اخر الاخبار

07 سبتمبر 2021

بكرة الدواس بكرة الكلام الجد

 بكرة الدواس بكرة الكلام الجد


بقلم

الاغر عبدالله محمد







بكره الدواس بكره الكلام الجد

بكره ياوطن احرص تشوف الغد

اللعب  انتهى  بلغ  صبرنا الحد

الوطن انعطب من الجذب والشد

الأمن انفلت المظلوم يلاقى الصد

النهب جهارا مافى خوف من حد

الشرطه الامينه رمز

الحمى والجد

بقت هزيله  يصعب عليها الرد

قياده  تايهه  لاتعلم اعظم بند

امن  الوطن  انفلاته عملا  اد

قياداتها   الرشيده حصدهم امتد

والصالح  العام  كان بداية العد

عد  الاشكال ال للوطن بالظلم اقعد

سبب الجموع تخرج هدير ترعد

عازمه تحاسب كل من ظلم أفسد

فى رحاب كل الوطن

تراب ممتد

لصوص الثوره كانوا المعيق والسد

لكل  اصلاح  نفاقا بالكلام الشهد

وقفتنا  بكره  بعطر البخور والند

حريه  سلام  عداله والزعيم الغد

أما   حصدنا   نصرا للوطن اسعد

أما جسدنا  هانى فى قبورنا اتوسد

عشان تاريخنا لينا فى

السطور يشهد

شعارنا دوما  فليكن للرهيفه القد



#اتحاد_مغردي_السودان 

ليست هناك تعليقات:

إرسال تعليق

Adbox