اخر الاخبار

الاثنين، 14 ديسمبر 2020

الشهيد عبدالرحمن الصادق محمد

#ذكرى_ثوره_ديسمبر_المجيده 

#قصه_شهيد 


#إكرام_الشهيد_قصاصه 



 الشهيد عبدالرحمن الصادق محمد " سمل" .. 

طالب بجامعة الخرطوم ، استشهد نتيجة للتعذيب من قبل جهاز الامن ، استشهد بتاريخ 27 ديسمبر 2018 

له الرحمة والمغفرة.   

الدم قصاد الدم ما بنقبل الدية.


لما كلموني انه جثمانو في الاكاديمي ... بقلب الاب ركبت العربية مع ايمان امه دي ومشينا ... اتخيلو المسافة من هنا للاكاديمي ... في الشارع كنت بقول لروحي يا الصادق ان شاءالله مايكون عبدالرحمن ... يا ربي ما يكون عبدالرحمن ولدي .. تاني ارجع اقول دا كلام شنو يا الصادق الولد دا لو ما عبدالرحمن ولدك حيكون ولد (ثائر) تاني ... دخلت انا وايمان لقيت عبدالرحمن ولدي راقد وعلي وشو الم فظيع ... التعذيب الاتعرض ليهو خلال اليومين القبل الموت ... جثته كانت طرية ... انا بعرف عبدالرحمن كويس ... الوجع في وشو كان ظاهر شديد في اللحظة ديك وجعه دا ووجع روحه اشتبك مع وجع روحي انا ... ارواحنا اتلاقت واتسالمت .. اتذكرت القتل والتنكيل الحاق بشعب كامل .. الموت الجماعي في غرب السودان موت الناس في جبال النوبة ... الموت المهوم علي البلد دي الليهو سنين ... احنا كاسرة جزء من الحاصل للبلد دي 

الصادق سمل 

الله ينتقم منهم

ليست هناك تعليقات:

إرسال تعليق

Adbox