اخر الاخبار

الثلاثاء، 30 مارس 2021

دبابيس من الصحف السودانية

 📌 دبابيس من صحف الثلاثاء 30 مارس 2021م

ه



ه

⚠   *عجبت لمن فصل الدولة الى نصفين كيف له ان يتحدث عن شئون الحكم أياً كانت*

ه

ه

⚠   *لازلنا في انتظار تعليق الكباشي على الاتفاق الذي تم بين البرهان والحلو*

📌   اظهر يا حلو.....

ه

ه

⚠   *سؤال*:

👈   يا اخوننا مافي دواء والا اسبير والا ميكانيكي شاطر والا مبرمج حريف يقدر يفهم الإسلاميين ديل انهم ليسوا اهلا للدفاع عن الإسلام وانه لو عاوزين يخدموا الإسلام احسن حاجة يعملوها انهم ينطموا ويسكتوا .... 

ه

ه 

⚠   *خالتي أمريكا*:

👈   وزارة الخارجية الأمريكية تعلن عن عطاء أو منافسة مفتوحة للمنظمات الدولية المهتمة لتقديم رؤيتها حول كيفية القضاء على الفساد ودعم الشفافية والمساءلة في السودان، بتمويل قدره مليون وثلاثمائة ألف دولار أمريكي...... https://bit.ly/39nuxSU 

وإدارة التجارة الدولية بوزارة التجارة الأمريكية تضيف على صفحتها دليلا مفصلا عن التجارة والاستثمار في السودان والفرص المتاحة........ https://bit.ly/31xSClQ 

📌   ال ما عنده خالة يشتري له خالة  

ه

ه

⚠   *مُفاجأة في مُحاكمة الحاج عطا المنان*:

👈   كشف وكيل أول نيابة مكافحة الثراء الحرام والمشبوه محمد حسن، الذي حقق في قضية القيادي بحزب المؤتمر الوطني المحلول الحاج عطا المنان، وبنك النيل، تفاصيل مثيرة عن القضية.

وفجّر المحقق مُفاجأة من العيار الثقيل للمحكمة، حين أفاد بأن النيابة تلقت مُستندات من المسجل التجاري تُفيد بأن المتهم الأول (الحاج عطا المنان) يساهم في شركات خاصة وحصلت على تمويل من بنك النيل وشارك في عمليات حصولها على التمويل بما يُعرف بـ(التمرير).   وكشف المحقق للمحكمة، عن الإفراج عن المتهم الثاني في القضية مدير عام بنك النيل بعد إيداعه كفالة مالية قدرها (11.81) مليون جنيه تم توريدها بشَيكٍ مصرفي في حساب النيابة العامة......

📌    عمك كان شغال على أساس انه عطاء المنان بصحيح......

ه

ه

📰   الوطن:  

👈    تفاصيل لقاء البرهان ومبعوثي أمريكا والإتحاد الأوروبي

📌    البرهان دا عنده بركاوي والا بي يلتقي بالخواجات ديل ساكت ؟

ه

📰   الوطن:  

👈    حركة الحلو :اتفاقنا مع الحكومة إنجاز عظيم بعد صبر

📌    لكنه بالسنبة لي ناس تانيين انجاز أليم 

ه

📰   الوطن:  

👈    توقيع اتفاقية الربط الكهربائي بين السودان ومصر

📌    أنا شخصيا مابصدق حتى لو ربطوني في شاحن موصل في كهرباء من مصر  

ه

📰   الوطن:  

👈    البرهان يتلقى اتصال هاتفي من بن سلمان

📌    هلا هووووك..... الشخيص كفليا أقصد الكفيل شخصيا ؟

ه

📰   التيار:

👈    وزير التربية السابق : بعثت بخطابين للإستفسار عن إستبعادي بالفحص الأمني ولم أتلقى رد

📌    كدي رسل للسلفيين والا انصار السنة يمكن يردوا عليك ، يكونوا عارفين من اجتماعهم بي حمدوك 

ه

📰   التيار:

👈    توقف مصنع سكر حلفا بسبب الجازولين

📌    مصانع السكر دي مفروض تشتغل بالمولاص ؟ 

ه

📰   التيار:

👈    الشفيع خضر ل(التيار) : يجب التعامل الجاد مع مبادرة عبد الواحد محمد نور

📌    يوجه لعناية نفس الزول 

ه

📰   المواكبّ:

👈    لجان لإعادة تشريح الجثث المجهولة بمشارح الخرطوم

📌    هي الجثث دي موش قالوا دفنوها ؟ 

ه

📰   المواكبّ:

👈    إثيوبيا تقترح إتفاقاً جديداً وإستعداد أروبي و أمريكي لحل أزمة سد النهضة

📌    نشوف اقتراحهم 

ه

📰   المواكبّ:

👈    الحركة الشعبية : نخشى إجهاض إتفاق (البرهان و الحلو)

📌    لتفادي الإجهاض ننصح البرهان والحلو ان يرتاحوا ويبطلوا الحوامة ويبلعوا فيفول

ه

📰   المواكبّ:

👈    الجبهة الثورية : نسير نحو بناء جيش قومي قوي

📌    ايدنا على كتفكم 

ه

📰   المواكبّ:

👈    وزير الزراعة : السودان سيعود إلى السوق العالمي بقوة وبإنتاج أجود

📌    يسمع منك ربنا 

ه

📰   المواكبّ:

👈    الشيوعي : إعلان المبادي خطوة أولى نحو سلام سامل و عادل وديمقراطي

📌    انتو حقو ترفضوهو عشان تدخلوا الكيزان في فتيل 

ه

📰   المواكبّ:

👈    مجلس السلم والأمن الأفريقي يزور البلاد اليوم

📌    اوعكم من امبيكي 

ه

📰   الحراك السياسي:

👈    السفير الاثيوبي ل ( الحراك) : ملتزمون بحدود (1902) وقناعتنا راسخة في الحوار حلا للقضايا

📌    طيب تاني الغاغة في شنو ؟ 

ه

📰   الحراك السياسي:

👈    الوساطة ل (الحراك) : اتصالات مكثفة لألحاق (عبدالواحد ) بأعلان المبادي

📌    عبد الواحد نو اقصد عبد الواحد نور ؟ 

ه

📰   الحراك السياسي:

👈    مكين ل ( الحراك) : حوافز المغتربين ستطبق خلال اسابيع

📌    قوم لف بلا حوافز بلا مكنة مبوشة 

ه

📰   الحراك السياسي:

👈    متخصصون يرجعون التفلتات الأمنية لتعاطي المخدرات والاضطرابات النفسية

📌    صطلجية خايبين ، والله ناس زمان يقيفوا لط ويمشوا فوق سلك الغسيل ما يقعوا منه

ه

📰   الحراك السياسي:

👈    وزير الزراعة ل ( الحراك ) اتجاه لأيقاف تصدير(خام ) المنتجات الزراعية

📌    مبروك ، دا توجه جيد 

ه

📰   الحراك السياسي:

👈    بلاغ إسحق فضل الله وازالة التمكين بالمحكمة

📌    قريتها غزالة التحكيم 

ه

📰   الحراك السياسي:

👈    بمباركة البرهان مشروع سعودي يوفر (20) مليون وظيفة للسودانين

📌    موش واسعة شوية يا برهنه ؟ 

ه

📰   الصيحة:

👈    تاور : الوضع الصحي مقلق وسنتخذ أجرأءات صارمة

📌    طولنا من تعهداتك يا أبو التواوير ياخي 

ه

📰   الصيحة:

👈    (سودانير) تتسلم تصميم ومواصفات طائرة ايرباص جديدة

📌    سبحان من يحيي العظام وهي رميم 

ه

📰   الصيحة:

👈    مبادرة سعودية لانشاء شركة في السودان براسمال( 3) مليارات دولار

📌    والله كان عملتوا لنا كوبري بين جدة وبورتسودان يكون 200% 

ه

📰   الصيحة:

👈    البرهان : تفاهمات مع اثيوبيا أكدت انفتاح الجيش داخل الحدود

📌    انت خلاص اتخصصت تفاهمات والا شنو  

ه

📰   الصيحة:

👈    النائب العام يطالب بحكم الاعدام علي متهمين بقتل ثوار عطبرة

📌    النايب العام دا جن؟ والا ناس عطبرة ديل ما هناي؟ 

ه

📰   الصيحة:

👈    مجلس شركاء الحكم يرحب بتوقيع أعلان المبادي مع عبدالعزيز الحلو

📌    اهو شغل ليهم ، بدل ماهم قاعدين ساكت 

ه

📰   النيل الدولية:

👈    الجيش يتصدى لمليشيا إثيوبية حاولت طمس علامات الحدود

📌    كان كدا الحبش جروا هواء 

ه

📰   النيل الدولية:

👈    (منصة كورونا) تطالب بإغلاق المدارس والجامعات بعد تزايد الإصابات

📌    بالله قبل الاغلاق استشيروا الكيزان عشان ما يوجعوا راسنا ويقولوا الاغلاق دا خوفا من المظاهرات

ه

📰   النيل الدولية:

👈    توقيع عقد توريد أجهزة رفع كفاءة شبكة الربط الكهربائي بين مصر والسودان

📌    عيش يا حمار 

ه

📰   أخبار اليوم:

👈    رئيس اللجنة العليا للطوارئ الصحية يصف انتشار كورونا بالمقلق جدا.

📌    لو مقلق طوالي نحن نبدي له قلقنا ، وين المشكلة؟ 

ه

📰   أخبار اليوم:

👈    انقسام واسع بعد اتفاق الحكومة والحركة الشعبية شمال علي اعلان المبادئ.

📌    لا واسع ولا شي دي طنطنة زواحف ساكت 

ه

📰   السوداني:

👈    الخرطوم تسجل (450 ) حالة إصابة بكورونا خلال يومين

📌    دي لقت الدولار أخلى الساحة عاوزه تسجل اقوان 

ه

📰   السوداني:

👈    حركة (الحلو ) لـ (السوداني ): فصل الدين عن الدولة أمر أساسي لتحقيق السلام

📌    خلاص فرمالتك دي جلدها البرهان.

ه

📰   السوداني:

👈    النائب العام يكشف عن تخطيط جهاز الامن والمخابرت لقتل متظاهري عطبرة

📌    انت وكت شاطر كدا ماتورينا حاجة في القضايا التانية 

ه

📰   السوداني:

👈    اتهام شركات باالاستحواذ على مربعات تعدين وأخرى تعمل بالباطن

📌    دا ما كان شغل نظام شيلني وأشيلك واديك نجمة انقاذ 

ه

📰   السوداني:

👈    منسوبو إدارة أمن الطيران يطالبون بتبعيتهم لسلطة الطيران المدني

📌    انتو هسع تابعين لي وين ؟ 

ه

📰   السوداني:

👈    (المعادن) تتمسك بقرار فرض (1000)جنيه رسوم على كل جرام ذهب

📌    أردم يا اردول 

ه

📰   السوداني:

👈    افتتاح أحدث مختبر لزراعة الأنسجة النباتية بإفريقيا والشرق الأوسط

📌    بشرى خير 

ه

ه 

📌ابووضاح 📌

ليست هناك تعليقات:

إرسال تعليق

Adbox