اخر الاخبار

01 أكتوبر 2021

دبابيس من الصحف السودانيه

 📌   دبابيس من صحف الخميس 30 سبتمبر 2021م 

ه



ه

⚠️    *بالواضح كدا*:

👈   من هسع أي محامي تسول له نفسه الدفاع عن دواعش خلية جبرة مفروض الناس يردموهو وتتم مقاطعته حتى داخل الحي الذي يقطنه.........  

ه

ه

⚠️   *عمليات تخريب بخط السكة حديد وإلغاء قطار عطبرة*:

👈    الخرطوم- (تاق برس)- أعلنت هيئة السكك حديد، عن الغاء رحلة قطار عطبرة الذي كان مزمع وصوله اليوم، نتيجة لقطع متعمد لخط السكة بالقسم شندي بالتراجمة بالقرب من سيماقور، المساقات لمحطة التراجمة جهة شندي، مما أدى إلى سقوط وابور بضاعة 2000 ومع ثلاثة عربات خارج الخط الحديدي......

📌   فعلا يفوقون سوء الظن العريض.......

ه

ه

⚠️   *اقوال ماسورة*:

👈    مبارك الفاضل : ماذا دهانا لماذا هذا التدهور ناتي بأعضاء مجلس سيادة لامكانة اجتماعية ولا سياسية لهم فقط موظف صحفي.........

📌    غلط مننا والله مفروض نفتش الحرامية الكبار المعروفين المتخصصين في امتصاص دم الشعب ونجيبهم اعضاء لمجلس السيادة......  

ه  

ه

⚠️   *أقل من مائة ميقاواط”... حجم الكهرباء التي تصدرها مصر للسودان*:

👈    قالت وزارة الكهرباء المصرية، إنه تم الانتهاء من مشروع الربط الكهربائي المصري السوداني مزدوج الدائرة توشكا وادي حلفا في تكلفة 497.6 مليون جنيه، موضحة أنه في يناير 2020 تم إطلاق الجهد حيث بلغت أقصى قدره كهربائية يتم تصديرها للجانب السوداني حوالي (84) ميجاوات.......

📌    قال على رأي المثل: يا مشتهي السمنه من النملة يحرم عليك الفطير......

ه

ه

ه

📰    الوطن:

👈     القبض على زعيم خلية داعش بالخرطوم

📌     ماتجرجرونا في محاكم ومحامين وعلقنة فارغة اعدموا المجرمين في ميدان عام حتى يتعظ شركاءهم 

ه

📰    الوطن:

👈    “2” مليار دولار من البنك الدولي للسودان.

📌     تراهو دا الكلام البخلي نفس الزول يقول الناس ديل 

ه

📰    الوطن:

👈    مؤتمر دولي في الأمم المتحدة لدعم الانتقال بالبلاد اليوم

📌     المجتمع الدولي يدعمنا وناسنا يفككوا قضيب السكة حديد ويقفلوا الطرق القومية 

ه

📰    الوطن:

👈    وزير الطاقة مخزون الوقود كافي والوضع مستقر

📌     الله يبشرك بالخير 

ه

📰    الحراك السياسي:

👈    رئيس البنك الدولي يخاطب العالم من الخرطوم

📌     عليكم الله خلوهو يسجل زيارة للمخلوع نفسه يشوفه قبل ما يموت 

ه

📰    الحراك السياسي:

👈    خبراء أمنيون يطالبون بسنّ قانون يجرّم تأجير العقارات لأجانب بلا وثائق

📌     والله دا الوضع الطبيعي في البلاد المحترمة 

ه

📰    الحراك السياسي:

👈    خبراء يحدّدون ”5″ فوائد لإعادة جدولة وسداد الديون

📌     الديون خلاص عرفنا نظامها مشكلتنا في الديوك 

ه

📰    الحداثة:

👈    المبعوث الأمريكي للقرن الأفريقي يجدّد دعم بلاده للحكومة الانتقالية بقيادتها المدنية

📌     لما قال المدنية وما جاب وراها واو العطف ومعاهو المعطوف على المدنية في ناس بلعوا ريقهم من الزعل سمع اضاني قال كرررج 

ه

📰    الحداثة:

👈    اتّفاق مع البنك الدولي لتمويل 17 مشروعًا بالسودان

📌     حقو المشاريع دي توزع على الاقاليم التي لا تعيق الديموقراطية والحكم المدني 

ه

📰    الحداثة:

👈    المئات يشاركون في موكب الحزب الشيوعي بالخرطوم

📌     وين البتاعين يطلعوا بزحف مضاد ؟ 

ه

📰    الحداثة:

👈    وصول ”4″ آلاف لاجئ إثيوبي إلى محلية باسندا بولاية القضارف

📌     باسندا دي قربت تبقى با اببا 

ه

📰    الصيحة:

👈    حميدتي وقلواك يتّفقان على جدول لتنفيذ اتّفاقية جوبا للسلام

📌     أمممممك حميدتي نزل دوام 

ه

📰    الصيحة:

👈    محمد عصمت: لا مكان للوطني ومن شاركه في الفترة الانتقالية

📌     لا مجال للوطني نعم لكن من شاركه دي لنا فيها نظر لأن بعض الناس شاركوا مجبرين الا من فسد  

ه

📰    الصيحة:

👈    السودان يتعاقد مع شركات عالمية لصيانة وإنشاء طرق جديدة

📌     نحن هسع محتاجين شركة تعمل لنا (ترك) جديد 

ه

📰    الصيحة:

👈    رئيس تمازج: الجيش والدعم السريع ساهما في التغيير بشكلٍ كبيرٍ

📌     مين دا ؟ 

ه

📰    الصيحة:

👈    الأمين داؤود: مسار الشرق ”جمّد” حتى انعقاد المؤتمر التشاوري

📌     ودي حاجة كويسة والا وحشة اصلو الموضوع جاط علينا 

ه

📰    النيل الدولية:

👈    حمدوك يؤكد جاهزية الحكومة الانتقالية لتنفيذ اتفاق جوبا لسلام السودان

📌     الناس ديك جاهزين؟ 

ه

📰    النيل الدولية:

👈    محققون: خلية (داعش) خططت لتنفيذ عمليات إرهابية وجرى توقيفها بأمر النيابة

📌     هو النيابة شغالة ؟ نحن قايلنها واقفة 

ه

📰    النيل الدولية:

👈    التربية والتعليم تعلن اكتمال تصحيح الشهادة السودانية

📌     بالتوفيق لكل الطلاب والطالبات 

ه

📰    أخبار اليوم :

👈    مصدر بالمخابرات يكشف معلومات جديدة وخطيرة حول خلية جبرة

📌     اعرفوهم لينا كانوا قاعدين يصلوا وراء منو 

ه

📰    أخبار اليوم :

👈    القبض على شبكة إجرامية تعمل في تزوير رخص القيادة وشهادات بحث المركبات و اللوحات

📌     باكر يفكوهم يرجعوا كما كانوا او احتمال يغيروا النشاط لتزوير العملة او الجوازات والرقم الوطني 

ه

📰    أخبار اليوم :

👈    وزير مجلس الوزراء يقف على الوضع الصحي بالبلاد

📌     اعمل حسابك يازول الوضع دا ما يقع بك

ه

📰    السوداني:

👈    المبعوث الأمريكي يحذر من إيقاف دعم الكونغرس عن السودان

📌     الشعب ذنبه شنو ؟ انتو بدل ما توقفوا الدعم تعالوا سوقوا الناس الممكن يتسببوا في ذلك نحن عافين لكم 

ه

📰    السوداني:

👈    تجمع المهنيين يدعو للخروج في مواكب الحكم المدني اليوم

📌     طولتوا الغيبة ان شاءالله الناس ما يكونوا نسوكم 

ه

📰    السوداني:

👈    الحكم على صيدلي بالسجن لمدة عام بالجزيرة

📌     ياخي زول يسرق داء الاطفال دا مفروض يتسجن في قفص ويوضع في ميدان عام عشان اي زول فايت يتف عليهو 

ه

📰    السوداني:

👈    الأمم المتحدة: على أطراف الانتقال الانخراط في حوار شامل لطي الخالفات

📌     هو اصلا مافي خلافات في كراهية بس

ه

ه

📌ابووضاح 📌




#اتحاد_مغردي_السودان

ليست هناك تعليقات:

إرسال تعليق

Adbox