اخر الاخبار

10 أغسطس 2021

دبابيس من الصحف السودانيه


📌 دبابيس من صحف الاثنين 09  أغسطس 2021م

ه


ه
⚠   *كل الأمنيات الطيبات والتهاني للشعب السوداني بالعام الهجري الجديد ونسأل الله أن يكون عام خير وبركة وخالي من المشاكل والأمراض والأزمات وأن يعم الأمن والسلام خلال هذا العام كل ربوع الوطن الحبيب*
ه
ه
⚠   *سؤال* :
👈   زماااان شهر ستة الفات قالوا : المحكمة توافق على عرض (الفششوية) على لجنة طبية لتشخيص حالة فقدان الذاكرة ، اها تاني مافي زول ورانا الحصل شنو؟
الزول دا فقد الذاكرة نقنع من قروشنا والا في أمل؟
ه
ه
⚠   *الكشف عن مستند يطلب عدم مراجعة شركات تتبع للشرطة* :
👈    حصلت صحيفة (الحداثة) على خطاب موجه من وزارة الداخلية إلى ديوان المراجع العام، تطلب فيه عدم مراجعة 3 شركات تتبع لوزارة الداخلية.
ويطالب الخطاب، الصادر في أبريل الماضي، وممهور بتوقيع اللواء شرطة جعفر أحمد عثمان، مدير الصندوق الاجتماعي لقوات الشرطة، وموجه إلى نائب المراجع العام، عبر المراجع العام الطاهر عبدالقيوم، الذي تمت إقالته الأسبوع قبل الماضي، بتنفيذ اتفاق سابق جرى بين ممثل ديوان المراجعة وممثل وزارة الداخلية، يقضي بسحب عدد من الشركات التابعة لقوات الشرطة من جدولة مراجعة الشركات الحكومية.
ويقول الخطاب “إن طلب سحب الشركات من جدولة مراجعة الشركات الحكومية، صادر من مدير عام قوات الشرطة شخصياً” ، وحدد الخطاب 3 شركات طلب عدم مراجعتها، وبرر الطلب بأن الشركات المذكورة لا يتم تمويلها عبر الحكومة”.
وكان رئيس الوزراء، عبدالله حمدوك، أصدر قراراً في نهاية يوليو الماضي، أقال بموجبه الطاهر عبدالقيوم وعيّن فخر الدين عبدالرحمن خلفاً له........
📌    يلا الجداد والطبالين سيبكم من سفة خالد سلك وورنا شطارتكم هنا....
ه
ه
⚠   *(على ذمة) فاطمة شقار: الحل العسكري هو الأصلح للسيطرة على الصراعات القبلية* :
👈    الخرطوم: أثير نيوز..... قالت فاطمة شقار الامين العام لمنظمة اتقان النية من اجل التعايش السلمي وسكرتيرة المراءة بحركة اركو مناوي أن الحل العسكري هو الحل الوحيد للسيطرة على الصراعات القبيلة في دارفور واضافت في تصريحات صحفية (نحن مسؤولون جميعاً عما يحدث في دارفور ) ووصفته بالمشكلة الصعبة .
واكدت قائلة لايوجد غير الحل العسكري مشيرة للنجاحات التي قدمتها قوات الدعم السريع بقيادة الفريق أول محمد حمدان دقلو واضافت أن حلول أخرى ولكن يصعب تنفيذها في الوقت الحالي وفي مقدمتها الدبلوماسية الرسمية وتنشأ عندما يتوصل السياسيون الى إتفاق بينهم .....
📌   على قول الكويتيين : (نحن ايش اكو) تراها ديك دارفور وتراهو داك حاكم دارفور والدعم السريع قدامكم ، يلا  ورونا شطارتكم.....
ه
ه
📰    الوطن:
👈   الحكومة تستدعي السفير السوداني في إثيوبيا
📌    كتمت
ه
📰    الوطن:
👈    لجنة الفيضانات تكشف عن مؤشرات مخيفة في عدد من المناطق
📌    راسنا دا لفَّ وكتل ملف قبل الملف ذاتو ، الفيضانات دي طبيعية والا سد النهضة دا مخروم والا نحن كنا محتجين على الملئ ليه طالما المياه كتيرة للدرجة دي ؟
ه
📰    الوطن:
👈    مزارعو الفشقة يكشفون عن تفاصيل جرائم الإثيوبيين
📌    ما كانوا لاقين زول يقول لهم لا
ه
📰    الوطن:
👈    بعد إثارة الجدل حولها.. مناوي يعلن الإستغناء عن  أموال شركات التعدين
📌    عملا بالمثل القائل: الباب ال بجيك بي (سهيرو) سدو وشوف غيرو
ه
📰    الوطن:
👈    السفيرة تيسير الفكي: سد النهضة أقيم على أرض سودانية
📌    عادي تراهو السيسي بنى مدن وقواعد حربية في حلايب وشيلاتين
ه
📰    اليوم التالي:
👈    البرهان إلى تركيا
📌    أمان ربي أمان .... ما تنسى تسلم لنا على شيخ عبده والعباس البشير
ه
📰    اليوم التالي:
👈    اللواء صفي الدين لـ”اليوم التالي”: لا توجد مواد لطباعة الجوازات
📌    خلاص اتفكينا من ازمة البنزين والدقيق جات ازمة الجوازات ؟
ه
📰    اليوم التالي:
👈    الأمطار تؤجّل محاكمة علي عثمان في قضية”العون الإنساني”
📌    خايفين منه يتماص في المطر؟ بيني وبينكم الأرطبون دا يعملها ويعمل ابوها كمان
ه
📰    الصيحة:
👈    ساطع الحاج لـ”الصيحة”: الشعب السوداني هو الحرية والتغيير
📌    أبداً والله ، الشعب هو الشعب لكن الحرية والتغيير نطت في مكانه وما قدرت تسد الفرقة
ه
📰    الصيحة:
👈    ناظر الرزيقات: ندعو لنبذ العنف ووقف العدائيات
📌    والله كلنا كدا لكن نقول شنو غير الله غالب
ه
📰    الصيحة:
👈    سيول تقطع طريق”الصادرات”
📌    بي موية وكملت
ه
📰    الصيحة:
👈    مساعد مناوي لـ”الصيحة”: لا اتّجاه لتأجيل حفل تنصيب حاكم دارفور
📌    هو الاحتفال لزومو شنو؟ وظيفة هي والا عرس؟
ه
📰    الصيحة:
👈    بدء التحقيق والتقصي في أحداث”قدير والعباسية”
📌    عيش يا حمار
ه
📰    الحداثة:
👈    مدير الشرطة يوجّه بإكمال توسعة خطوط إنتاج الجواز والبطاقة القومية
📌    ماترسوا على بر ، في مواد والا مافي ؟
ه
📰    الحداثة:
👈    مؤسسة أمريكية تبدي رغبتها في تطوير قطاع الثروة الحيوانية بالبلاد
📌    حبابكم ألف وياريت تجيبوا معاكم ناس يطوروا البشرية
ه
📰    الحداثة:
👈    اتّفاق لتنظيم ورشة لمناقشة مسوّدة قانون الصحافة والمطبوعات
📌    نشيف
ه
📰    النيل الدولية:
👈    السجن خمس سنوات لصاحب مخبز بالخرطوم باع دقيقا مدعوما
📌    والله رغم انه الخباز يستاهل لكن كنا عاوزين المحكمة كمان تحكم معاهو على الناس الباعوا خط هيثروا وبيوت السودان في لندن والبواخر وكل ما لذ وطاب وأمكن بيعه
ه
📰    النيل الدولية:
👈    الخرطوم تتحسب باكراً لملء سد النهضة الثالث وتعيد النظر في مواقفها التفاوضية
📌    حا تعمل شنو يعني ؟
ه
📰    النيل الدولية:
👈    النيل يتجاوز منسوب الفيضان بـ 42 سنتمتر في الخرطوم
📌    يعني نثبت الدولار يرتفع النيل ، اللهم ارفع غضبك عنا
ه
📰    النيل الدولية:
👈    الفاشر تكمل ترتيباتها للاحتفال غدا بتنصيب حاكم إقليم دارفور
📌    كانت عاوزة ابن البادية الله يرحمه يغني لنا: الليلة سار سار سار مناوي سار سار سار
ه
📰    النيل الدولية:
👈    اليوم الجلسة الثالثة لمحاكمة المتهمين بقتل الشهيد محجوب التاج
📌    والله قتلة ومجرمين زي ديل جلسة واحدة كتيرة عليهم مفروض من التحري يعدموهم
ه
📰    أخبار اليوم:
👈    المفتي: إثيوبيا قامت بتجاوزات عديدة للقوانين الدولية وعلى السودان المطالبة بأرض سد النهضة
📌    ودي فتوى يا المفتي والا راي ساكت؟ 
ه
📰    أخبار اليوم:
👈    غياب للصحة والأمان بغرب الميناء البري الخرطوم
📌    أممممك... كولومبيا جديدة ؟
ه
📰    أخبار اليوم:
👈    728 مليون متر مكعب ايراد النيل الأزرق عند الحدود السودانية الأثيوبية
📌    طيب ممكن نعرف لو ما كان الاثيوبيين ملأوا السد كان حا يكون كم
ه
📰    السوداني:
👈    الأرصاد تطلق تحذيراً للعاملين في مناطق التعدين الأهلي بالسودان
📌    الله يستر والله الحفر دي لو اتملت موية مشكلة كبيرة عليهم
ه
📰    السوداني:
👈    حمدوك يترأس الاجتماع التحضيري لزيارة الوفد الحكومي لتركيا
📌    يا ربي ماشين يجيبوا عبد الحي ؟
ه
📰    السوداني:
👈    مجلس الوزراء يعلن الثلاثاء عطلة رسمية
📌    كان تأجلوها للخميس عشان الناس ما يدكوا الأربعاء والخميس
ه
📰    السوداني:
👈    وزير العدل : مستندات صياغة الدستور جاهزة
📌    هسع الزواحف ينجروا لهم مستندات وينشروها في الوسائط على أساس انها تسريبات
ه
📰    السوداني:
👈    إدارة المباحث والتحقيقات الجنائية تنقذ (253) من ضحايا الإتجار بالبشر وتُلقي القبض على (32) متهماً
📌    ياخي تنقذ شنو ، ضيعتوا مستقبل الناس ساكت كان تخلوهم يقدوا
ه
ه


ابووضاح 📌


#اتحاد_مغردي_السودان 

ليست هناك تعليقات:

إرسال تعليق

Adbox