اخر الاخبار

22 يونيو 2021

دبابيس من الصحف السودانيه

 📌 دبابيس من صحف الثلاثاء 22 يونيو 2021م 

ه



ه

⚠   *العَصِر بي يجيب الزيت* : 

👈   الخرطوم: الراكوبة.... تراجع النائب العام المكلف مولانا “مبارك محمود” عن قراراته جزئيا حيث اعاد اليوم مولانا “هيثم خليل” المتحري في بلاغ الشهيد “بهاء الدين”، وطلب منه استلام البلاغ والسير فيه....

📌   الحبيب كان ناوي يدغمس الموضوع مسكها لي كوز متخصص دغمسة لكن اتلحقت.......

ه

ه

⚠   *سبحان مغير الأحوال*: 

👈   في 24 يناير 2014 كان من عناوين الصحف عنوان يقول: (لوفتهانزا خارج مدرج مطار الخرطوم وسلطة الطيران تقلّل من تأثير الغياب)......

👈   أمس 21 يونيو 2021 كان من عناوين الصحف عنوان يقول: (السودان يتجه إلى منح شركة “لوفتهانزا الألمانية” امتياز تطوير “سودانير”)......

📌   عقبال نعيد كل ما بدده واهدره العهد الهالك.....

ه

ه

⚠   *خير اللهم اجعله خير* : 

👈   كشفت صحيفة الجمهورية المصرية، أمس الأثنين، عن أنّ وزير الدفاع السوداني يس إبراهيم وصل إلى القاهرة على رأس وفد من الخرطوم، في زيارةٍ لمصر تستغرق عدة ساعات يغادر بعدها إلى روسيا الإتحادية.........

📌   الزول دا مالو كل يومين ناطي مصر ، ياخي المصريين ذاتهم بي يقولوا كتر السلام يقل المعرفة......

ه

ه

⚠   *شباب سودانيون يحاربون العنصرية بـ”طريقة مبتكرة”* : 

👈   ينظم ناشطون في عدد من المدن السودانية مبادرة لمكافحة العنصرية، إحدى الظواهر السلبية التي اجتاحت المجتمع السوداني خلال الفترة الأخيرة.

وانطلقت المبادرة الاسبوع الماضي من مدينة نيالا بمنطقة دارفور، حيث نظم الشباب مسيرة شاركت فيها مئات السيارات التي زينت بأعلام وشعارات تدعو للتعايش السلمي بين القبائل. وامتدت التظاهرة إلى مدن أخرى من بينها العاصمة الخرطوم........

📌   نحيي مثل هذه المبادرات ونتمنى من الجميع دعمها.....  

ه

ه

📰   الوطن:

👈    إضراب في مجمع الذهب بالخرطوم 

📌   اها تراهو دا الاضراب ال ما عندنا فيهو نفقة 

ه

📰   الوطن:

👈     ازالة التمكين تعتقل مواطن هدد أسرة وجدي صالح 

📌   دا اسمه كوز ما اسمه مواطن 

ه

📰   الوطن:

👈     حريق يلتهم "15" ألف شجرة نخيل بالشمالية 

📌   كدي شوفوا لينا الشمالية دي باقي فيها كم نخلة 

ه

📰   الوطن:

👈     الحزب الشيوعي :تكوين القوة المشتركة يهدف للجم الحركة الجماهيرية

📌   والله ياخي نحن ما مستفيدين من الحرية ، المستفيدين منها هم الكيزانا فخليهم يكتموا ميتينا ذاتو 

ه

📰   الحداثة:

👈    الاتحاد الأوروبي يدعو لاتّفاق قبل بداية الملء الثاني لسدّ النهضة

📌   والله داعيين معاكم لكن ربنا ما استجاب 

ه

📰   الحداثة:

👈    مفوضية حقوق الإنسان تطالب الحكومة للمصادقة على كلّ المعاهدات الدولية

📌       والله نحن ما فضل لنا الا التوقيع على شهادة الوفاة ، ما اظن في معاهدة ما وقعنا عليها 

ه

📰   الحداثة:

👈    ولاية الخرطوم تعلن تخفيض استهلاك الوقود بنسبة 25%

📌   تخفيض الاستهلاك والا السعر ؟

ه

📰   الحداثة:

👈    الزراعة المطرية بجنوب كردفان تحدّد 500 فدان سقفًا لتمويل البنك الزراعي

📌   طيب افرض عندي 450 فدان اعمل شنو؟ أروح اشحد لي 50 فدان من زول تاني والا كيف؟ 

ه

📰   الحداثة:

👈    إطلاق مشروع لزيادة إنتاج وتحسين جودة الصمغ العربي

📌   من حظ ناس تشاد وفرنسا 

ه

📰   الصيحة:

👈    حمدوك يعلن عن مبادرة لحلّ الأزمة الوطنية وقضايا الانتقال

📌   الازمة الوطنية حلها بس تشتيت شمل الكيزان وبلا هوادة 

ه

📰   الصيحة:

👈    شعبة المخابز تطالب بإعادة النظر في تسعيرة الخبز

📌   هو سعر الخبز راضي يثبت عشان يعيدوا فيه النظر شغال يقَلِّب زي عداد طرمبة البنزين 

ه

📰   الصيحة:

👈    لجان التفكيك بمحليات ولاية الخرطوم تؤدي القسم

📌   نحن التفكيك دا بلا قسم راضين به 

ه

📰   الصيحة:

👈    “الدعم السريع” تتعهّد بترحيل طلاب الشهادة في”شطايا وكاس” وتتكفّل بالإعاشة

📌   ما قصرتوا تب 

ه

📰   الصيحة:

👈    السجن عامين لصيدلي أدين بتزوير شهادات فحص كورونا لمسافرين

📌   دا بي يكون فاكر الموضوع زي التغيير في التركيبة واللعب في مكونات الدواء 

ه

📰   الحراك السياسي:

👈    تلف في أنابيب البترول بميناء الخير والحكومة تتدخل

📌   تلف كيف؟ سوسه يعني والا دود أكل الانابيب؟ 

ه

📰   الحراك السياسي:

👈    الشرطة تخيّر منسوبيها بين”التمام” في 30 يونيو أو”الاستقالة” وتوقف”8 ضباط

📌   اهم خمسة حاجات في الشرطة هن تلاتة حاجات وهي الضبط والربط  

ه

📰   الحراك السياسي:

👈    وجدي صالح: عودة”الكيزان” للحكم”عشم إبليس في الجنة”

📌   ابليس ليه حق يعشم في الجنة لأنه ما عمل زي العملوهو الكيزان دا 

ه

📰   الحراك السياسي:

👈    تجمّع المهنيين لـ”الحراك السياسي”: سنسقط قانون النقابات الجديد

📌   تراها ديك النقعة 

ه

📰   الحراك السياسي:

👈    أسماء محمود: هنالك نافذون تشير أصابع الاتهام لارتكابهم جرائم

📌   كلنا عارفين لكن القانون حمار 

ه

📰   النيل الدولية:

👈     السودان يطالب الأمم المتحدة بابعاد القوات الإثيوبية من أبيي

📌   هي لي هسع ما ابعدوها ؟ 

ه

📰   النيل الدولية:

👈     الحرية والتغيير: سنناقش دمج قوات الدعم السريع في الجيش

📌   قولوا والله 

ه

📰   النيل الدولية:

👈     حمدوك يناقش مبادرة الطريق إلى الأمام مع والقوى السياسية والمدنية

📌   يازول نحن ما عندنا قوى سياسية قول مع الوهم السياسي 

ه

📰   النيل الدولية:

👈     الولاة الجدد يؤدون اليمين الدستورية

📌   غايتو المصحف دا مسكين اتهرى من حليفة الكذب دي 

ه

📰   النيل الدولية:

👈   10 فصائل اتحادية توقع على وثيقة للوحدة تحظى بدعم الميرغني

📌   بارك الله في طعام كثرت فيه الايادي 

ه

📰   النيل الدولية:

👈      السودان وإثيوبيا تتفقان على التهدئة عند الحدود

📌   خير وبركة ، اللهم ابعد عنا فوزية وأولادها 

ه

📰   أخبار اليوم: 

👈     بيان مرتقب للدكتور حمدوك للرأي العام 

📌   ياخي الناس ديل لي هسع ما انتهوا من تحليل خطاب الأسبوع الفات تاني عاوز تكبسهم بي خطاب 

ه

📰   السوداني: 

👈     تجربة ناجحة لزراعة “القمح الصيفي” لأول مرة بالشمالية 

📌   والله لو ركزتوا لنا مع الزراعة دي الدولار ذاتو ممكن نزرعو ويقوم عندنا 

ه

📰   السوداني: 

👈     تفعيل نظام البصمة للعاملين بالدوائر الحكومية بالخرطوم 

📌   البصمة مقدور عليها المطلوب تفعيل الأداء والأخلاق والأمانة 

ه

📰   السوداني: 

👈      مُدير هيئة الطب العدلي لـ(السوداني): تشكيل لجنة جديدة لتشريح الجثث بواسطة وزارة الصحة بدلاً من لجنة المفقودين

📌   اشمعنا يعني؟ في سبب معين والا زيادة لجان ؟ 

ه

📰   السوداني: 

👈     تجار: تسعير السلع يُحدث أزمة وغير مجدٍ للمواطن  

📌   شوف هوايل آخر الزمن ، انتو من متين قاعد يهمكم المواطن 

ه

ه 

📌ابووضاح 🧵


#اتحاد_مغردي_السودان 

ليست هناك تعليقات:

إرسال تعليق

Adbox