اخر الاخبار

الخميس، 30 يوليو 2020

ولد في ظلام الظلم وعاش حتئ نور الثورة

مذكرات
♦️ الحلقه الثانيه
ولد في ظلام الظلم وعاش حتئ نور الثورة





سنه ٨٨ قبل الفيضان الامور كانت ملخبته جدا مظاهرات
اعتقالات بنزين مافي وقود عموما مافي ولا علاج ولا قروش ولا اي خدمات الوضع كان ماشي متازم جدا نحنا طلعنا من امدرمان مشينا بحري الدروشاب قضينا الفيضان كلو هناك خوفا من الاعتقالات والفيضان.
وبعد انتهاء الفيضان رجعنا امدرمان العباسيه بيت جدي ح ابو  س الله يرحمه عشان نختفى هناك لانو كانت في اشاعات بانه عايزين يعتقلونا و في محاوله انقلابيه من الجيش بس هم منو ما معروف ونحن كان عندنا حدث بانو هم الاسلامين ناس الجبهه.
بعد فتره تم اعتقالنا من بيت جدي وحتى جدي ما سلم لانه كان زعيم الاتحادين الاب الروحى بعد المرغنى.
طلعنا بعد كم و أربعين يوم.
مشينا امبده برضو حركه تضليل.
المهم لحدي شهر سته جاءنتا معلومه مؤكده بقيام انقلاب لانه زي ما قلت ليك البيت القمنا فيهو يساريين وجبهه إسلامه بس كنا بعيدين منهم خوفا من الاعتقالات.
عرفنا بعد داك انو ر ح خ هي من قام ب كتابه بيان الانقلاب بامر من الترابى وجاء اخد البيان في الوقت داك الرائد طيار م ا من الثوره الحاره ١٤ يوم
 29/6/1989
بالليل وكان ساكن وادي سيدنا تم في نفس الليله اعتقال الترابى ومجموعه من الاسلامين في كوبر .
يوم ٣٠ بالليل طلع البيان وتمت كميه من الاعتقالات ونحن بعد فتره جو اعتقلونا من امبده برضو قعدنا سته شهور في المعتقل ومنها طلعنا تانى للعمل السياسي في الخفاء.
نشتغل فتره نقيف فتره يعتقلونا فتره وهكذا حتى شردنا خارج السودان.

ليست هناك تعليقات:

إرسال تعليق

Adbox