اخر الاخبار

12 أغسطس 2021

دبابيس من الصحف السودانيه

 📌 دبابيس من صحف الاربعاء 11 أغسطس 2021م 

ه



ه

⛔   *تحذير* : 

📰   النيل الدولية: النيل في الخرطوم يتجاوز منسوب الفيضان بـ60 سنتمترا

📌    ياحكومة ويا ولاية أرسلوا فرق تتأكد من سلامة جسر المنشية وجسر سوبا قبل لا تقع كارثة 

ه

ه

⚠   *إعادة ضبط المصنع* : 

👈     اقطع دراعي (على قول إخواننا المصريين) اذا ماكان في زول لعب في اعدادات الضبط بتاع البلد دي ، لأنه الحاصل في البلد دي ما طبيعي

مزارعين في مشروع الجزيرة يشتكون من العطش ومساحات كبيرة من نفس المشروع تغرق في مياه الأمطار

لواء رئيس عصابة تزوير مستندات وأختام رسمية 

وعميد رئيس عصابة نهب مسلح 

ومقدم برنامج ديني حرامي ومزور 

جمعية للقرآن الكريم فيها فساد بأكثر من مليون يورو

مدير "الشؤون المالية" في شركة الكهرباء : بكالوريوس "تربية لغة عربية".

مدير الادارة العامة "للتخطيط والمشروعات"  دبلوم مساحة

وزيرة خارجية تطلب من دول الجوار ان تستعمرنا 

وطبيب شرعي يزور تقارير تشريح الجثث

وحزب حاكم عاوز يسقط الحكومة 

طبيبة تدير شقة للترويج للمخدرات 

عاملين بالمشرحة يبيعوا أعضاء الجثث 

أطفال الشوارع ينهبوا البيوت والعمارات 

صحفي مشهور يعمل ضابط أمن ويشترك في تعذيب وقتل طالب 

حاكم إقليم يخطئ في اسم رئيس مجلس السيادة ويذكر بداله اسم رئيس دولة أخرى

على الطلاق البلد دي لو بي تتنفس بنقوا وتشم سلسيون ما كان السيستم بتاعها اتلخبط كدا..... 

📌    عاوزين زول شاااطر يعمل للبلد دي إعادة ضبط المصنع......

ه

ه

⚠   *قصة وفزورة* : 

👈    القصة: أحيل الى المحكمة بلاغ يخص حاويات مليئة بالخمور المستوردة فيها 941 كرتونة تقدر بقيمة 10 ملايين دولار تم ضبطها وإحالتها لمحكمة جنايات الخرطوم عهد النائب العام السابق.

قوم اييييه النائب العام السابق تاج السر الحبر، طلب سحب الملف  لممارسة سلطاته بموجب المادة 58 إجراءات جنائية، ورفض طلبه وأحيل البلاغ للمحاكمة.

قوم ايييييه تاني : كشفت مصادر لـ”الراكوبة” أن النائب العام المكلف مبارك محمود طلب بتاريخ 22 مايو المنصرم ، ملف المحاكمة لممارسة سلطاته (أيضاً) بموجب المادة 58 إجراءات جنائية ومن اليوم داك ولي يومنا دا الملف يقبع داخل درج النائب العام المكلف ليهو هسع قريب ثلاثة شهور ما قادر يتخارج من الدرج.........

الفزورة : من هو المتهم ومن هو محامي الدفاع.........

📌    الجائزة سفة تمباك من ماركة (لو ما فاطر ما تخاطر) ولو مابتسف جائزتك زغرودة دبلوماسية.... 

ه

ه

⚠   *معركة شركات الجيش تعود للواجهة* : 

👈    الراكوبة: جدّد الجناح المدني في الحكومة الانتقالية في السودان مطالبه، بـ”خلو طرف” نظيره العسكري من الشركات الحكومية والأمنية وشركات الجيش وضمها رسميا إلى وزارة المالية بحكم ولايتها على المال العام في البلاد.

وتزامنت المطالب مع بدء ترتيبات وزارة المالية لإعداد موازنة العام المالي المقبل 2022، ليتم إلحاق أرباحها الضخمة بركب بنود الصرف وسد العجز السنوي الكبير المرتقب في تمويل الموازنة.

وأُقرّت موازنة العام الجاري 2021 بعجز 1.4% من الناتج المحلي، وسط أزمات اقتصادية ومعيشية خانقة تعاني منها البلاد.

وأعرب مراقبون لـ”العربي الجديد” عن عدم تفاؤلهم بتحقيق ذلك، مستشهدين بفشل تنفيذ المطالب السابقة بضم الشركات المذكورة في موازنة العام المالي الحالي 2021، وذلك بسبب الخلافات المكتومة بين المدنيين والعسكريين، حيث يشدّد المدنيون بقيادة رئيس الوزراء، عبد الله حمدوك، على ضرورة ضمها إلى وزارة المالية، في حين يتمسك الجناح العسكري بقيادة القائد العام للقوات المسلحة، عبد الفتاح البرهان، بتبعية المؤسسات العسكرية للجيش.......

📌   عض قلبي ولا تعض رغيفي.....

ه

ه

📰    الوطن:

👈   البرهان يكشف عن البدء في تنفيذ الترتيبات الأمنية 

📌    نفسي أعرف يعني شنو الترتيبات الامنية

ه

📰    الوطن:

👈    تفاصيل إجتماع مغلق بين وزير العدل ومدعي الجنائية الدولية 

📌    وزير العدل دا الوزير الوحيد ال نحن مالين ايدنا منه 

ه

📰    الوطن:

👈    أكثر من "150" طفل ينتظرون تنفيذ حكم الإعدام بالسجون 

📌    والمخلوع ووالي سنار يدخلوهم الحضانة ، موش قلت لكم البلد دي عاوزة إعادة ضبط المصنع ؟ 

ه

📰    الوطن:

👈    حزب الأمة:عدم تناغم الحرية والتغيير سبب تأخير التشريعي

📌    من كثرة ترديدكم للموضوع دا تذكروني قصة الصعيدي الحلف الا يخلص اللبانة 

ه

📰    اليوم التالي:

👈    اليوم التالي تكشف ضوابط جديدة لاستيراد الوقود

📌    الضوابط التي صدرت في موضوع الوقود دا أكتر من عدد جوالين البنزين ال دخلت البلد 

ه

📰    اليوم التالي:

👈    اجتماع بين ”السيادي” و”الوزراء” لمناقشة تسليم المطلوبين إلى ”الجنائية”

📌    تسليم المطلوبين دا اصلوا ما محتاج مناقشة ، خموا المجرمين وريحونا من غلبتهم 

ه

📰    اليوم التالي:

👈    صندوق النقد:”كورونا” تفتك بميزان السودان التجاري

📌    ميزان شنو السودان ذاتو ماعنده ميزان شغالين بالكوم والملوة

ه

📰    اليوم التالي:

👈    فصل أكثر من ”70″ موظفًا ببنك شهير

📌    أوع يكون بنك الشمال ؟ 

ه

📰    اليوم التالي:

👈    مناوي: الدولة العميقة قطعت الكهرباء أثناء تنصيبي

📌    خايفنك بعد غلطت في اسم الرئيس تغلط كمان في اسم الاقليم الانت حاكمه 

ه

📰    الحراك السياسي:

👈    موافقة دولية لفحص أدّلة فضّ الاعتصام وخياران أمام لجنة التحقيق

📌    اللجنة دي يبخروا فيها وهي تفسي  

ه

📰    الحراك السياسي:

👈    خطاب مزوّر يعطّل مستشفى نيالا التخصصي شهرًا كاملاً

📌    لا تعليق 

ه

📰    الحراك السياسي:

👈    بلدو: افتقار الحكومة للرومانسية سيعجّل برحيلها

📌    هو الزول دا قايل الحكومة دي مراة ؟ زمان عندنا واحد قال كان فاكر الحكومة مكنة كبيييرة والرئيس هو السواق بتاعة (من واقع ثقافة الوابورات الزراعية) 

ه

📰    الصيحة:

👈    محمد عصمت لـ”الصيحة”: المنازعات الحزبية أحد مهدّدات ”الانتقالية”

📌    يا حرااام خسارة والله لانه الأحزاب دي تعبت في الثورة وما جات ناطة فوق اكتاف الثوار 

ه

📰    الصيحة:

👈    مقترح بجلوس”راسبي” شهادة الأساس لامتحانات ملاحق

📌    والله مراعاة للظروف الحالية نؤيد ذلك ، في طلبة كتار الظروف ما كانت في صالحهم

ه

📰    الصيحة:

👈    الخرطوم: الاستعدادت المبكّرة للفيضان حالت دون إعلان العاصمة منطقة طوارئ

📌    ان صحت تبقى دي أول مرة في التاريخ 

ه

📰    النيل الدولية:

👈    بحضور البرهان تنصيب مناوي حاكمآ لاقليم دارفور

📌    هو أكنو البرهان حاضر ومناوي ينده في السيسي ؟ 

ه

📰    النيل الدولية:

👈    السودان يجدد الالتزام بالتعاون مع (الجنائية) وتسليم المطلوبين

📌    نسلم ميتينهم ذاتو 

ه

📰    النيل الدولية:

👈    دقلو: الحكومة الانتقالية حققت إنجازات ولن نسمح بحدوث انقلاب عسكري

📌    كعععع ... والمغالطنا تراها ديك النقعة 

ه

📰    النيل الدولية:

👈    إطلاق بطاقة "ماستر كارد" في السودان

📌    الف مبروك 

ه

📰    أخبار اليوم: 

👈    مصدر بالشرطة: حركات مسلحة موقعة تمارس النهب المسلح بالشمالية 

📌    يعني ما تشتغل ؟ 

ه

📰    أخبار اليوم: 

👈    أبي أحمد يدعو الاثيوبيين للإنضمام للقوات الدفاعية والخاصة والمليشيات واظهار الوطنية ويأمر الجيش بالتحرك 

📌    دا ضنبو رق 

ه

📰    أخبار اليوم: 

👈    حاكم دارفور: مشاركة القيادات السياسية والاجتماعية في التنصيب دليل على وقوفهم مع السلام

📌    خلاص عندك الدليل يلا ورينا نجاحك 

ه

📰    السوداني: 

👈    البرهان يتعهّد برد كرامة النازحين واللاجئين ويُعلن عن تسخير إمكانيات الجيش لحاكم إقليم دارفور 

📌    والله بعد الاحتفال المهيب دا حقو دارفور هي ال تدعم السودان

ه

📰    السوداني: 

👈    حظر وتجميد حسابات 20 شركة و38 شخصاً 

📌    ويتواصل البل 

ه

📰    السوداني: 

👈    اتجاه لتعيين مساعدين للنائب العام وإكمال تعيين (300) وكيل نيابة 

📌    ال (300) وكيل نيابة ديل محاصصة برضو والا تعيين حر؟ 

ه

📰    السوداني: 

👈    تأثر (277) أسرة وانهيار عدد من المرافق والمنازل جراء الأمطار بالجزيرة

📌    ربنا يلطف بهم 

ه

ه 

📌ابووضاح 📌


#اتحاد_مغردي_السودان 

ليست هناك تعليقات:

إرسال تعليق

Adbox