اخر الاخبار

الاثنين، 18 يناير 2021

دبابيس من الصحف السودانية

 📌 دبابيس من صحف الاثنين 18 يناير 2021م

ه



ه

*همسة*

تستغرق مناقشة المسائل التافهة وقتاً طويلاً 

لأن بعضنا يعرف عنها اكثر مما يعرف 

عن المسائل الهامة 

ه

ه

⚠ *سؤال*:

👈 أين قادة الحركات المسلحة مما يحدث في الجنينة وما مدى مساهمتهم في حل المشكلة؟ .....

والا خلاص زي ما قال أحدهم اتعودنا على الفنادق واخراجنا منها يعتبر إهانة.......

ه

ه

⚠ *أخبار كورونا*:

👈 التيار: الخرطوم .. (3) إصابات بالكرونا على رأس كل ساعة

👈 المواكب: أصابات كورونا تتجاوز( 300) حالة بالخرطوم


ه

ه

⚠ *يا ناس البيئة وحماية الغابات عووووووك*

👈 تعاني مناطق شرق الروصيرص ومنطقة الكدالو ومناطق بكوري ودندرو ومناطق جنوب الدمازين من قطع جائر للاشجار مستمر منذ عدة سنوات ابطاله جهات حكومية وبعضها نظامية ، وتستخدم في ذلك عربات تابعة لجهات رسمية تقوم بترحيل وتهريب منتجات الغابات دون تحريك ساكن من الجهات ذات الصلة والمسؤولة عن المحافظة علي الغابات حتى أصبحت المنطقة قاب قوسين أو أدنى من التصحر.......

📌 اذا انعدم الضمير انتشر التدمير وشارك فيه الكبير والصغير....... 

ه

ه

⚠ *الموانئ تشجع علي إقامة مناطق حرة*:

👈 بورتسودان: سودان برس.... التقي مدير عام هيئة الموانئ البحرية كابتن اونور محمد آدم، بمكتبة اليوم الأحد رئيس مجموعة الشيخ مصطفي الأمين، الأستاذ الأمين الشيخ مصطفي الأمين، وبحث اللقاء إمكانية إنشاء منطقه حرة عبر تخصيص اراض تشيد المجموعه مربط للسفن عليها .

وأكد مدير عام المواني علي إمكانية الاستفادة من الاراضي الخاليه في إنشاء مرابط بعد توقيع برتكول بين الجانبين بعد مناقشه الأمر مع الجهات ذات الصلة بالهيئة .

ومن جانبة أكد رئيس مجلس ادارة مجموعه الشيخ مصطفي الامين الأستاذ الأمين الشيخ مصطفي الامين، عزم المجموعه إقامة منطقه النيلين الحرة بوابة أفريقيا الحرة بعد أخذ الموافقة من إدارة هيئة الموانئ.

وأعلن الأمين الشيخ مصطفي الأمين، عن تخصيص الوظائف لأبناء المنطقة في إطار مسؤولية المجموعه تجاه المجتمع مع إقامة مشاريع مجتمعيه تعود بالنفع لأهل المنطقه والولاية خاصة والسودان عامة.......

📌 الفكرة جيدة ومهمة ومفيد الله يستر ما يجيكم الناظر ترك يقدها ليكم 

ه

ه

📰 الوطن:  

👈 مواكب ثوار تصل بوابة القصر وإطلاق (بمبان) لتفريق المتظاهرين

📌 تحصيل حاصل 

ه

📰 الوطن:  

👈 إعلان نتيجة الشهادة السودانية اليوم

📌 بالتوفيق يارب لكل أبنائنا وبناتنا 

ه

📰 الوطن:  

👈 البرهان يطلع على تفاصيل أحداث الجنينة

📌 ان شاءالله يكون عنده حل 

ه

📰 الوطن:  

👈 الخرطوم تدق ناقوس الخطر بشأن كورونا

📌 مالها كورونا ؟ اوع تكون عيانة 

ه

📰 التيار:

👈 إستمرار النزيف .. عشرات القتلى بالجنينة

📌 يالطيف 

ه


📰 التيار:

👈 محكمة الفساد تستمع لمفوض الشاكي في قضية علي عثمان

📌 حلقة من مسلسل ام ضبيبينة 

ه

📰 التيار:

👈 عشرات التحقيقات مستمرة حول مقتل خليل

📌 نحن ما عرفنا قاتل أديبة وزوجة الشريف عاوزننا نعرف قاتل خليل

ه

📰 المواكب:

👈 أبعاد وكيل نيابة سرب هواتف للبشير وأخرين بسجن كوبر

📌 يا إخواننا ماتنسوا انه الكوز للكوز رحمة  

ه

📰 المواكب:

👈 الشرطة تفض موكبا يطالب برحيل حمدوك بإلغاز المسيل للدموع

📌 الشرطة كان وزعت الغاز دا للناس يطبخوا به حمدوك ما كان في زول سائل فيه 

ه

📰 الحداثة:

👈 الطاقة تتقلل من تأثير انهيار احدي وحدات محطة (قري) علي الإمداد الكهربائي

📌 كأني بهم قالوا اصلها خربانة خربانة 

ه

📰 الحداثة:

👈 استمرار العنف الأهلي في ( الجنينة ) والإعلان عن مقتل (83) شخصا وجرح (160) آخرين

📌 حسبنا الله ونعم الوكيل 

ه

📰 الحداثة:

👈 مجلس الأمن والدفاع يقرر إرسال تعزيزات أمنية لغرب دارفور

📌 انتو المانع شنو تنقلوا الحكومة كلها هناك لحدي ما الامن يستتب 

ه

📰 الحداثة:

👈 حمدوك يجدد قبول مبادرة ( سلفاكير) ويؤكد أن الأراضي التي أعادها الجيش ليست محل نزاع

📌 ما قصرت مع البرهان 

ه

📰 الحداثة:

👈 الجيش يتسلم( 8) أسري اقتيدوا خلال المعارك علي الحدود الإثيوبية

📌 حمدا لله على سلامتهم 

ه

📰 الحداثة:

👈 استمرار أضراب عمال هيئة مياة الخرطوم ودعوة لوقفة احتجاجية غدا

📌 الله يفرجها عليهم من عنده 

ه

📰 الحداثة:

👈 المؤتمر السوداني يضع ( 5) مطالب تجاة أحداث الجنينة

📌 هي الاحداث دي تبع المؤتمر السوداني والا شنو؟ 

ه

📰 النيل الدولية:

👈 تزايد أعداد اللاجئين الإثيوبيين واكتظاظ مراكز الاستقبال

📌 هسع اللاجئين ديل هاربين من جيشنا والا من جيش اثيوبيا 

ه

📰 النيل الدولية:

👈 47 شركة إيطالية تشارك في معرض الخرطوم الدولي

📌 بيني بينفنوتو ألورو (جيد ومرحا بهم) 

ه


📰 الانتباهة:

👈 ضبط خلية تصنيع قنابل في بحري

📌 معليش اصلو البقر اتشابه علينا ، الخلية دي شيوعيين والا كيزان ؟

ه

📰 الانتباهة:

👈 إمبراطورية (الركشات ) تسيطر علي توزيع الغاز بالعاصمة

📌 والله لو مسكتو الغاز دا لي ناس الركشات ديل أحسن من غيرهم 

ه

📰 الانتباهة:

👈 الأمة القومي يشترط مطلوبات محددة لفك التجميد بمركزية التغيير

📌 ايوا اوعكم تفكوا التجميد على بوخة ساكت؟ 

ه

📰 الانتباهة:

👈 تصفية (2) من السودانيين علي يد مليشيات أثيوبية بالقلابات الشرقية

📌 هو نحن ليه ما نسلح السودانيين ديل 

ه

📰 الصيحة:

👈 حمدوك : موقف السودان ثابت ولا يسعي لحرب مع اي دولة

📌 نحن شغالين بالمثل : يا بخت من بات مظلوم ولا باتش ظالم

ه

📰 الصيحة:

👈 والي جنوب كردفان : (4) تلاميذ فقط من (100) يصلون الثانوي

📌 الثانوي بعيد منهم والا قصدك شنو؟

ه

📰 الصيحة:

👈 مصرع مهندس في انفجار جسم غريب بشمال الخرطوم

📌 الله يرحمه بقى ، حد عارف القنبلة اللي كان بصنع فيها دي رايحة وين 

ه

📰 الصيحة:

👈 ضم عمليات ري مشروع القاش وطوكر لوزارة الموارد المائية

📌 اول كان تابع للتربية والتعليم ؟ 

ه

📰 أخبار اليوم:

👈 خسائر كبيرة للمزارعين بالمناصير.

📌 يتحمل ذنبهم اسامه عبدالله 

ه

📰 أخبار اليوم:

👈 معتصمو شندي: تجاوزنا مرحلة الوالي ولا نريد «عيطة» جديدة.

📌 عيطة المنهالي

ه

📰 السوداني:

👈 ولاية نهر النيل: تكتلات تحمل أجندة سياسية تختفي خلف مطالب قبلية تنشط في اتجاه سلب الولاية استقرارها

📌 لو كدا كل قبيلة عاوزة والي براها 

ه

📰 السوداني:

👈 مجلس الأمن والدفاع يقرر ارسال تعزيزات امنية لغرب دارفور

📌 اتأخرتوا شديد 

ه

📰 السوداني:

👈 السُّودان يُدين هجوم الحوثيين على السعودية ويُؤكِّد تضامُنه الكامل معها

📌 كفيلي البريدو مالو اتأخر بريدو يا ناس 

ه

📰 السوداني:

👈 مدير الجمارك لـ(السوداني): لا زيادة في الجمارك

📌 كفاية ال بي يتلفح من البضاعة 

ه

📰 السوداني:

👈 الحركة الإسلامية تدعو إلى “ميثاق وطني” يضع الوطن فوق كل خلاف

📌 نحن جربناكم في الحساب الوطني ، 30 سنة معانا الصفر ومعاكم الواحد  

ه

ه 

📌ابووضاح 📌

ليست هناك تعليقات:

إرسال تعليق

Adbox