اخر الاخبار

17 فبراير 2021

دبابيس من الصحف السودانية

 📌 دبابيس من صحف الاربعاء 17 فبراير 2021م

ه 



ه 

⚠   *احفظوا لنا ما تبقى من ماء وجهنا*:

👈   بما انه أصبحت الصفة الغالبة في حاجاتنا هي التدهور حقوا نلغي المشاراكات الخارجية بجميع أنواعها رياضية وفنية وثقافية وحتى التجارية والسياسية لحدي ما نوقف التدهور دا ونصلح وضعنا شوية كفانا فضايح وكسر خاطر ، احفظوا لنا ما تبقى من ماء وجهنا ، أكلتوا لحمنا....... 

ه

ه

⚠   *أخبار كورونا*:

👈   أعلنت وزارة الصحة الاتحادية عن تسجيل عدد 26 حالة  كورونا جديدة و 5 وفيات وتعافي 75 حالة بحسب التقرير الوبائي ليوم  الاثنين 15 فبراير 2021، وبذلك يرتفع تراكمي الحالات المؤكدة  منذ بداية الجائحة في مارس 2020 إلى 27985، متضمنة 1863 حالة وفاة ، وتعافي 22523 حالة. الخرطوم ( كوش نيوز).........

ه

ه

⚠   *انتهاء أزمة “البرهان ومناع ووجدي”*:

👈   الخرطوم : النورس نيوز.... علمت (النورس نيوز ) مصادرها عن إنتهاء أزمة البرهان ولجنة إزالة التمكين، بتنازل رئيس مجلس السيادة الانتقالي الفريق أول الركن عبد الفتاح البرهان عن القضايا التي رفعها ضد مناع وإتفاق على أهمية استمرار التعاون بين اللجنة، لتحقيق الأهداف التي قامت من أجلها.

ووفقا للمصادر أن البرهان عقد اجتماع؛ مع اللجنة الثلاثاء بالقصر الجمهوري؛ ناقش الخلافات التي وقعت بين اللجنة وأعضاء مجلس السيادة، تم على إثرها منع وجدي صالح وصلاح مناع من دخول القصر الجمهوري، على خلفية اتهام الأخير للبرهان بإطلاق سراح زوجة الرئيس المخلوع وداد بابكر؛ ودون رئيس مجلس السيادة بلاغ في مواجهة صلاح مناع........

📌    شكرا كبسور أقصد شكرا برهان..... 

ه

ه

⚠   * “الشيوعي”: الحركة الإسلامية لن تحكم السودان ولو بعد ألف عام*:

👈   الخرطوم : النورس نيوز.......هاجم عضو الحزب الشيوعي كمال كرار، الأمين العام للحركة الاسلامية علي كرتي، على دعوة الأخير الشعب السوداني للخروج في مظاهرات ضد الحكومة الانتقالية.

وقال كرار لـ(النورس نيوز) إن الإسلاميين لن يحكموا السودان ولو بعد ألف عام، ونوّه بأنّ الإسلاميين تعاملوا مع السودان كأنه ملك لهم ، واعتبر أن خطوات الحكومة لتصفيتهم ليست فعالة.

وأضاف قائلاً : (هم الذين افقروا السودان عمداً واوصلوه الى هذه الحالة السيئة، ويجب تجريدهم من الاموال التي سرقوها). وطالب بمحاسبتهم قانونياً وتسليم المطلويبن من قادة حزب المؤتمر الوطني المحلول إلى لاهاي.......

📌    رغم انه الشيوعي ذاتو واقف لي في حلقي وماهو معروف كان حاكم والا معارضة لكن خلوا الزواحف يجعجعوا عشان نعرف مكانهم وين أحسن من يصنوا وما نعرف قاعدين يعملوا في شنو.....

ه

ه

📰   الوطن:  

👈   عبد الرحيم محمد حسين يكشف (للوطن) حقيقة تكليفه برئاسة جهاز الأمن

📌   أصلا على قول اللبناني: هيك جهاز بدو هيك رئيس 

ه

📰   الوطن:  

👈   وصول دبلوماسيون إسرائيليون للخرطوم

📌   الغريبة الناس ديل يجوا الأربعاء والخميس ، نقول خطبة الجمعة باظت نلقى مافي زول جاب سيرتهم 

ه

📰   الوطن:  

👈   وزير الاستثمار :وزارتي الأكثر فساداً

📌   رزق ساقه الله لك ، اسكت قزقز فيهو حبة حبة  

ه

📰   الوطن:  

👈   الجامعة العربية تبدي قلقها من التوترات الحدودية بين السودان وإثيوبيا

📌   هي يا ود المهدي متين قاما ليكي قلق ؟ 

ه

📰   المواكب:

👈   المخلوع : لست نادما علي شي

📌   عدم الإحساس مصيبة 

ه

📰   المواكب:

👈   (الحرية والتغيير ) تجتمع لتقييم أداء( لجنة إزالة التمكين)

📌   دي عوينة ام صالح كان قديتوها تاني الا يقودوكم 

ه

📰   المواكب:

👈   كتلة سياسية جديدة تدعو للمصالحة الشاملة

📌   شاملة دي بصراحة لو شاملة الوطني يفتح الله 

ه

📰   المواكب:

👈   ابراهيم جابر يؤكد حرص السودان علي مسيرة السلام والامن

📌   والله قريتها السلام اونلاين 

ه

📰   المواكب:

👈   والي غرب كردفان : حملة اعتقالات لرموز النظام البائد قريبا

📌   أمعط 

ه

📰   الانتباهة:

👈   لانزال التطبيع اجتماعات سرية بين البرهان ومسؤولين إسرائيليين بالخرطوم

📌   سرية من شنوا تاني وهي كرشها ماشية قدامها 

ه

📰   الانتباهة:

👈   معلومات حول توريد آلاف الاطنان من اللحوم الطازجة إلي مصر

📌   أصلا نحن البوابين بتاعينهم لازم نوصل لهم الحاجات 

ه

📰   الانتباهة:

👈   الحكومة : مراجعات بشأن الوقود والغاز والفيرنس والكهرباء

📌   الفيرنس دا كان تخصص المرحوم اخو المخلوع 

ه

📰   الانتباهة:

👈   تسليم الوزراء الجدد أقرارات الذمة ومهلة أسبوع لتسليمها للنائب العام

📌   حقو تعلنوها لينا 

ه

📰   الانتباهة:

👈   الأرصاد تتوقع رياحا واتربة وانخضاف درجة الحرارة

📌   الدولار ما لاقاكم في طريقكم ؟ 

ه

📰   الانتباهة:

👈   الشعبي: ( الشيوعي ) يمارس الكراهية ويخطط لانقلاب

📌   قول والله 

ه

📰   الانتباهة:

👈   رئيس جمعية الصداقة : مسيرة الدولة الإسرائيلية( ملهمة)

📌   يا ملهمة يا دفقة الشجن المعربد ونجمة بتضوِّي السما (الله يرحم الأمين عبدالغفار) 

ه

📰   الانتباهة:

👈   اجتماع بشأن ترشيحات الولاة و (التشريعي) اليوم

📌   يعني بالعربي الليلة عندكم عواسة حلومر 

ه

📰   الانتباهة:

👈   اجتماع أمني حول الحشود الإثيوبية علي الحدود ورصد قوات إريترية

📌   القرادة دي تابعة لي اياتو جمل ؟ 

ه

📰   النيل الدولية:

👈   مجلس الوزراء يناقش فك اختناقات الكهرباء والقمح والمحروقات

📌   أول كانو قاعدين يناقشوا في مقدمة ابن خلدون؟ 

ه

📰   النيل الدولية:

👈   حمدوك يُعيِّن رانيا حضرة مديراً مناوباً لمكتبه

📌   ب(حضرة) جلالك.. يطيب الجلوس مهذب أمامك يكون الكلام 

ه

📰   النيل الدولية:

👈   السودان يبدأ التحوط لآثار الملء الثاني لسد النهضة

📌   حوطوهو بي (براء ويس)

ه

📰   الحراك السياسي:

👈   عائشة موسي ل ( الحراك ) : “العسكر شغالين شغل الجن”

📌   ياخالتي ظلمتي الجن ، عمرك سمعتي بالجن ذبح الناس قدام قيادته؟ وفي رمضان كمان 

ه

📰   الحراك السياسي:

👈   بدء التحقيق في فساد أوقاف عمارة الذهب

📌   يا إخواننا الناس ديل فسادهم كان بالقانون حقو ما تضيعوا زمننا ساكت 

ه

📰   الحراك السياسي:

👈   النيابة: تدوين ( 41) بلاغا لمفقودي فض الاعتصام وحسمنا فوضي المشارح

📌   بالنايب العام حقكم دا والا واحد تاني ؟ 

ه

📰   الحراك السياسي:

👈   وزير الطاقة : نعمل علي أطفاء الحرائق عبر محفظة السلع

📌   المحفظة (أو المحفضة) دي شغل نسوان كدي جربوا الجزلان

ه

📰   الحراك السياسي:

👈   الأمين العام للامم المتحدة يقدم رانيا حضرة لمكتب حمدوك

📌   يا طويل العمر ، جاتك هدية ما من وراها جزية 

ه

📰   الحراك السياسي:

👈   الحرية والتغيير: دعوة كرتي للتظاهر ( أوهام)

📌   ياعايش في دنيا من أوهام خيالك ، ياتاعب ضميرك وما رثيان لحالك 

ه

📰   الحراك السياسي:

👈   سياح أمريكيون يزورون جبل مرة سبتمبر المقبل

📌   لعناية عبدالواحد محمد نور 

ه

📰   الحراك السياسي:

👈   (الحراك) تكشف تفاصيل جديدة في قضية مقتل زوجة مهدي شريف

📌   اووو المسلسل دا لينا زمن منه ؟ 

ه

📰   الحراك السياسي:

👈   لجنة إلي السعودية لمراجعة الاوقاف السودانية

📌   بالله جدنا عبدالله عجيب المانجلك عنده اوقاف في المدينة شوفوها لينا معاكم 

ه

📰   الحداثة:

👈   بلاغات جنائية ضد مدير مشرحة ود مدني ومديري صحة الجزيرة

📌   تاني مدير مشرحة؟ انت يا دكتور الكوباني زملاءك ديل قصتهم شنو؟ 

ه

📰   الحداثة:

👈   وزير التربية السابق : الفحص الأمني ( فرية) لإقصاء العناصر الثورية

📌   برضو أخير من فحص الكورونا الجديد 

ه

📰   الحداثة:

👈   مجلس الوزراء يعلن بدء إجراءات توفير (400) طن من القمح

📌   ارفعوها فووووق من الزواحف 

ه

📰   الحداثة:

👈   صلاح مناع ل ( الحداثة) شركة اتصالات حولت (2.8) ترليون جنيه لصاحب دكان ملابس خلال تسعة أشهر

📌   يمكن عندهم شبكة حامل وبي يجهزوا في ملابس البيبي  

ه

📰   الحداثة:

👈   السعودية تعتزم الاستثمار في مشاريع تتعلق بالنفط والغاز في السودان

📌   متشكرين ، جننا وجن الزول ال بي يرجع الحاجة 

ه

📰   الحداثة:

👈   قيادي (بالحرية والتغيير ) المكون العسكري مسؤول عن حالة السيولة الأمنية بالبلاد

📌   المكون العسكري بي يحب السيولة ما شفتوهم مكوشين على السيولة النقدية كيف؟ 

ه

📰   الصيحة:

👈   السودان يستدعي سفيرة باثيوبيا

📌   تعمل جبنة؟ 

ه

📰   الصيحة:

👈   الغاء تصاديق وتسهيلات (179) مشروعا زراعيا بالشمالية

📌   قولوا اتنين تلاتة لكن (179) دي اسهالات وليست تسهيلات

ه

📰   الصيحة:

👈   التربية بالخرطوم: لا إتجاه لتجميد العام الدراسي

📌   تجمدوهو بلا كهرباء؟ 

ه

📰   الصيحة:

👈   حريق بمعبر أرقين

📌   ان شاءالله ما يفضل فيه نفاخ النار 

ه

📰   أخبار اليوم:

👈   المجلس المركزي لقوي الحرية والتغيير يدافع عن لجنة تفكيك التمكين ويصفها بخط دفاع الثورة الأول.

📌   عقلتوا 

ه

📰   أخبار اليوم:

👈   وزير المالية يؤكد على تطوير العلاقات وبناء شراكات مع السعودية.

📌   من جرب المجرب عادت عليه الندامة 

ه

📰   أخبار اليوم:

👈   أبطال أفريقيا: الأهلي يسحق المريخ بـ (الثلاثة) ويتصدر مجموعته بدوري الابطال.

📌   على كدا المريخ تاني الا بي (محلل) حتى يقدر يلعب تاني 

ه

📰   السوداني:

👈   عـــودة سفير الســــودان بإثيـــوبيا للتشـــاور

📌   هسع زي سفير السودان في اثيوبيا دا بي ياخد مرتب؟ 

ه

📰   السوداني:

👈   تراجع حركة سفر الطيران لـ (75)

📌   بي موية وكملت 

ه

📰   السوداني:

👈   (الحرية والتغيير) تطالب بإقالة مدير المخابرات بنهر النيل فورا

📌   أديلهم بالحتة الفيها الحديدة 

ه

📰   السوداني:

👈   الخارجية ترحب بالخطوات الإيجابية حيال الأزمة الليبية

📌   كدا ناس الحركات يزعلوا 

ه

📰   السوداني:

👈   السودان يؤكد تعاونه لدعم الاستقرار الإقليمي ومكافحة اإلرهاب

📌   ياخي بلا استقرار بلا وهم ، هو زول ما قادر يدعم الرغيفة يدعم شنو تاني ؟  

ه

ه 

📌ابووضاح 📌

ليست هناك تعليقات:

إرسال تعليق

Adbox