اخر الاخبار

الجمعة، 8 يناير 2021

دبابيس من الصحف السودانية

 📌 دبابيس من صحف الجمعة 08 يناير 2021م 

ه



ه

⚠️   *حكمة اليوم*

‏👈   ‏لا تخاف الجعجاع كثير الكلام .. خاف الساكت المتغاضي فانت لاتدري على ماذا ينوي او بماذا يفكر.....

ه

ه

⚠️  * سؤال*

👈    قال لك تويتر وفيسبوك تحظران حسابات الرئيس الامريكي ترمب.

تخيل معي (كيف يكون الحال) لو كانت تويتر وفيسبوك ديل شركات سودانية وقامت حظرت حساب حميدتي.......

ه

ه

⚠️   *ضبط شهادات زراعية غير قانونية بالنيل الازرق*:

👈    ‏ الدمازين : الحاكم نيوز.... تمكنت إدارة الشرطة الامنية بولاية النيل الازرق من ضبط شبكة من المهندسين الزراعيين بعدد من المحليات تعمل على إستخراج شهادات زراعية و تقوم بإستخدامها لأغراض غير قانونية لتحقيق أرباح غير مشروعه حيث يقومون بإستخراج شهادات زراعية لأشخاص بأسماء مزيفة و من ثم يقومون ببيعها في السوق بمبلغ 7000جنية ( للشهادة الواحدة ) بواسطة السماسرة للتجار للحصول على الوقود الخدمي الزراعي من خلالها........ 

📌   ستظل وتظل البلد تعاني من ثقافة الكوزنة .....

ه

ه 

⚠️   *بنك السودان يطلب حسابات شركات الجيش*:

👈   طالب بنك السودان المركزي عدد من البنوك مده بحسابات عدد من شركات القوات المسلحة بالعملة الصعبة في الفترة مابين 2007م الى 2020م.

وبحسب ما أفاد موقع (الأحداث نيوز) فإن البنك المركزي طالب بحسابات شركة زادنا التابعة للقوات المسلحة وشركة الساطع للنقل والاستثمار المحدودة وشركة كرري للطباعة والنشر وشركة كرري الهندسية وشركة الجديان للخدمات المالية المحدودة وشركة المسرة لمنتجات الأسمنت المحدودة وشركة المسار العالمية للتعدين......

📌    نقوم نكلم محاسن تجهز الحرجل........

ه

ه 

📰    الوطن:

👈    القراي يتقدم باستقالته من إدارة المناهج

📌    نرشح مكانه دكتور الفاتح عزالدين او دكتور ربيع عبدالعاطي 

ه 

📰    الوطن:

👈    اسرة عبد الله البشير تتحدث حول شائعة وجوده بتركيا

📌    ياخ ماتشتغلوا بالموضوع ، هم الموجودين في السودان حصل لهم شنو تراهم مرطبين صفوف ما عندهم

ه 

📰    الوطن:

👈    مجلس الوزراء يجيز تقديرات الموازنة الجديدة

📌    ننتظر رأي مجمع الفقه في الموازنة 

ه 

📰    الوطن:

👈    عبد الرحيم دقلو: محاولات إفساد السلام وسرقة الثورة مستمرة

📌    شيلوا الثورة منهم اقفلوها في مكاتب تحقيقات الدعم السريع خلي راجل يقربها 

ه 

📰    التيار:

👈    أردول : حقّقنا إيرادات بلغت (5، 22)تريليون جنيه في العام 2020

📌    بي يقيلوك هسع ، الناس ديل جنهم وجن الشفافية 

ه 

📰    التيار:

👈    الجمارك: ضبط عُملات داخل (بامبرز) وجسد أجنبية

📌    داخل بامبرز عرفناها ، داخل الجسد دي كيف ؟ 😜

ه 

📰    التيار:

👈    مزارع صغير يتحصّل على (مليارات) الجنيهات كأرباح زراعة تعاقدية

📌   الله يزيده ، البلد فيها خير لكن مافيها نفوس  

ه 

📰    التيار:

👈    مجلس الوزراء يصادق على موازنة 2021 بنسبة عجز 4.1%

📌    كدي اعرضوها على الصوفية والاخوان المسلمين والامة والاتحادي 

ه 

📰    المواكب:

👈    لجنة ( القومة للسودان) : لا نعلم حجم أموال الحملة

📌    استعينوا ب بلة الغائب 

ه 

📰    المواكب:

👈    أستقالة القراي والحرية والتغيير تتهم حمدوك بعدم المؤسسة

📌    عدم المؤسسية والا عدم التراتبية على قول الهندي 

ه 

📰    المواكب:

👈    (المواكب ) تتحصل علي تفاصيل الموازنة و(938) مليون جنية حجم الإيرادات

📌    بالجديد والا بالقديم 

ه 

📰    المواكب:

👈    قرض أمريكي بمليار دولار لتمويل الاستثمار

📌    القروض حرام ، أين علماء الامة ؟ 

ه 

📰    المواكب:

👈    جبريل يلمح لقبول تولي منصب وزير مالية رغم التحذيرات

📌    بي عيونك تقول لي تعال وتعال بي قليبك تقول لي لا مافي مجال

ه 

📰    الانتباهة:

👈    أيرادات( صفرية) لمنظومة الصناعات الدفاعية في موازنة (2021)

📌    من زمان معانا الصفر ومعاهم الواحد الجديد شنو؟ 

ه 

📰    الانتباهة:

👈    القراي يستقيل ويهاجم حمدوك : ( ضعفاء امام العسكر وراضخون للفلول)

📌    ويحبون طعام الفول 

ه 

📰    الانتباهة:

👈    أسر الشهداء: استجوابات المكون العسكري لن تحقق العدالة للاسر

📌    انتو لسع عشمانين في العدالة؟ 

ه 

📰    الانتباهة:

👈    جبريل ابراهيم لم اتخذ قرار نهائيا بشأن قبول منصب وزير المالية

📌    كدي شاور ناس الشعبي 

ه 

📰    الانتباهة:

👈    وزير التعليم يطلب إيضاحات من حمدوك بشأن تجميد تغيير المناهج

📌    كلمني قول ليااااا فاكر ليالي القاش

ه 

📰    الانتباهة:

👈    الحرية والتغيير : لا مساومة ولا مهادنة ولا تنازلات حول أراضي السودان

📌    فشرررر المساومة والمهادنة والتنازلات محجوزة للوظائف والقرارات 

ه 

📰    الانتباهة:

👈    الأمة القومي يرفض اتفاقيات أبراهام و ( الشيوعي) يعتبرها( خيانة)

📌    انتو ما مشكلة ، المهم البرهان يعتبرها شنو

ه 

📰    الصيحة:

👈    جبريل ابراهيم: العدل والمساواة تدعم التطبيع مع إسرائيل

📌    عقبال التطبيع مع السودان 

ه 

📰    الصيحة:

👈    لجنة المعلمين : أعلان نتيجة الشهادة الثانوية خلال اسبوع

📌    شاورتوا مجمع الفقه والصوفية والاخوان المسلمين ؟ 

ه 

📰    الصيحة:

👈    القراي : حمدوك صمت ولم يدفع عني)

📌    يازول هو خدوري قادر يرفع راسه ؟ 

ه 

📰    الصيحة:

👈    إستئناف صادر الماشية الحية الي السعودية

📌    عمرة وعودة ان شاءالله 

ه 

📰    أخبار اليوم:

👈    إستقالة القراي ومغادرة حمدوك للإمارات لفحوصات طبية.

📌    اتنين في واحد فشل تغيير المناهج وفشل النظام الصحي 

ه 

📰    أخبار اليوم:

👈    كباشي: اتفاق الشرق شامل ولا يمكن تجميده أو المساس به.

📌    يعني بالعربي كدا يتعبر حدس ما حدس 

ه 

📰    أخبار اليوم:

👈    بمبلغ مليار دولار: المالية وبنك التصدير والاستيراد الأمريكي يوقعان مذكرة تفاهم لتمويل استثمارات امريكية بالسودان.

📌    يعني شنو تمويل استثمارات ؟ فترنا من السواقة بالخلاء دي ياقول الفلول 

ه 

📰    النيل الدولية:

👈    الكشف عن قرب تشكيل الحكومة الجديدة

📌    الاستفاد من القديمة يعشم في الجديدة 

ه 

📰    النيل الدولية:

👈    حمدوك يتوجه للامارات لإجراء فحوصات طبية روتينية

📌    بسسس خلاص باقي لك فنيلة ميسي وبردلوبة الكرامة

ه 

📰    النيل الدولية:

👈    من أبرزها زادنا وشيكان.. بنك السودان المركزي يصدر قرارًا تجاه (20) شركة

📌    لا يطاع لقصير أمر 

ه 

📰    السوداني:

👈    خفض الإنفاق الحكومي بنسبة (24 )%في الموازنة

📌    الانخفاض دا يشمل تاتشرات الدعم السريع؟ والا دي ما حكومية 

ه 

📰    السوداني:

👈    عبد الرحيم دقلو : القوات النظامية ستتصدى للانقلابيين والمتربصين بالثورة

📌    ما عاوزين أي مجمجة 

ه 

📰    السوداني:

👈    إحباط محاولة تهريب (5)كيلو ذهب بولاية البحر الأحمر

📌   اوعك تقول لي مخبيها زول في منطقة حساسة؟  

ه 

📰    السوداني:

👈    القراي : اخترت جانب الشعب والحكومة اختارت جانب سدنة النظام السابق

📌    الشعب ذاته واقف وين ؟  

ه 

📰    السوداني:

👈    قلواك : عبد الواحد نور في انتظار تحديد موعد للمفاوضات

📌    يازول ؟ انت جااادي ؟ 

ه 

📰    السوداني:

👈    ارتفاع إنتاج الذهب لـ (32 ) ً

📌    (32) شنو بالضبط؟ كيلو ، رطل ، درجة فهرنهايت سنتيمتر 

ه 

ه

📌ابووضاح 📌 

ليست هناك تعليقات:

إرسال تعليق

Adbox