اخر الاخبار

09 يونيو 2021

دبابيس من الصحف السودانية

 📌 دبابيس من صحف الثلاثاء 08  يونيو 2021م 

ه




ه

⚠   *راي حكيم*: 

👈   قيل لحكيم ما رأيك في الدعم السريع؟

قال: زي اللوز في الحلق ، لا تتبع الجهاز الهضمي ولا تتبع الجهاز التنفسي 

تلتهب وتوجعك وتعمل لك حمى وتحميك تبلع لكن ازالتها تضعف مناعة الجسم وتعرضه لكثير من الامراض وازالتها تحتاج لعملية جراحية ممكن تسبب نزيف ومشاكل ليست في الحسبان لذلك أفضل حاجة انك تعالجها بالمضادات الحيوية وتبعد عن كسير التلج وكل مايسبب التهابها......وقع لكم؟ 

ه

ه

⚠   *نفس القصة ونفس الزول بس في الاتجاه المعاكس*: 

👈   في ليلة من ليالي عام 1995 وباوامر قيل أنها مباشرة من (علي عثمان محمد طه) تسور نفر من عساكر الامن حائط منزل دكتور عمر نور الدايم بحي الرياض وقاموا بطرد العائلة والنساء وبنات الدكتور وجميع من كانوا بالمنزل الى الشارع بملابسهم الكانوا نايمين بيها فقط وامروهم بعدم حمل اي شي من البيت..... (ويشهد على ذلك نسيب علي عثمان محمد طه الذي لم تقبل وساطته في الأمر)..... ثم قامت القوة باحتلال المنزل وجعلوه مكتب من مكاتب امن الدوله وطلوا كل نوافذ المنزل من الخارج باللون الأسود وباللون الأخضر من الداخل....... 

📌   وبقي أن تعرف يا رعاك الله أن منزل عمر نور الدايم (الذي صادره علي عثمان) قام بتشييده بعض أهل عمر نور الدايم وأقاربه بعد أن كثر تنقله في بيوت الاجار وهو الوزير منذ أكتوبر 1964 حيث تنقل في بيوت الاجار من العمارات شارع 55 ، الى المزاد بحري ، الى العباسية امدرمان الى كوبر...... 

قال تعالى: (وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ).. (42) ابراهيم......

ه

ه

⚠   *رسالة خاصة*: 

👈   الى السيد محامي المتهم المدعو الفششوية ، خليك فاهم نحن نظامنا المجنون عندنا ندق له قيد في رجليه ويديه ويتم ترحيله الى حوش كدباس طوالي لحدي ما ينصح والا يموت ، مجنون بي يعيش في قصر ويركب لاندكروزر دي ما عندنا نهائي..... 

ه

ه

📰   الوطن:

👈   التجارة تصدر قراراً بمنع إستيراد السيارات الصغيرة.

📌   الانفينيتي كيف؟ صغيرة والا كبيرة؟ 

ه

📰   الوطن:

👈   حركة عبد الواحد تهاجم منجم ذهب بوسط دارفور وتقتل مواطنين.

📌   يمكن عاوزين يشيلوا حقهم من الثروة وبعدين يتفاهموا على حقهم في السلطة 

ه

📰   الوطن:

👈   جلوس “4” محكومين بالإعدام لإمتحانات شهادة الأساس بسجن كوبر.

📌   عقبال نشوف اللي بالي بالكم محكومين بالاعدام وعندهم كورونا 

ه

📰   الوطن:

👈   حمدوك يؤكد استعداد السودان لمواصلة جهود السلام   

📌   انا خايف حمدوك بعد ينتهي موضوع السلام دا يكتل ملف من الاتنتقاليه دي ويفكنا عكس الهواء

ه

📰   الجريدة:

👈   مؤسس مجموعة غاضبون يكشف عن محاولات لاختراقها

📌   يطرشنا ما سمعنا بيها كلو كلو 

ه

📰   الجريدة:

👈   صن اير تكشف عن تعرضها لضغوط من شقيق المخلوع لتهريب الذهب

📌   شقيق المخلوع منو؟ المات والا ال في تركيا 

ه

📰   الجريدة:

👈   القبض على المتهم الرئيس في مقتل عضو لجان مقاومة العشرة

📌   يلا ختوهو في الدرج مع قاتل شهيد الكلاكلة وشهيد امبده 

ه

📰   الجريدة:

👈   المجلس القومى للطفولة يطالب بسن قوانين تجرم التجنيد القسري في مناطق النزاعات

📌   هو انتو فاكرين المشكلة في القوانين؟ المشكلة يا إخواننا في هل الناس بتشتغل بالقوانين والا لا 

ه

📰   الجريدة:

👈   مواطنون بقرى الريف الشمالي يدخلون في اضراب مفتوح

📌   نفسي اسمع باضراب عن الطعام 

ه

📰   الجريدة:

👈   قيادي بقحت: رفض حميدتي للدمج في الجيش مخالف للوثيقة الدستورية

📌   قالوا لكم الدعم دا عنده قانون برااااهو وثيقة شنو؟ 

ه

📰   الديمقراطي:

👈   مجموعة حقوقية تؤكد جرائم العنف الجنسي بفض الاعتصام

📌   ياخي دي ما محتاجة تأكيد ، النظام البائد كان عندهم قسم خاص للاغتصاب يعني معقول ما يشتغل أيام فض الاعتصام

ه

📰   الديمقراطي:

👈   السلطات تعلن عن القاء القبض على خلية ارهابية

📌   نفسي في يوم السلطات دي تقع لها فوق خلية دهب ترقعنا بيها والا خلية عسل نحل تقسمه علينا للفطور 

ه

📰   الديمقراطي:

👈   36 قتيلاً و 32 جريحاً في مواجهات قبلية

📌   الموال دا نهايته متين؟ 

ه

📰   الديمقراطي:

👈   حمدوك يرفض الملء الثاني لسد النهضة دون اتفاق قانوني

📌   ما خلاص اللي كان كان قول اللهم خفف ضرره 

ه

📰   الديمقراطي:

👈   فرض حراسة على منزل على عثمان

📌   اوعكم المضر دا يكون ملغم المنزل 

ه

📰   الصيحة:

👈   حميدتي: الجيش والدعم السريع في خندق واحد ولن نواجه سلاحنا لبعضنا

📌   والله نحن نقول ان شاءالله يكون كدا 

ه

📰   الصيحة:

👈   الصيحة تكشف وصول وفد روسي إلى الخرطوم لمناقشة القاعدة العسكرية

📌   يا برهان جيناكا وجينا ندردش معاكا  

ه

📰   الصيحة:

👈   رئيس الأركان: قوات الحركات ستدمج في الجيش والدعم السريع والشرطة

📌   انتو حرس الحدود وحرس الصيد ديل موش قوات نظامية ليه ما تقسموا عليهم شوية 

ه

📰   الصيحة:

👈   السودان يتمسك بكل الوسائل القانونية والدولية لمواجهة تهديد سد النهضة

📌   ويتمسك كذلك بذيل فستان ماما فوزية 

ه

📰   الصيحة:

👈   تراجع جديد للدولار أمام الجنيه

📌   ما تفرحوا شديد 

ه

📰   الحداثة:

👈   إزالة التمكين تخلي بالقوة الجبرية منزل مسترد من النائب الأسبق للمخلوع

📌   بالغانوووون 

ه

📰   الحداثة:

👈   استبعاد محمد الحافظ من ترشيحات منصب رئيس القضاء

📌   اشمعنا؟ 

ه

📰   الحداثة:

👈   صحة الخرطوم تعلن عن خطة لاحتواء الآثارع السالبة لفصل الخريف

📌   الصحة دي جنت والا شنو؟ 

ه

📰   الحداثة:

👈   الاتفاق على تشكيل لجان مشتركة لبحث القضايا المتبقية في مفاوضات جوبا

📌   لجنة لجنة الليل نعدو 

ه

📰   النيل الدولية:

👈   الوساطة: الاتفاق على مراجعة بعض المواقف في مسودة الاتفاق الإطاري.

📌   شيلوا موضوع إجازة الأربعاء ودخلوا مكانو الغاء الضحية والاكتفاء بصاج طعمية بدل الخروف

ه

📰   النيل الدولية:

👈   دول الترويكا تؤكد وقوفها بقوة مع السودان.

📌   واقفين وين ؟ ماشايفنهم 

ه

📰   النيل الدولية:

👈   الحرية والتغيير تجري مشاورات مع الجبهة الثورية حول رئاسة ومهام البرلمان.

📌   الله يرحم الصادق المهدي هسع كان فصل لكم وصف مناسب 

ه

📰   النيل الدولية:

👈   مناوي يؤدي القسم حاكما لاقليم دارفور.

📌   اول الزمن دا كلو كان قاعد بلا قسيمة اقصد بلا قسم

ه

📰   أخبار اليوم:

👈   المباحث توقف شبكة إجرامية من الأجانب متخصصة في الإحتيال وإبتزاز الضحايا.

📌   غايتو ال لقوها الأجانب في السودان عمرهم ما كانوا يحلموا بيها 

ه

📰   السودانيٰ:

👈   والي الخرطوم يوجه بتفعيل مرسومي تنظيم الأسواق والإشراف الصحي وعقوبات رادعة للمخالفين.

📌   ولد دا 

ه

📰   السودانيٰ:

👈   حمدوك يترأس اجتماع اللجنة العُليا لسد النهضة.

📌   هلا هووووك دي لحقت اللجنة الاقتصادية 

ه

📰   السودانيٰ:

👈   الوزير السعودي قطان يلتقي سلفا كير وعبد العزيز الحلو بجوبا.

📌   يكون عاوز يعزمهم عمرة والا حج 

ه

📰   السودانيٰ:

👈   مذكرة طعن في قرار إعدام الرائد المدان بقتل الشهيد حنفي.

📌   عادي ، مرحلة من مراحل التقاضي 

ه

📰   السودانيٰ:

👈   المحكمة ترفض الإفراج عن وزير سابق متهم بتدبير محاولة إنقلابية.

📌   يمكن لسع ماشحن 

ه

📰   السودانيٰ:

👈   إنضمام السفير “جمال الشيخ” لوفد التفاوض الحكومي في جوبا.

📌   عنده علاقة ب "جمال الوالي" والا تشابه أسماء  ؟

ه

📰   السودانيٰ:

👈   الجمعية القومية لرعاية الصم تكشف عن وجود منطقة كاملة تعاني من الصم.

📌   بختهم والله تلقاهم الحاصل دا كلو ما سمعوا بيهو 

ه

ه 

📌ابووضاح 📌

ليست هناك تعليقات:

إرسال تعليق

Adbox