اخر الاخبار

الاثنين، 9 نوفمبر 2020

دبابيس من الصحف السودانية

 📌 دبابيس من صحف الاثنين 09 نوفمبر 2020م

ه



ه 

⚠   *مجرد سؤال*:

👈   كنا عاوزين نسأل من خبر الدوشكا المسروقة من شرطة الخرطوم لكن جانا خبر انه ناس شرطة الفاشر اتسرق منهم دوشكا بي عربيته...... 

📌   شكلها البلد دي محتاجة لي شرطة تحرس الشرطة....... 

ه

ه

⚠   *أخبار كورونا*:

👈   الخرطوم: باج نيوز..... أعلنت السلطات الصحية في السودان عن”65″ إصابة جديدة بفيروس كورونا المستجدّ.

وقالت الإدارة العامة للطوارئ ومكافحة الأوبئة في تقريرٍ صادر ليوم ”السبت”، إنّ ولاية الخرطوم سجّلت ”50″، الجزيرة ”9″، النيل الأبيض ”1″، نهر النيل ”2″، كسلا ”1″، جنوب كردفان ”1″.

وبلغت حصيلة الإصابات بفيروس كوفيد ـ19 في السودان”14″ ألف و”155″، فيما تعافى ”9″ ألف و”492″، وتوفي ”1116″.

وشددت الوزارة على ضرورة الإلتزام بقانون الطوارئ الصحية والبقاء في المنزل والتبليغ عن حالات الإشتباه.

.........

ه

ه

⚠   * رؤساء تنظيمات الجبهة الثورية في ابوظبي*:

👈   الخُرطوم: باج نيوز..... وصل أمس “الأحد” إلى العاصمة الاماراتية أبوظبي رؤساء تنظيمات الجبهة الثورية بقيادة د. الهادي إدريس، مالك عقار ود. جبريل إبراهيم ، والطاهر حجر، وخميس عبدالله ابكر ومحمد داؤود وأسامة سعيد وخالد إدريس في زيارة تستغرق يومين....... 

📌   عمرة مقبولة ان شاءالله....... 

ه

ه

⚠   *صندوق اعمار الشرق*:

👈   الخرطوم: سودان برس...... كشفت الإدارة التنفيذية لصندوق إعمار الشرق عن معوقات تواجه المشروعات من ضمنها عدم وضوح تبعية الصندوق لمجلس السيادة ام مجلس الوزراء بجانب عدم زيادة مرتبات العاملين أسوة بالزيادات التي حدثت لموظفي الدولة......

📌   موضوع المعوقات دا كلنا حاصل علينا لكن بما انكم ما عارفين روحكم تابعين لي وين ندعوكم للانضمام الى حزب الأمة.........

ه

ه

📰   الوطن:  

👈   الشيوعي: شرعنا في تكوين تحالف جديد وليس لدينا ممثل في الحكومة .

📌   ما عندكم ممثل يعني الموجودين ديل كلهم مخرجين ومصورين والا شنو؟ 

ه

📰   الوطن:  

👈    إستمرار التوترات في إثيوبيا وابي أحمد يقيل قائد الجيش ومدير المخابرات .

📌   ما عندنا ليهم غير الدعوات الصالحات 

ه

📰   الوطن:  

👈    نقابة عمال الموانئ تعلن عن اعتصام شامل لمدة (3) أيام .

📌   الموانئ تاني دورت ؟

ه

📰   الوطن:  

👈    مسار المعلمين تطالب بنقابة حرة وتتهم اللجنة بممارسة التمكين .

📌   التمكين القديم والا الجديد ؟ 

ه

📰   التيار:

👈    مدني عباس: لن أغادر الوزارة بطلب مجموعة مواطنين .

📌   كأنك جيت الوزارة داونلود من اليوتيوب 

ه

📰   الصيحة:

👈    إرتفاع حالات الإصابة بكورونا .

📌   يا ستار استر 

ه

📰   الصيحة:

👈    الطاقة: (6) مليارات برميل إحتياطي السودان من النفط .

📌   سنة يا أرامكو 

ه

📰   الصيحة:

👈    الشيوعي يعلن تكوين تحالف وسحب البساط من (قحت) .

📌   مافي زول بسحب البساط من تحت نفسه الا اذا عملها على البساط وهو نايم  

ه

📰   الوفاق:

👈    البرهان: نتطلع لشراكة مع الإدارة المنتخبة في واشنطن .

📌   كدي ظبطوا الشراكة بينكم وبين بعض 

ه

📰   الوفاق:

👈    فرنسا تعلن دعم السودان بأربعة ملايين يورو سنويا .

📌   نعتبرها كفارة لقلة أدب ماكرون 

ه

📰   الوفاق:

👈    تاور يشدد على معالجة اشكالات العائدين من جنوب السودان .

📌   اها اتعهد لهم بي شنو ؟ 

ه

📰   النيل الدولية:

👈    النائب العام: تنتظر دعماً خارجياً لإنهاء التحقيق في محاولة اغتيال حمدوك .

📌   ملك الزحاليق انت ، تنتظر دعم والا منتظر لحدي ما يمشوا تركيا 

ه

📰   النيل الدولية:

👈    إشتباكات بين قوات حركة عبد الواحد وقوات منشقة بجبل مرة .

📌   منشقة من عبد الواحد دي معناتها يا NO تربيع يا ½ NO ؟ 

ه

📰   النيل الدولية:

👈    اللاجئون الأثيوبيون بالسودان يطالبون بحقوقهم الأساسية .

📌   كدي في الأول ناخد حقوقنا نحن في عضمنا دا بعدين نشوف موضوعكم 

ه

📰   النيل الدولية:

👈    الكباشي: رفض توصيات التفاوض غير الرسمي مع الشعبية قرار إتخذته المؤسسات .

📌   تقصد مؤسسات الحتانة ؟ 

ه

📰   النيل الدولية:

👈    ضبط حشيش في منطقة التفتيش بمحلية دلقو .

📌   دلقو ما ليها في الحشيش دا يمكن قامشة 

ه

📰   السوداني الدولية:

👈    توجيه تهمة لمدان بتزوير أوراق حكومية وتأشيرات دول مختلفة .

📌   عادي ياخد له شهر شهرين سجن ويطلع يمارس نشاطه تاني 

ه

📰   السوداني الدولية:

👈    في ندوة دور الإتصالات: خبراء يدعون إلى شركة وطنية كبرى للإتصالات .

📌   كانت عندنا والله لكن راحت وين ما عارفين 

ه

📰   تاسيتي الأخبارية:

👈    أسرة تٌطالب الدعم السريع بتسليم (3) من منسوبيه متهمين بقتل إبنها .

📌   بي يجيكم عبدالرحيم يتفاهم معاكم 

ه

📰   تاسيتي الأخبارية:

👈    الدولار يعاود الإرتفاع في الأسواق الموازية .

📌   قلنا لكم عطسة عافية 

ه

📰   فجاج برس:

👈    إضراب العاملين بمركز غسيل الكلي بدنقلا .

📌   والمرضى ذنبهم شنو؟ 

ه

📰   فجاج برس:

👈    البجا يطالبون بإيقاف جمعية الشحن والتفريغ ببورتسودان .

📌   تتقد الرهيفة ان شاءالله ما تتلتق  

ه

📰   فجاج برس:

👈    الصوفي يحذر من مخاطر حقيقية تجابه الأمن الغذائي في البلاد .

📌   أكتر من العليهو دا ؟  

ه

📰   فجاج برس:

👈    بركاوي: (40%) من وقود الزراعة يتعرض للتسرب ونحاول التقليل .

📌   لو صرفتوا للمهربين بركاوي صاح ما كان اتهرب 

ه

📰   السوداني:

👈    الشفافية السودانية : (90)% من سوق الإتصالات في قبضة مستثمرين أجانب .

📌   الحمدلله جات على كدا ، لو ما ربنا ستر كلنا كنا حا نكون في قبضة مستثمرين أجانب 

ه

📰   السوداني:

👈    كباشي: إتفاق حمدوك والحلو عطاء من لا يملك لمن لا يستحق .

📌   انت وكت بي تعرف من يملك ومن لا يملك ما قلت الكلام دا يوم اجتماع البرهان مع نتنياهو مالك؟ والا انت قايل من يملك دا الا يلبس كاكي ؟  

ه

📰   السوداني:

👈    الدقير لـ(السوداني): نأسف لحالة التبايُن والتباعُد وسط قوى الثورة .

📌   قوى الثورة لو على الثوار مافي تباعد التباعد حصل بين من تسلقوا على اكتاف الثورة 

ه

📰   السوداني:

👈    منصة كورونا تدفع بعدة توصيات لوزارة الصحة .

📌   اها شوفتوا التوصيات دي هي الجابت خبر د. أكرم

ه

📰   أخبار اليوم:

👈    وكيل وزارة الاعلام : التصديق لصحف جديدة بعضها واجهات للنظام البائد .

📌   الصدق ليها منو؟ 

ه

📰   أخبار اليوم:

👈    نبيل أديب: الدستـور أمر يخص الجميع .

📌   غايتو نحن كجزء من (الجميع) عمرنا مافي زول ورانا الدستور دا أو شاورنا فيه 

ه

📰   أخبار اليوم:

👈    مزارعون بأبوحمد يدعون لجنة إزالة التمكين لمراجعة المشاريع الإستثمارية .

📌   راجعوها براكم أحسن من يقوم يلم فيكم نادر العبيد.... 

ه

ه

📌ابووضاح 📌

ليست هناك تعليقات:

إرسال تعليق

Adbox