اخر الاخبار

03 ديسمبر 2020

دبابيس من الصحف السودانية

 📌 دبابيس من صحف الخميس 03 ديسمبر 2020م

ه



ه


*همسة*

قد أقسموا والشّمس ترخي فوقهم حمر الضفائر

أن يطردوا من أرضنا الخضراء تجّار المقابر

ويحرّروا الإنسان من قيد المذابح والمجازر

ويحرروا التاريخ من قلم المغامر والمقامر

فنحقّق الوطن الكبير لنا ونزرعه منائر

ه

ه

⚠️   *سؤال جادي*:

👈    ‏بالنسبة للبلطجة والنهب الذي يمارس في شارع الهواء بالازهري جنوب الخرطوم وفي بحري شارع القنطرة (كافوري) وشارع الصناعات بحري وفي شرق النيل وفي ام درمان شارع الوادي وغيرها من الشوارع هل مصرح به من قبل السلطات الامنية ووزارة الداخلية والا ما عندهم بيهو خبر والا عارفين وساكتين والا ما قادرين والا شغالين معاهم 50/50 والا الحاصل شنو بالضبط ؟ .....

ه

ه

⚠️   *سؤال جادي*:

👈    ‏نفس السؤال اعلاه ينطبق على (التحصيل الموحد) بالمحليات والفساد الذي اصبح حديث العامة وبعض العاملين فيه رطبوا ترطيبة ناس الدعم السريع ما مرطبنها ، فهل مصرح به من قبل السلطات والا ما عندهم بيهو خبر والا عارفين وساكتين والا ما قادرين والا شغالين معاهم 50/50 والا الحاصل شنو بالضبط ؟ .

ه

ه

⚠️   *اخبار كورونا*:

👈   الصحة: تسجيل 209 اصابة جديدة و10وفيات بكرونا بالخرطوم وارتفاع الحالات بالجزيرة.......

ه

ه

⚠️   *كورونتنا بعيون الآخرين*:

👈   كشف تقرير حديث أصدرته كلية امبريال في لندن إن عدد وفيات فيروس كورونا المسجلة في الخرطوم تبلغ 2% من العدد الحقيقي، وإن عدد الحالات غير المسجلة في تقارير وزارة الصحة حتى 20 نوفمبر تبلغ 16050.

وقال فريق استجابة كوفيد 19 في كلية امبريال في تقرير أعده بالتعاون مع شركائه إن 38% من سكان الخرطوم مصابون بفيروس كورونا .

واوضح إن الموجة الثانية للجائحة ستبلغ ذورتها قبل حلول 2021 وسيبلغ معدل الوفيات 3% من المصابين.

وتوقع التقرير أن تكون الإصابات في الموجة الثانية أكبر من الموجة الأولى .

وعزا الانخفاض في حالات الإصابة بفيروس كورونا خلال الموجة الأولى بسبب التدخلات المنفذة وزيادة المناعة لدى السكان ، وشدد الباحثون على أهمية استمرار حماية الأفراد المعرضين لمخاطر عالية للمساعدة في تقليل معدل الوفيات خلال الموجة الثانية في غياب تنفيذ تدابير إغلاق جديدة........

📌    ماذا يعني صمت الصارخين المولولين المطالبين باقالة دكتور أكرم التوم ، هل هذا ما كانوا يسعون اليه ؟ وصول الوفيات الى اكثر من 16 الف   

ه

ه 

📰    الوطن:

👈   إبراهيم محمود: (أنا ما فكوني عشان ما عندي قروش)

📌     احمد ربك ما حبسوك مع الضابط بتاعكم المتخصص اغتصاب داك  

ه 

📰    الوطن:

👈   نبيل أديب: هناك من يعمل لصرف اللجنة عن الوصول لنتائج

📌      كتااااار 

ه 

📰    الوطن:

👈   وجدي صالح: جهات تسعى للمصالحة مع (الكيزان) وتقف بينهم ولجنة ازالة التمكين

📌      اكشفوهم بالاسماء ، التمر بي يشروهو في الشمس عشان ما يسوس

ه 

📰    الوطن:

👈   الشرطة تنفذ حملة كبري لضبط العربات غير المقننة بإشراف المدير العام

📌      ماتنسوا المواتر والبلطجية الذكرناهم ليكم فوق 

ه 

📰    الوطن:

👈   وقفة احتجاجية لمفصولي الجيش تتسبب في أزمة مرورية حادة في الخرطوم

📌      مفصولي الجيش ديل لو رجعوهم في ناس بي يدخلوا الفتيل 

ه 

📰    الانتباهة:

👈   نهب خطير بزي نظامي و( تاتشر) في الخرطوم

📌      لو مافي عقوبة رادعة وعلنية لن تنتهي هذه الجرائم 

ه 

📰    الانتباهة:

👈   مثول البرهان وكباشي وأخرين للتحقيق حول فض الاعتصام( 16) ديسمبر

📌      مبروك عليك الليلة يا نعومة 

ه 

📰    الانتباهة:

👈   استرداد( برجين) من شركة زدانا

📌      لسع الغريق قدام 

ه 

📰    الانتباهة:

👈   إزالة التمكين قرارات مؤثرة مرتقبة ضد جيوب النظام البائد

📌     اضرب المرقوت  

ه 

📰    الانتباهة:

👈   تأخير( الثورية ) يعطل إعلان مجلس شركاء الإنتقالية

📌      الثورية تموت في الجرجرة 

ه 

📰    الديمقراطي:

👈   (19) شركة لمدير مكتب علي عثمان تحصلت علي قروض بأكثر من ترليون جنيه

📌     يعني من زمان عندنا كوفيد 19

ه 

📰    الديمقراطي:

👈   توفير 60 مليون دولار لمستوردي الأدوية

📌     قوود نيوز  

ه 

📰    الديمقراطي:

👈   إزالة التمكين ترفض مصالحة( الكيزان)

📌      ونحن معاك يا معلم 

ه 

📰    الديمقراطي:

👈   مشاورات لانضمام الجبهة الثورية للحرية والتغيير

📌      اول كانت وين ؟ 

ه 

📰    الديمقراطي:

👈   أحباط محاولة تهريب إبل وسكر بالبحر الأحمر

📌      ابل وسكر ديل شاي بي لبن ما يلمهن مع بعض

ه 

📰    التيار:

👈   حقائق صادمة يكشفها تحقيق ل ( التيار) وسط اللاجئين الإثيوبيين

📌      نحن تاني مافي حاجة ممكن تصدمنا 

ه 

📰    التيار:

👈   توقف مصنع سكر الجنيد بسبب شح الوقود والعطش

📌      يعني عنده جفاف؟ 

ه 

📰    التيار:

👈   السودان يطلب دورأ أفريقيا أكبر بأزمة سد النهضة

📌      اعملوا حسابكم ما يرسلوا لكم امبيكي 

ه 

📰    التيار:

👈   الجزيرة : ( 25%) نسبة أصابات( كورونا ) وسط طلاب الجامعات

📌      يا لطيف 

ه 

📰    النيل الدولية:

👈   مكونات في الائتلاف الحاكم تبدأ ترشيح ممثليها للبرلمان

📌      سارع فالاماكن محدودة 

ه 

📰    النيل الدولية:

👈   المالية تؤكد اهمية توسيع دائرة التشاور لإعداد موازنة العام 2021

📌      توسيع اكتر من كدا ؟ 

ه 

📰    النيل الدولية:

👈   اجلاء 143 من السودانيين من ليبيا ووصولهم لأرض الوطن

📌      ديل اتولدوا من جديد 

ه 

📰    النيل الدولية:

👈   النائب ادارة يتسلم مذكرة المفصولين من القوات المسلحة

📌      احتفظوا منها بي نسخة النائب العام دا ما معروف يقعد والا يمشي 

ه 

📰    النيل الدولية:

👈   المحاسبون بالقضارف ينفذون إضرابا يتسبب بعدم صرف مرتبات العاملين

📌      بمعنى تقفل بلفي اقفل بلفك 

ه 

📰    النيل الدولية:

👈   نائب المدير العام للعمليات بالموانئ البحرية: زيرو انتظار خلال شهرين للبواخر وإكتمال اجراءات ٩ ألف باخرة

📌      دا ميناء وين دا؟ 

ه 

📰    أخبار اليوم:

👈   وسائل إعلام عبرية : السودان يهدد بالتراجع عن التطبيع.

📌      انفخ ولو حملك ريش

ه 

📰    أخبار اليوم:

👈   تسييرية اتحاد الصالات: أبواب السجون باتت مفتوحة أمامنا.

📌      ادخلوا برجلكم اليمين 

ه 

📰    السوداني:

👈   الحرية والتغيير تجدد الثقة في حمدوك

📌      فليمت بغيظهم الزواحف ومن شايعهم

ه 

📰    السوداني:

👈   (70 ) مليون يورو من الاتحاد الأوروبي لدعم الأسر السودانية

📌      ايوا كدا 

ه 

📰    السوداني:

👈   بالأسماء الاعلان عن مجلس شركاء الإنتقالية خلال يومين

📌      نشيف

ه 

📰    السوداني:

👈   الثروة الحيوانية تبلغ السلطات السعودية بخلو الماشية من الحميات

📌      خاليه من الحميات ومحجوزة لقطر 

ه 

📰    السوداني:

👈   الشيوعي ما يحدث من تحالف بين الرأسمالية والاسلاميين لقطع طريق الثورة

📌      الله يقطع دابرهم 

ه 

ه

📌ابووضاح 📌 

ليست هناك تعليقات:

إرسال تعليق

Adbox