اخر الاخبار

22 مارس 2021

دبابيس من الصحف السودانية

 📌 دبابيس من صحف الاثنين 22 مارس 2021م

ه



ه

⚠   *اقتراح جديد لنج*:

👈   نقترح زيادة عدد أعضاء المجلس السيادي حتى يصبح (19) عضو عشان تكون البلد عليها تسعة عشر.....

فاهمني؟..... 

ه

ه 

⚠   *حليمة جات*:

👈   وصلت بحمد الله ورعايته القائد كومرد/ حليمة صحبة قواتها المنشقة من حركت أركو مناوي واستقرت بميدان عقرب بمدينة بحري .......... 

📌    لم يتسنى لنا معرفة رتبة القائد حليمة ولكن نتوقع انها لا تقل عن لواء خلا ان لم تكن لواء اركان حرب  

ه

ه

⚠   *من فمك أدينك*:

👈   في لقاء بالتلفزيون القومي كان للسيد مدير عام الشرطة تصريح مفاده (أن معظم هذه المظاهر والتفلتات ستنتهي في اسبوع لومنحت الشرطة الحصانة الكافية)........... 

📌    طيب يا إخواننا في اعتراف بالتقاعس أوضح من كدا؟  

ه

ه

⚠   *ظهور الرقم (دشليون) في الساحة السودانية*:

👈   كشفت مصادر مطلعة إن الفاقد الضريبي بالميناء البري بلغ 4 دشليون و450 مليار جنيه خلال العشرة سنوات الماضية. بينما قالت لجان مقاومة الميناء البري إن الغرفة القومية لأصحاب البصات السفرية تضم عناصر من النظام البائد. وقال عضو لجان مقاومة الميناء البري محمد احمد عثمان خلال الوقفة الاحتجاجية أمام الغرفة القومية أمس إن أعضاء بالغرفة يتبعون لكتائب ظل النظام البائد بجانب آخرين بينهم رئيس المؤتمر الوطني بالبحر الأحمر، كاشفاً أن أعضاء الغرفة لم يغادروا مواقعهم طوال عشر دورات متتالية، مطالباً بحل الغرفة وتسكين الشرفاء من أعضاء الغرفة. بينما ذكر عضو لجنة مقاومة الميناء البري عمر عوض محمد أحمد إن ملفات الفساد طالت أعضاء بالغرفة بالمستندات بجانب التهرب الضريبي وتذوير (المنفستو)، وأضاف بحسب صحيفة الجريدة أن الميناء البري لم يساهم في الدخل القومي للبلاد طوال سنوات بسبب عدم دفع الضرائب المفروضة على الشركات العاملة. الخرطوم: (كوش نيوز).......... 

📌    والله انا كنت فاكر (الدشليون) دا رقم لعب ساكت كنا بنقوله ونحن صغار..... 

ه

ه

📰   الوطن:  

👈   الشرطة تكشف تفاصيل القبض على قتلة مدير محطة وقود بأم درمان

📌    ياربي الشرطة ديل لو كلمناهم بموضوع الاعتصام بي يقدروا يكتشفوا لنا منه حاجة؟ 

ه

📰   الوطن:  

👈   قرار حكومي بمصادرة الله العربات غير المقننة

📌    صادروها وصادرو ميتينها زاتو

ه

📰   الوطن:  

👈   البنك المركزي يشرع في هيكلة المصارف الحكومية

📌    في آخر المراح تجي الفترانة 

ه

📰   الوطن:  

👈   البرهان يطالب الحرية والتغيير بالإسراع في إكمال هياكل السلطة

📌    البرهان نفس الزول ؟ قصدي يعني رئيس مجاس السيادة والا برهان تاني

ه

📰   الوطن:  

👈   تشاد تتوسط لالحاق عبد الواحد والحلو بالسلام

📌    هلاهووووك أبو النسب يتحرك 

ه

📰   التيار:

👈   الشرطة تفك طلاسم جريمة قتل هزت البلاد

📌    ياتها فيهن جريمة فض الاعتصام والا قتلى سبتمبر؟ 

ه

📰   المواكب:

👈   ترك للمواكب: إذا تمادت الدولة سنتجه لتقرير المصير

📌    انا لو مكانكم أكتل ملف طوالي تجاه تقرير المصير كان اتمادت والا ما اتمادت 

ه

📰   المواكب:

👈   قرار رئاسي بمصادرة عربات البوكو حرام غير المقننة

📌    كدي خلوها بوكو حرام شوفوا لنا موضوع الحركات دي لأنها أكتر من عربات بوكو حرام 

ه

📰   المواكب:

👈   كارثة تهدد المستشفيات بسبب نقص حاد في الأوكسجين

📌    جالكم كلامي ، البلد دي بس ناقصها انه يكون عليها تسعة عشر  

ه

📰   المواكب:

👈   صاحب مسرح بالحديقة الدولية يناشد مناوي بإخراج قواته

📌    دا مسكين عامل زي القاعد في ضل الحيطة عند اهله وجات عربيه في الشارع صدمت الحيطة رمتها فوقو 

ه

📰   المواكب:

👈   تحالف اتحاد كيانات الوسط يعلن رفضه التام لاتفاق المسار

📌    ترفضوا ما ترفضوا ما فارقه معانا ، عندكم جيش جيبوهو وتعالوا احتلوا لكم حتة ان شاءالله صينية القندول ساعتها بينتفاهم 

ه

📰   الانتباهة:

👈   نهب صحفية فرنسية وباحث أمريكي بقلب العاصمة

📌    أهااااا كدا الكلام دخل الحوش 

ه

📰   الانتباهة:

👈   خروج سوائل من الجثث بالمشارح بسبب قطوعات الكهرباء

📌    دي ما سوائل دا بي يكون زيتها طلع 

ه

📰   الانتباهة:

👈   توجيهات من حمدوك بإيجاد حلول فورية لأزمة الكهرباء

📌    فرررررررررر ، كفاية والا افرها ليك لحدي ما تنور للدول المجاورة؟

ه

📰   الانتباهة:

👈   خلافات تضرب الحزب الناصري وإقالة الكنين وتكليف ساطع

📌    وحجا مبرورا وربنا يجعله زواج مبارك وكل عام وانتم بخير 

ه

📰   الانتباهة:

👈   قفل قضية الإتهام لقاتل الشهيد حسن محمد عمر لبدء استجوابه بالمحكمة

📌    عادي باكر النيابة تسحب الملف وتكتل به ملف 

ه

📰   الانتباهة:

👈   6  مدارس أجنبية تشرع في مقاضاة وزارة التربية بالخرطوم

📌    كيمبريدج منها ؟ 

ه

📰   الانتباهة:

👈   عضو بمجلس السيادة : تمديد الانتقالية لايفتي فيه أفراد

📌    خلاص جيبوا لنا الامام مالك 

ه

📰   الحراك السياسي:

👈   حفريات التنقيب تهدد آثار جزيرة صاي

📌    هي لسع الاثار دي في منها باقي ؟ 

ه

📰   الحراك السياسي:

👈   مهدي للحراك: الشرطة تحتاج لحماية قانونية وقادرون علي بسط الأمن

📌    يعني حاجة كدا زي (حلاق عاوز حلاق يحلق له ) 

ه

📰   الحراك السياسي:

👈   المكون العسكري يدفع بمرشحيه للتشريعي

📌    جاهزين لحماية البتاع 

ه

📰   الحراك السياسي:

👈   الدقير يدعو لقيام المحكمة الدستورية والمجلس التشريعي

📌    والله لو جبتوا لنا بدلهم مولدات كهربا يكون أحسن 

ه

📰   الحراك السياسي:

👈   البرهان: دمج جميع القوات في الجيش بنهاية الفترة الانتقالية

📌    يعني مطولين ؟ 

ه

📰   الحراك السياسي:

👈   كباشي يعد بدعم الشرطة بكافة المستلزمات اللوجستية

📌    شرطة (الحتانة) والا جميع الشرطة ؟ 

ه

📰   الصيحة:

👈   وفاة 5 أطفال بلدغات العقارب في محلية البحيرة

📌    لعناية السيد وزير الصحة 

ه

📰   الصيحة:

👈   البرهان:قواتنا لن تتراجع عن مواقعها في الحدود الشرقية

📌    نحن معاك يا معلم بس ما تنساش مثلث (هناي وبتاعين) 

ه

📰   الصيحة:

👈   حمدوك يوجه بإيجاد حلول فورية لقطاع الكهرباء

📌    تاني فرررررررر 

ه

📰   الصيحة:

👈   الجبهة الثورية : قوات الحركات منضبطة وواعية ومدربة

📌    صدق المثل القال القرد في عين امه غزال 

ه

📰   الصيحة:

👈   مناوي: هيكلة واسعة للحركة

📌    واسعة ليه ، الضيق نعمة وال ياباهو يعمى 

ه

📰   الصيحة:

👈   المحكمة تحدد الأحد المقبل لاستجواب أب جيقة المتهم بإطلاق الرصاص علي المتظاهرين

📌    هو اذا دا اسمه اب جيقة طيب مسؤول الاغتصاب داك كان اسمه منو؟ 

ه

📰   أخبار اليوم:

👈   البرهان يؤكد عزم القوات المسلحة علي بناء وطن قوي حر وعزيز.

📌    نظام عسكري والا ديموقراطي؟ 

ه

📰   النيل الدولية:

👈   البرهان يفتتح اسواق المؤسسة للبيع المخفض للجمهور

📌    هههه دا زولنا العاوز يبني وطن قوي ؟ 

ه

📰   النيل الدولية:

👈   (26)  مربعاً نفطياً بالسودان للإستثمار العالمي

📌    عليكم الله فكونا من لعنة النفط دي وركزوا لنا على الزراعة 

ه

📰   السوداني:

👈   (250 ) ألف جرعة من لقاح كورونا منحة صينية للسودان

📌    طيب لو قلنا عددنا (30) مليون لو كل شهر جاتنا منحة زي دي نكون محتاجين لي (100) سنة يعني ان شاءالله سنة 2121 نكون طعمنا السودان كله 

ه

📰   السوداني:

👈   (الطاقة) تحدد (5 ) مربعات بحرية للنفط للاستثمار العالمي

📌    بحرية يعني في الخرطوم بحري والا في البحر الأحمر 

ه

📰   السوداني:

👈   وزير النقل لـ (السوداني) : اتصالات لطلاق سراح البحارة المحتجزين بمصر

📌    ودقي يا مزيكا 

ه

📰   السوداني:

👈   (قحت) : ارتفاع الجرائم نتيجة للضائقة الاقتصادية

📌    والضائقة الاقتصادية دي فيروس والا التهاب بكتيري ؟ 

ه

ه 

📌ابووضاح 📌

التعليقات

هناك تعليق واحد:

  1. عضو بمجلس السيادة : تمديد الانتقالية لايفتي فيه أفراد

    📌 خلاص جيبوا لنا الامام مالك

    📌📌 صحيح.. لانه لا يفتي أحد و مالك في المدينة

    ردحذف

Adbox