#ذكرى_ثوره_ديسمبر_المجيده
#قصه_شهيد
#إكرام_الشهيد_قصاصه
في مثل هذا اليوم 💔
الزمان 24 يناير 2019
المكان جامعه الرازي
#مشهد_اول
البمبان كثيف وكلاب الامن منتشرين ف كل مكان ناس الجامعه اتخاذلو.. دقيقه بدو يخشو جوه الجامعه ويقمعو اي زول قدامهم
دقيقة دقيقة
ديل بقمعو ف البنات ي اخوانا وحتى بدون اي رحمه
ف اللحظات دي محجوب الله يطراهو ب الخير اتحزم تب
وقام مشى عليهم
م قال ياخ الكلاب ممكن يعملو لي ويعملو لي
م قال ياخ البنات ديل مالي ومالهم اشوف لي طريقه اخارج نفسي..
ب العكس اتحزم ووقف قدامهم ب كل بساله وخاطبهم ب اسمى معاني الرجوله " يا جماعه ديل بنات م تدقوهم"
محجوب الله يرحمو لقن الامنجيه درس لمن يموتو م ينسوهو
محجوب الله يرحمو ورانا شنو الرجاله وحمايه العِرض
محجوب الله يرحمو نهائي الدنيا م بتشبهو مكانو ف الجنه عند الرفيق الأعلى .
#مشهد_ثاني
محجوب استشهد ضرباً حتى الموت وبدون رحمه ونحنا لا ناسين حقو لا حق الغيرو و130 المشنقه بس والدم الدم ل كلاب الامن
#مشهد_اخير
الصوره توضح أفضل استعداد شاهدتو ف الدنيا .. م كان استعداد جيش ولا كان استعداد معركه
بل هو اعظم من كدا
كان استعداد الوطن محجوب عشان يحمي اخواتو
"حامي البنات حافظ العِرض طبت ف برزخك"
#محجوب_المحبوب 💙
الإسم محجوب التاج محجوب
العمر 20
تاريخ الإصابة 24/01/2019
تاريخ الإستشهاد 24/01/2019
مكان الإستشهاد جامعة الرازي - الخرطوم
سبب الإستشهاد ضرب وصعق كهربائي
الحالة الإجتماعية
المهنة طالب بالسنة الثانية بكلية الطب - جامعة الرازي
تعليقات توفى بسبب نزيف داخلي بعد تعرضه للتعذيب من قبل أفراد جهاز الأمن حتى فارق الحياة
ليست هناك تعليقات:
إرسال تعليق