اخر الاخبار

02 يونيو 2021

دبابيس من الصحف السودانية

 📌 دبابيس من صحف الثلاثاء 01 يونيو 2021م 

ه



ه

⚠   *اقتراح*: 

👈   نقترح على القائد (عبدالعزيز الحلو) أن يطلب تغيير أسماء المسلمين في السودان على أن تكون الأسماء الجديدة خلطة تضم هندوسي ومسيحي ويهودي وبوذي ووثني مثال : (كومار جورج ياكوف رام) أو أن تكون الأسماء مأخوذة من الطبيعة مثل (نمر غصن الدومة الحمار كدكوم).....  لقيتني كيف يا (حلو)... بعدين (عبد العزيز) دي ذاتها ما صاح ، فيها عنصرية ، شيل (عبد) وخليك (العزيز الحلو) عديييل كدا ولف وتعال كمل حلاوتك وقول أنا ربكم الأعلى عشان تعرف غلاوتك عندنا......

ه

ه

⚠   *أمّأ انك محامي خُلْع بصحيح*: 

👈   قال المحامي محمد الحسن الأمين محامي المخلوع: اذا تم تسليم البشير للجنائية فالتحقيقات ستكشف عن متورطين كثر.....  

📌   متشكرين يا سيد ، نورت المحكمة وأثبتت التهمة على موكلك وفتحت عيوننا على أهمية تسليم المخلوع للجنائية حتى تكشف التحقيقات عن المتورطين ، هو انت فاكر نحن عاوزين شنو غير كدا؟ 

ه

ه

⚠   *المعنى الحقيقي لمقولة: (يسوق الهبل على الشيطنة)*: 

👈  اللجنة الاقتصادية لقوى الحرية والتغيير تحمل الحكومة وزر تدهور الاقتصاد "وتبعث برسالة للشعب ليتخذ ما يراه مناسباً"......

📌   أنا كواحد من الشعب أرى أن كل الأحزاب التي تمثل قوى الحرية والتغيير مكانها مع المخلوع واللمبي في كوبر وليحصل ما يحصل بعد ذلك ان شاءالله تخسف بنا الأرض ...... 

ه

ه

⚠   *السودان في القرن ال21*: 

👈  حملت الوسائط صورة من خطاب مؤرخ بتاريخ البارحة 31 مايو 2021 صادر بتوقيع مولانا / قاسم محمد الخضر عبدالرحمن / قاضي المحكمة العليا والمسجل العام للأراضي والخطابا موجهاً للسيد / رئيس تسجيلات أراضي الضعين يسمح لهم فيه باستخراج شهادات البحث يدويا (كتابة باليد) نسبة الى تعطل أجهزة الحاسوب بالمكتب وذلك حسب طلبهم...... 

📌   لعناية مولانا المسجل العام للأراضي طالما غلبكم تصلحوا حاسوبكم أو تشتروا حاسوب جديد ، يوجد لدينا مواد للبيع قد تصلح لكم منها ، دواية حجم متوسط وأقلام بوص مقاسات مختلفة وقلم كوبيه استعمال خفيف ، كما يوجد لدينا ورق بردي وجلد غزال ..... 

ه

ه

📰   الوطن:

👈   أمر قبض في مواجهة مدير شركة بدر للطيران.

📌   قااااعد في الخرطوم أمشوا عليه ماتقدوا راسنا ساكت 

ه

📰   الوطن:

👈   حركة الحلو تطالب بتحويل العطلة الرسمية إلى يوم الأربعاء بدلاً عن الجمعة.

📌   اشمعنى الأربعاء ؟ الخميس مالو ، عيبو لي ، دا حتى اسمه الخميس الونيس 

ه

📰   الوطن:

👈   وفد الحكومة يرد على ورقة حركة الحلو ورفع التفاوض.

📌   ورقة شنو زي طلبه بتاع عطلة الأربعاء دا مفروض يكون مكتوب على ورق تواليت

ه

📰   الوطن:

👈   اجتماع لمكونات الحرية والتغيير يبحث التوافق على المجلس التشريعي.

📌   أمحق مكونات 

ه

📰   الصيحة:

👈   الجنائية: أثبتنا تٌهمًا بحق كوشيب وفريق محققين سيصل دارفور قريبًا

📌   عقبال باقي العقد الكريه 

ه

📰   الصيحة:

👈   وزير الثروة الحيوانية لـ”الصيحة”: ضوابط صارمة لاستئناف صادر الماشية

📌   يازول ما تفكنا من تصدير الماشية دا 

ه

📰   الصيحة:

👈   الحرية والتغيير تحذّر من الانهيار والتجويع والانفراط الأمني

📌   طيب السبب منو في الكلام دا؟ 

ه

📰   الصيحة:

👈   حرب الشائعات..محاولات إجهاض الفترة الانتقالية

📌   والله هذه أسوأ حرب تمر بها البلاد

ه

📰   النيل الدولية:

👈   بنسودا: العدالة تتحقق بمثول المتهمين أمام المحاكم.

📌   نحن عندنا العدالة تتحقق لو لقينا أخو بنات يجرد سلاحه ويعدم الجوا عشان البرا يعملوا حسابهم 

ه

📰   النيل الدولية:

👈   الحكومة ترحب بمسودة الاتفاق الإطاري من الحركة.

📌   الضمان شنو باكر ما يطلع لكم بطلبات جديدة 

ه

📰   النيل الدولية:

👈   (الحلو) يطالب بتحويل العطلة الرسمية في السودان إلى الأربعاء بدلاً من الجمعة وإلغاء شعيرة الزكاة.

📌   ما عاوزنا نغير أسماء المسلمين الى أسماء غير إسلامية ؟ 

ه

📰   النيل الدولية:

👈   السودان ومصر يختتمان مناورات عسكرية وسط استمرار نزاع المياه مع إثيوبيا.

📌   لا نبارك ولا نرحب 

ه

📰   النيل الدولية:

👈   جامعة الخرطوم تستعيد داخلياتها من صندوق رعاية الطلاب.

📌   مبروك 

ه

📰   النيل الدولية:

👈   مليشيا إثيوبية تغتال مزارعين سودانيين وتختطف راعيا بالقضارف

📌   وين حماة الحدود والا مشغولين في المناورات المصرية ؟

ه

📰   أخبار اليوم:

👈   رئيس لجنة مزارعي القضارف يطالب بإنقاذ الموسم الزراعي القادم.

📌   استنى نشوف الحلو يمكن يقول ألغوا الزراعة 

ه

📰   أخبار اليوم:

👈   اللجنة العليا لتأمين متحانات الشهادة الثانوية تطمئن على سير الاستعدادات.

📌   بالتوفيق 

ه

📰   أخبار اليوم:

👈   المدعي العام للمحكمة الجنائية الدولية تصل نيالا

📌   أممممك دي عاوزة تجيب من جوووووا 

ه

📰   السودانيٰ:

👈   الحركة الشعبية تُطالب بالمشورة الشعبية لـ(جبال النوبة والفونج) من خلال استفتاء لتحديد وضعهم السياسي.

📌   نحن ذاتنا نطالب بالمشورة لتحديد وضعنا السياسي ما حدش احسن من حد وتتقد الرهيفة 

ه

📰   السودانيٰ:

👈   نازحو ولاجئو دارفور يُطالبون بأن تكون رئيس الجمهورية امرأة ويُشيرون إلى استمرار الجرائم.

📌   خير الأمور اوسطها ، خلوهو خمس ضكر 

ه

📰   السودانيٰ:

👈   رفع جلسات التفاوض بين الحكومة والحركة الشعبية شمال لـ(24) ساعة.

📌   (24) ساعة كدا حا ندخل في الأربعاء والأربعاء إجازة الحلو وبعدها الخميس جنب الجمعة والجمعة إجازة المسلمين وبعدها السبت إجازة اليهود عشان خاطر التطبيع مع إسرائيل والأحد إجازة المسيحيين والاتنين إجازة الحلاقين والغسالين فما قدامكم الا الثلاثاء الجاية 

ه

📰   السودانيٰ:

👈   خالد عمر: الاتفاق الإطاري وجد قبولاً عاماً من الوفد الحكومي التفاوضي.

📌   والله الا يكون الوفد دا هو نفس الوفد الوقع مع العسكر على فض الاعتصام

ه

📰   السودانيٰ:

👈   مدعية الجنائية: لا سلام بلا عدالة حقيقة سواء في الخرطوم أو هولندا.

📌   عدالة يعني شنو ؟ 

ه

📰   السودانيٰ:

👈   البنك الدولي يخصص 500 مليون دولار لدعم مشاريع المياه بالسودان.

📌   أوووو ذكرتونا المخلوع ياحليلو كل سنة كان يمشي يغش ناس بورتسودان ويحلف لهم انه دي آخر سنة للعطش 

ه

📰   السودانيٰ:

👈   مبادرة أساتذة جامعة الخرطوم تحدد أسباب ضعف فاعلية الحكومة و تردي الوضع الاقتصادي.

📌   المشكلة أحزاب قحت دي عاوزة فهامة والفهامات في السوق مافي 

ه

ه 

📌ابووضاح 📌

ليست هناك تعليقات:

إرسال تعليق

Adbox