اخر الاخبار

13 يوليو 2021

دبابيس من الصحف السودانيه

 📌 دبابيس من صحف الاثنين 12  يوليو 2021م 

ه



ه

*همسة* 

ﻗﺎﻟﻮ ﺍﻧﻮ ﺍﻟﺪﻧﻴﺎ ﺿﺤﻜﻪ

ﻋﻴﺸﺎ ﺑﻲ ﺑﻬﺠﻪ ﻭ ﺑﺮﺍﺣﻪ

ﺧﻠﻲ ﺍﺣﺰﺍﻧﻚ ﻓﻲ ﻗﻠﺒﻚ

ﻫﺪﻱ ﻟﻠﻨﺎﺱ ﻫﻢ ﺟﺮﺍﺣـا

ﺷﻴﻨﻪ ﺟﺪ ﻓﻲ ﻳﻮﻡ ﺣﺘﺮﺣﻞ

ﻳﺠﻴﺒﻮ ﺳﻴﺮﺗﻚ ﺑﺎﻟﻘﺒﺎﺣـﻪ

ه

ه

⚠   *مجرد راي* : 

👈   الترقيع والسمكرة والدغمسة التي يقوم بها حزب الامة والتي يقول انها لاصلاح الحاضنة السياسية للحكومة أبت تتبلع لي كلو كلو غايتو الا انتظر شربوت العيد وأحاول ابلعها بيهو........

ه

ه

⚠   *الحكومة تمول أدوية لصالح الإمدادات الطبية* :  

👈   ذكر مصدر من وزارة الصحة الاتحادية، أن الحكومة الانتقالية وافقت على شراء أدوية ضرورية لصالح الإمدادات الطبية تقدر قيمتها بملايين الدولارات، دون أن يفصح عن حجم المبالغ......

📌   (دون أن يفصح) دي تحسسك كدا كأنه قاعد يتكلم عن حاجة أبيحة ياقول المصريين .... 

ه

ه 

⚠   *تجار الدولار يلجؤون إلى حيلة جديدة بعد إنهيار السوق الموازي* : 

👈   الخرطوم: شهدت الأيام الماضية تراجع كبير في أسعار الدولار في السوق الموازي وأصبحت البنوك تقدم أسعاراً تنافسية فيما بينها وهي أكثر من السعر الذي يقدمه السوق الموازي. وكشف مراقبون أن العديد من تجار العملة لجأوا الى حيلة للتعايش مع الوضع الجديد، حيث أصبحوا يشترون الدولار بأقل من سعر البنوك خصوصا في الفترات المسائية التي لا تعمل فيها البنوك ثم يبعيون حصيلتهم في اليوم التالي للبنك الذي يقدم سعراً أعلى.......... 

📌   الله يستر ما تكون دي من علامات الساعة.....  

ه

ه

📰   الوطن:

👈    إجراءات أمنية صارمة ببورتسودان وكادوقلي ووفد مركزي يتوجه للشرق

📌    زمان يطفوها في مكان تولع في مكان تاني هسع صبحت تولع مثنى ، الله يستر من ثلاث ورباع

ه

📰   الوطن:

👈     البرهان :حريصون على فرض هيبة الدولة 

📌    كان حريصين بالجد كان حاكمتوا المجرمين القابعين في كوبر 

ه

📰   الوطن:

👈     الشيوعي يحذر الحكومة من مخاطر التفلتات الأمنية بشرق البلاد

📌    انتو ما عندكم شغل غير التحذير والتوقعات ؟ 

ه

📰   الوطن:

👈     حميدتي يدعو لمساندة مبادرة حمدوك

📌    موش قلت لك انت الوحيد الناقش؟ 

ه

📰    الصيحة:

👈     الحرية والتغيير: الاتّفاق مع الأمة والثورية ليس بديلاً للحاضنة السياسية

📌    يعني نظام صاجات على قول المخلوع

ه

📰    الصيحة:

👈     الأمة القومي لـ”الصيحة”: هنالك فرصة أخيرة للإصلاح

📌    الإصلاح الآن ؟ 

ه

📰    الصيحة:

👈     سفير السودان بموسكو يكشف لـ”الصيحة” تفاصيل زيارة مريم المهدي إلى روسيا

📌    والله وزيرتنا دي ما يقدر يتابعها الا حكم تنس الطاولة 

ه

📰    الحداثة:

👈     والي جنوب كردفان: نتخوّف من”الفزع” ونحتاج تعزيزات عسكرية

📌    ود ام زقدة 

ه

📰    الحداثة:

👈     النطق بالحكم في قضية الشهيد شوقي الصادق اليوم

📌    عقبال بقية الشهداء 

ه

📰    الحداثة:

👈     اكتمال صيانة متحف وقصر السلطان علي دينار بعد 5 سنوات

📌    على قول الزلمات ندعوا عطوفة دولة حاكم عام عموم دارفور الذهاب للاستلام والافتتاح 

ه

📰    الحداثة:

👈     إدارة المحاجر البيطرية: تصدير 250 ألف رأس من”الهدي” لهذا العام

📌    للسعودية والا لي مصر ؟ 

ه

📰    الحراك السياسي:

👈     المالية تكشف لـ”الحراك السياسي” عن بدء تحرّكات لاسترداد الأموال المنهوبة بالخارج

📌    جبريل دا جنَّ ؟ 

ه

📰    الحراك السياسي:

👈     نيابة المعلوماتية تقرّ بحجب المواقع وتطالب بقانون يكافح الجرائم الإلكترونية

📌    أومال البرهان اشتكى الدوش بموجب قانون شنو طيب ؟ 

ه

📰    الحراك السياسي:

👈     إزالة التمكين تلقي القبض على مسؤول سابق بحكومة الشمالية وتلاحق 7 آخرين

📌    دا الموضوع كبير يعني؟ 

ه

📰    الحراك السياسي:

👈     التعايشي يؤكّد التزام الحكومة الانتقالية بتحقيق السلام والتحوّل الديمقراطي

📌    حكومة الجن دي ما جابت سيرة الأسعار ؟ 

ه

📰    النيل الدولية:

👈     لدى لقاء البرهان.. قيادات شرق السودان تجدد دعمها لحكومة الفترة الانتقالية

📌    الناس عشان ما يجلوا من دي والا من دي بقوا يتقسموا نصين نص يمشي يقول للحكومة نحن داعمين والنص التاني يحتج  

ه

📰    النيل الدولية:

👈     إجراءات مشددة في بورتسودان وقوات مشتركة للسيطرة على الوضع

📌    عادي اول ما الوضع يهدأ والقوات تسترخى تاني يطلع واحد يشعللها 

ه

📰    النيل الدولية:

👈     وزيرة الخارجية تصل روسيا وتعقد مباحثات مع لافروف

📌    والروس يقولون (Споры решают истину. سبوري ريسيوت استينو ) النقاش منخل الحقيقة 

ه

📰    النيل الدولية:

👈     البحر الأحمر تفرض الطوارئ الصحية للسيطرة على تفشي كورونا

📌    تفشي الكورونا والا العَكَّرونا 

ه

📰    النيل الدولية:

👈     القاء القبض على امين عام حكومة الولاية الشمالية الاسبق

📌    الأسبق دي ذاتها بقت خشم بيوت ، فيها الأسبق في الفترة الانتقالية والسابقين السابقين من العهد البائد 

ه

📰    النيل الدولية:

👈     وزارة العدل توفق أوضاع المفصولين تعسفياً

📌    يا إخواننا عليكم الله تاني وضحوا لينا مرحلة الفصل التعسفي دا هل من العهد البائد والا العهد الحالي 

ه

📰    أخبار اليوم: 

👈     تصريح لوزير الصناعة لـ"أخبار اليوم" حول أسعار الخبز المدعوم 

📌    مدعوم دا الا كان دعمته ركشة والا عربية لكن نحن ما شايفين خبز مدعوم

ه

📰    أخبار اليوم: 

👈     إستنكار رسمي وشعبي واسع لأحداث العنف بدار النعيم والمرغنية وسلبونا ووزير الداخلية يصل بورتسودان

📌    ليهم حق ، البلد فضل فيها شنو ما ولع غير ديم مدينة وابوحشيش وسللاب وديم النور 

ه

📰    السوداني: 

👈     السلطات تفرج عن قيادات بالنظام السابق 

📌    نحن السلطات قنعنا من خير فيها بقى عشمنا في الله وفي الكورونا

ه

📰    السوداني: 

👈     عرمان يتّهم علي كرتي بالتخطيط لإشعال الفتنة في شرق السودان 

📌    أي فتنة في الشرق ، ابحث عن الكيزان المجنسين

ه

ه 

📌ابووضاح 📌




#اتحاد_مغردي_السودان 

ليست هناك تعليقات:

إرسال تعليق

Adbox