اخر الاخبار

08 أغسطس 2021

دبابيس من الصحف السودانيه

 📌 دبابيس من صحف الاحد 08  أغسطس 2021م 

ه



ه

⚠   *مناشدة من أهالي الباوقة* : 

👈    الباوقة تستغيثكم يا شعب السودان ، فمنذ أكثر من ثلاثة أيام والباوقه تحاصرها السيول من جميع الاتجات..... عدد كبير من المنازل انهارت ومثله آيل للسقوط.... انعدام تام لمياه الشرب النقية والدواء والطعام.... العديد من الأرواح قد أزهقت تحت الأنقاض.... الناس هناك في أمس الحوجة للماء والدواء والخيام والبطاطين.... هل من معين ؟ هل من وسيلة إعلامية تنقل معاناتهم؟ هل من مسؤول ولائي او اتحادي يعلم أين تقع الباوقة؟ 

لا ندعوا لحمل السلاح ونناهض ونرفض الدعوة لحمل السلاح ولكننا للأسف كل يوم نرى ان البلاد التي لا تحمل السلاح تموت جراء الاهمال والنسيان ان لم يكن الطناش.....

ه

ه

⚠   *سؤال* : 

👈   بخصوص تعليقات وزير الكهرباء احد الاخوة ارسل لي صورة لأحد مكاتب الكهرباء فيه جنريتر كبير معمول له صبة وشبك من الحرامية .... 

السؤال ليس لماذا الجنريتر ولا الصبة ولا الشبك ، السؤال الجوهري هو : ماهو الحوار الذي تم بين المسؤولين في شركة الكهرباء والذي تم بموجبه التصديق بشراء هذا الجنريتر لتوفير الكهرباء لمكتب الكهرباء المسؤول عن توصيل وبيع الكهرباء للمواطنين؟..... ياربي يكون قال له يا سعادتك عاوزين جنريتر لأنه ما عندنا كهرباء ..... طيب بتبيعوا بيض انتو؟ 

ه

ه

⚠   *وزير المالية دكتور جبريل في رد على سؤال صحيفة (اليوم التالي)* : 

👈    هل البنوك السودانية مستعدة ومواكبة للتطورات التقنية التي حدثت في العالم؟ 

قال وزير المالية: جزء من المشكلة البنوك السودانية ليس لديها مراسلون خارجيون وكانت هناك مشكلة في ما يسمى بـ ipan الرقم الأساسي الذي عبره يتم تحويل الأموال عبر النظام العالمي الجديد في السابق كان التحويل ببرنامج( الإسويفت) لكن الآن أصبح مربوطاً بــــ ipan ولكي نحصل عليه أخذنا زمناً طويلاً الآن استطعنا ترتيب الوضع مع البنك المركزي وأعتقد بعدها التحويلات ستنساب، لكن لدينا مشكلة أيضاً ما زالت هذه البنوك جزءاً منها يشتغل شغلاً غير طيب من بعض الموظفين العاملين في البنوك.......

📌    أها شوفت عبارة (يشتغل شغلاً غير طيب من بعض الموظفين العاملين في البنوك) دي ما عندها أي فرق من عبارة الترابي الله يرحمه عندما قال: روح طاهرة في جسد فاسد.... اللف والدوران شنو ما تقول لازال بعض البنوك فيها موظفين كيزان فاسدين ؟؟ 

ه

ه

⚠   *ضبط شبكة تعمل في تجارة الأعضاء البشرية وبيع جثامين داخل مشارح بالخرطوم* : 

👈    الخرطوم: كوش نيوز..... ضبطت لجنة تحقق في اختفاء الأشخاص قسريًا “المفقودين”، شبكة تعمل في تجارة الأعضاء البشرية وبيع جثامين داخل عدد من مشارح العاصمة الخرطوم.

وأشار المحققون إلى أن تحقيق أُجري مع متهمين سجلوا فيه اعترافات قضائية تُثبت تورطهم في تجارة الأعضاء البشرية داخل عدد من المشارح.

وقالت عضو لجنة التحقيق في اختفاء الأشخاص سمية عثمان، إن “اللجنة تُشكك في مصداقية تقارير الأطباء الشرعيين المُكلفين بتشريح الجثث في المشارح”. واتهمت عثمان النائب العام المُكلف مبارك محمود بـ “حماية الفساد داخل مؤسسة الطب العدلي”.....

📌   ان المؤسسات التي في بعضها (كوز) قتلننا ثم باعت أعضاء قتلانا.....

ه

ه

📰    الوطن:

👈   وزير العدل: الدستور القادم بلا إقصاء 

📌    اقصاء لي منو هي ذاتها البلد ماشية تفضى 

ه

📰    الوطن:

👈    خبير سوداني يطالب بتجميد عضوية السودان في الاتحاد الافريقي بسبب سد النهضة 

📌    ظاهر عليه خبير (ذرات) ؟ 

ه

📰    الوطن:

👈    إرتفاع كبير في منسوب النيل وتحذير لسكان الخرطوم 

📌    يا سكان الخرطوم البحر من خلفكم والنيقرز من امامكم 

ه

📰    الوطن:

👈    لجنة التحقيق في أحداث كولقي تصل دارفور وتعقد اجتماعات

📌    ماشاء الله والله دا انجاز كبير خلاص 

ه

📰    الجريدة:

👈    وزير العدل يكشف عن وضع أربع مسودات للدستور ستطرح للرأي العام

📌    على المذاهب الأربعة والا شنو؟ 

ه

📰    الجريدة:

👈    انهيار عدد من المنازل بمحليتي عطبرة وبربر جراء السيول

📌    ربنا يعوض عليهم 

ه

📰    الجريدة:

👈    تحذير من حدوث اشتباكات بين الرباطاب والارياب بسبب منجم

📌    لعنة الذهب 

ه

📰    الجريدة:

👈    راش تكشف عن ظهور حالات اشتباه بالحصبة بمناطق التعدين بالولاية الشمالية

📌    الله يستر من الكتكوتة 

ه

📰    الجريدة:

👈    مزارعون بقسم التحاميد بمشروع الجزيرة يشتكون من تطاول أزمة العطش

📌    المطر الغرقت الخرطوم دي ما مرت عليكم؟ 

ه

📰    الجريدة:

👈    عضو بالسيادي يؤكد اعتزامهم هزيمة العنصرية

📌    الله يقدركم ، نتمنى ذلك والله وندعمه بشدة 

ه

📰    الجريدة:

👈    مجلس السيادة يؤكد اكتمال الترتيبات لتولي حاكم اقليم دارفور مهامه

📌    ال بي يقنع مناوي شنو؟ 

ه

📰    الجريدة:

👈    حكومة شمال دارفور تفرض الطوارئ على كولقي

📌    انتو مفروض الوضع الطبيعي عندكم يكون الطوارئ بي ترفعوها لي شنو؟ 

ه

📰    الصيحة:

👈    أديب يكشف لـ(الصيحة) معلومات جديدة عن تحقيقات "فض الاعتصام”

📌    دا بقى زي كمال آفروا جنو اعلام 

ه

📰    الصيحة:

👈    تحقيق لـ(الصيحة).. التربية: لم نطبع نسخةً واحدةً من منهج (المتوسطة)

📌    راجين الري؟ 

ه

📰    الصيحة:

👈    النائب العام لـ(الصيحة): تحريك (28) قضية فساد بـ”الطاقة والتعدين”

📌    القضايا الفيها الزيت حصل فيها شنو؟ 

ه

📰    الصيحة:

👈    النائب العام في حوار فوق العادة.. هنالك تلكؤ من دول بشأن تسليم المتهمين الهاربين بالخارج

📌    كدي حاكموا الموجودين الأول 

ه

📰    الصيحة:

👈    والي سنار لـ(الصيحة): بلاغات وإجراءات ضد عناصر النظام البائد بالولاية

📌    أردم الزواحف 

ه

📰    الصيحة:

👈    الطاهر حجر ينفي تورط قواته في أحداث شمال دارفور

📌    أها يعني الناس الماتوا ديل وقعت فوقهم صاقعة ؟ 

ه

📰    الصيحة:

👈    توقُّف مركز حاج المرضي لغسيل الكُلى بسبب تلكؤ “القومي”

📌    اللهم أشقق على من شق على عبادك وأرنا عجائب قدرتك فيهم

ه

📰    الصيحة:

👈    السجن (10) سنوات لـ(طبيبة) مدانة بإدارة شقة لترويج المخدرات

📌    أممممك ، تعمل دماغ تحت اشراف طبي 

ه

📰    النيل الدولية:

👈    العثور على مزيد من الجثث في نهر (ستيت) الفاصل بين السودان واقليم التقراي

📌    رسلوهن الامارات برضو 

ه

📰    النيل الدولية:

👈    حمدوك وبلنكين ناقشا تاثير صراع التقراي على المنطقة

📌    عميق ؟ 

ه

📰    النيل الدولية:

👈    فرض الطوارئ في (كولقي) بشمال دارفور وتعزيزات عسكرية لإنهاء النزاع

📌    عقبال الدامر قبلما القرعان والنوبة يخلصوا على بعض

ه

📰    النيل الدولية:

👈    التوم هجو: مسار الوسط مفتوح للجميع لمعالجة قضايا إنسان المنطقة

📌    يلا علينا جاااااي 

ه

📰    النيل الدولية:

👈    انهيار سد لحصاد مياه الأمطار أنشئ حديثا بمليط  نتيجة لعيوب فنية وهندسية

📌    حقو طوالي تشوفوا من نفذ العمل ومن وافق ومن اشرف عليه كلهم تختوهم في المكان الاتكسر وتردموا فوقهم لحدي من تسدوا الفرقة ؟ 

ه

📰    أخبار اليوم: 

👈    ترتيبات لصهر (520) عربة غير مقننة (بوكو حرام) 

📌    قديتونا بالموضوع دا .... لا صهرتوهن لا سكتتوا 

ه

📰    أخبار اليوم: 

👈    نداءات عاجلة لانقاذ الوضع بنهر النيل ووفاة و اصابة (16) وانهيار (1265) منزلا بالسيول 

📌    ديل عادي يتمردغوا ويموتوا ويتكسروا ، مافي منهم مشكلة لأنهم ما حايشيلوا سلاح ولا حا يتمردوا

ه

📰    أخبار اليوم: 

👈    النيل بالخرطوم يتجاوز منسوب الفيضان بـ 36 سم

📌    قولوا لاثيوبيا تبدأ الملء الثالث 

ه

📰    السوداني: 

👈    تدشين “الزرقاء” أول منصة إعلامية متكاملة وسط حضور إعلامي كبير 

📌    حظك يا كمال آفروا بدل قناة جاتك منصة إعلامية كاملة  

ه

📰    السوداني: 

👈    أديب: أملنا ضعيفٌ جداً في الإصلاح القانوني 

📌    على قدر اهل العزم تأتي العزائم 

ه

📰    السوداني: 

👈    (الشيوعي) يشرع في التحضير للمؤتمر العام ويطالب بتعديل قوانين الانتخابات 

📌    نخليها تكون ( نعم و لا) زي بتاعة نميري زمان والا كيف؟ 

ه

📰    السوداني: 

👈    المراجع العام المُقال الطاهر عبد القيوم يَتَلَكَّأ في تسليم مهامه لخلفه 

📌    يمكن ما استلم حقوقه 

ه

📰    السوداني: 

👈    صلاح مناع: الشركة السودانية للموارد المعدنية تعمل بنفس عقلية الماضي

📌    عقلية النظام السابق دي عشرين سنة ما تخلص عشان كدا اشتغلوا رزق اليوم باليوم 

ه

ه 

📌ابووضاح 📌


#اتحاد_مغردي_السودان 

ليست هناك تعليقات:

إرسال تعليق

Adbox