرة وتُلوِّح بوقفة احتجاجية

📌   ان شاءالله انتو في لولوتكم دي الشعب السوداني دا يخترع حاجة غير الخبز دا  

ه

📰   النيل الدولية:

👈    البرهان يطلع على جهود الإدارة الأهلية لمعالجة مشكلة شرق السودان

📌   هي مشكلة الشرق اتعالجت يعني ؟ رسل الكباشي يقدها 

ه

📰   النيل الدولية:

👈    عبور هاربين من الصراع في اثيوبيا الى السودان

📌   قعدوهم في الفشقة 

ه

📰   النيل الدولية:

👈    الحكومة توافق على جمركة 1000 ألف سيارة مُهربة بشمال دارفور

📌   يعني نقوم نهرب ونجي ندفع جمارك والا كيف؟ 

ه

📰   السوداني الدولية:

👈    مجلس نظارات البجا يجدد تمسكه بمخرجات مؤتمر سنكات

📌   ومخرجات جوبا ندفنها والا نسويها سماد 

ه

📰   السوداني الدولية:

👈    حركة عبد الواحد نور تتهم الحكومة السودانية بدعم المنشق ذي النون

📌   يعني يا عبد الواحد عاوز الحكومة تحاربه ليك ؟ 

ه

📰   السوداني الدولية:

👈    وقائع تؤجل محكمة علي عثمان وآخرين

📌   وقائع ظل ؟ 

ه

📰   السوداني الدولية:

👈    ممثلون للإتحاد الأوروبي يجتمعون بوزير الخارجية

📌   ان شاءالله خير 

ه

📰   السوداني الدولية:

👈    ارتفاع حدة الخلافات داخل الجبهة الثورية وإلغاء مؤتمر صحفي لـ”عرمان”

📌   ما دخلنا 

ه

📰   أخبار اليوم:

👈    الناطق الرسمي بإسم الحزب الشيوعي يدلي بتصريحات جديدة لـ«اخبار اليوم» حول الإنسحاب من قحت.

📌   عاوز يقنعنا بانهم انسحبوا من قحت 

ه

📰   أخبار اليوم:

👈    كباشي يترأس إجتماع اللجنة العليا لإستقبال أطراف العملية السلمية.

📌   دا ترأس من لا يملك لمن لا يملك ، من حقنا أن لا نعترف يهذه اللجنة 

ه

📰   أخبار اليوم:

👈    مجلس السيادة يجيز تقرير النائب العام حول اداء الاجهزة العدلية ويناقش العقبات التي تواجه النيابة العامة.

📌   مين يشهد للبتاعة غير هنايتها 

ه

📰   أخبار اليوم:

👈    الاستاذ عاصم البلال الطيب يكتب: المواطن رئيساً للسيادة والوزارة.

📌   يازول رئيساً شنو هسع المواطن ما قادر يرفع راسه من التعب

ه

📰   السوداني:

👈    الشعبي يصدر تصريحاً حول انسحاب الشيوعي من ائتلاف قوى التغيير الحاكم .

📌   بالعربي والا بالدوتش ؟  

ه

ه

📌ابووضاح 📌

ليست هناك تعليقات:

إرسال تعليق

Adbox