اخر الاخبار

23 أغسطس 2021

دبابيس من الصحف السودانيه

 📌 دبابيس من صحف الاثنين 23 أغسطس 2021م 

ه



ه

⚠️ *برقية (1) عاااااجل:*

👈 الى السيد نائب محافظ بنك السودان : خطابكم السري للمصارف والخاص بتجميد عدد (163) حساب بنكي يبدأ ب (1) عباس البشير وينتهي ب (163) عمر يوسف محمد الهلالي والموقع من قبل أماني علي محمد ورحاب حسين عمر نفيدكم بأن هذا الخطاب الليل كله حايم في الواتساب ، بدأ من الكرين في بحري وانت ماشي وأظنه عبر الخليج ومرقها في الهند والسند..... 

📌 قلنا لكم نضفوا الفلول......

ه

ه

⚠️ برقية (2) 

👈 الى مستشفى ابراهيم مالك ....

مجاريكم طفحت وريحتكم وصلتنا فنرجو منكم ابقاء قسم العظام مغلق كما هو وربط الأحزمة والامتناع عن التدخين وابقاء الخريج الجديد ال عينتوهو مدير دا في مكانه لحين انتهاء الرحلة....

📌 دا التيك اوف ، نتلاقى في الهبوط....ان شاءالله يكون هبوط ناعم......

ه

ه

⚠️ *ثمرات ح 4*

👈 طبعا موضوع ال 40 مليون دولار وال 10 مليون دولار مصاريف إدارية (علي اليمين انا كانت فاكرها 10 مليون والله صححوني وقالوا لي وصلناها 15 مليون) وال 18 مليون دولار الاندفعت دا كلو ما ناسينو لكن الانجليز قالوا (look after the pennies , the pounds will look after themselves) بمعنى خلي بالك من القرش والقرشين الجنيه براهو بخلي بالو من روحو...... 

عشان كدا خلونا الليلة نسألكم من القرش والقرشين....

بالنسبة للبيان الصادر بخصوص النثرية الأولى ، لتجهيز مراكز تسجيل ثمرات داخل الوحدات الادارية - بمحلية كرري والذي يقول : نحطيكم علما بأنه تم تسليم مبلغ 100الف لمدراء الوحدات ( الريف الشمالي- الشمالي. الثوره شرق. كرري وسط. الريف الشمالي - الجنوبي. الفتح الغربيه. الفتح الشرقية. كرري شمال.. الثوره شرق.) ومبلغ 150 الف لوحدتي (الثوره غرب وكرري غرب.) وذلك لتجهيز المراكز في اي وحده ادارية بالاتي :

1- صيوانات

2- حفاظات وتلج

3- ايجار كراسي

📌 اها دي نسأل منها منو؟ وهل استلموها فعلا والا لا ؟ 

واذا استلموا ماهي آلية الصرف ؟ 

علماً بأن هنالك مراكز لا فيها صيوانات ولا تلج ولا كراسي.......

وفي مراكز مافيها شبكة والناس الشغالين فيها على جمع البيانات قاعدين يشيلوا التابات ويروحوا بيوتهم يتموا الشغل هناك.......

*ودا كلو كوم* 

والكوم التاني انه بدأت تلوح في الافق مظاهر الرشوة في بعض المناطق للتسجيل او لسرعة التسجيل 

دا غير التسجيل الدبل والناس الصرفوا مرتين مرتين والناس الرفعوا ليهم صرفيتهم من 2500 الى 6الف بغض النظر عن عدد افراد الأسرة أو سعر الدولار......

يا ناس هووووي لو انتو معتمدين على انه نحن فارات وداقسين والشغل المدغمس دا بي يقسم معانا صدقوني الموضوع دا مابيقسم مع الامم المتحدة ولا مع البنك الدولي وزي ما نحن عندنا عيون وشايفين الخمج دا هم كمان عندهم عيون وشايفين الخمج دا وسجلاتكم المضروبة السلمتوهم ليها ما عاجباهم ومصيرهم يراجعوها (واحتمال يسألونا ولو سألونا بي نفتو ليهم) ولو تماديتوا في هذه الفهلوة أقطع دراعي لو ما وقفوا ليكم الموضوع دا..... وابقوا قراب .... مازال الليل طفل يحبو.....

ه

ه

📰 الوطن:

👈 إمراة تدعي النبوة وتأمر بقتل عدد من الأشخاص.

📌 ياربي تكون دي النبي نيقرز ؟ 

ه

📰 الوطن:

👈 البنك المركزي يسمح للمصارف بفتح التمويل العقاري للأفراد.

📌 عقاري ال بي حالي ماهو داري يا خالييييي 

ه

📰 الوطن:

👈 إزالة التمكين تكشف عن حسابات ترليونية بأسماء وهمية.

📌 كدي ورونا الأسماء يمكن يكون اسمنا مطابق نقوم نتصلبت فيكم 

ه

📰 الوطن:

👈 اطلاق مبادرة شعوب بني شنقول و رئيسها يطالب الحكومة الانتقالية بتبني قضاياهم.

📌 الحكومة تطير عيشتها هي الناس الجابوها ما قادرة تتبنى قضاياهم 

ه

📰 الوطن:

👈 حزب الأمة القومي: سنناهض توقيع إتفاق سلام مع إسرائيل.

📌 كدي راجعوا التاريخ قبلما تناهضوا ساكت 

ه

📰 التيار:

👈 ارتفاع تسرب التلاميذ لتردي الوضع الإقتصادي

📌 هي المدارس فاتحة والا دي توقعات يا مرسي؟ 

ه

📰 التيار:

👈 والي البحر الاحمر يعلن عودة تشغيل البارجة التركية تدريجياً

📌 تدريجيا كيف يعني؟ تنور الغرف أولا بعدين الحوش والا كيف . 

ه

📰 التيار:

👈 لجنة التفكيك تستهدف حسابات بنكية مشبوهة و تطيح بمافيا العملات

📌 تستهدف ممكن لكن تطيح بالمافيا لسع بدري عليها 

ه

📰 الصيحة:

👈 حاكم إقليم دارفور: حميدتي بذل جهودًا مقدّرة في استكمال السلام

📌 خلاص بالهناء ياقول الفاضل سعيد الله يرحمه 

ه

📰 الصيحة:

👈 رئيس آلية مبادرة حمدوك لـ”الصيحة”: لن نستثني أحدًا وسنتّصل بالجميع

📌 يعني حا تتصلوا على علي كرتي ومعتزموسى وعبد الحي ؟ 

ه

📰 الصيحة:

👈 والي شمال كردفان يكشف عن مفاجآت بشأن ملفات الفساد

📌 قديمة 

ه

📰 اليوم التالي:

👈 حجز وتجميد”163″ حساب مصرفي

📌 وييييين يا ، أصحاب الحسابات بلغهم الخبر قبل لا تحجزوها 

ه

📰 اليوم التالي:

👈 اتّهام مسؤول في القضارف بالانتماء للأمن الشعبي

📌 حلفوه ولما يحلف صدقوه أنا عارف قلبو ابيض العوازل جننوه 

ه

📰 اليوم التالي:

👈 قيادي بالشعبي: مبادرة حمدوك أقصت الإسلاميين

📌 الإسلاميين اقصتهم عمايلهم السوداء 

ه

📰 الحراك السياسي:

👈 وزير الطاقة: مهلة الـ”6″ أشهر لحلّ أزمة الكهرباء”ملفقة”

📌 نقول سنة يعني ؟ 

ه

📰 الحراك السياسي:

👈 قيادي بالتغيير: محافظ المركزي يمنح رموز النظام البائد استثناءات

📌 الدم بي يحن 

ه

📰 الحراك السياسي: 

👈 امرأة تدعي النبوة وتتزّعم شبكة للشعوذة بالحصاحيصا

📌 كدي شوفوها يمكن تعرف لنا الزول الزمان شفط قروش المودعين من بنك الحصاحيصا وصبح البنك فاضي 

ه

📰 الحراك السياسي:

👈 توقّعات بموجة تدفقات جديدة للاجئين الإثيوبيين عبر معبر حمداييت

📌 نتمنى تجينا موجة تدفق دولارات بدل لاجئين 

ه

📰 النيل الدولية:

👈 البرهان يؤكد ضرورة وحدة قوى الحرية والتغيير.

📌 كمان جاتنا وحدة القرعة والقحف ؟ 

ه

📰 النيل الدولية:

👈 لجنة إزالة التمكين تضع يدها على 90 حساباً مصرفياً.

📌 ديل عند الكيزان ممكن تكون بتاعة كوز واحد اذا كان الواحد فيهم يمتلك 400 قطعة أرض 

ه

📰 النيل الدولية:

👈 المفوض السامي لشؤون اللاجئين يزور السودان.

📌 ما بدري يا خليفة ، ياخ انت مفروض تكون ساكن عندنا سكنة 

ه

📰 النيل الدولية:

👈 مصرع أم وابنها يرفع ضحايا السيول إلى 28.

📌 لا حول ولا قوة الا بالله ربنا يرحمهم ويتقبلهم شهداء 

ه

📰 النيل الدولية:

👈 إصابتان جديدتان بكورونا ولا وفيات جديدة.

📌 جعلها الله آخر الإصابات 

ه

📰 النيل الدولية:

👈 استمرار الاحتجاجات المنددة بانقطاع الكهرباء في بورتسودان.

📌 مابنلومهم والله 

ه

📰 السودانيٰ:

👈 لدى لقائه لجنة إصلاح قوى التغيير .. البرهان يشدد على أولوية تشكيل مفوضية الانتخابات.

📌 المفوضية القديمة مافي ميكانيكي ود حلال يقدر يصلحها ؟ 

ه

📰 السودانيٰ:

👈 وجدي صالح: اتّهام مُقرِّر لجنة التفكيك بالقضارف بالانتماء للمؤتمر الوطني تضليلٌ.

📌 جايز ، كل شي في البلد دي جايز 

ه

📰 السودانيٰ:

👈 عودة التروس .. اعتصام في مناطق انتاج البترول

📌 تنقد الرهيفة 

ه

📰 السودانيٰ:

👈 تحالف العدالة الاجتماعية يرفض آلية مبادرة حمدوك

📌 لماذا يا هذا ، أهي رجس من عمل الشيطان 

ه

📰 السودانيٰ:

👈 القيادي بالحركة الشعبية شمال (الحلو) محمد يوسف أحمد المصطفى لـ(السوداني): في هذه الحالة سنواصل النضال والنصر أكيد.

📌 والله الزول دا انا شاكي فيه انه مؤتمر وطني 

ه

📰 السودانيٰ:

👈 مسيرات تأييد لوالي جنوب دارفور ووقفات احتجاجية ضده.

📌 الأخ كان شغال سبعة تمانية والا دي تجي كيف 

ه

📰 السودانيٰ:

👈 بسبب كورونا نيابة التفكيك تطلق سراح ثلاث من التجار المحتجزين.

📌 يعني خليتوهم للأقوى منكم؟

ه

ه 

📌ابووضاح 📌



#اتحاد_مغردي_السودان 

ليست هناك تعليقات:

إرسال تعليق

Adbox