اخر الاخبار

27 يناير 2021

دبابيس من الصحف السودانية

 📌 دبابيس من صحف الاربعاء 27 يناير 2021م

ه 



ه

*همسة*

يا قارئي… إنِّي ذكرْتُ مُحمَّدا 

فاحذرْ فديتُكَ أنْ تكونَ بخيلا 

طِرْ بالصَّلاةِ عليهِ ما طَيرٌ شَدا 

وابعثْ سلامَكَ بُكْرةً وأصيلا 

ه

ه

⚠ *سؤال*:

👈 هل اغلاق الطريق بتفكيك الانترلوك المرصوف في مسارات الطرق أسلوب حضاري سلمي؟.....

ه

ه

⚠ *مرة أخرى سيارة بدون لوحات*:

👈 سيارة بدون لوحات تتسبب في وفاة الشاب مهيد أحد ثوار الخرطوم بحري حيث تم نقل جثمانه من مستشفى الدولي إلى مشرحة امدرمان وقد ذكر شهود بأن الشهيد تعرض لدهس بواسطة عربة بوكس لا تحمل لوحات..... نسال الله ان يتغمده بواسع رحمته وإنا لله وإنا إليه راجعون.....

ه

ه

⚠ *إيلي كوهين زار الخرطوم والتقى البرهان وعقد اتفاقيات*:

👈 الخرطوم: سودان برس..... كشفت وسائل إعلام إسرائيلية، ان وزير الإستخبارات الإسرائيلية إيلي كوهين، التقى خلال زيارته للخرطوم برئيس مجلس السيادة الإنتقالي الفريق أول عبد الفتاح ‎البرهان، ووزير الدفاع ياسين إبراهيم.

وقال شمعون آران، المراسل والمحلل السياسي الشهير؛ لهيئة البث الإسرائيلية: “وقع وزير الاستخبارات الإسرائيلية إيلي كوهين مع وزير الدفاع السوداني مذكرة تفاهمات في المجالات السياسية والأمنية”.

وأكد شمعون؛ ان الوزير كوهين، تقدم بالشكر لرئيس مجلس السيادة الفريق أول عبد الفتاح ‎البرهان على حفاوة استقبال البعثة الإسرائيلية ودعاه لزيارة إسرائيل.

وأضاف: “المسؤولون السودانيون استعرضوا أمام البعثة الإسرائيلية تقدم الإجراءات في ‎السودان لإلغاء قانون المقاطعة ضد إسرائيل. وتم الاتفاق على إيفاد بعثة سودانية حكومية إلى إسرائيل قريباً”.....

📌 ومن هذا المنطلق نبعث تحياتنا الى جماعة يا خيل الله اركبي ويا أرض الله اشهدي ونطمئنهم بأن السنجة في الرنجة والفيل في المنديل والباسطة من غير واسطة.... 

ه

ه

⚠ *الشيوعي وزيارة وزير الاستخبارات الاسرائيلي*:

👈 ‏‏ انتقد الحزب الشيوعي السوداني زيارة وزير الاستخبارات الاسرائيلي ولقائه بالقادة في السودان ووصف الزيارة في بيان بأنها “سبة” في جبين الشعب وأضاف “نساق كالقطيع عندما يقول البرهان لقاءه لمصلحة السودان العليا”. وببحسب الناطق الرسمي للحزب فتحي فضل فان “معظم الدول العربية طبعت مع إسرائيل لكن لم يكن هناك أي فائدة لحياة الناس”.....

📌 جزاكم الله خير وان شاءالله في ميزان حسناتكم؟......

ه 

ه

📰 الوطن:  

👈 وصول بواخر “جازولين” و”غاز” وتوقعات بانفراج الأزمة

📌 قادر ربنا على كل شي 

ه

📰 الوطن:  

👈 تجمع المهنيين يهاجم الحكومة ويؤكد عدم وجود رؤية إستراتيجية

📌 نحن من يوم فاتوا الانجليز ما سمعنا بي رؤية استراتيجية شغالين رزق اليوم باليوم 

ه

📰 الوطن:  

👈 مباحثات سودانية أمريكية بالخرطوم

📌 الحمدلله الذي أبدلنا (صاجات) مانهاتن بمباحثات الخرطوم 

ه

📰 الوطن:  

👈 جهاز المخابرات ينفي اتهامات عرمان بشق الصف.

📌 عرمان دا مقررررم مابيقول كلام ساكت 

ه

📰 التيار:

👈 كوهين يدعو البرهان إلى زيارة إسرائيل

📌 كوزين أقصد كوهين دا ناس علماء الهناي ما سمعوا بيهو؟ 

ه

📰 التيار:

👈 السفير البريطاني : تعويم الجنيه الحل الوحيد لإستقرار الجنيه السوداني

📌 هسع كدي نقدر نقلعه من الطين بعدين التعويم هين 

ه

📰 التيار:

👈 (آفري كوم) في الخرطوم .. أمريكا تعرض الشراكة العسكرية

📌 معاكم يا معلم لحدي الكشافة والرائدات والبراعم ذاتو  

ه

📰 التيار:

👈 مصادر ل(التيار) : أحمد آدم بخيت أقوى المرشحين لوزارة التربية والتعليم

📌 ياخي في الأول يجيبوا لنا التربية والتعليم بعدين الوزير مقدور عليه 

ه

📰 التيار:

👈 التيار تفتح سلسلة تحقيقات في ملف الأحزاب السياسية

📌 أمحق عالم 

ه

📰 المواكب:

👈 حمدوك يقبل استقالة القراي

📌 هو ذاتو تاني مابيرجع 

ه

📰 المواكب:

👈 رسميا … أسرئيل تدعو الحكومة السودانية لزيارة ( تل أبيب )

📌 متين ... متين .... متين ؟ 

ه

📰 المواكب:

👈 واشنطن تعلن دعمها للانتقال الديمقراطي في السودان

📌 الكلام ليك يا المنطط عينيك 

ه

📰 المواكب:

👈 (الشيوعي) : كرتي مكانه السجن

📌 دا مكانه الطبيعي طبعا لكن بي وين مع ناس كاف وكفكاف وكفي بكفها ديل 

ه

📰 المواكب:

👈 وصل(35) الف من الجازولين ميناء بورسودان

📌 ان شاءالله يصل العاصمة والاقاليم وما يكتل ملف على دول الجوار 

ه

📰 المواكب:

👈 مذكرة للبرهان وحمدوك تطالب باقالة والي القضارف

📌 هسع عليكم الله ظروف القضارف دي ظروف يقيلوا فيها والي؟ 

ه

📰 المواكب:

👈 اعتصام الجنينة يؤدي لاغلاق الطرق الرئيسية وشلل تام بالمدينة

📌 تااااني؟ 

ه

📰 الانتباهة:

👈 وشنطن : لا صفقة مع (العسكر) بالخرطوم

📌 الليلة والليلة نار ام بادر يا حليلة ... بريد زولي 

ه

📰 الانتباهة:

👈 التحقيق مع ابراهيم جابر حول فض الاعتصام

📌 بالمناسبة دي وين الفريق الحتاني ؟ 

ه

📰 الانتباهة:

👈 نائب ( افريكون) بداية جديدة للعلاقات نريد القيام بها مع الحكومة المدنية بالسودان

📌 تاني تاني رييييييده كمان جدييييييدة 

ه

📰 الانتباهة:

👈 مناصرون ل (أيلا ) يغلقون الطريق القومي ببورتسودان لفك حساباته المصرفية

📌 ديل الشاربين السليقة وضاربين السلاة ذاااتهم 

ه

📰 الانتباهة:

👈 مغادرة باخرة تحمل (8) آلاف رأس من الضان للسعودية

📌 أمحق خبر 

ه

📰 الانتباهة:

👈 استرداد آلاف الامتار من زوجة والي سابق يتبع للنظام البائد بجنوب دارفور

📌 يا إخواننا يمكن دا مهرها 

ه

📰 الصيحة:

👈 مسؤول بالخارجية يكشف ( الصيحة) تفاصيل زيارة الوفد الإسرائيلي للبلاد

📌 نحن ما تهمنا تفاصيل لكن بي نسأل الزواحف ما سمعوا بيه والا شنو؟ 

ه

📰 الصيحة:

👈 صديق تاور : لا علاقة ل ( لجنة الطوارئ ) بفتح مدارس الخرطوم

📌 فتح المدارس بقى زي جنا الحرام مافي جهة عاوزة تعترف بانها لها علاقة به 

ه

📰 الصيحة:

👈 الصحة العالمية : أسر بالخرطوم ترفض تطعيم أبنائها ضد شلل الأطفال

📌 الجاهل عدو نفسه 

ه

📰 الصيحة:

👈 البرهان لمسؤول أمريكي : ما يحدث بالشرق انتشار للجيش داخل أراضيه

📌 ايوا لو ركزت في الحتة دي تكسب كتير 

ه

📰 الصيحة:

👈 تمدد الاحتجاجات للولايات وإغلاق طريق بورتسودان بمنطقة العقبة

📌 اغلاق الطرق دا اصبح معروف تابع لي منو 

ه

📰 الحداثة:

👈 نائب قائد ( افريكوم) الانتقال الديمقراطي ممكن في السودان

📌 ممكن جدا كمان 

ه

📰 الحداثة:

👈 شبكة الصحفيين تدين منع المؤسسة العسكرية الإعلاميين من السفر إلي دارفور

📌 الإعلاميين استشاروها ليه؟ 

ه

📰 الحداثة:

👈 الشيوعي يتهم مركزا استخاراتيا امريكيا بقيادة حملة ممنهجة ضده

📌 ولد دا 

ه

📰 الحداثة:

👈 الجنية يواصل الانهيار وخبراء يؤكدون أن الحلول الأمنية مجرد( مسكنات )

📌 لا مفر من تغيير العملة وكترة المرض للموت 

ه

📰 الحداثة:

👈 شراكة بين البنك الدولي وجامعة السودان لتوفير فرص عمل للشباب

📌 على بركة الله 

ه

📰 السوداني:

👈 النيابة لـ (صالح مناع) : لست من تحاسبنا وإلزم حدود القانون

📌 بالراحة لا يطق لكم عرق 

ه

📰 السوداني:

👈 نقص حاد في الدواء وانعدام (800 )صنف من الأدوية المنقذة للحياة

📌 قديمة 

ه

📰 السوداني:

👈 الشرطة ترصد مواقع اختباء كبار تجار العملة وتوقف (26 )تاجرًا

📌 لو غيرتو العملة براااهم بي يطلعوا 

ه

📰 السوداني:

👈 محكمة انقلاب الإنقاذ تعقد جلسة إجرائية بغياب المتهمين

📌 ثم ماذا؟ 

ه

ه 

📌ابووضاح 📌

ليست هناك تعليقات:

إرسال تعليق

Adbox