اخر الاخبار

02 ديسمبر 2020

دبابيس من الصحف السودانية

 📌 دبابيس من صحف الاربعاء 02 ديسمبر 2020م

ه



ه

*همسة*

في انبلاج الصبح للمحزون بُشرى

وفي شروق الشمس آيات وذكرى

قل لمن قد بات مهموما كئيبا

كيف تأسى إنّ بعد العُسر يُسرا

ه

ه

⚠️   *سؤال نعيده ونلح به*:

👈    ‏أما آن الأوان لاخراج القيادة العامة واخواتها من حنجرة البلد الى منطقة اوسع وارحب بدل ضيق التنفس الذي تتسبب فيه كل يوم دا؟.....

ه

ه

⚠️   *اخبار كورونا*:

👈   من موقع وزارة الصحة الاتحادية: بلغ عدد المصابين بفيروس كوفيد 19 عدد (18045) مصابل وعدد المتعافين (10369) فيما بلغ عدد الوفيات (1255) حالة وفاة........

ه

ه

⚠️   *حليلو هو*:

👈   نشر التلفزيون القومي على صفحته في الفيسبوك مقطع مصور  قدم فيه التلفزيون القومي اعتذارا للدكتور جبريل ابراهيم عن الخطا الذي حدث بالامس في الفديو الذي اعتذر فيه التلفزيون للمشاهدين عن اللفظ النابئ الذي صدر من احد الضيوف في أحد البرنامج ... .....

📌   الغريبة الاعتذار الاخير فيه خطأ لو انتبه اليه الضيف المذكور لطالب التلفزيون باعتذار آخر ، ..... التلفزيون مسكين بقى زي الشافع ال ما حافظ سورة للكافرون......

ه

⚠️   *كباشي يتزاوغ من الفتيل*:

👈    ‏الخرطوم: باكر نيوز....... قال رئيس لجنة التحقيق في فض الاعتصام، نبيل أديب، إن لجنته أرسلت إخطاراً إلى القوات المسلحة السودانية، تطلب فيه مثول عضو مجلس السيادة الانتقالي، الفريق شمس الدين كباشي.

وأشار أديب إلى أنهم خاطبوا القوات المسلحة بخصوص مثول كباشي أمام لجنته، لأنه ضابطاً بالخدمة العسكرية، لافتاً إلى أن لجنته حددت جلسة لسماع أقواله.

وأضاف: “كباشي يعلم ذلك كله”.

وكان كباشي ذكر في مقابلة مع قناة النيل الأزرق أن لجنة أديب لم تطلب سماع شهادته، مؤكداً أنهم في انتظار تحقيقات اللجنة لمعرفة من قام بفض الاعتصام......... 

📌    أصلاً تخاطبوا القوات المسلحة ليه؟ الحتانة مالها عيبوها لي ، مفروض تخاطبوا الحتانة وتخاطبوا جماعته الكان مجتمع معاهم ، حصل سمعتوا الكباشي مجتمع مع ضباط القوات المسلحة؟ ........

ه

ه

⚠️   *الشرطة في خدمة الشعب*:

👈    تلقت إحدى دوريات شرطة أم درمان، بلاغاً عبر الرقم (999)، من مواطن أفاد بأن زوجته في حالة وضوع وتحتاج لعملية نقل دم فصيلة نادرة (O-) بمستشفى الدايات، قام متلقي المكالمة بمراجعة زملائه، إلا أنه لم يتم العثور على الفصيلة المطلوبة، وعليه قام الشرطي محمد إبراهيم  بحسب صحيفة الصيحة ، يتبع للنجدة الاتصال بشقيقته التي تعمل بمستشفى الدسوقي بالشنقيطي، التي قامت بدورها بتوفير زجاجة دم من زملائها بمستشفى عوض حسين شارع العرضة، وبعد التأكُّد من وجود المطلوب، تمّ تحريك وحدة النجدة (سراج) واستلام زجاجة الدم وحفظها وتوصيلها للمُبلِّغ بمستشفى الدايات..........

📌   هكذا نريد ان تكون شرطتنا ، تطبيقا عمليا لمقولة الشرطة في خدمة الشعب ، والخير في السودان لا تنكره العين الا من رمد....

ه

ه 

📰    الوطن:

👈   وصول وفد أوروبي رفيع المستوى الى الخرطوم اليوم

📌      معاهم يورو اهلا وسهلا جايين بياعين كلام يشربوا المويه ويمشوا قدام 

ه 

📰    الوطن:

👈   توالي إرتفاع الوفيات الاصابات بفيروس كورونا

📌      قلة ادب من كورونا بس 

ه 

📰    الوطن:

👈   اتجاه لسن قانون يجرم العنصرية بالسجن “5” سنوات

📌      خلاص ابدوا بالناس بتاعين تسجيلات الواتساب ديل

ه 

📰    الوطن:

👈   السعودية تستفسر عن صحة الماشية السودانية

📌      بخير الحمدلله وصحتها بمب ووصلت قطر 

ه 

📰    التيار:

👈   الفكي ل (التيار) قرارات وشيكة لإيقاف موظفين في مناصب حساسة

📌      والله قايلها مناطق حساسة ، متعودااااا دايمنننن 

ه 

📰    التيار:

👈   غرفة الملاحة ترد على تحركات لموردبن دعوا لإيجاد مواني بديلة

📌      قال ايه اللي جبرك على المر قال الامر منه 

ه 

📰    التيار:

👈   البيت الأبيض يخطط لحفل توقيع بين السودان وإسرائيل هذا الشهر

📌      خلاص نقوم نرسل لهم تلاتة اربعة قونات للحفل دا 

ه 

📰    الانتباهة:

👈   أديب ( الانتباهة ) حان وقت مثول كباشي للتحقيق

📌     حان الزفاف وانا حالي كيفن باوصفو 

ه 

📰    الانتباهة:

👈   نيويورك تايمز: اتفاق التطبيع السودان الإسرائيلي معرض للانهيار

📌      (معرض) دي الضاد فوقها نقطة والا تسوونا في اعتذارات

ه 

📰    الانتباهة:

👈   اجتماع بين حمدوك والتغيير حول (الحكومة) الجديدة اليوم

📌     اجتماعات حمدوك والتغيير دي تشبه لي اجتماع الزوجة الاولى ال ما عندها اولاد مع أهل الزوجة التانية ال لسع ما حملت والزوج راقد مستشفى 

ه 

📰    الانتباهة:

👈   تخصيص معقد بمجلس شركاء الإنتقالية للشرق و ( 7) للثورية

📌      مقعد الشرق دا بدلوهو ليهم بي عنقريب عشان لو نفوسهم اتطايبت العنقريب يشيل مية... 

ه 

📰    الانتباهة:

👈   الطيران المدني لا اتجاه لأغلاق المطار

📌      هو شغال ؟ 

ه 

📰    الانتباهة:

👈   الشيوعي : مجلس الإنتقالية انقلاب علي الثورة

📌      الثورة بالنص ؟

ه 

📰    الانتباهة:

👈   توجية المدارس الأجنبية بايقاف الدراسة

📌     بالانجليزي ؟  

ه 

📰    الحداثة:

👈   مراكز عزل تفرض علي ذوي المتوفين ب ( كورونا ) 12 الف جنية لتجهيز الجثمان

📌      ولو رفضوا يدفعوا حا يرموهو  للكلاب يعني؟ 

ه 

📰    الحداثة:

👈   مقتل نازح وأصابة (5) آخرين في هجوم لمسلحين شمال ( نيالا)

📌      الحقوا الموضوع قبل ما يتوسع

ه 

📰    الحداثة:

👈   كمال كرار : الحكومة تتعامل بسياسة ( التعويم) في الوقع لكن غير معلنة رسميا

📌      طيب ياخي قالوا (اذا بليتم فاستتروا) انت فاضحهم ليه؟ 

ه 

📰    الحداثة:

👈   بومبيو يؤكد أجازة قانون الحصانة السيادية (خلال أسابيع )

📌      اسابيع شنو انت باقي لكم كلها اسبوعين 

ه 

📰    الحداثة:

👈   46 الف مصاب ب ( الإيدز ) في السودان ومنحة بقيمة (140 ) مليون دولار لمكافحة المرض

📌      نسأل الله السلامة 

ه 

📰    المواكب:

👈   قرار وشيك باعتماد أسماء ومهام الوزارات الجديدة

📌     والله نحن تهمنا اسماء المخابز الفيها خبز والطلمبات الفيها وقود بسسسسس

ه

📰    المواكب:

👈   نبيل أديب: لجنة فض الاعتصام استدعت كباشي رسميا

📌     نكرو حطب  

ه 

📰    المواكب:

👈   مؤتمر تشاوري لمناقشة قضايا الولايات غير المدرجة في اتفاق جوبا

📌      اصبروا لهم شوية لحدي ما يحملوا السلاح 

ه 

📰    المواكب:

👈   حميدتي يجري اتصالات مع الحركات غير الموقعة لحثها علي الانضمام للسلام

📌      ياخي انت وين؟ والله مشتاقين رسمي

ه 

📰    المواكب:

👈   فرض الطؤارى الصحية بجنوب دارفور

📌      ان شاء الله تتنفذ

ه 

📰    الصيحة:

👈   وزير التربية ل ( الصيحة ) : لا نتحمل التأجيل ونتحسب لأسوأ السيناريوهات

📌      والله العاوزة الجنا وعارفه الحمل خطر على حياتها بي تتبنى طفل لكن انتو ما عارف اقول لكم شنو 

ه 

📰    الصيحة:

👈   أضرب شامل لنواب الاختصاصين ( الجمعة ) المقبلة

📌      عووووك ديل ليهم زمن ما اضربوا 

ه 

📰    الصيحة:

👈   الثورية : اتفاق جوبا أقر هيكلة المؤسسات العسكرية ومشاركة المراة دون تمييز

📌      مشاركتها في الهيكلة ؟ 

ه 

📰    الصيحة:

👈   السفارة الأمريكية : واشنطن شريك وصديق للخرطوم

📌      معروف الزول ال بي يصادقك غصبا عنك دايما ياكل حقك 

ه 

📰    الديمقراطي:

👈   نبيل أديب: طلبنا( كباشي ) للتحقيق هو يعلم ذلك

📌      يعلم لكن حدس ما حدس

ه 

📰    الديمقراطي:

👈   رفع الحصانة عن شرطي اعتدي علي طبيب وممرضة

📌      قايل نفسه في المجلس السيادي 

ه 

📰    الديمقراطي:

👈   ولاء البوشي : مزقنا فاتورة الايجار الشهري للوزارة

📌      أكيد في كوز والا كوزين اتضرروا 

ه 

📰    النيل الدولية:

👈   توقيف (هلكا عصار) يثير بوادر توتر بين السودان وأثيوبيا

📌      أعصروهو في النص بيننا بينهم 

ه 

📰    النيل الدولية:

👈   توقف مصفاة الجيلي بغرض الصيانة

📌      عوينة ام صالح واتقدت

ه 

📰    النيل الدولية:

👈   تحالف جديد للقوى غير المشاركة في الحكومة

📌      الله يرحم صاحب التحالفات ، فات خلاها ليكم 

ه 

📰    النيل الدولية:

👈   بدء التشغيل التجريبي للمصانع المصرية لإنتاج الخبز في السودان

📌     والله لو توزع الخبز مجان برضو حلايب سودانية  

ه 

📰    السوداني:

👈   أمبريال كوليدج : أكثر من (16) الف وفاة غير مرصودة بكورونا بالسودان

📌      عرفتوها كيف ، شغالين مع درمة انتو 

ه 

📰    السوداني:

👈   السودان يسلم أثيوبيا(50) جنديا من الفارين من حرب تيغراي

📌      بي كم ؟ 

ه 

📰    السوداني:

👈   كباشي يكذب أديب وينفي مخاطبة الجيش أو اللجنة لة بالمثول للتحقيق

📌      يعني هسع عاوزنا نصدقك ؟ 

ه 

📰    السوداني:

👈   التوافق علي تكوين مجلس شركاء الفترة الانتقالية ب( 27) مقعدا

📌      المقاعد هينة نحن شايلين هم المخصصات 

ه 

📰    السوداني:

👈   الهادي إدريس : اتفاق جوبا وضع حدا لانتهاكات حقوق الانسان

📌      ايوا لكن ما ورانا الانسان وين ؟ 

ه 

📰    السوداني:

👈   مدير أدارة الامازات بالاتحاد الاوربي يصل الخرطوم اليوم

📌      جيت والله جابك عندنا ليك كونتينر ازمات يلا افتحو وورينا شطارتك

ه 

ه

📌ابووضاح 📌

ليست هناك تعليقات:

إرسال تعليق

Adbox