اخر الاخبار

25 أغسطس 2021

دبابيس من الصحف السودانيه

 📌 دبابيس من صحف الأربعاء 25 أغسطس 2021م 

ه


ه

⚠️   *سؤال*

👈   قيل أن سبب غياب بكري حس


ن صالح عن حضور المحكمة يرجع الى أنه حصل له حادث حركة هو وزوجته ، نفهم من كدا انه الحبيب عايش حياته الطبيعية والا الحادث دا حصل لهم في سجن كوبر؟؟....

ه

ه

⚠️   *تعليل منطقي جداً*

👈   بالنسبة لخطاب وزير داخلية الهناء الخاص بتمديد فترة صلاحية الجواز (على قول فيصل القاسم) قال أحدهم: هذا الخطاب "صُنِعَ خصيصاً" لخدمة (الأحباب) المطلوبين للعدالة في تهم تتعلق بالفساد والانتهاكات والجرائم ضد الإنسانية، بالقدر الذي يسمح لهم بالتجول حول العالم لرعاية مصالحهم وأموالهم ، دون أن يحوجهم ذلك للحضور للخرطوم أو للسفارات السودانية سعيا لتجديد جوازاتهم أو الحصول على قسائم سفر، مما قد يعرضهم للوقوع في يد العدالة...... زغرتي يا محاسن ..... 

ه

ه

⚠️   *ثمرات ح 6*

👈   بداً نحن سعيدين جداً ومسرورين بالحركة والروح النشطة التي دبت في القائمين على مشروع ثمرات سواءً كان ذلك بسبب (نقنقتنا) والا همة ونشاط نزل عليهم من السماء.....

المهم.....

أمس الثلاثاء كان هنالك اجتماع ضم المدراء التنفيذيين بالمحليات ومدراء التنمية بالمحليات وممثلين لجان التغيير والخدمات ومكان الاجتماع كان قاعة مفوضية العمل الطوعي والإنساني ولاية الخرطوم....

(أول حاجة) الدعوة بدأت بعبارة (يدعوكم السيد المدير العام - الوزير المكلف - مشرف برنامج دعم الأسر السودانية( ثمرات)) 

طيب سوعال:  الداعي دا المدير العام بتاع وين ، وهل هو مدير عام والا وزير مكلف والا مشرف البرنامج؟ 

والا هل هم ثلاثة اشخاص يدعون لهذا الاجتماع ؟ والا هم زول واحد نظام (3 في واحد) شامبو وبلسم ومرطب.......

(تاني حاجة) والكلام موجه للجميع قصة زول يقول للناس (الكلام دا مايمشي الميديا) دي حقو تنسوها ، أي كلام يطلع منك حا يمشي الميديا ولو ما وداهو الزول القاعد جنبك أوالبعدو حا يوديهو الزول البعديهم ، الزمن دا يا تمرق الشمار يا بي يجي واحد يمرقكم انت  والشمار عشان كدا خبر رفع نثرية المسجلين من 1500 الى 2500 اعتبارا من امس و الذي طلبتم عدم توصيله للمديا ، عفريت من الجن أوصله لنا قبل ان تقوموا من مقامكم.....

(تالت حاجة) اذا كان (عدم توفر تيم الرقم الوطني) هو الذي أدى الى عدم التسجيل ورونا ال 18 مليون دولار الاندفعت للسجل المدني اندفعت مقابل شنو؟؟؟ 

(رابع حاجة) وثائق المشروع نصت بوضوح على أن هنالك نسبة 3.5% عبارة عن عمولة شركات الاتصال والبنوك يدفعها البرنامج (وليس من المواطن) فلماذا يتم خصم 3.5% مرة أخرى من المواطن؟؟؟؟..

📌    على قول (جو شو) استنونا........ 

ه

ه

📰    الوطن:

👈   تصريحات مثيرة للرئيس المعزول بشأن تسليمه للجنائية.

📌    دي حركة في شكل وردة عاوز الناس تشتغل عكس كلامه ويسلموهو للجنائية عشان يرطب ويزوغ من الحر والبعوضة وريحة اللمبي.....

ه

📰    الوطن:

 👈    حزب الأمة القومي: الحكومة تدير البلاد بطريقة الإنقاذ .

📌    قصدكم عشان شلنا عبدالرحمن الصادق وجبنا مريم الصادق ؟ 

ه

📰    الوطن:

👈    مناوي يشكل قوة أمنية مشتركة لحسم التفلتات بدارفور.

📌    هلا هوووووك القائم مقام دور حديدو 

ه

📰    الوطن:

👈    مجلس الوزراء يستعرض تقرير الفيضان وتطبيق التصرف الآمن للمياه.

📌    والتطبيق دا آيفون والا اندرويد ؟ 

ه

📰    الوطن:

 👈    ساطع الحاج: جهات تعمل على إجهاض الثورة .

📌    ان شاءالله لن تنال الا سواد الوجه 

ه

📰    التيار:

👈    رئيس نيابة المعلوماتية ل(التيار) : تلقينا 1850 بلاغاً خلال 3 أشهر

📌    ما تقول لي كلهن من نفس الزول؟ 

ه

📰    التيار:

👈    تطورات جديدة في قضية الصحفي علي الدالي

📌    ربنا يفضحهم كمان وكمان  

ه

📰    التيار:

👈    أول ظهور للقاضي الجديد لمحكمة مدبري انقلاب 1989

📌    اللهم اجعله خير خلف 

ه

📰    الصيحة:

👈    رئيس المجلس العسكري التشادي في الخرطوم الجمعة

📌    خير اللهم اجعله خير 

ه

📰    الصيحة:

👈    حميدتي يدعو لتفعيل القوات المشتركة السودانية الليبية لتأمين الحدود

📌    سلموا قيادتها لقائم مقام دارفور 

ه

📰    الصيحة:

👈    الأصم: الحرية والتغيير وراء تأخير تعيين الولاة

📌    هو نحن في حاجة جابت لنا البهق في المصارين غير البتاعة الاسمها الحرية والتغيير دي ؟

ه

📰    الصيحة:

👈    مجلس الشركاء: غياب التشريعي صنع واقعا أقرب للديكتاتورية

📌    بختكم ، الذين يهبطون من السماء اكتر ناس قاعدين يستفيدوا من الدكتاتورية 

ه

📰    الحراك السياسي:

👈    غرفة المستوردين تتهم التجارة بعرقلة الاستيراد

📌    استيراد شنو بالضبط؟ 

ه

📰    الحراك السياسي:

👈    التشريعي يتصدر أجندة اجتماع الآلية الأول اليوم

📌    الآلية ذاتها ما عندها مصلحة في التشريعي 

ه

📰    الحراك السياسي:

👈    ارتفاع معدلات الإصابة بفيروس الكبد الوبائي بالجزيرة

📌    دي آخرة لمليم الناس واللاجئين بدون نظام 

ه

📰    الحراك السياسي:

👈    انعدام 3 أصناف من الأدوية والأسعار تتصاعف 3 مرات

📌    تقريبا البلد دي شغالة بسياسة الموت الرحيم 

ه

📰    اليوم التالي:

👈    احتجاز متحرين بنيابة التمكين

📌    طباخ السم بي يضوقه 

ه

📰    اليوم التالي:

👈    المراجع العام المقال يكمل التسليم والتسلم اليوم

📌    التسليم التسلم دا شامل ال 180 تقرير ال كان سلمهن للسيادي وتاني ما سمعنا عنهن شي ؟ 

ه

📰    اليوم التالي:

👈    تربية الخرطوم: لم يصلنا ما يفيد بتأجيل العام الدراسي

📌    يصلكم من وين ؟ 

ه

📰    اليوم التالي:

👈    مختصون: سرية الحسابات المصرفية تجذب الكتلة النقدية إلى البنوك

📌    سرية شنو هو البنك المركزي ما عنده سرية 

ه

📰    اليوم التالي:

👈    قيادي بالترتيبات الأمنية: المواقف ما زالت غير واضحة حتى الآن

📌    أبو الزفت الترتيبات الأمنية بقى عندها قياديين برضو ؟

ه

📰    النيل الدولية:

👈    تأجيل  محكمة مدبري انقلاب يونيو  لغياب عدد من المتهمين ومحامي الدفاع.

📌    اذا كانت الملهاة تسمى كوميديا والمأساة تسمى تراجيديا فان محكمة مدبري انقلاب الإنقاذ يجب أن تسمى طوطحانيديا 

ه

📰    النيل الدولية:

👈    البشير يرفض محاكمته أمام الجنائية الدولية.

📌    ما عندك طريقة ترفض او تقبل وعلى قول المثل : المبلول في يد البالي 

ه

📰    النيل الدولية:

👈    الأمم المتحدة توافق على سحب القوات الإثيوبية من أبيي.

📌    الله يستر مايقوم هناي يجيب قوات مصرية بدلها 

ه

📰    السودانيٰ: 

👈    تأجيل جديد لقضية (شركة زين) ضد صلاح مناع .

📌    مانعهم النوم 

ه

📰    السودانيٰ: 

👈    السودان للمجتمع الدولي : أتركوا الافغان ليقرروا مصيرهم .

📌    أممممك ... بقينا نأمر المجتمع الدولي 

ه

ه 

📌ابووضاح 📌



#اتحاد_مغردي_السودان 

ليست هناك تعليقات:

إرسال تعليق

Adbox